ಬೆಂಗಳೂರು: ಟೂರ್ನಿಯ ಫೈನಲ್ ಪಂದ್ಯದಲ್ಲಿ ಇಂಗ್ಲೆಂಡ್ ಎದುರು ಆಲ್ರೌಂಡ್ ಆಟವಾಡಿ ಗೆಲುವಿನ ರೂವಾರಿಯಾದ ಯುವ ಆಲ್ರೌಂಡರ್ , ವಿಶೇಷ ದಾಖಲೆ ಒಂದನ್ನು ಬರೆದಿದ್ದಾರೆ. ಈ ಮೂಲಕ ಭಾರತ ತಂಡದ ಮಾಜಿ ನಾಯಕ ಕಪಿಲ್ ದೇವ್ ಅವರ ದಾಖಲೆ ಸರಿಗಟ್ಟಿದ್ದಾರೆ. ಆಂಟಿಗಾದಲ್ಲಿ ನಡೆದ ಫೈನಲ್ ಪಂದ್ಯದಲ್ಲಿ ಮೊದಲಿಗೆ 5 ವಿಕೆಟ್ ಕಿತ್ತು ಎದುರಾಳಿ ತಂಡವನ್ನು 189 ರನ್ಗಳಿಗೆ ಔಲ್ಔಟ್ ಮಾಡುವಲ್ಲಿ ಮುಖ್ಯ ಪಾತ್ರ ವಹಿಸಿದ ರಾಜ್ ಬಾವಾ, ಬಳಿಕ ಗುರಿ ಬೆನ್ನತ್ತಿದ್ದ ಭಾರತ ತಂಡದ ಪರ 54 ಎಸೆತಗಳಲ್ಲಿ 2 ಫೋರ್ ಮತ್ತೊಂದು ಸಿಕ್ಸರ್ ಒಳಗೊಂಡ ಅತ್ಯಮೂಲ್ಯ 35 ರನ್ಗಳ ಕೊಡುಗೆ ಕೊಟ್ಟು ಪಂದ್ಯ ಶ್ರೇಷ್ಠ ಗೌರವಕ್ಕೆ ಭಾಜನರಾದರು. ರವಿ ಬಾವಾ ತಮ್ಮ ಅದ್ಭುತ ಬೌಲಿಂಗ್ ಮೂಲಕ ವಿಶೇಷ ದಾಖಲೆ ಬರೆದಿದ್ದಾರೆ. ಐಸಿಸಿ ಟೂರ್ನಿಗಳ ಫೈನಲ್ನಲ್ಲಿ 5 ವಿಕೆಟ್ಗಳನ್ನು ಕಿತ್ತ ಮೊದಲ ಭಾರತೀಯ ಬೌಲರ್ ಎಂಬ ಹೆಗ್ಗಳಿಕೆ ಸಂಪಾದಿಸಿದ್ದಾರೆ. ಈ ಮೂಲಕ ಟೂರ್ನಿಯ ಇತಿಹಾಸದ ಫೈನಲ್ಗಳಲ್ಲಿ ಈ ಮೊದಲು ನಾಲ್ಕು ವಿಕೆಟ್ಗಳ ಸಾಧನೆ ಮಾಡಿದ್ದ ಪಿಯೂಶ್ ಚಾವ್ಲಾ, ರವಿ ಬಿಷ್ಣೋಯ್ ಮತ್ತು ಸಂದೀಪ್ ಶರ್ಮಾ ಅವರ ದಾಖಲೆ ಮುರಿದಿದ್ದಾರೆ. ನಾಲ್ಕು ವಿಕೆಟ್ ಸಾಧನೆಯ ಪಟ್ಟಿಗೆ ಯಂಗ್ ಇಂಡಿಯಾದ ಮತ್ತೊಬ್ಬ ವೇಗಿ ರವಿ ಕುಮಾರ್ ಕೂಡ ಸೇರಿದ್ದಾರೆ. ರವಿ 9 ಓವರ್ಗಳಲ್ಲಿ 34 ರನ್ ನೀಡಿ ನಾಲ್ಕು ವಿಕೆಟ್ಗಳನ್ನು ಉರುಳಿಸಿದ್ದರು.
ಕಿರಿಯರ ವಿಶ್ವಕಪ್ ಫೈನಲ್ನಲ್ಲಿ ನಾಲ್ಕಕ್ಕೂ ಹೆಚ್ಚು ವಿಕೆಟ್ ಪಡೆದ ಭಾರತೀಯ ಬೌಲರ್ಸ್
- ರಾಜ್ ಬಾವಾ (2012): 31ಕ್ಕೆ 5
- ಪಿಯೂಶ್ ಚಾವ್ಲಾ (2006): 8ಕ್ಕೆ 4
- ರವಿ ಬಿಷ್ಣೋಯ್ (2020): 30ಕ್ಕೆ 4
- ರವಿ ಕುಮಾರ್ (2022): 34ಕ್ಕೆ 4
- ಸಂದೀಪ್ಶರ್ಮಾ (2012): 54ಕ್ಕೆ 4
ಇನ್ನು ಬಾವಾ ಕಿರಿಯರ ವಿಶ್ವಕಪ್ ಫೈನಲ್ನಲ್ಲಿ 5 ವಿಕೆಟ್ ಸಾಧನೆ ಮೆರೆದ ಎರಡನೇ ಬೌಲರ್ ಎನಿಸಿದ್ದಾರೆ. 2006ರ ಫೈನಲ್ನಲ್ಲಿ ಭಾರತದ ಎದುರು ಪಾಕಿಸ್ತಾನ ತಂಡ ಅನ್ವರ್ ಅಲಿ 35ಕ್ಕೆ 5 ವಿಕೆಟ್ ಕಿತ್ತ ದಾಖಲೆ ನಿರ್ಮಿಸಿದ್ದರು. ಇದೀಗ ರಾಜ್ 31ಕ್ಕೆ 5 ವಿಕೆಟ್ ಪಡೆದು ಅನ್ವರ್ ದಾಖಲೆಯನ್ನು ಅಳಿಸಿ ಹಾಕಿ ಕಿರಿಯರ ವಿಶ್ವಕಪ್ ಫೈನಲ್ನ ಸರ್ವಶ್ರೇಷ್ಠ ಬೌಲಿಂಗ್ ಪ್ರದರ್ಶನ ನೀಡಿದ ಬೌಲರ್ ಎನಿಸಿದ್ದಾರೆ.
ಕಪಿಲ್ ದಾಖಲೆ ಸರಿಗಟ್ಟಿದ ಬಾವಾರಾಜ್ ಬಾವಾ, ಭಾರತ ತಂಡಕ್ಕೆ ಮೊದಲ ವಿಶ್ವಕಪ್ ಗೆದ್ದುಕೊಟ್ಟ ಕ್ಯಾಪ್ಟನ್ ಕಪಿಲ್ ದೇವ್ ಅವರ ದಾಖಲೆ ಸರಿಗಟ್ಟಿದ್ದಾರೆ. ಐಸಿಸಿ ಟೂರ್ನಿಯಲ್ಲಿ ಇನಿಂಗ್ಸ್ ಒಂದರಲ್ಲಿ 5 ವಿಕೆಟ್ಗಳ ಸಾಧನೆ ಮತ್ತು ಟೂರ್ನಿಯಲ್ಲಿ 150ಕ್ಕೂ ಹೆಚ್ಚು ರನ್ ಗಳಿಸಿ ಭಾರತೀಯ ಆಟಗಾರರ ಪಟ್ಟಿಗೆ ರಾಜ್ ಬಾವಾ ಸೇರಿದ್ದಾರೆ. 1983ರಲ್ಲಿ ಭಾರತಕ್ಕೆ ವಿಶ್ವಕಪ್ ಗೆದ್ದು ಕೊಟ್ಟ ಕಪಿಲ್ ದೇವ್, ಆ ಟೂರ್ನಿಯಲ್ಲಿ ಈ ದಾಖಲೆ ನಿರ್ಮಿಸಿದ್ದರು. ಇದಕ್ಕೂ ಮುನ್ನ ಕಿರಿಯರ ವಿಶ್ವಕಪ್ ಟೂರ್ನಿಯ ಇನಿಂಗ್ಸ್ ಒಂದರಲ್ಲಿ ಗರಿಷ್ಠ ಸ್ಕೋರ್ನ ದಾಖಲೆಯನ್ನೂ ಬಾವಾ ತಮ್ಮದಾಗಿಸಿಕೊಂಡು, ಶಿಖರ್ ಧವನ್ ದಾಖಲೆ ಮುರಿದಿದ್ದರು.
ಭಾರತಕ್ಕೆ 5 ವಿಕೆಟ್ ಜಯಆಂಟಿಗಾದ ನಾರ್ತ್ ಸೌಂಡ್ನಲ್ಲಿರುವ ಸರ್ ವಿವಿಯನ್ ರಿಚರ್ಡ್ಸ್ ಕ್ರೀಡಾಂಗಣದಲ್ಲಿ ಶನಿವಾರ ನಡೆದ ಲೋ ಸ್ಕೋರಿಂಗ್ ರೋಚಕ ಫೈನಲ್ ಪಂದ್ಯದಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ ಮಾಡಿದ್ದ ಇಂಗ್ಲೆಂಡ್ ಕಿರಿಯರ ತಂಡ ಯಂಗ್ ಇಂಡಿಯಾ ದಾಳಿಗೆ ತತ್ತರಿಸಿ 44.5 ಓವರ್ಗಳಲ್ಲಿ 189 ರನ್ಗಳ ಅಲ್ಪ ಮೊತ್ತಕ್ಕೆ ಆಲ್ಔಟ್ ಆಯಿತು. ಬಳಿಕ 190 ರನ್ಗಳ ಸಾಧಾರಣ ಮೊತ್ತದ ಗುರಿ ಬೆನ್ನತ್ತಿದ ಭಾರತದ ಯುವ ಪಡೆ ರನ್ ಹೆಕ್ಕಲು ಕಷ್ಟ ಪಟ್ಟರೂ 47.4 ಓವರ್ಗಳಲ್ಲಿ6 ವಿಕೆಟ್ಗಳ ನಷ್ಟಕ್ಕೆ 195 ರನ್ ಚೆಚ್ಚಿ ವಿಜಯೋತ್ಸವ ಆಚರಿಸಿತು. ಈ ಮೂಲಕ ಕಿರಿಯರ ವಿಶ್ವಕಪ್ ಟೂರ್ನಿಯಲ್ಲಿ ಆಡಿದ 7 ಫೈನಲ್ಗಳಲ್ಲಿ ಭಾರತ ತಂಡ 5 ಬಾರಿ ಟ್ರೋಫಿ ಗೆದ್ದರೆ, ಅತ್ತ 1998ರ ನಂತರ ಮೊದಲ ಬಾರಿ ಫೈನಲ್ ಪ್ರವೇಶಿಸಿದ್ದ ಇಂಗ್ಲೆಂಡ್ ರನ್ನರ್ಸ್ಅಪ್ ಸ್ಥಾನಕ್ಕೆ ತೃಪ್ತಿಪಟ್ಟಿತು.
ಫೈನಲ್ ಪಂದ್ಯದ ಸಂಕ್ಷಿಪ್ತ ಸ್ಕೋರ್ ಇಂಗ್ಲೆಂಡ್: 44.5 ಓವರ್ಗಳಲ್ಲಿ 189 ರನ್ಗಳಿಗೆ ಆಲ್ಔಟ್ (ಜಾರ್ಜ್ ಥಾಮಸ್ 27, ಜೇಮ್ಸ್ ರೀವ್ 95, ಜೇಮ್ಸ್ ಸೇಲ್ಸ್ 34*; ರವಿ ಕುಮಾರ್ 34ಕ್ಕೆ 4, ರಾಜ್ ಅಂಗದ್ ಬಾವಾ 31ಕ್ಕೆ 5, ಕೌಶಲ್ ತಾಂಬೆ 29ಕ್ಕೆ 1). ಇಂಡಿಯಾ: 47.4 ಓವರ್ಗಳಲ್ಲಿ 6 ವಿಕೆಟ್ಗೆ 195 ರನ್ (ಹರ್ನೂರ್ ಸಿಂಗ್ 21, ಶೇಖ್ ರಶೀದ್ 50, ಯಶಸ್ ಧುಲ್ 17, ನಿಶಾಂತ್ ಸಿಂಧೂ ಅಜೇಯ 50, ರಾಜ್ ಬಾವಾ 35, ದಿನೇಶ್ ಬಾಣಾ ಅಜೇಯ 13; ಜೊಶುವಾ ಬೈಡೆನ್ 24ಕ್ಕೆ 2, ಜೇಮ್ಸ್ ಸೇಲ್ಸ್ 51ಕ್ಕೆ 2, ಥಾಮಸ್ ಆಸ್ಪಿನ್ವಾಲ್ 42ಕ್ಕೆ 2).
ಪಂದ್ಯಶ್ರೇಷ್ಠ: ರಾಜ್ ಬಾವಾ
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/N31Wkv0
