ಚಂಡಿಗಡ: ಪಂಜಾಬ್‌ನಲ್ಲಿ ಕಾಂಗ್ರೆಸ್‌ಗೆ ಪ್ರಮುಖ ಎದುರಾಳಿಯಾಗಿರುವ ಮತ್ತು ಅದರ ಮುಖ್ಯಸ್ಥ ವಿರುದ್ಧ ಕಾಂಗ್ರೆಸ್ ನಾಯಕ ಮಂಗಳವಾರ ತೀವ್ರ ವಾಗ್ದಾಳಿ ನಡೆಸಿದರು. ಕೇಜ್ರಿವಾಲ್ ಅವರು ಉಗ್ರರ ಬಗ್ಗೆ ಮೃದು ಧೋರಣೆ ಹೊಂದಿದ್ದಾರೆ ಹಾಗೂ ರಾಷ್ಟ್ರೀಯ ಭದ್ರತೆಗೆ ಅವರ ವಿಶ್ವಾಸಾರ್ಹರಲ್ಲ ಎಂದು ಆರೋಪಿಸಿದ್ದಾರೆ. "ಏನೇ ಆಗಲಿ, ಕಾಂಗ್ರೆಸ್ ನಾಯಕರೊಬ್ಬರು ಉಗ್ರನ ಮನೆಯಲ್ಲಿ ಕಾಣಿಸಿಕೊಳ್ಳುವುದು ಸಾಧ್ಯವೇ ಇಲ್ಲ. 'ಪೊರಕೆ' (ಎಎಪಿಯ ಚುನಾವಣಾ ಚಿಹ್ನೆ) ಅತಿ ದೊಡ್ಡ ನಾಯಕರನ್ನು ಭಯೋತ್ಪಾದಕನೊಬ್ಬನ ಮನೆಯಲ್ಲಿ ಕಾಣಬಹುದಾಗಿದೆ. ಇದು ವಾಸ್ತವ" ಎಂದು ಪಂಜಾಬ್‌ನ ಬರ್ನಾಲಾದಲ್ಲಿ ಪ್ರಚಾರ ಸಮಾವೇಶದ ವೇಳೆ ರಾಹುಲ್ ಗಾಂಧಿ ಹೇಳಿದರು. 2017ರ ವಿಧಾನಸಭೆ ಚುನಾವಣೆಯಲ್ಲಿ ಪಂಜಾಬ್‌ನ ಮೋಗಾ ಜಿಲ್ಲೆಯಲ್ಲಿ ಮಾಜಿ ಖಲಿಸ್ತಾನಿ ಉಗ್ರನೊಬ್ಬನ ಮನೆಯಲ್ಲಿ ಕೇಜ್ರಿವಾಲ್ ಇಡೀ ರಾತ್ರಿ ಕಳೆದಿದ್ದ ಘಟನೆಯನ್ನು ಪರೋಕ್ಷವಾಗಿ ಉಲ್ಲೇಖಿಸಿ ರಾಹುಲ್ ಗಾಂಧಿ ವಾಗ್ದಾಳಿ ನಡೆಸಿದರು. ಸರ್ಕಾರ ರಚಿಸಲು ಒಂದು ಅವಕಾಶಕ್ಕಾಗಿ ಕಾಯುತ್ತಿರುವ ಕೇಜ್ರಿವಾಲ್, ಅಧಿಕಾರ ಸಿಕ್ಕರೆ ರಾಜ್ಯವನ್ನು ಸುಟ್ಟು ಹಾಕುತ್ತಾರೆ ಎಂದು ಹೇಳಿದರು. "ಪಂಜಾಬ್ ಒಂದು ಗಡಿ ಹಾಗೂ ಬಹಳ ಸೂಕ್ಷ್ಮ ರಾಜ್ಯ. ಪಂಜಾಬ್ ಅನ್ನು ಕಾಂಗ್ರೆಸ್ ಪಕ್ಷ ಮಾತ್ರವೇ ಅರ್ಥಮಾಡಿಕೊಳ್ಳಬಲ್ಲದು ಮತ್ತು ರಾಜ್ಯದಲ್ಲಿ ಶಾಂತಿ ಕಾಪಾಡಬಹುದು. ಒಂದು ವೇಳೆ ಶಾಂತಿ ನಾಶವಾದರೆ ಇಲ್ಲಿ ಏನೂ ಉಳಿಯುವುದಿಲ್ಲ" ಎಂದರು. "ನಿಮಗೆ ಭರವಸೆಗಳನ್ನು ನೀಡುತ್ತಿರುವವರು, 'ಒಂದು ಬಾರಿ ಅವಕಾಶ ನೀಡಿ' ಎನ್ನುತ್ತಿರುವವರು, ಅವರು ಪಂಜಾಬ್ ಅನ್ನು ನಾಶ ಮಾಡುತ್ತಾರೆ. ಪಂಜಾಬ್ ಸುಟ್ಟು ಹೋಗುತ್ತದೆ. ನನ್ನ ಮಾತುಗಳನ್ನು ನೆನಪಿಡಿ" ಎಂದು ಎಚ್ಚರಿಕೆ ನೀಡಿದರು. ಕಳೆದ ವರ್ಷ ಅಧಿಕಾರ ಕಿತ್ತಾಟ ಬಳಿಕ ರಾಜೀನಾಮೆ ನೀಡಿದ ಮಾಜಿ ಮುಖ್ಯಮಂತ್ರಿ , ಪ್ರಧಾನಿ ನರೇಂದ್ರ ಮೋದಿ ವಿರುದ್ಧವೂ ರಾಹುಲ್ ಗಾಂಧಿ ವಾಗ್ದಾಳಿ ನಡೆಸಿದರು. ಈಗಿನ ಸಿಎಂ ಚರಣ್‌ಜಿತ್ ಸಿಂಗ್ ಚನ್ನಿ ಅವರು ಜನರನ್ನು ಸಂತೋಷದಿಂದ ಭೇಟಿ ಮಾಡುತ್ತಾರೆ ಮತ್ತು ಅವರನ್ನು ಆಲಂಗಿಸುತ್ತಾರೆ. ಅದನ್ನು ಅಮರಿಂದರ್ ಮಾಡುತ್ತಿರಲಿಲ್ಲ ಎಂದು ಟೀಕಿಸಿದರು. "ಬಡ ವ್ಯಕ್ತಿಯೊಬ್ಬನನ್ನು ಅಮರಿಂದರ್ ಸಿಂಗ್ ಅಪ್ಪಿಕೊಂಡಿದ್ದನ್ನು ಎಂದಾದರೂ ನೋಡಿದ್ದೀರಾ? ಅವರು ಹಾಗೆ ಮಾಡುವುದನ್ನು ನಾನು ಎಂದಿಗೂ ನೋಡಿಲ್ಲ. ಅಮರಿಂದರ್ ಸಿಂಗ್ ಮತ್ತು ಬಿಜೆಪಿ ನಡುವೆ ಸಂಬಂಧ ಇದೆ ಎನ್ನುವುದು ಯಾವಾಗ ನನಗೆ ಅರ್ಥವಾಯಿತೋ, ಅಂದೇ ಕಾಂಗ್ರೆಸ್ ಪಕ್ಷವು ಅವರನ್ನು ಹೊರಹಾಕಿತು" ಎಂದು ಹೇಳಿದರು. ವಿದ್ಯುತ್ ಟಾರಿಫ್‌ಗಳನ್ನು ಕಡಿಮೆ ಮಾಡುವ ಮೂಲಕ ಹಾಗೂ ಬಾಕಿ ಇರುವ ಮೊತ್ತವನ್ನು ಮನ್ನಾ ಮಾಡುವ ಮೂಲಕ ಚನ್ನಿ ಅವರು ಸಾಮಾನ್ಯ ಜನರಿಗೆ ನೆಮ್ಮದಿ ನೀಡಿದ್ದರು. ಅಮರಿಂದರ್ ಈ ಕೆಲಸಗಳನ್ನು ಮಾಡಿರಲಿಲ್ಲ. ಚನ್ನಿ ಎರಡು ನಿಮಿಷಗಳಲ್ಲಿ ಮಾಡಿದರು ಎಂದು ತಮ್ಮ ಪಕ್ಷದಲ್ಲಿ ಹಲವು ದಶಕಗಳ ಕಾಲ ಸೇವೆ ಸಲ್ಲಿಸಿದ್ದ ಹಿರಿಯ ನಾಯಕನ ವಿರುದ್ಧ ವಾಗ್ದಾಳಿ ನಡೆಸಿದರು.
from India & World News in Kannada | VK Polls https://ift.tt/LyBSzmP
