ಕೋಲ್ಕತಾ: ವಿರುದ್ಧದ ಟಿ20 ಕ್ರಿಕೆಟ್ ಸರಣಿಯಲ್ಲಿ ಆಲ್‌ರೌಂಡರ್‌ ಗಮನಾರ್ಹ ಪ್ರದರ್ಶನ ನೀಡಿದ್ದಾರೆ. ಸರಣಿಯ ಮೊದಲ ಪಂದ್ಯದಲ್ಲೂ ಬಿರುಸಿನ 24* ರನ್‌ ಸಿಡಿಸಿದ್ದ ಅಯ್ಯರ್‌, ಇದೀಗ ಎರಡನೇ ಪಂದ್ಯದಲ್ಲೀ ಕೇವಲ 18 ಎಸೆತಗಳಲ್ಲಿ 33 ರನ್‌ ಚೆಚ್ಚಿ ಟಾಸ್‌ ಸೋತು ಮೊದಲು ಬ್ಯಾಟ್‌ ಮಾಡಿದ್ದ ಟೀಮ್ ಇಂಡಿಯಾ ದೊಡ್ಡ ಮೊತ್ತನ ಕಲೆಹಾಕುವಂತೆ ಮಾಡಿದರು. ಇಲ್ಲಿನ ಈಡನ್‌ ಗಾರ್ಡನ್ಸ್‌ ಕ್ರೀಡಾಂಗಣದಲ್ಲಿ ಶುಕ್ರವಾರ ಟಾಸ್‌ ಸೋತು ಮೊದಲು ಬ್ಯಾಟ್‌ ಮಾಡಿದ ಭಾರತ ತಂಡ ಆರಂಭಿಕ ಆಘಾತದ ಹೊರತಾಗಿಯೂ (52) ಮತ್ತು ರಿಷಭ್ ಪಂತ್‌ (52) ಬಾರಿಸಿದ ಅರ್ಧಶತಕಗಳಿಂದ ಚೇತರಿಸಿ 20 ಓವರ್‌ಗಳಲ್ಲಿ 5 ವಿಕೆಟ್‌ಗೆ 186 ರನ್‌ಗಳ ದೊಡ್ಡ ಮೊತ್ತ ಪೇರಿಸಿತು. ಇನಿಂಗ್ಸ್‌ನ ಕೊನೆಯ ಓವರ್‌ಗಳಲ್ಲಿ ಬ್ಯಾಟಿಂಗ್‌ಗೆ ಬಂದ ಎಡಗೈ ಬ್ಯಾಟ್ಸ್‌ಮನ್‌ ವೆಂಕಟೇಶ್ ಅಯ್ಯರ್‌ 18 ಎಸೆತಗಳಲ್ಲಿ 4 ಫೋರ್‌ ಮತ್ತು 1 ಸಿಕ್ಸರ್‌ ಒಳಗೊಂಡ ಬಿರುಸಿನ 33 ರನ್‌ಗಳ ಅತ್ಯಮೂಲ್ಯ ರನ್‌ಗಳ ಕೊಡುಗೆ ಕೊಟ್ಟರು. ತಮ್ಮ ಈ ಸ್ಫೋಟಕ ಬ್ಯಾಟಿಂಗ್‌ ಪ್ರದರ್ಶನದ ವೇಳೆ ವೆಂಕಟೇಶ್ ಕ್ರಿಕೆಟ್ ಜಗತ್ತಿನಲ್ಲಿ ತೀರಾ ಅಪರೂಪದ ಬೌಂಡರಿ ಒಂದನ್ನು ಬಾರಿಸಿದ್ದಾರೆ. ಡಬಲ್‌ ಬ್ಯಾಟ್‌ ಬೌಂಡರಿ ಬಾರಿಸಿದ ವೆಂಕಟೇಶ್183.33ರ ಸ್ಟ್ರೈಕ್‌ರೇಟ್‌ನಲ್ಲಿ ಬ್ಯಾಟ್‌ ಬೀಸಿದ ವೆಂಕಟೇಶ್ ಅಯ್ಯರ್‌, 16ನೇ ಓವರ್‌ನ ನಾಲ್ಕನೇ ಎಸೆತದಲ್ಲಿ ಎಡಗೈ ವೇಗಿ ಶೆಲ್ಡನ್‌ ಕಾಟ್ರೆಲ್‌ ಬೌಲಿಂಗ್‌ ಎದುರು ಡಬಲ್‌ ಬ್ಯಾಟ್‌ ಬೌಂಡರಿ ಬಾರಿಸಿದರು. ನೇರ ಪ್ರಸಾರದಲ್ಲಿ ವೆಂಕಟೇಶ್ ಡಬಲ್‌ ಬ್ಯಾಟ್‌ ಮೂಲಕ ಬೌಂಡರಿ ಬಾರಿಸಿದ್ದು ಯಾರ ಗಮನಕ್ಕೂ ಬರಲಿಲ್ಲ. ಬಳಿಕ ಟೆಲಿವಿಷನ್‌ ರೀಪ್ಲೇಯ ಸ್ಲೋ ಮೋಷನ್‌ ವಿಡಿಯೋದಲ್ಲಿ ಡಬಲ್‌ ಬ್ಯಾಟ್‌ ಆಗಿರುವುದನ್ನು ತೋರಿಸಲಾಯಿತು. ಕಾಟ್ರೆಲ್‌ ಎಸೆದ ವೇಗದ ಚೆಂಡು ಮೊದಲು ವೆಂಕಟೇಶ್ ಬ್ಯಾಟ್‌ನ ಮಧ್ಯಭಾಗಕ್ಕೆ ಬಡಿದು ಮೇಲೆ ಹಾರುವ ಸಂದರ್ಭದಲ್ಲಿ ಬ್ಯಾಟ್‌ನ ತುದಿಗೆ ತಾಗಿ ಬೌಂಡರಿ ತಲುಪಿತ್ತು. ಅಂದಹಾಗೆ ಈ ಬಗ್ಗೆ ನಿಯಮಗಳು ಏನು ಹೇಳುತ್ತವೆ? ಇಲ್ಲಿದೆ ಮಾಹಿತಿ. "ಆರ್ಟಿಕಲ್‌ 34.1.1 ಪ್ರಕಾರ ಸ್ಟ್ರೈಕರ್‌ ಚೆಂಡನ್ನು ಹೊಡೆದ ಸಂದರ್ಭದಲ್ಲಿ ಎರಡು ಬಾರಿ ಬ್ಯಾಟ್‌ಗೆ ತಾಗಿದ್ದಾಗ ಅದು ಉದ್ದೇಶಪೂರ್ವಕ ಅಲ್ಲ ಎಂದಾದರೆ ಯಾವುದೇ ಸಮಸ್ಯೆ ಇಲ್ಲ. ಉದ್ದೇಶಪೂರ್ವಕವಾಗಿ ಎರಡುಬಾರಿ ಬ್ಯಾಟ್‌ ತಾಗಿಸಿದ್ದರೆ ಆ ಹೊಡೆತಕ್ಕೆ ಯಾವುದೇ ರನ್‌ ಸಿಗುವುದಿಲ್ಲ," ಎಂದು ನಿಯಮಗಳು ಹೇಳುತ್ತವೆ. ವೆಂಕಟೇಶ್ ಅಯ್ಯರ್‌ ಡಬಲ್‌ ಬ್ಯಾಟ್‌ ಬೌಂಡರಿ ವಿಡಿಯೋ ಈ ನಲ್ಲಿ ವೀಕ್ಷಿಸಬಹುದಾಗಿದೆ. ಇದೇ ಕಾರಣಕ್ಕೆ ಕ್ರಿಕೆಟ್ ಜಗತ್ತಿನಲ್ಲಿ ಈ ರೀತಿಯ ಬೌಂಡರಿ ಅತ್ಯಂತ ಅಪರೂಪದ್ದಾಗಿದೆ. ಬ್ಯಾಟ್ಸ್‌ಮನ್‌ ಯಾವುದೇ ಉದ್ದೇಶವಿಲ್ಲದೆ ಚೆಂಡನ್ನು ಎರಡು ಬಾರಿ ಬಾರಿಸಿ ಬೌಂಡರಿಗೆ ಅಟ್ಟಿರುವುದು ಅಪರೂಪದಲ್ಲಿ ಅಪರೂಪದ ಸಂಗತಿ ಆಗಿದೆ. ಈ ವಿಶೇಷ ಬೌಂಡರಿ ವೆಂಕಟೇಶ್ ಬ್ಯಾಟ್‌ನಿಂದ ಮೂಡಿಬಂದಿದೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/wfbWKkM
