ಬೆಂಗಳೂರು: ಟೂರ್ನಿಯ 15ನೇ ಆವೃತ್ತಿ ಸಲುವಾಗಿ ನಡೆದ ಮೆಗಾ ಆಕ್ಷನ್‌ನಲ್ಲಿ ಭರ್ಜರಿ ಖರೀದಿ ಮಾಡಿದ ತಂಡಗಳ ಪೈಕಿ ಕೂಡ ಒಂದಾಗಿದೆ. ಐಪಿಎಲ್ 2022 ಟೂರ್ನಿಯಲ್ಲೀ ಆದರೂ ತನ್ನ ಚೊಚ್ಚಲ ಟ್ರೋಫಿ ಗೆಲುವಿನ ಕನಸು ನನಸಾಗುತ್ತದೆಯೇ? ಎಂದು ಎದುರು ನೋಡುತ್ತಿರುವ ಡೆಲ್ಲಿ ಕ್ಯಾಪಿಟಲ್ಸ್‌ ಇದೀಗ ತನ್ನ ಕೋಚಿಂಗ್‌ ಬಳಗಕ್ಕೆ ಭಾರತ ತಂಡದ ಮಾಜಿ ವೇಗದ ಬೌಲರ್‌ ಅಜಿತ್‌ ಅರ್ಗಕರ್‌ ಅವರನ್ನು ಸೇರಿಸಿಕೊಂಡಿದೆ ಎಂದು ಇತ್ತೀಚಿನ ವರದಿಗಳು ಹೇಳಿವೆ. ಭಾರತ ತಂಡದ ಮಾಜಿ ಬೌಲಿಂಗ್‌ ಆಲ್‌ರೌಂಡರ್‌ ಮುಂದಿನ ಆವೃತ್ತಿಯ ಐಪಿಎಲ್ ಟೂರ್ನಿಯಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್‌ ತಂಡಕ್ಕೆ ಸಹಾಯಕ ಕೋಚ್‌ ಆಗಿ ಕೆಲಸ ಮಾಡಲಿದ್ದಾರೆ. ಇನ್ನು ಇದರ ಬೆನ್ನಲ್ಲೇ ಬೌಲಿಂಗ್‌ ಕೋಚ್‌ ಆಗುವ ಸಾಧ್ಯತೆಗಳು ಕೂಡ ದಟ್ಟವಾಗಿದೆ. ಇಎಸ್‌ಪಿಎನ್‌ ಕ್ರಿಕ್‌ಇನ್ಫೋ ಮಾಡಿರುವ ವರದಿ ಪ್ರಕಾಡ ಡೆಲ್ಲಿ ಕ್ಯಾಪಿಟಲ್ಸ್‌ ತಂಡ ಈಗಾಗಗಲೇ ಸಹಾಯಕ ಕೋಚ್‌ ಹುದ್ದೆಗೆ ಅಜಿತ್‌ ಅಗರ್ಕರ್‌ ಅವರನ್ನು ನೇಮಕ ಮಾಡಿದೆ. ಶ್ರೀಲಂಕಾ ವಿರುದ್ಧದ ಟೆಸ್ಟ್‌ ಕ್ರಿಕೆಟ್ ಮತ್ತು ಟಿ20 ಕ್ರಿಕೆಟ್ ಸರಣಿ ಫೆ.24ರಿಂದ ಮಾರ್ಚ್‌ 16ರವರೆಗೆ ನಡೆಯಲಿದೆ. ಇದರಲ್ಲಿ ಸ್ಟಾರ್‌ ಸ್ಪೋರ್ಟ್ಸ್‌ ಜೊತೆಗೆ ಕಾಮೆಂಟರಿ ಮತ್ತು ಕ್ರಿಕೆಟ್ ವಿಶ್ಲೇಷಣೆ ಕೆಲಸ ಮುಗಿಸಿದ ಬಳಿಕ ಅಗರ್ಕರ್‌ ಐಪಿಎಲ್ ಫ್ರಾಂಚೈಸಿ ಸೇರಲಿದ್ದಾರೆ ಎನ್ನಲಾಗಿದೆ. ದಿಲ್ಲಿ ಪರ ಆಡಿದ್ದ ಅಗರ್ಕರ್‌ 2013ರಲ್ಲಿ ಕೊನೆಯ ಬಾರಿ ಇಂಡಿಯನ್ ಪ್ರೀಮಿಯರ್‌ ಲೀಗ್‌ ಟೂರ್ನಿಯಲ್ಲಿ ಆಡಿರುವ 44 ವರ್ಷದ ಮಾಡಿ ಆಟಗಾರ ಅಗರ್ಕರ್‌ ಡೆಲ್ಲಿ ಡೇರ್‌ಡೆವಿಲ್ಸ್‌ (ಈಗಿನ ಡೆಲ್ಲಿ ಕ್ಯಾಪಿಟಲ್ಸ್‌) ತಂಡವನ್ನು ಪ್ರತಿನಿಧಿಸಿದ್ದರು. ಈಗ ಮುಖ್ಯ ಕೋಚ್‌ ರಿಕಿ ಪಾಂಟಿಂಗ್‌ ಜೊತೆಗೆ ತಂಡದ ಸಹಾಯಕ ಕೋಚ್‌ ಆಗಿ ಕೆಲಸ ಮಾಡಲಿದ್ದಾರೆ. ದಿಲ್ಲಿ ತಂಡ ತನ್ನ ಕೋಚಿಂಗ್‌ ಬಳಗದಲ್ಲಿದ್ದ ಮೊಹಮ್ಮದ್‌ ಕೈಫ್ ಮತ್ತು ಅಜಯ್‌ ರಾತ್ರ ಜೊತೆಗಿನ ಒಪ್ಪಂದವನ್ನು ಅಂತ್ಯಗೊಳಿಸಿದೆ. ಕೈಫ್ 2019ರಿಂದ ದಿಲ್ಲಿ ತಂಡದ ಸಹಾಯಕ ಕೋಚ್‌ ಆಗಿದ್ದರು. 2011ರಿಂದ 2013ರವರೆಗೆ ದಿಲ್ಲಿ ಪರ ಆಡಿರುವ ಅಗರ್ಕರ್‌, ಐಪಿಎಲ್‌ನಲ್ಲಿ ಒಟ್ಟಾರೆ 42 ಪಂದ್ಯಗಳಿಂದ 29 ವಿಕೆಟ್‌ಗಳನ್ನು ಪಡೆದಿದ್ದಾರೆ. 2008ರಿಂದ 2010ರವರೆಗೆ ಅವರು ಕೋಲ್ಕತಾ ನೈಟ್‌ ರೈಡರ್ಸ್‌ ಪರ ಆಡಿದ್ದರು. ಟೂರ್ನಿಗೆ ಡೆಲ್ಲಿ ಕ್ಯಾಪಿಟಲ್ಸ್‌ ತಂಡ ಹೀಗಿದೆ ಪೃಥ್ವಿ ಶಾ, ಎನ್ರಿಕ್ ನಾರ್ಕಿಯ, ರಿಷಭ್ ಪಂತ್ (ನಾಯಕ), ಅಕ್ಷರ್ ಪಟೇಲ್, ಡೇವಿಡ್ ವಾರ್ನರ್, ಮಿಚೆಲ್ ಮಾರ್ಷ್, ಶಾರ್ದುಲ್ ಠಾಕೂರ್, ಮುಸ್ತಾಫಿಝುರ್ ರೆಹಮಾನ್, ಕುಲ್ದೀಪ್ ಯಾದವ್, ಅಶ್ವಿನ್ ಹೆಬ್ಬಾರ್, ಸರ್ಫರಾಝ್ ಖಾನ್, ಕಮಲೇಶ್ ನಾಗರಕೋಟಿ, ಕೆ.ಎಸ್. ಭರತ್, ಮಂದೀಪ್ ಸಿಂಗ್, ಖಲೀಲ್ ಸಕಾರಿಯಾ, ಲಲಿತ್ ಯಾದವ್, ರಿಪಲ್ ಪಟೇಲ್, ಯಶ್ ಧುಲ್, ರೋವ್ಮನ್ ಪೊವೆಲ್, ಪ್ರವೀಣ್ ದುಬೆ, ಲುಂಗಿ ಎನ್ಗಿಡಿ, ಟಿಮ್ ಸೀಫರ್ಟ್, ವಿಕಿ ಓಸ್ತ್ವಾಲ್. ಕಳೆದ ಮೂರು ಆವೃತ್ತಿಗಳಲ್ಲಿ ಸೂಪರ್‌ ಸ್ಟಾರ್‌ ಆಟಗಾರರು ದಿಲ್ಲಿ ತಂಡದಲ್ಲಿ ಇರಲಿಲ್ಲ. ಆದರೆ, ಈ ಬಾರಿ ಆಟಗಾರರ ಹರಾಜಿನಲ್ಲಿ ಡೇವಿಡ್ ವಾರ್ನರ್, ಲುಂಗಿ ಎನ್ಗಿಡಿ, ಮುಸ್ತಾಫಿಝುರ್ ರೆಹಮಾನ್ ಮತ್ತು ಮಿಚೆಲ್ ಮಾರ್ಷ್ ಅವರಂತಹ ದೈತ್ಯ ಆಟಗಾರರನ್ನು ಖರೀದಿ ಮಾಡಿ ಟ್ರೋಫಿ ಗೆಲ್ಲಲು ಬೇಕಿರುವ ಬಲಿಷ್ಠ ತಂಡದ ರಚನೆ ಮಾಡಿದೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/PKgU8ch
