ಕಳೆದ ಎರಡು ತಿಂಗಳುಗಳಿಂದ ಜಾಗತಿಕ ಆಂತಕಕ್ಕೆ ಕಾರಣವಾಗಿದ್ದ ರಷ್ಯಾ-ಉಕ್ರೇನ್ ಸಂಘರ್ಷ ತಣ್ಣಗಾಗುವ ಲಕ್ಷಣ ಕಾಣುತ್ತಿದೆ. ಉಕ್ರೇನ್ ಗಡಿಯಿಂದ ರಷ್ಯಾ ತನ್ನ ಸೈನ್ಯ ತುಕಡಿಯಲ್ಲಿ ಹಿಂಪಡೆಯಲು ಮುಂದಾಗಿದೆ. ಈ ಮೂಲಕ ಯುದ್ಧದ ಕಾರ್ಮೋಡಗಳು ಹಂತ ಹಂತವಾಗಿ ಸರಿಯತೊಡಗಿವೆ. ಜಾಗತಿಕ ರಾಜತಾಂತ್ರಿಕ ಒತ್ತಡ ಹಾಗೂ ಉಕ್ರೇನ್ ಪರ ನ್ಯಾಟೋ ಸದಸ್ಯ ರಾಷ್ಟ್ರಗಳ ಗಟ್ಟಿ ಧ್ವನಿ, ರಷ್ಯಾದ ಯುದ್ಧೋನ್ಮಾದವನ್ನು ಕಡಿಮೆ ಮಾಡಿದೆ ಎಂಬ ಮಾತುಗಳು ಕೇಳಿ ಬರುತ್ತಿವೆ. ಸದ್ಯ ಉಕ್ರೇನ್ ಗಡಿಯಿಂದ ರಷ್ಯಾ ಸಂಪೂರ್ಣವಾಗಿ ತನ್ನ ಸೈನ್ಯ ತುಕಡಿಗಳನ್ನು ಹಿಂದಕ್ಕೆ ಪಡೆಯುತ್ತಿದೆ. ಅಲ್ಲದೇ ಗಡಿಯಲ್ಲಿ ಜಮಾವಣೆ ಮಾಡಿದ್ದ ಭಾರೀ ಪ್ರಮಾಣದ ಶಸ್ತ್ರಾಸ್ತ್ರಗಳನ್ನೂ ಖಾಲಿ ಮಾಡಿಸುತ್ತಿದೆ. ಯುದ್ಧ ಟ್ಯಾಂಕ್‌ಗಳು ಉಕ್ರೇನ್ ಗಡಿಯನ್ನು ತೊರೆದು ಮರಳಿ ತಮ್ಮ ಮೂಲ ನೆಲೆಗಳಿಗೆ ಬರುತ್ತಿವೆ. ಆದಾಗ್ಯೂ ಮಿಲಿಟರಿ ಸಂಘರ್ಷದ ಭೀತಿ ಇನ್ನೂ ಸಂಪೂರ್ಣವಗಿ ಕಡಿಮೆಯಾಗಿಲ್ಲ. ರಷ್ಯಾ ಭವಿಷ್ಯದಲ್ಲಿ ಮತ್ತೆ ಉಕ್ರೇನ್ ಮೇಲೆ ಮುಗಿ ಬೀಳುವ ಯೋಜನೆ ಹಾಕಿಕೊಂಡರೂ ಅಚ್ಚರಿಯಿಲ್ಲ ಎನ್ನಲಾಗುತ್ತಿದೆ. ಈ ಎಲ್ಲಾ ಬೆಳವಣಿಗೆಗಳ ಮಧ್ಯೆ ಅಸಲಿಗೆ ರಷ್ಯಾ-ಉಕ್ರೇನ್ ಸಂಘರ್ಷಕ್ಕೆ ಮೂಲ ಕಾರಣ ಏನು? ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ತಮ್ಮ ನೆರೆ ರಾಷ್ಟ್ರದಿಂದ ಬಯಸುವುದೇನು ಎಂಬುದನ್ನು ಗಮನಿಸುವುದಾದರೆ...ಕಳೆದ ಎರಡು ತಿಂಗಳುಗಳಿಂದ ಜಾಗತಿಕ ಆಂತಕಕ್ಕೆ ಕಾರಣವಾಗಿದ್ದ ರಷ್ಯಾ-ಉಕ್ರೇನ್ ಸಂಘರ್ಷ ತಣ್ಣಗಾಗುವ ಲಕ್ಷಣ ಕಾಣುತ್ತಿದೆ. ಉಕ್ರೇನ್ ಗಡಿಯಿಂದ ರಷ್ಯಾ ತನ್ನ ಸೈನ್ಯ ತುಕಡಿಯಲ್ಲಿ ಹಿಂಪಡೆಯಲು ಮುಂದಾಗಿದೆ. ಆದರೆ ರಷ್ಯಾ-ಉಕ್ರೇನ್ ನಡುವಿನ ಸಂಘರ್ಷಕ್ಕೆ ಕಾರಣವೇನು? ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ತಮ್ಮ ನೆರೆಯ ರಾಷ್ಟ್ರದಿಂದ ಬಯಸುವುದೇನು ಎಂಬುದುನ್ನು ನೋಡುವುದಾದರೆ...
ಕಳೆದ ಎರಡು ತಿಂಗಳುಗಳಿಂದ ಜಾಗತಿಕ ಆಂತಕಕ್ಕೆ ಕಾರಣವಾಗಿದ್ದ ರಷ್ಯಾ-ಉಕ್ರೇನ್ ಸಂಘರ್ಷ ತಣ್ಣಗಾಗುವ ಲಕ್ಷಣ ಕಾಣುತ್ತಿದೆ. ಉಕ್ರೇನ್ ಗಡಿಯಿಂದ ರಷ್ಯಾ ತನ್ನ ಸೈನ್ಯ ತುಕಡಿಯಲ್ಲಿ ಹಿಂಪಡೆಯಲು ಮುಂದಾಗಿದೆ. ಈ ಮೂಲಕ ಯುದ್ಧದ ಕಾರ್ಮೋಡಗಳು ಹಂತ ಹಂತವಾಗಿ ಸರಿಯತೊಡಗಿವೆ. ಜಾಗತಿಕ ರಾಜತಾಂತ್ರಿಕ ಒತ್ತಡ ಹಾಗೂ ಉಕ್ರೇನ್ ಪರ ನ್ಯಾಟೋ ಸದಸ್ಯ ರಾಷ್ಟ್ರಗಳ ಗಟ್ಟಿ ಧ್ವನಿ, ರಷ್ಯಾದ ಯುದ್ಧೋನ್ಮಾದವನ್ನು ಕಡಿಮೆ ಮಾಡಿದೆ ಎಂಬ ಮಾತುಗಳು ಕೇಳಿ ಬರುತ್ತಿವೆ. ಸದ್ಯ ಉಕ್ರೇನ್ ಗಡಿಯಿಂದ ರಷ್ಯಾ ಸಂಪೂರ್ಣವಾಗಿ ತನ್ನ ಸೈನ್ಯ ತುಕಡಿಗಳನ್ನು ಹಿಂದಕ್ಕೆ ಪಡೆಯುತ್ತಿದೆ. ಅಲ್ಲದೇ ಗಡಿಯಲ್ಲಿ ಜಮಾವಣೆ ಮಾಡಿದ್ದ ಭಾರೀ ಪ್ರಮಾಣದ ಶಸ್ತ್ರಾಸ್ತ್ರಗಳನ್ನೂ ಖಾಲಿ ಮಾಡಿಸುತ್ತಿದೆ. ಯುದ್ಧ ಟ್ಯಾಂಕ್‌ಗಳು ಉಕ್ರೇನ್ ಗಡಿಯನ್ನು ತೊರೆದು ಮರಳಿ ತಮ್ಮ ಮೂಲ ನೆಲೆಗಳಿಗೆ ಬರುತ್ತಿವೆ. ಆದಾಗ್ಯೂ ಮಿಲಿಟರಿ ಸಂಘರ್ಷದ ಭೀತಿ ಇನ್ನೂ ಸಂಪೂರ್ಣವಗಿ ಕಡಿಮೆಯಾಗಿಲ್ಲ. ರಷ್ಯಾ ಭವಿಷ್ಯದಲ್ಲಿ ಮತ್ತೆ ಉಕ್ರೇನ್ ಮೇಲೆ ಮುಗಿ ಬೀಳುವ ಯೋಜನೆ ಹಾಕಿಕೊಂಡರೂ ಅಚ್ಚರಿಯಿಲ್ಲ ಎನ್ನಲಾಗುತ್ತಿದೆ. ಈ ಎಲ್ಲಾ ಬೆಳವಣಿಗೆಗಳ ಮಧ್ಯೆ ಅಸಲಿಗೆ ರಷ್ಯಾ-ಉಕ್ರೇನ್ ಸಂಘರ್ಷಕ್ಕೆ ಮೂಲ ಕಾರಣ ಏನು? ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ತಮ್ಮ ನೆರೆ ರಾಷ್ಟ್ರದಿಂದ ಬಯಸುವುದೇನು ಎಂಬುದನ್ನು ಗಮನಿಸುವುದಾದರೆ...
ನ್ಯಾಟೋ ಸಂಘರ್ಷದ ಮೂಲ!
ಹೌದು, ಈ ಹಿಂದಿನ ಸೋವಿಯತ್ ಒಕ್ಕೂಟದ ಭಾಗವಾಗಿದ್ದ ಉಕ್ರೇನ್, ಸೋವಿಯತ್ ಒಕ್ಕೂಟದ ಪತನದ ನಂತರ ಯುರೋಪ್ ರಾಷ್ಟ್ರಗಳತ್ತ ಹೆಚ್ಚಿನ ಒಲವು ತೋರಿತು. ಉಕ್ರೇನ್‌ನ ಪ್ರಸ್ತುತ ಅಧ್ಯಕ್ಷರಾದ ವೊಲೊಡಿಮಿರ್ ಝೆಲೆನ್ಸ್ಕಿ, ನ್ಯಾಟೋ ಸದಸ್ಯತ್ವ ಪಡೆಯಲು ಬಯಸಿದ್ದಾರೆ. ಇದು ಸಹಜವಾಗಿ ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಕಣ್ಣು ಕೆಂಪಾಗಿಸಿದೆ.
ನ್ಯಾಟೋ ಸದಸ್ಯ ರಾಷ್ಟ್ರಗಳಿಗೆ ಹತ್ತಿರವಾಗುತ್ತಿರುವ ಉಕ್ರೇನ್, ನ್ಯಾಟೋ ಸದಸ್ಯತ್ವ ಪಡೆದು ತನ್ನ ಸೈನಿಕ ಸಾಮರ್ಥ್ಯವನ್ನು ಹೆಚ್ಚಿಸಿಕೊಳ್ಳಲು ಬಯಸಿದೆ. ಅಮೆರಿಕ, ಫ್ರಾನ್ಸ್, ಜರ್ಮನಿ, ಕೆನಡಾ, ಬ್ರಿಟನ್‌ನಂತಹ ಶಕ್ತಿಶಾಲಿ ರಾಷ್ಟ್ರಗಳಿರುವ ನ್ಯಾಟೋ ಸದಸ್ಯತ್ವ ಪಡೆಯುವುದು ಉಕ್ರೇನ್ ಯೋಜನಯಾಗಿದೆ.
ಉಕ್ರೇನ್ ಜತೆಗಿನ ಬಿಕ್ಕಟ್ಟು ಶಮನಗೊಳಿಸಿ: ರಷ್ಯಾ ಮನವಿಗೆ ಅಮೆರಿಕ ಡೋಂಟ್ ಕೇರ್..!
ಈ ಮೂಲಕ ಪದೇ ಪದೇ ತನ್ನ ಭದ್ರತೆಗೆ ಬೆದರಿಕೆಯೊಡ್ಡುತ್ತಿರುವ ರಷ್ಯಾವನ್ನು ನಿಗ್ರಹಿಸುವುದು ಉಕ್ರೇನ್ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿ ಯೋಜನೆಯಾಗಿದೆ. ಇದು ರಷ್ಯಾವನ್ನು ಕೆರಳಿಸಿದ್ದು, ಯುದ್ಧದ ಹಂತಕ್ಕೂ ಕೊಂಡೊಯ್ದಿದೆ.
ಪುಟಿನ್ ಆತಂಕವೇನು?
ಉಕ್ರೇನ್ ನ್ಯಾಟೋ ಸದಸ್ಯತ್ವ ಪಡೆದರೆ, ರಷ್ಯಾ ಗಡಿಯಲ್ಲಿ ನ್ಯಾಟೋ ಪಡೆಗಳ ಚಲನವಲನ ಹೆಚ್ಚಲಿದೆ ಎಂಬುದು ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಆತಂಕ. ಉಕ್ರೇನ್ ನೆಲದಲ್ಲಿ ನ್ಯಾಟೋ ಮಿಲಿಟರಿ ನೆಲೆಗಳು ಸ್ಥಾಪನೆಯಾದರೆ, ಭವಿಷ್ಯದಲ್ಲಿ ತನಗೆ ಗಂಡಾಂತರ ತಪ್ಪಿದ್ದಲ್ಲ ಎಂದು ಪುಟಿನ್ ಭಾವಿಸಿದ್ದಾರೆ.
ಇದೇ ಕಾರಣಕ್ಕೆ ಹೇಗಾದರೂ ಮಾಡಿ ಉಕ್ರೇನ್ ನ್ಯಾಟೋ ಸದಸ್ಯತ್ವ ಪಡೆಯದಂತೆ ಕಸರತ್ತು ನಡೆಸಿರುವ ಪುಟಿನ್, ಇದಕ್ಕಾಗಿ ಮಿಲಿಟರಿ ಕಾರ್ಯಾಚರಣೆಯ ಬೆದರಿಕೆ ಕೂಡ ಹಾಕುತ್ತಿದ್ದಾರೆ. ಇದರ ಅಂಗವಾಗಿ ಉಕ್ರೇನ್ ಗಡಿಗೆ ಸುಮಾರು ಒಂದು ಲಕ್ಷಕ್ಕೂ ಅಧಿಕ ಸೈನಿಕರನ್ನು ದಬ್ಬಿದ ಪುಟಿನ್, ಉಕ್ರೇನ್‌ಗೆ ಸೈನಿಕ ಕಾರ್ಯಾಚರಣೆ ರುಚಿ ತೋರಿಸುವುದಾಗಿ ಹೂಂಕರಿಸಿದ್ದರು.
ಉಕ್ರೇನ್ ಗಡಿಯಲ್ಲಿ ರಷ್ಯಾದ ಸೈನ್ಯ ಸಾಗರ: ಸಂಭಾವ್ಯ ಮಹಾಸಂಗ್ರಾಮಕ್ಕೆ ಏಕಿಷ್ಟು ಆತುರ?
ಆದರೆ ಉಕ್ರೇನ್‌ಗೆ ವ್ಯಕ್ತವಾದ ಜಾಗತಿಕ ಬೆಂಬಲ ಮತ್ತು ನ್ಯಾಟೋ ಸದಸ್ಯ ರಾಷ್ಟ್ರಗಳ ಹೂಂಕಾರ ಕಂಡು, ಪುಟಿನ್ ತುಸು ಮೆತ್ತಗಾದಂತೆ ಕಾಣುತ್ತಿದೆ. ಉಕ್ರೇನ್ ಗಡಿಯಿಂದ ತನ್ನ ಸೈನಿಕರನ್ನು ವಾಪಸ್ ಕರೆಸಿಕೊಳ್ಳುವ ರಷ್ಯಾದ ನಿರ್ಧಾರದ ಹಿಂದೆಯೂ ಇದೇ ಒತ್ತಡ ಕೆಲಸ ಮಾಡಿದೆ ಎನ್ನಲಾಗಿದೆ.
ಉಕ್ರೇನ್‌ಗೆ ಸೈನಿಕ ನೆರವು ನೀಡಲು ಸಿದ್ಧ ಎಂದ ಅಮೆರಿಕ!
ಇನ್ನು ನ್ಯಾಟೋದ ಪ್ರಮುಖ ಸದಸ್ಯ ರಾಷ್ಟ್ರ ಅಮೆರಿಕ ಕೂಡ ರಷ್ಯಾ ವಿರುದ್ಧ ಸೈನಿಕ ಕಾರ್ಯಾಚರಣೆಗೆ ಸಿದ್ಧತೆ ನಡೆಸಿತ್ತು. ರಷ್ಯಾ ಒಂದು ವೇಳೆ ಉಕ್ರೇನ್ ಮೇಲೆ ಮುಗಿಬಿದ್ದರೆ, ತಾನು ಉಕ್ರೇನ್‌ಗೆ ಸೈನಿಕ ನೆರವು ನೀಡುವುದಾಗಿ ಅಮೆರಿಕ ಘೋಷಿಸಿತು.
ಅಮೆರಿಕ ಅಧ್ಯಕ್ಷ ಜೋ ಬೈಡನ್ ನೇರವಾಗಿಯೇ ರಷ್ಯಾಗೆ ಎಚ್ಚರಿಕೆ ನೀಡಿದ್ದರು. ನಿರ್ಣಾಯಕ ಪ್ರತಿಕ್ರಿಯೆಗೆ ಎಲ್ಲಾ ಸಿದ್ಧತೆ ನಡೆಸಿರುವುದಾಗಿ ಜೋ ಬೈಡನ್ ಹೇಳಿದ್ದು, ಜಾಗತಿಕವಾಗಿ ಸದ್ದು ಮಾಡಿತು. ನಾವು ರಷ್ಯನ್ ನಾಗರಿಕರ ವಿರೋಧಿಯಲ್ಲ. ಆದರೆ ಉಕ್ರೇನ್ ವಿಷಯದಲ್ಲಿ ಪುಟಿನ್ ಸರ್ಕಾರ ನಡೆದುಕೊಳ್ಳುತ್ತಿರುವ ರೀತಿ ಒಪ್ಪಲು ಸಾಧ್ಯವಿಲ್ಲ ಎಂದು ಬೈಡನ್ ಹೇಳಿದರು.
'ನಿರ್ಣಾಯಕ ಪ್ರತಿಕ್ರಿಯೆ'ಗೆ ಸಿದ್ಧ: ರಷ್ಯಾ ಕಪಿಮುಷ್ಠಿಯಿಂದ ಉಕ್ರೇನ್ ರಕ್ಷಣೆಗೆ ಬೈಡನ್ ಬದ್ಧ!
ಕೇವಲ ಅಮೆರಿಕ ಮಾತ್ರವಲ್ಲದೆ ಬ್ರಿಟನ್, ಕೆನಡಾ, ಫ್ರಾನ್ಸ್ ಮತ್ತು ಜರ್ಮನಿ ಕೂಡ ಉಕ್ರೇನ್ ಪರ ಗಟ್ಟಿಯಾಗಿ ಧ್ವನಿ ಎತ್ತಿದವು. ಬ್ರಿಟನ್ ಮತ್ತು ಕೆನಡಾ ಉಕ್ರೇನ್ ಪರವಾಗಿ ಸೈನಿಕ ತುಕಡಿಯನ್ನೂ ರವಾನಿಸಿತ್ತು.
ಸದ್ಯದ ಪರಿಸ್ಥಿತಿ ಏನು?
ಸದ್ಯ ರಷ್ಯಾ-ಉಕ್ರೇನ್ ಸಂಘರ್ಷ ತಾರ್ಕಿಕ ಅಂತ್ಯ ಕಾಣುವ ಲಕ್ಷಣ ಗೋಚರವಗುತ್ತಿದೆ. ಇದಕ್ಕೆ ಕಾರಣ ಉಕ್ರೇನ್ ಗಡಿಯಿಂದ ರಷ್ಯಾ ಸಂಪೂರ್ಣವಾಗಿ ತನ್ನ ಸೈನ್ಯ ತುಡಕಡಿಗಳನ್ನು ಹಿಂಪಡೆಯಲು ನಿರ್ಧರಿಸಿರುವುದು. ಉಕ್ರೇನ್‌ಗೆ ನ್ಯಾಟೋ ಪಡೆಗಳ ಬೆಂಬಲ ಮತ್ತು ರಷ್ಯಾ ಮೇಲೆ ಜಾಗತಿಕ ರಾಜತಾಂತ್ರಿಕ ಒತ್ತಡದ ಪರಿಣಾಮಾಗಿ, ರಷ್ಯನ್ ತುಕಡಿಗಳು ಗಡಿಯಿಂದ ಮರಳುತ್ತಿವೆ.
ಆದಾಗ್ಯೂ ಯುದ್ಧ ಸನ್ನಿವೇಶ ಇನ್ನೂ ಸಂಪೂರ್ಣವಾಗಿ ಮರೆಯಾಗಿಲ್ಲ. ಆದರೆ ರಷ್ಯಾದ ಈ ನಡೆ ಗಡಿ ಸಂಘರ್ಷ ಸಾಧ್ಯತೆಯನ್ನು ತುಸು ಕಡಿಮೆ ಮಾಡಿದೆ. ರಷ್ಯಾದ ಈ ನಡೆ ಶಾಂತಿಯುತ ರಾಜತಾಂತ್ರಿಕ ಮಾತುಕತೆಗೆ ದಾರಿ ಮಾಡಿಕೊಟ್ಟಿದ್ದು, ಉಕ್ರೇನ್ ಕೂಡ ದಾಳಿಯ ಭೀತಿಯಿಂದ ಕೊಂಚ ವಿರಾಮ ಪಡೆದಿದೆ.
ಸರಿಯಿತು ಯುದ್ಧದ ಕಾರ್ಮೋಡ: ಉಕ್ರೇನ್ ಗಡಿ ಬಿಟ್ಟು ಹೊರಟ ರಷ್ಯನ್ ಸೈನಿಕರು!
ಅದೆನೆ ಇರಲಿ, ಜಗತ್ತನ್ನು ಆತಂಕಕ್ಕೆ ದೂಡಿದ್ದ ರಷ್ಯಾ-ಉಕ್ರೇನ್ ಸಂಘರ್ಷ ಕೊನೆಗಾಣಲಿ. ಶಾಂತಿಯುತ ರಾಜತಾಂತ್ರಿಕ ಮಾತುಕತೆಗಳ ಮೂಲಕ ಸಮಸ್ಯೆ ಬಗೆಹರಿಯಲಿ ಎಂಬುದೇ ಜಾಗತಿಕ ಶಾಂತಿ ಪ್ರಿಯರ ಆಶಯ.
from India & World News in Kannada | VK Polls https://ift.tt/m5kp6Ft
