ವಾಷಿಂಗ್ಟನ್‌: ಉಕ್ರೇನ್ ಮೇಲೆ ಯುದ್ಧ ಮಾಡಲು ಸಕಲ ರೀತಿಯಲ್ಲಿ ಸನ್ನದ್ಧವಾಗಿರುವ ರಷ್ಯಾ ಆಕ್ರಮಣಕಾರಿ ನೀತಿ ಶಮನಗೊಳಿಸಲು ಅಮೆರಿಕ ಮಧ್ಯಸ್ಥಿಕೆ ವಹಿಸಲು ಮುಂದಾಗಿದ್ದು, ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್‌ ಪುಟಿನ್ ಜತೆ ‘ಷರತ್ತುಬದ್ಧ ಮಾತುಕತೆ’ ನಡೆಸಲು ಅಮೆರಿಕ ಅಧ್ಯಕ್ಷ ಜೋ ಬೈಡೆನ್‌ ಒಪ್ಪಿಗೆ ಸೂಚಿಸಿದ್ದಾರೆ. ಆದರೆ, ‘ಮಾತುಕತೆ ಕುರಿತು ಇದುವರೆಗೆ ಪುಟಿನ್ ಅವರು ದೃಢ ನಿಶ್ಚಯ ಮಾಡಿಲ್ಲ’ ಎಂದು ರಷ್ಯಾ ಪ್ರಕಟಣೆ ತಿಳಿಸಿದ್ದು, ಬಿಕ್ಕಟ್ಟು ಮುಂದುವರಿಯುವ ಲಕ್ಷಣಗಳು ಗೋಚರಿಸಿವೆ.ಕಳೆದ ಹಲವು ದಿನಗಳಿಂದ ಉಕ್ರೇನ್ ಗಡಿಗೆ ಲಕ್ಷಾಂತರ ಸೇನೆಯನ್ನು ಕಳುಹಿಸಿರುವ ರಷ್ಯಾ, ಅಣ್ವಸ್ತ್ರ ದಾಳಿ ಮಾಡಲು ಸಹ ಸಿದ್ಧವಾಗಿದೆ ಎಂದು ತಿಳಿದು ಬಂದಿದೆ. ಆದರೆ, ರಷ್ಯಾ ಆಕ್ರಮಣಕಾರಿ ನೀತಿಗೆ ಅಮೆರಿಕ ತೀವ್ರವಾಗಿ ಆಕ್ಷೇಪ ವ್ಯಕ್ತಪಡಿಸಿದ್ದು, ಆರ್ಥಿಕ ದಿಗ್ಬಂಧನದ ಎಚ್ಚರಿಕೆ ನೀಡಿದೆ. ಆದಾಗ್ಯೂ, ಇದುವರೆಗೆ ಉಕ್ರೇನ್ ಮೇಲೆ ಆಕ್ರಮಣ ಶುರುವಾಗದ ಕಾರಣ ರಾಜತಾಂತ್ರಿಕ ಮಾತುಕತೆ ಮೂಲಕ ರಷ್ಯಾ ಯುದ್ಧೋನ್ಮಾದ ಕುಂಠಿತಗೊಳಿಸಲು ಬೈಡೆನ್‌ ಮಾತುಕತೆ ಮುಂದಾಗಿದ್ದಾರೆ.‘ರಷ್ಯಾ ಆಕ್ರಮಣ ಆರಂಭಿಸುವವರೆಗೆ ಅಮೆರಿಕವು ರಾಜತಾಂತ್ರಿಕ ಮಾತುಕತೆಯ ಮೂಲಕವೇ ಸಮಸ್ಯೆ ಬಗೆಹರಿಸಿಕೊಳ್ಳಲು ಬಯಸುತ್ತದೆ ಎಂದು ಈಗಾಗಲೇ ಜೋ ಬೈಡೆನ್‌ ಅವರು ಹೇಳಿದ್ದಾರೆ. ಅದರಂತೆ ಈಗ ವ್ಲಾಡಿಮಿರ್‌ ಪುಟಿನ್ ಅವರ ಜತೆ ಮಾತುಕತೆ ನಡೆಸಲು ಅಧ್ಯಕ್ಷರು ಒಪ್ಪಿಗೆ ಸೂಚಿಸಿದ್ದಾರೆ’ ಎಂದು ಶ್ವೇತಭವನದ ಮಾಧ್ಯಮ ಕಾರ್ಯದರ್ಶಿ ಜೆನ್‌ ಸಾಕಿ ತಿಳಿಸಿದ್ದಾರೆ.ಭಾನುವಾರ ಜೋ ಬೈಡೆನ್‌, ವ್ಲಾಡಿಮಿರ್‌ ಪುಟಿನ್ ಹಾಗೂ ಫ್ರಾನ್ಸ್‌ ಅಧ್ಯಕ್ಷ ಇಮ್ಯಾನುಯೆಲ್‌ ಮ್ಯಾಕ್ರನ್‌ ಅವರು ದೂರವಾಣಿ ಮೂಲಕ ಮಾತುಕತೆ ನಡೆಸಿದ್ದು, ಬೈಡೆನ್‌ ಹಾಗೂ ಮ್ಯಾಕ್ರನ್‌ ಅವರ ನಿಲುವಿಗೆ ಪುಟಿನ್ ಒಪ್ಪಿಗೆ ಸೂಚಿಸಿದ್ದಾರೆ ಎಂದು ತಿಳಿದು ಬಂದಿದೆ. ಸೋಮವಾರ ಸಹ ಜರ್ಮನಿ ಚಾನ್ಸಲರ್‌ ಒಲಾಫ್‌ ಸ್ಕೋಲ್ಜ್ ಅವರೂ ಪುಟಿನ್ ಜತೆ ಚರ್ಚಿಸಿದ್ದಾರೆ ಎಂದು ತಿಳಿದುಬಂದಿದೆ. ಹಾಗಾಗಿಯೇ, ಇದುವರೆಗೆ ಆಕ್ರಮಣಕಾರಿ ನೀತಿ ಅನುಸರಿಸುತ್ತಿದ್ದ ಪುಟಿನ್ ಈಗ, ‘ಗಡಿಯಲ್ಲಿ ಪ್ರಕ್ಷುಬ್ಧ ವಾತಾವರಣ ಉಂಟಾಗಲು ಉಕ್ರೇನ್ ಕಾರಣವಾಗಿದೆ. ರಾಜತಾಂತ್ರಿಕ ಚರ್ಚೆ ಮೂಲಕ ಸಮಸ್ಯೆ ಬಗೆಹರಿಸಿಕೊಳ್ಳುವುದು ಒಳಿತು’ ಎಂದು ಹೇಳಿದ್ದಾರೆ. ಹಾಗಾಗಿ ಮುಂದಿನ ದಿನಗಳಲ್ಲಿ ಉಕ್ರೇನ್ - ರಷ್ಯಾ ಬಿಕ್ಕಟ್ಟು ಮಾತುಕತೆ ಮೂಲಕವೇ ಬಗೆಹರಿಯಲಿದೆ ಎಂದು ಹೇಳಲಾಗುತ್ತಿದೆ.ಉಕ್ರೇನ್ ಮೇಲೆ ಯಾವ ಕ್ಷಣದಲ್ಲಾದರೂ ರಷ್ಯಾ ದಾಳಿ ಮಾಡುವ ಸಾಧ್ಯತೆ ಇದ್ದು, ಈಗಾಗಲೇ ಯಾರನ್ನು ಹತ್ಯೆ ಮಾಡಬೇಕು, ಯಾರನ್ನು ಯುದ್ಧ ಕೈದಿಗಳನ್ನಾಗಿ ಮಾಡಿ ಅವರನ್ನು ಶಿಬಿರದಲ್ಲಿ ಇರಿಸಬೇಕು ಎಂಬ ಪಟ್ಟಿ ತಯಾರಿಸಿದೆ ಎಂದು ವರದಿಗಳಿಂದ ತಿಳಿದು ಬಂದಿದೆ.
ವಾಷಿಂಗ್ಟನ್‌:
ಉಕ್ರೇನ್ ಮೇಲೆ ಯುದ್ಧ ಮಾಡಲು ಸಕಲ ರೀತಿಯಲ್ಲಿ ಸನ್ನದ್ಧವಾಗಿರುವ ರಷ್ಯಾ ಆಕ್ರಮಣಕಾರಿ ನೀತಿ ಶಮನಗೊಳಿಸಲು ಅಮೆರಿಕ ಮಧ್ಯಸ್ಥಿಕೆ ವಹಿಸಲು ಮುಂದಾಗಿದ್ದು, ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್‌ ಪುಟಿನ್ ಜತೆ ‘ಷರತ್ತುಬದ್ಧ ಮಾತುಕತೆ’ ನಡೆಸಲು ಅಮೆರಿಕ ಅಧ್ಯಕ್ಷ ಜೋ ಬೈಡೆನ್‌ ಒಪ್ಪಿಗೆ ಸೂಚಿಸಿದ್ದಾರೆ. ಆದರೆ, ‘ಮಾತುಕತೆ ಕುರಿತು ಇದುವರೆಗೆ ಪುಟಿನ್ ಅವರು ದೃಢ ನಿಶ್ಚಯ ಮಾಡಿಲ್ಲ’ ಎಂದು ರಷ್ಯಾ ಪ್ರಕಟಣೆ ತಿಳಿಸಿದ್ದು, ಬಿಕ್ಕಟ್ಟು ಮುಂದುವರಿಯುವ ಲಕ್ಷಣಗಳು ಗೋಚರಿಸಿವೆ.
ಕಳೆದ ಹಲವು ದಿನಗಳಿಂದ ಉಕ್ರೇನ್ ಗಡಿಗೆ ಲಕ್ಷಾಂತರ ಸೇನೆಯನ್ನು ಕಳುಹಿಸಿರುವ ರಷ್ಯಾ, ಅಣ್ವಸ್ತ್ರ ದಾಳಿ ಮಾಡಲು ಸಹ ಸಿದ್ಧವಾಗಿದೆ ಎಂದು ತಿಳಿದು ಬಂದಿದೆ. ಆದರೆ, ರಷ್ಯಾ ಆಕ್ರಮಣಕಾರಿ ನೀತಿಗೆ ಅಮೆರಿಕ ತೀವ್ರವಾಗಿ ಆಕ್ಷೇಪ ವ್ಯಕ್ತಪಡಿಸಿದ್ದು, ಆರ್ಥಿಕ ದಿಗ್ಬಂಧನದ ಎಚ್ಚರಿಕೆ ನೀಡಿದೆ. ಆದಾಗ್ಯೂ, ಇದುವರೆಗೆ ಉಕ್ರೇನ್ ಮೇಲೆ ಆಕ್ರಮಣ ಶುರುವಾಗದ ಕಾರಣ ರಾಜತಾಂತ್ರಿಕ ಮಾತುಕತೆ ಮೂಲಕ ರಷ್ಯಾ ಯುದ್ಧೋನ್ಮಾದ ಕುಂಠಿತಗೊಳಿಸಲು ಬೈಡೆನ್‌ ಮಾತುಕತೆ ಮುಂದಾಗಿದ್ದಾರೆ.
‘ರಷ್ಯಾ ಆಕ್ರಮಣ ಆರಂಭಿಸುವವರೆಗೆ ಅಮೆರಿಕವು ರಾಜತಾಂತ್ರಿಕ ಮಾತುಕತೆಯ ಮೂಲಕವೇ ಸಮಸ್ಯೆ ಬಗೆಹರಿಸಿಕೊಳ್ಳಲು ಬಯಸುತ್ತದೆ ಎಂದು ಈಗಾಗಲೇ ಜೋ ಬೈಡೆನ್‌ ಅವರು ಹೇಳಿದ್ದಾರೆ. ಅದರಂತೆ ಈಗ ವ್ಲಾಡಿಮಿರ್‌ ಪುಟಿನ್ ಅವರ ಜತೆ ಮಾತುಕತೆ ನಡೆಸಲು ಅಧ್ಯಕ್ಷರು ಒಪ್ಪಿಗೆ ಸೂಚಿಸಿದ್ದಾರೆ’ ಎಂದು ಶ್ವೇತಭವನದ ಮಾಧ್ಯಮ ಕಾರ್ಯದರ್ಶಿ ಜೆನ್‌ ಸಾಕಿ ತಿಳಿಸಿದ್ದಾರೆ.
ಭಾನುವಾರ ಜೋ ಬೈಡೆನ್‌, ವ್ಲಾಡಿಮಿರ್‌ ಪುಟಿನ್ ಹಾಗೂ ಫ್ರಾನ್ಸ್‌ ಅಧ್ಯಕ್ಷ ಇಮ್ಯಾನುಯೆಲ್‌ ಮ್ಯಾಕ್ರನ್‌ ಅವರು ದೂರವಾಣಿ ಮೂಲಕ ಮಾತುಕತೆ ನಡೆಸಿದ್ದು, ಬೈಡೆನ್‌ ಹಾಗೂ ಮ್ಯಾಕ್ರನ್‌ ಅವರ ನಿಲುವಿಗೆ ಪುಟಿನ್ ಒಪ್ಪಿಗೆ ಸೂಚಿಸಿದ್ದಾರೆ ಎಂದು ತಿಳಿದು ಬಂದಿದೆ. ಸೋಮವಾರ ಸಹ ಜರ್ಮನಿ ಚಾನ್ಸಲರ್‌ ಒಲಾಫ್‌ ಸ್ಕೋಲ್ಜ್ ಅವರೂ ಪುಟಿನ್ ಜತೆ ಚರ್ಚಿಸಿದ್ದಾರೆ ಎಂದು ತಿಳಿದುಬಂದಿದೆ. ಹಾಗಾಗಿಯೇ, ಇದುವರೆಗೆ ಆಕ್ರಮಣಕಾರಿ ನೀತಿ ಅನುಸರಿಸುತ್ತಿದ್ದ ಪುಟಿನ್ ಈಗ, ‘ಗಡಿಯಲ್ಲಿ ಪ್ರಕ್ಷುಬ್ಧ ವಾತಾವರಣ ಉಂಟಾಗಲು ಉಕ್ರೇನ್ ಕಾರಣವಾಗಿದೆ. ರಾಜತಾಂತ್ರಿಕ ಚರ್ಚೆ ಮೂಲಕ ಸಮಸ್ಯೆ ಬಗೆಹರಿಸಿಕೊಳ್ಳುವುದು ಒಳಿತು’ ಎಂದು ಹೇಳಿದ್ದಾರೆ. ಹಾಗಾಗಿ ಮುಂದಿನ ದಿನಗಳಲ್ಲಿ ಉಕ್ರೇನ್ - ರಷ್ಯಾ ಬಿಕ್ಕಟ್ಟು ಮಾತುಕತೆ ಮೂಲಕವೇ ಬಗೆಹರಿಯಲಿದೆ ಎಂದು ಹೇಳಲಾಗುತ್ತಿದೆ.
ಉಕ್ರೇನ್ ಗಡಿಯಲ್ಲಿ 1.5 ಲಕ್ಷ ರಷ್ಯಾ ಸೈನಿಕರು..!
ಜನವರಿಯಿಂದಲೂ ಉಕ್ರೇನ್ ಗಡಿಗೆ ರಷ್ಯಾ ಲಕ್ಷಾಂತರ ಸೈನಿಕರನ್ನು ಕಳುಹಿಸುವ ಮೂಲಕ ಬಿಕ್ಕಟ್ಟು ಸೃಷ್ಟಿಸಿದೆ. ಅಮೆರಿಕ ಅಂದಾಜಿನ ಪ್ರಕಾರ ಉಕ್ರೇನ್ ಗಡಿಯಲ್ಲಿ ರಷ್ಯಾದ 1.5 ಲಕ್ಷ ಸೈನಿಕರು ಬೀಡುಬಿಟ್ಟಿದ್ದಾರೆ ಎಂದು ತಿಳಿದುಬಂದಿದೆ. ಯಾವಾಗ ಬೇಕಾದರೂ ರಷ್ಯಾ ಆಕ್ರಮಣ ಮಾಡುವ ಸಾಧ್ಯತೆ ಇರುವುದರಿಂದ ಅಮೆರಿಕ ಪದೇ ಪದೇ ರಷ್ಯಾಗೆ ಎಚ್ಚರಿಕೆ ನೀಡಿದೆ. ಅಮೆರಿಕ ಮಾತ್ರವಲ್ಲ, ಅಮೆರಿಕದ ಮಿತ್ರ ರಾಷ್ಟ್ರಗಳು ಸಹ ರಷ್ಯಾ ಮೇಲೆ ನಿರ್ಬಂಧ ಹೇರುತ್ತವೆ ಎಂದು ಎಚ್ಚರಿಸಿದೆ.
ಬೈಡನ್, ಪುಟಿನ್ ಮಾತುಕತೆ ಯಾವಾಗ..?
ಜೋ ಬೈಡೆನ್‌ ಹಾಗೂ ವ್ಲಾಡಿಮಿರ್‌ ಪುಟಿನ್ ಮಧ್ಯೆ ಮಾತುಕತೆ ಯಾವಾಗ ನಡೆಯುತ್ತದೆ ಎಂಬುದು ಇದುವರೆಗೆ ಸ್ಪಷ್ಟವಾಗಿಲ್ಲ. ಆದರೆ, ಯಾವ ಸಂದರ್ಭದಲ್ಲಾದರೂ ಉಭಯ ನಾಯಕರು ದೂರವಾಣಿ ಮೂಲಕ ಮಾತನಾಡಬಹುದು ಇಲ್ಲವೇ ಮುಖಾಮುಖಿಯಾಗಿ ಸಭೆ ನಡೆಸಬಹುದು ಎಂದು ರಷ್ಯಾ ಮಾಧ್ಯಮಗಳು ವರದಿ ಮಾಡಿವೆ.
ಉಕ್ರೇನ್‌ನಿಂದ ಶೆಲ್‌ ದಾಳಿ ಎಂದ ರಷ್ಯಾ
ಉಕ್ರೇನ್ ಗಡಿ ಪ್ರದೇಶದಿಂದ ಶೆಲ್‌ ದಾಳಿ ಮಾಡಲಾಗಿದೆ ಎಂದು ಸೋಮವಾರ ರಷ್ಯಾ ಆರೋಪಿಸಿದೆ. ‘ಗಡಿಯಲ್ಲಿ ರಷ್ಯಾ ಸೈನಿಕರಿಗಾಗಿ ಇರುವ ಹಲವು ಮೂಲ ಸೌಕರ್ಯಗಳ ಮೇಲೆ ಉಕ್ರೇನ್ ಶೆಲ್‌ ದಾಳಿ ಮಾಡಿದೆ’ ಎಂದು ರಷ್ಯಾದ ಫೆಡರಲ್‌ ಸೆಕ್ಯುರಿಟಿ ಸರ್ವಿಸ್‌ (ಎಫ್‌ಎಸ್‌ಬಿ) ದೂರಿದೆ. ಆದರೆ, ಆರೋಪವನ್ನು ಅಲ್ಲಗಳೆದಿರುವ ಉಕ್ರೇನ್, ‘ಇದು ಕೇವಲ ವದಂತಿ’ ಎಂದು ಸ್ಪಷ್ಟಪಡಿಸಿದೆ. ‘ರಷ್ಯಾದ ಯಾವುದೇ ನೆಲೆಯ ಮೇಲೆ ನಾವು ದಾಳಿ ಮಾಡಿಲ್ಲ, ಮುಂದೆಯೂ ಮಾಡುವುದಿಲ್ಲ. ರಷ್ಯಾ ಸುಳ್ಳು ಸುದ್ದಿಗಳನ್ನು ಹರಡುವುದನ್ನು ಇನ್ನಾದರೂ ನಿಲ್ಲಿಸಬೇಕು’ ಎಂದು ಉಕ್ರೇನ್ ಸೇನೆ ತಿಳಿಸಿದೆ.
ಯಾರನ್ನು ಕೊಲ್ಲಬೇಕು ಎಂದು ಪಟ್ಟಿ..!
ಉಕ್ರೇನ್ ಮೇಲೆ ಯಾವ ಕ್ಷಣದಲ್ಲಾದರೂ ರಷ್ಯಾ ದಾಳಿ ಮಾಡುವ ಸಾಧ್ಯತೆ ಇದ್ದು, ಈಗಾಗಲೇ ಯಾರನ್ನು ಹತ್ಯೆ ಮಾಡಬೇಕು, ಯಾರನ್ನು ಯುದ್ಧ ಕೈದಿಗಳನ್ನಾಗಿ ಮಾಡಿ ಅವರನ್ನು ಶಿಬಿರದಲ್ಲಿ ಇರಿಸಬೇಕು ಎಂಬ ಪಟ್ಟಿ ತಯಾರಿಸಿದೆ ಎಂದು ವರದಿಗಳಿಂದ ತಿಳಿದು ಬಂದಿದೆ. ‘ರಷ್ಯಾ ದಾಳಿ ಮಾಡಿದರೆ ಉಕ್ರೇನ್‌ನ ಸಾವಿರಾರು ಜನ ಹತ್ಯೆಗೀಡಾಗುವುದು ನಿಶ್ಚಿತವಾಗಿದೆ. ಹಾಗಾಗಿ, ಯಾವ ಯಾವ ಪ್ರಮುಖ ವ್ಯಕ್ತಿಗಳನ್ನು ಹತ್ಯೆ ಮಾಡಬೇಕು, ಯಾರನ್ನು ಬಂಧಿಸಿ ಯುದ್ಧ ಕೈದಿಗಳನ್ನಾಗಿ ಮಾಡಿ, ಶಿಬಿರಗಳಲ್ಲಿ ಇರಿಸಬೇಕು ಎಂಬುದನ್ನು ರಷ್ಯಾ ಪಟ್ಟಿ ಮಾಡಿದೆ’ ಎಂದು ವರದಿಗಳು ತಿಳಿಸಿವೆ.
from India & World News in Kannada | VK Polls https://ift.tt/S7Eib9R
