ಬೆಂಗಳೂರು: ಭಾರತೀಯ ಸಂಜಾತ ಆಸ್ಟ್ರೇಲಿಯಾ ಪ್ರಜೆ ವಿನಿ ರಾಮನ್‌ ಅವರನ್ನು ಮಾರ್ಚ್‌ನಲ್ಲಿ ವಿವಾಹ ವಾಗುತ್ತಿರುವ ಹಿನ್ನೆಲೆಯಲ್ಲಿ ಆಸೀಸ್‌ ಸ್ಟಾರ್‌ ಆಲ್‌ರೌಂಡರ್‌ ಮುಂಬರುವ ಪಾಕಿಸ್ತಾನ ಪ್ರವಾಸದಿಂದ ಹೊರಗುಳಿಯಲಿದ್ದು, 15ನೇ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್‌ ಲೀಗ್ ಟೂರ್ನಿಯ ಆರಂಭಿಕ ಪಂದ್ಯಗಳಿಗೂ ಅಲಭ್ಯರಾಗುವ ಸಾಧ್ಯತೆ ದಟ್ಟವಾಗಿದೆ ಎಂದು ವರದಿಗಳಾಗಿವೆ. ಐಪಿಎಲ್‌ 2022 ಟೂರ್ನಿ ಮಾರ್ಚ್‌ 27ರಂದು ಆರಂಭವಾಗುವ ಸಾಧ್ಯತೆ ದಟ್ಟವಾಗಿದ್ದು, ಲೀಗ್ ಹಂತದ ಪಂದ್ಯಗಳನ್ನು ಮಹಾರಾಷ್ಟ್ರದಲ್ಲಿ ಮತ್ತು ನಾಕ್‌ಔಟ್‌ ಪಂದ್ಯಗಳನ್ನು ಅಹ್ಮದಾಬಾದ್‌ನಲ್ಲಿ ಬಯೋ ಬಬಲ್‌ ಒಳಗೆ ಆಯೋಜಿಸಲು ಬಿಸಿಸಿಐ ಆಲೋಚಿಸಿದೆ. ಇತ್ತೀಚೆಗೆ ಐಪಿಎಲ್‌ ಮೆಗಾ ಆಕ್ಷನ್‌ ನಡೆದಿದ್ದು, ತಾನು ಉಳಿಸಿಕೊಂಡ ಮೂರು ಆಟಗಾರರಿಗೆ (ವಿರಾಟ್ ಕೊಹ್ಲಿ, ಗ್ಲೆನ್ ಮ್ಯಾಕ್ಸ್ವೆಲ್ ಮತ್ತು ಮೊಹಮ್ಮದ್ ಸಿರಾಜ್) ಬಲ ನೀಡುವಂತಹ 19 ಆಟಗಾರರನ್ನು ಖರೀದಿ ಮಾಡಿದೆ. ಇನ್ನು ವಿವಾಹ ಕಾರಣ ಐಪಿಎಲ್‌ 2022 ಟೂರ್ನಿಯ ಆರಂಭಿಕ ಪಂದ್ಯಗಳಿಗೆ ಅಲಭ್ಯರಾಗಲಿರುವ ಮ್ಯಾಕ್ಸ್ವೆಲ್ ಏಪ್ರಿಲ್‌ ಮೊದಲ ವಾರದ ಬಳಿಕ ನಡೆಯುವ ಪಂದ್ಯಗಳ ಹೊತ್ತಿಗೆ ತಂಡ ಸೇರಿಕೊಳ್ಳಲಿದ್ದಾರೆ ಎನ್ನಲಾಗಿದೆ. "ಆರಂಭದಲ್ಲಿ ಕ್ರಿಕೆಟ್ ಆಸ್ಟ್ರೇಲಿಯಾ ಜೊತೆಗೆ ಚರ್ಚೆ ಮಾಡಿಯೇ ವಿವಾಹದ ದಿನಾಂಕ ನಿಗದಿ ಮಾಡಲಾಗಿತ್ತು. ಆಗ ಈ ಸಮಯದಲ್ಲಿ ಯಾವುದೇ ಸರಣಿಗಳು ಇರಲಿಲ್ಲ. ನಂತರ ಕ್ರಿಕೆಟ್ ಆಸ್ಟ್ರೇಲಿಯಾ ಸಭೆ ನಡೆಸಿ ಪಾಕಿಸ್ತಾನ ಪ್ರವಾಸ ಆಯೋಜಿಸಿದೆ," ಎಂದು ಫಾಕ್ಸ್‌ ಸ್ಪೋರ್ಟ್ಸ್‌ಗೆ ಮ್ಯಾಕ್ಸ್ವೆಲ್ ಹೇಳಿದ್ದಾರೆ. ಶ್ರೀಲಂಕಾ ಎದುರು ಅಬ್ಬರಿಸಿ ಗ್ಲೆನ್‌ಆಸ್ಟ್ರೇಲಿಯಾ ತಂಡ ಸದ್ಯ ತಾಯ್ನಾಡಿನಲ್ಲಿ ಪ್ರವಾಸಿ ಶ್ರೀಲಂಕಾ ಎದುರು ಐದು ಪಂದ್ಯಗಳ ಟಿ20 ಕ್ರಿಕೆಟ್ ಸರಣಿಯನ್ನಾಡುತ್ತಿದೆ. ಮೊದಲ ಎರಡು ಪಂದ್ಯಗಳನ್ನು ಗೆದ್ದಿದ್ದ ಆಸೀಸ್‌ಗೆ ಮೂರನೇ ಪಂದ್ಯ ಮತ್ತು ಸರಣಿ ಎರಡನೇ ಗೆದ್ದುಕೊಡುವಲ್ಲಿ ಮ್ಯಾಕ್ಸ್ವೆಲ್ ಬಹಳಾ ಮುಖ್ಯ ಪಾತ್ರವಹಿಸಿದ್ದಾರೆ. ಮನುಕಾ ಓವಲ್‌ನಲ್ಲಿ ನಡೆದ ಮೂರನೇ ಹಣಾಹಣಿಯಲ್ಲಿ, ಮೊದಲು ಬ್ಯಾಟ್‌ ಮಾಡಿದ ಶ್ರೀಲಂಕಾ 121/6 ರನ್‌ಗಳ ಸಾಧಾರಣ ಮೊತ್ತ ಮಾತ್ರ ದಾಖಲಿಸಿತು. ವೇಗಿ ಕೇನ್‌ ರಿಚರ್ಡ್ಸನ್‌ 21ಕ್ಕೆ 3 ವಿಕೆಟ್‌ ಕಿತ್ತು ಲಂಕಾ ಬ್ಯಾಟ್ಸ್‌ಮನ್‌ಗಳಿಗೆ ಸಿಂಹ ಸ್ವಪ್ನವಾದರು. ಬಳಿಕ ಗುರಿ ಬೆನ್ನತ್ತಿದ ಆಸ್ಟ್ರೇಲಿಯಾ ಪರ ಅಬ್ಬರಿಸಿದ ಮ್ಯಾಕ್ಸ್ವೆಲ್ 26 ಎಸೆತಗಳಲ್ಲಿ 39 ರನ್‌ ಚೆಚ್ಚಿ ಜಯ ತಂದರು. ಐಪಿಎಲ್‌ 2022 ಟೂರ್ನಿಗೆ ಆರ್‌ಸಿಬಿ ಕಟ್ಟಿರುವ ತಂಡ ಹೀಗಿದೆ ವಿರಾಟ್ ಕೊಹ್ಲಿ, ಗ್ಲೆನ್ ಮ್ಯಾಕ್ಸ್ವೆಲ್, ಮೊಹಮ್ಮದ್ ಸಿರಾಜ್, ಹರ್ಷಲ್ ಪಟೇಲ್, ಫಾಫ್ ಡು'ಪ್ಲೆಸಿಸ್, ವಾನಿಂದು ಹಸರಂಗ, ದಿನೇಶ್ ಕಾರ್ತಿಕ್, ಜಾಶ್ ಹೇಜಲ್‌ವುಡ್, ಶಹಬಾಝ್ ಅಹ್ಮದ್, ಅನುಜ್ ರಾವತ್, ಆಕಾಶ್ ದೀಪ್, ಮಹಿಪಾಲ್ ಲೊಮ್ರೋರ್, ಫಿನ್ ಆಲೆನ್, ಶೆರ್ಫೇನ್ ರುದರ್‌ಫೋರ್ಡ್, ಜೇಸನ್ ಬೆಹ್ರೆನ್‌ಡಾರ್ಫ್, ಸುಯಾಶ್‌ ಪ್ರಭುದೇಸಾಯ್, ಚಾಮಾ ಮಿಲಿಂದ್, ಅನೀಶ್ವರ್‌ ಗೌತಮ್, ಕರಣ್‌ ಶರ್ಮಾ, ಸಿದ್ಧಾರ್ಥ್ ಕೌಲ್, ಲವ್ನೀತ್ ಸಿಸೋಡಿಯಾ, ಡೇವಿಡ್ ವಿಲ್ಲಿ. ಆರ್‌ಸಿಬಿ ಸಂಭಾವ್ಯ ಪ್ಲೇಯಿಂಗ್‌ ಇಲೆವೆನ್‌1. ಫಾಫ್ ಡು'ಪ್ಲೆಸಿಸ್ (ಓಪನರ್‌/ಕ್ಯಾಪ್ಟನ್‌) 2. ವಿರಾಟ್ ಕೊಹ್ಲಿ (ಓಪನರ್‌) 3. ಅನುಜ್ ರಾವತ್ (ಬ್ಯಾಟ್ಸ್‌ಮನ್‌) 4. ಗ್ಲೆನ್ ಮ್ಯಾಕ್ಸ್ವೆಲ್ (ಆಲ್‌ರೌಂಡರ್‌) 5. ದಿನೇಶ್ ಕಾರ್ತಿಕ್ (ವಿಕೆಟ್‌ಕೀಪರ್‌/ ಬ್ಯಾಟ್ಸ್‌ಮನ್‌) 6. ಮಹಿಪಾಲ್ ಲೊಮ್ರೊರ್‌ (ಆಲ್‌ರೌಂಡರ್‌) 7. ವಾನಿಂದು ಹಸರಂಗ (ಆಲ್‌ರೌಂಡರ್‌) 8. ಶಹಬಾಝ್ ಅಹ್ಮದ್ (ಆಲ್‌ರೌಂಡರ್‌) 9. ಹರ್ಷಲ್ ಪಟೇಲ್ (ಬಲಗೈ ಮಧ್ಯಮ ವೇಗಿ) 10. ಜಾಶ್ ಹೇಝಲ್‌ವುಡ್‌ (ಬಲಗೈ ವೇಗಿ) 11. ಮೊಹಮ್ಮದ್ ಸಿರಾಜ್ (ಬಲಗೈ ವೇಗಿ)
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/Mme0LcC
