ಹೊಸಕೋಟೆ: ಪ್ರತಿಯೊಬ್ಬರಿಗೂ ಹೈನುಗಾರಿಕೆ ಬಗ್ಗೆ ಹೆಚ್ಚಿನ ಆಸಕ್ತಿಯನ್ನು ಮೂಡಿಸುವ ಉದ್ದೇಶದಿಂದ ಜಿಲ್ಲೆಯಲ್ಲಿ ಮೊದಲ ಬಾರಿಗೆ ತಾಲೂಕಿನ ಮಾಕನಹಳ್ಳಿ ಗ್ರಾಮದಲ್ಲಿ ಹಸುವಿನ ಹಾಲು ಕರೆಯುವ ಬಗ್ಗೆ ಸ್ಪರ್ಧೆ ನಡೆಸಲಾಗಿದ್ದು, ಇದರಲ್ಲಿ ದೊಡ್ಡ ತಗ್ಗಲಿ ಗ್ರಾಮದ ರಘುರೆಡ್ಡಿ ಅವರಿಗೆ ಹಸು 31.15 ಹಾಲು ನೀಡುವ ಮೂಲಕ ಮೊದಲ ಸ್ಥಾನ ಪಡೆದಿದ್ದಾರೆ. 17 ಜನರಿಗೆ ಸಮಾಧಾನಕರ ಬಹುಮಾನಗಳನ್ನು ನೀಡಿ ಪ್ರೋತ್ಸಾಹಿಸಲಾಗಿದೆ ಎಂದು ಹೊಸಕೋಟೆ ಡೇರಿ ಉಪ ವ್ಯವಸ್ಥಾಪಕ ಶಿವಾಜಿ ನಾಯಕ್‌ ತಿಳಿಸಿದರು. ತಾಲೂಕಿನ ಮಾಕನಹಳ್ಳಿ ಗ್ರಾಮದಲ್ಲಿ ಬುಧವಾರ ಸಂಜೆ ಜಿಪಂ, ತಾಪಂ ಹಾಗೂ ಪಶುಪಾಲನೆ ಇಲಾಖೆ, ಬೆಂಗಳೂರು ಹಾಲು ಒಕ್ಕೂಟ, ಹೊಸಕೋಟೆ ಹಾಲು ಉತ್ಪಾದಕರ ಸಹಕಾರ ಸಂಘ ಹಾಗೂ ಪಶು ವೈದ್ಯಕೀಯ ಸೇವಾ ಇಲಾಖೆ ಸಹಯೋಗದಲ್ಲಿ ನಡೆದ ಹಸುವಿನ ಕಾರ್ಯಕ್ರಮದಲ್ಲಿ ಬಹುಮಾನಗಳನ್ನು ವಿತರಿಸಿ ಮಾತನಾಡಿದರು. ಈ ಸ್ಪರ್ಧೆಯಲ್ಲಿ ತಾಲೂಕಿನ ದೊಡ್ಡತಗ್ಗಲಿ ಗ್ರಾಮದ ರಘುರೆಡ್ಡಿ ರವರಿಗೆ ಮೊದಲ ಸ್ಥಾನ ದೊರೆತಿದೆ. 31.15 ಲೀಟರ್‌ ಹಾಲು ಕರೆದು ಸ್ಪರ್ಧೆಯಲ್ಲಿ ಭಾಗವಹಿಸಿದ್ದ ಹಸುಗಳಿಗಿಂತ ಹೆಚ್ಚು ಹಾಲು ನೀಡುವ ಮೂಲಕ ಮೊದಲ ಸ್ಥಾನ ಪಡೆದುಕೊಂಡಿದೆ. ಮಾಕನಹಳ್ಳಿ ಗ್ರಾಮದ ಭಾರತಿ ಅವರ ಹಸು 27.4 ಲೀಟರ್‌ ಹಾಲು ನೀಡಿ ಎರಡನೆ ಸ್ಥಾನ ಪಡೆದುಕೊಂಡಿದೆ. ಹುಣಸೇಹಳ್ಳಿಯ ಕಮಲಮ್ಮ ಎಂಬುವರಿಗೆ ಸೇರಿದ ಹಸು 23.9 ಲೀಟರ್‌ ಹಾಲು ನೀಡುವ ಮೂಲಕ ಮೂರನೇ ಸ್ಥಾನ ಪಡೆದಿದ್ದಾರೆ. ಒಟ್ಟು 20 ರಾಸುಗಳು ಭಾಗಿಯಾಗಿದ್ದು ಇನ್ನುಳಿದ 17 ಹೈನುಗಾರರಿಗೆ ಸಮಾಧಾನಕರ ಬಹುಮಾನ ನೀಡಲಾಯಿತು ಎಂದರು. ಆರೋಗ್ಯ ಇಲಾಖೆಯ ಸಹಾಯಕ ನಿರ್ದೇಶಕ ಡಾ. ಮಂಜುನಾಥ್‌ ಮಾತನಾಡಿ, ಎರಡು ದಿನಗಳ ಕಾಲ ನಡೆದ ಈ ಕಾರ್ಯಕ್ರಮದಲ್ಲಿ ಕೇವಲ ಹಾಲು ಕರೆಯುವ ಸ್ಪರ್ಧೆ ಮಾತ್ರವಲ್ಲದೆ ಹಸುಗಳ ಆರೋಗ್ಯ ತಪಾಸಣೆ, ಲಸಿಕೆ ಹಾಕುವಿಕೆ, ಹಸುಗಳ ಆರೈಕೆ ಹಾಗೂ ಹಸುಗಳಿಗೆ ಯಾವ ರೀತಿ ಮೇವು ನೀಡಬೇಕೆಂಬ ತರಬೇತಿ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿತ್ತು. ಇದು ಯಶಸ್ವಿಯಾಗಿದ್ದು ರೈತರಿಗೆ ಹೆಚ್ಚಿನ ಅನುಕೂಲವಾಗಿದೆ ಎಂದು ತಿಳಿಸಿದರು. ಈ ಸಂದರ್ಭದಲ್ಲಿಹಾಲು ಉತ್ಪಾದಕರ ಸಂಘದ ಅಧ್ಯಕ್ಷ ಕಾಮಯ್ಯ, ವಾಗಟ ಪಶುವೈದ್ಯಾಧಿಕಾರಿ ಡಾ ಮನು ಕುರಿಯನ್‌, ತಾಪಂ ಅಧಿಕಾರಿ ಚೌಡರೆಡ್ಡಿ, ವಾಗಟ ಗ್ರಾಪಂ ಮಾಜಿ ಅಧ್ಯಕ್ಷ ರಾಮಚಂದ್ರಪ್ಪ, ರಾಮಣ್ಣ, ಹಾಲು ತಪಾಸಣಾಧಿಕಾರಿ ವಿನಯ್‌ ಮೊದಲಾದವರು ಹಾಜರಿದ್ದರು.
from India & World News in Kannada | VK Polls https://ift.tt/mS7jaxF
