ಬೆಂಗಳೂರು: ಸಮಗ್ರ ಮಕ್ಕಳ ಅಭಿವೃದ್ಧಿ ಯೋಜನೆಯಡಿ (ಐಸಿಡಿಎಸ್‌) ರಾಜ್ಯದ ಮಕ್ಕಳು, ಗರ್ಭಿಣಿಯರು ಮತ್ತು ತಾಯಂದಿರಿಗೆ ಕಳಪೆ ಆಹಾರ ಪದಾರ್ಥಗಳನ್ನು ಪೂರೈಸಲಾಗುತ್ತಿದೆ ಎಂದು ಆರೋಪಿಸಿ ಸಲ್ಲಿಸಲಾದ ಅರ್ಜಿಗೆ ಸಂಬಂಧಿಸಿದಂತೆ ಹೈಕೋರ್ಟ್‌, ಸರಕಾರಕ್ಕೆ ನೋಟಿಸ್‌ ಜಾರಿಗೊಳಿಸಿದೆ. ಬಾಗಲಕೋಟೆ ಜಿಲ್ಲೆಯ ಅಮರಾವತಿ ಗ್ರಾಮ ಪಂಚಾಯಿತಿ ಅಧ್ಯಕ್ಷೆ ಸಂಗೀತಾ ಗದುಗಿನ ಸಲ್ಲಿಸಿರುವ ಸಾರ್ವಜನಿಕ ಹಿತಾಸಕ್ತಿ ಅರ್ಜಿಯನ್ನು ಮುಖ್ಯ ನ್ಯಾಯಮೂರ್ತಿ ರಿತುರಾಜ್‌ ಅವಸ್ಥಿ ನೇತೃತ್ವದ ಪೀಠ ವಿಚಾರಣೆ ನಡೆಸಿತು. ಅರ್ಜಿದಾರರ ಪರ ವಾದಿಸಿದ ವಕೀಲ ರೋಹನ್‌ ವೀರಣ್ಣ ತಿಗಡಿ, ‘ಸುಪ್ರೀಂಕೋರ್ಟ್‌ ಆದೇಶದ ಹಿನ್ನೆಲೆಯಲ್ಲಿ ಪೌಷ್ಟಿಕ ಆಹಾರ ಉತ್ಪಾದನೆ ಹಾಗೂ ತರಬೇತಿ ಕೇಂದ್ರ (ಎಂಎಸ್‌ಪಿಟಿಸಿ) ರಚಿಸಲಾಗಿದೆ. ಆದರೆ, ಈ ಎಂಎಸ್‌ಪಿಟಿಸಿಗಳು ಕಳಪೆ ಆಹಾರ ಪೂರೈಸಿವೆ’ ಎಂದರು. ಕಾನೂನು ವಿವಿ ಕುಲಪತಿ ವಿರುದ್ಧ ದೂರುಬೆಂಗಳೂರು: ಕರ್ನಾಟಕ ರಾಜ್ಯ ಕಾನೂನು ವಿಶ್ವವಿದ್ಯಾಲಯದ ಕುಲಪತಿಯಾಗಿ ಪ್ರೊ.ಈಶ್ವರ ಭಟ್‌ ಅವರನ್ನು ಮುಂದುವರಿಸಿರುವುಧಿದನ್ನು ಪ್ರಶ್ನಿಸಿ ಕಾನೂನು ವಿದ್ಯಾರ್ಥಿಗಳ ಒಕ್ಕೂಟ ಹೈಕೋರ್ಟ್‌ ಮೊರೆ ಹೋಗಿದೆ. ಅರ್ಜಿ ವಿಚಾರಣೆ ನಡೆಸಿದ ನ್ಯಾ.ಎಚ್‌.ಟಿ.ನರೇಂದ್ರ ಪ್ರಸಾದ್‌, ‘ನೀವು ವೆಬ್‌ಸೈಟ್‌ ಮಾಹಿತಿ ಆಧರಿಸಿ ವಾದ ಮಂಡಿಸಿದರೆ ಸಾಲದು. ಅದಕ್ಕೆ ಪೂರಕ ದಾಖಲೆಗಳನ್ನು ನ್ಯಾಯಾಲಯಕ್ಕೆ ಒದಗಿಸಬೇಕಾಗುತ್ತದೆ. ಪ್ರತಿವಾದಿ ಕುಲಪತಿಗಳ ಖಚಿತ ಜನ್ಮ ದಿನಾಂಕದ ಬಗ್ಗೆ ದಾಖಲೆಗಳಿಲ್ಲ. ಮಾ.2ರೊಳಗೆ ಮಾಹಿತಿ ಸಂಗ್ರಹಿಸಿ ದಾಖಲೆ ಸಲ್ಲಿಸಿ’ ಎಂದು ಅರ್ಜಿದಾರರ ಪರ ವಕೀಲರಿಗೆ ಸೂಚನೆ ನೀಡಿ ವಿಚಾರಣೆಯನ್ನು ಮುಂದೂಡಿತು. ಅರ್ಜಿದಾರರ ಪರ ವಾದ ಮಂಡಿಸಿದ ವಕೀಲರು, ‘ಕರ್ನಾಟಕ ರಾಜ್ಯ ಕಾನೂನು ವಿಶ್ವವಿದ್ಯಾಲಯ ಕಾಯಿದೆ- 2009ರ ಪ್ರಕಾರ 65 ವರ್ಷ ಮೀರಿದವರು ಕುಲಪತಿಯಾಗುವಂತಿಲ್ಲ. ಹಾಲಿ ಕುಲಪತಿ ಈಶ್ವರ್‌ ಭಟ್‌ ನೀಡಿರುವ ದಾಖಲೆಗಳ ಪ್ರಕಾರ ಅವರು 1955ರಲ್ಲಿ ಜನಿಸಿದ್ದು, 2020ಕ್ಕೆ ಅವರಿಗೆ 65 ವರ್ಷ ಪೂರ್ಣಗೊಂಡಿದೆ. ಆದರೂ, ಅವರನ್ನು ಕುಲಪತಿಯನ್ನಾಗಿ ಮುಂದುವರಿಸುತ್ತಿರುವುದು ಕಾನೂನು ಬಾಹಿರವಾಗಿದೆ’ ಎಂದರು. 2018ರ ಜೂ.13ರಂದು ಕುಲಪತಿಯಾಗಿ ಈಶ್ವರ ಭಟ್‌ ನಿವೃತ್ತಿ ವಯಸ್ಸಾಗಿದ್ದರೂ ಇನ್ನೂ ಸೇವೆಯಲ್ಲಿಯೇ ಮುಂದುವರಿದಿದ್ದಾರೆ. ಹಾಗಾಗಿ, ಅವರಿಗೆ ಯಾವುದೇ ಪ್ರಮುಖ ನಿರ್ಣಯಗಳನ್ನು ಕೈಗೊಳ್ಳದಂತೆ ನಿರ್ಬಂಧ ವಿಧಿಸಬೇಕು ಎಂದು ನ್ಯಾಯಪೀಠವನ್ನು ಕೋರಲಾಯಿತು.
from India & World News in Kannada | VK Polls https://ift.tt/MlELACn
