ಬೆಂಗಳೂರು: ನಾನೇ ಮಾಡಿದ್ದು ಎಂದು ಬೀಗುವಾಗ ಹತ್ತು ಬಾರಿ ಯೋಚಿಸಿ! ಎಂದು ವಿರೋಧ ಪಕ್ಷದ ನಾಯಕ ವಿರುದ್ಧ ಕಿಡಿಕಾರಿದೆ. ಈ ಕುರಿತಾಗಿ ಟ್ವೀಟ್ ಮಾಡಿರುವ ಬಿಜೆಪಿ ದಲಿತ ಸಮುದಾಯಕ್ಕೆ ಎಸ್ಸಿಎಸ್ಪಿ/ ಟಿಎಸ್ಪಿ ಜಾಯ್ದೆ ಜಾರಿಗೆ ತಂದಿದ್ದೆ ಎಂಬ ಹೇಳಿಕೆಗೆ ಈ ರೀತಿ ತಿರುಗೇಟು ನೀಡಿದೆ. ನನ್ನನ್ನು ದಲಿತ ವಿರೋಧಿ ಎಂದು ಟೀಕಿಸುತ್ತಿರುವ ಬಿಜೆಪಿ ನಾಯಕರಿಗೆ ನನ್ನದೊಂದು ಸವಾಲು. ರಾಜ್ಯ ಬಜೆಟ್ನಲ್ಲಿ ಶೇಕಡಾ 24.1 ರಷ್ಟು ಭಾಗವನ್ನು ಮೀಸಲಿಡುವ ಎಸ್ಎಸ್ಪಿ/ ಟಿಎಸ್ಪಿ ಕಾಯ್ದೆಯನ್ನು ನಾನು ಜಾರಿಗೆ ತಂದಿದ್ದೆ. ನರೇಂದ್ರ ಮೋದಿ ಅವರಿಗೆ ಹೇಳಿ ರಾಷ್ಟ್ರಮಟ್ಟದಲ್ಲಿ ಅದನ್ನು ಜಾರಿಗೆ ತರುವಂತೆ ಮಾಡಿ ನೋಡೋಣ ಎಂದು ಸವಾಲು ಹಾಕಿದ್ದರು ಸಿದ್ದರಾಮಯ್ಯ. ಇದಕ್ಕೆ ಪ್ರತಿಕ್ರಿಯೆ ನೀಡಿರುವ ಬಿಜೆಪಿ, ಸಿದ್ದರಾಮಯ್ಯನವರೇ, ತಾನೊಬ್ಬ ಅಹಿಂದ ನಾಯಕ ಎಂದು ಅಧಿಕಾರಕ್ಕೆ ಬಂದ ಮೇಲೆ ದಲಿತ ಸಮುದಾಯದ ಪರವಾಗಿ ಕೆಲಸ ಮಾಡುವುದು ನಿಮ್ಮ ಕರ್ತವ್ಯ. ಅದರಲ್ಲಿ ಹೆಚ್ಚುಗಾರಿಕೆ ಮೆರೆಯುವ ಅಗತ್ಯವಿಲ್ಲ.ಅಷ್ಟಕ್ಕೂ ನೀವು ನಿಮ್ಮ ಮನೆಯಿಂದ ಹಣ ತಂದು ಯೋಜನೆ ರೂಪಿಸಿದ್ದೇ? ನಾನೇ ಮಾಡಿದ್ದು ಎಂದು ಬೀಗುವಾಗ ಹತ್ತು ಬಾರಿ ಯೋಚಿಸಿ ಎಂದಿದೆ. ಸಿದ್ದರಾಮಯ್ಯ ಬೆಂಬಲಕ್ಕೆ ಎಚ್ಸಿ ಮಹದೇವಪ್ಪ ಇದೇ ಸಂದರ್ಭದಲ್ಲಿ ವಿರೋಧ ಪಕ್ಷದ ನಾಯಕ ಸಿದ್ದರಾಮಯ್ಯ ಬೆಂಬಲಕ್ಕೆ ಅವರ ಆಪ್ತ ಹಾಗೂ ಮಾಜಿ ಸಚಿವ ಎಚ್ಸಿ ಮಹದೇವಪ್ಪ ನಿಂತಿದ್ದಾರೆ. ಬಿಜೆಪಿ ವಿರುದ್ದ ಕಿಡಿಕಾರಿರುವ ಅವರು, ದಲಿತರ ಪರವಾಗಿದ್ದೇನೆ ಎಂದು ನಾಟಕ ಆಡುತ್ತಿರುವ ಕಾರಜೋಳ ಅವರ ಯೋಗ್ಯತೆ ಇಷ್ಟೇ.ದಲಿತರ ಮತ್ತು ಕೆಳವರ್ಗದ ಜನರಿಗೆ ಮೀಸಲಾದ ಹಣವನ್ನು ಅವರಿಗೇ ಬಳಸುವ ಯೋಗ್ಯತೆ ಇಲ್ಲದೇ ವರ್ಗಾವಣೆ ಮಾಡುವ ವಾತಾವರಣ ಸೃಷ್ಟಿಸಿರುವ ಈತನಿಗೆ ದಲಿತರಿಂದ ಯಾವತ್ತೂ ಕ್ಷಮೆಯಿಲ್ಲ.ಅಸಲಿಗೆ ದಲಿತರ ಬಗ್ಗೆ ಮಾತನಾಡಲೂ ಕೂಡಾ ಈತನಿಗೆ ಅರ್ಹತೆಯಿಲ್ಲ. ಕೊರೊನಾ ಸಂದರ್ಭದಲ್ಲಿ ಜನರ ಹಿತದ ಪ್ರಶ್ನೆ ಬಂದಾಗ ಆರೋಗ್ಯ ಸರಿಯಿಲ್ಲ ಎಂದೆಲ್ಲಾ ಮಾತನಾಡಿ ಈಗ ಪೊಳ್ಳು ಪೊಳ್ಳಾಗಿ ಆಡುತ್ತಿರುವ ಈತನಿಗೆ ದಲಿತರ ಮೇಲೆ ನಿಜವಾದ ಪ್ರೇಮವಿದ್ದರೆ ಮೊದಲು SCP/STP ಕಾಯ್ದೆಯಡಿ ದಲಿತರಿಗಾಗಿ ಮೀಸಲಾಗಿರುವ 30 ಸಾವಿರ ಕೋಟಿ ಹಣವನ್ನು ಅವರಿಗಾಗಿ ಖರ್ಚು ಮಾಡಲಿ. ಇಲ್ಲವೇ ದಲಿತರ ಹೆಸರಲ್ಲಿ ನಾಟಕವನ್ನು ನಿಲ್ಲಿಸಲಿ ಎಂದಿದ್ದಾರೆ.
from India & World News in Kannada | VK Polls https://ift.tt/3GPIGaz
