ಹೊಸದಿಲ್ಲಿ: ಹದಿನಾಲ್ಕನೇ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಟೂರ್ನಿಯ ಯುಎಇ ಚರಣಕ್ಕೆ ತಂಡದ ವಿಕೆಟ್ ಕೀಪರ್ ಅಲಭ್ಯರಾಗಿದ್ದಾರೆ. ಇಂಗ್ಲೆಂಡ್ ಆಟಗಾರ ಹಾಗೂ ಆತನ ಪತ್ನಿ ಎರಡನೇ ಮಗುವಿನ ನಿರೀಕ್ಷೆಯಲ್ಲಿದ್ದಾರೆಂದು ರಾಜಸ್ಥಾನ್ ಫ್ರಾಂಚೈಸಿ ತಿಳಿಸಿದೆ. "2021ರ ಐಪಿಎಲ್ ಎರಡನೇ ಅವಧಿಗೆ ಜೋಸ್ ಬಟ್ಲರ್ ಲಭ್ಯರಾಗುತ್ತಿಲ್ಲ. ಬಟ್ಲರ್ ಹಾಗೂ ಅವರ ಪತ್ನಿ ಎರಡನೇ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ. ಅವರಿಗೆ ನಾವು ಶುಭ ಹಾರೈಸುತ್ತೇವೆ ಮತ್ತು ರಾಜಸ್ಥಾನ್ ರಾಯಲ್ಸ್ನ ನೂತನ ಸದಸ್ಯರಿಗಾಗಿ ತುದಿಗಾಲಲ್ಲಿ ನಿಂತು ಕಾಯುತ್ತಿದ್ದೇವೆ," ಎಂದು ರಾಯಲ್ಸ್ ತನ್ನ ಅಧಿಕೃತ ಸೋಶಿಯಲ್ ಮೀಡಿಯಾ ಖಾತೆಗಳಲ್ಲಿ ಪೋಸ್ಟ್ ಮಾಡಿದೆ. ಜೋಸ್ ಬಟ್ಲರ್ ಜೊತೆಗೆ ಗಾಯದಿಂದ ಚೇತರಿಸಿಕೊಳ್ಳುತ್ತಿರುವ ಕೀ ವೇಗಿ ಜೋಫ್ರ ಆರ್ಚರ್ ಕೂಡ ಸೆಕೆಂಡ್ ಆಫ್ಗೆ ಅಲಭ್ಯರಾಗುತ್ತಿದ್ದಾರೆ. ಬಲಗೈ ಮೊಣಕೈ ಸ್ಟ್ರೆಸ್ ಫ್ರಾಕ್ಚರ್ನಿಂದ ಆರ್ಚರ್ ಈ ವರ್ಷ ಕ್ರಿಕೆಟ್ನಿಂದ ದೂರ ಉಳಿದಿದ್ದಾರೆ. ಜೋಫ್ರಾ ಆರ್ಚರ್ ಆರೋಗ್ಯ ಚೆನ್ನಾಗಿರಲಿ ಮತ್ತು ಬೇಗ ಗುಣಮುಖರಾಗಲಿ, ಜೋಸ್ ಬಟ್ಲರ್ ಹಾಗೂ ಅವರ ಪತ್ನಿ ಆರೋಗ್ಯಕರ ಮಗುವನ್ನು ಪಡೆಯಲಿ ಎಂದು ರಾಯಲ್ಸ್ ತನ್ನ ಹೇಳಿಕೆಯಲ್ಲಿ ತಿಳಿಸಿದೆ. ಜೋಸ್ ಬಟ್ಲರ್ ಅಲಭ್ಯತೆಯಿಂದಾಗಿ ರಾಜಸ್ಥಾನ್ ರಾಯಲ್ಸ್ ನ್ಯೂಜಿಲೆಂಡ್ನ ಅವರಿಗೆ 14ನೇ ಐಪಿಎಲ್ ಸೆಕೆಂಡ್ ಆಫ್ಗೆ ಅವಕಾಶ ಕಲ್ಪಿಸಿದೆ. ಅಂಕ್ಲೆಂಡ್ ಮೂಲದ ವಿಕೆಟ್ ಕೀಪರ್ ರಾಜಸ್ಥಾನ್ ರಾಯಲ್ಸ್ ತಂಡದ ಯುಎಇ ಚರಣಕ್ಕೆ ಮೊದಲ ಬದಲಿ ಆಟಗಾರರಾಗಿದ್ದಾರೆ. ಗ್ಲೆನ್ ಫಿಲಿಪ್ಸ್ ಅವರು 25 ಟಿ20 ಪಂದ್ಯಗಳಿಂದ 149.70 ಸ್ಟ್ರೈಕ್ ರೇಟ್ನೊಂದಿಗೆ 506 ರನ್ ಸಿಡಿಸಿದ್ದಾರೆ. ರಾಜಸ್ಥಾನ್ ರಾಯಲ್ಸ್ ಟೂರ್ನಿಯ ಮೊದಲ ಅವಧಿಯಲ್ಲಿ ಆಡಿರುವ 7 ಪಂದ್ಯಗಳಿಂದ ಮೂರರಲ್ಲಿ ಗೆಲುವು ಪಡೆದಿದೆ ಹಾಗೂ ಆರು ಅಂಕಗಳೊಂದಿಗೆ ಪಾಯಿಂಟ್ಸ್ ಟೇಬಲ್ನಲ್ಲಿ 5ನೇ ಸ್ಥಾನದಲ್ಲಿದೆ. ಸೆಪ್ಟೆಂಬರ್ 21 ರಂದು ರಾಜಸ್ಥಾನ್ ರಾಯಲ್ಸ್, ದುಬೈ ಅಂತಾರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ಪಂಜಾಬ್ ಕಿಂಗ್ಸ್ ತಂಡವನ್ನು ಎದುರಿಸಲಿದೆ. 14ನೇ ಐಪಿಎಲ್ ಅರ್ಧಕ್ಕೆ ನಿಲ್ಲಿಸುವ ಮುನ್ನ ರಾಜಸ್ಥಾನ್ ರಾಯಲ್ಸ್ ತಂಡ, ಸನ್ರೈಸರ್ಸ್ ಹೈದರಾಬಾದ್ ತಂಡವನ್ನು 55 ರನ್ಗಳಿಂದ ಸೋಲಿಸಿತ್ತು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/38ihhhH
