ವಯನಾಡು: ತಮ್ಮ ಜನನಕ್ಕೆ ಸಾಕ್ಷಿಯಾಗಿದ್ದ ಕೇರಳದ ವಯನಾಡಿನ ರಾಜಮ್ಮ ವಾವಥಿಲ್ ಅವರನ್ನು ಭೇಟಿ ಮಾಡಿದ್ದಾರೆ. ಈ ಇಬ್ಬರ ನಡುವಿನ ಭಾವನಾತ್ಮಕ ಮಾತುಕತೆಯ ವಿಡಿಯೋವನ್ನು ಕಾಂಗ್ರೆಸ್ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡ ಬಳಿಕ ವೈರಲ್ ಆಗಿದೆ. 1970ರ ಜೂನ್ 19ರಂದು ರಾಹುಲ್ ಗಾಂಧಿ ಜನಿಸಿದಾಗ ರಾಜಮ್ಮ ದಿಲ್ಲಿಯ ಹೋಲಿ ಫ್ಯಾಮಿಲಿ ಆಸ್ಪತ್ರೆಯಲ್ಲಿ ದಾದಿಯಾಗಿ ಕೆಲಸ ಮಾಡುತ್ತಿದ್ದರು. ರಾಹುಲ್ ಗಾಂಧಿ ಹುಟ್ಟಿದ ಬಳಿಕ ನವಜಾತ ಶಿಶುವನ್ನು ತಮ್ಮ ಕೈಗಳಲ್ಲಿ ಹಿಡಿದು ಆಡಿಸಿದ್ದರು. 'ಅವರು ನನ್ನ ಮುಂದೆಯೇ ಹುಟ್ಟಿದ್ದು. ನೀವೆಲ್ಲ ಅವರನ್ನು ನೋಡುವ ಮುನ್ನ ನಾನು ಅವರನ್ನು ನೋಡಿದ್ದೆ' ಎಂದು ರಾಹುಲ್ ಗಾಂಧಿ ಸಿಬ್ಬಂದಿ ಎದುರು ಹೆಮ್ಮೆಯಿಂದ ಹೇಳಿಕೊಂಡರು. ಕಾರಿನಲ್ಲಿ ಕುಳಿತಿದ್ದ ರಾಹುಲ್ ಗಾಂಧಿಯ ಕೈಗಳನ್ನು ಗಟ್ಟಿಯಾಗಿ ಹಿಡಿದುಕೊಂಡ ರಾಜಮ್ಮ, ಆನಂದದಿಂದ ಭಾವುಕರಾಗಿದ್ದರು. ಒಳ್ಳೆಯದಾಗಲಿ ಎಂದು ರಾಹುಲ್ಗೆ ಹಾರೈಸಿದ ಅವರು, ಒಂದು ಪ್ಯಾಕೆಟ್ ಸಿಹಿಯನ್ನೂ ರಾಹುಲ್ಗೆ ನೀಡಿದರು. ತಮ್ಮ ಮಗನನ್ನು ರಾಹುಲ್ಗೆ ಪರಿಚಯಿಸಿದ ಅವರು, 'ನಿಮ್ಮ ತಾಯಿಗೆ ನನ್ನ ವಂದನೆಗಳನ್ನು ತಿಳಿಸಿ. ನನ್ನ ಮನೆಯಿಂದ ನಿಮಗೆ ಅನೇಕ ವಸ್ತುಗಳನ್ನು ನೀಡಬೇಕಿದೆ. ಆದರೆ ನಿಮಗೆ ಸಮಯವಿಲ್ಲ. ಇದು ನನಗೆ ಅರ್ಥವಾಗುತ್ತದೆ' ಎಂದು ಖುಷಿ ಹಂಚಿಕೊಂಡರು. 'ನಿಮಗೆ ಸಿಹಿ ತಿನಿಸಿನ ಪ್ಯಾಕೆಟ್ ನೀಡಲು ಯಾರೂ ನನಗೆ ಅನುಮತಿ ನೀಡಲಿಲ್ಲ. ಅದು ನನ್ನ ಮನೆ (ತನ್ನ ಮನೆಯತ್ತ ಬೆರಳು ಮಾಡಿ ತೋರಿಸಿ). ನಾನು ನಿಜಕ್ಕೂ ನಿಮ್ಮ ಭೇಟಿಗೆ ಬಯಸಿದ್ದೆ. ನಿಮ್ಮ ಭದ್ರತಾ ಸಿಬ್ಬಂದಿ ಎಲ್ಲಿ? ಇವರು ನನ್ನ ಮಗ ಎಂದು ನಾನು ಅವರಿಗೆ ಹೇಳಬೇಕಿದೆ' ಎಂದು ರಾಜಮ್ಮ ಹೇಳುವುದು ವಿಡಿಯೋದಲ್ಲಿ ಸೆರೆಯಾಗಿದೆ.
from India & World News in Kannada | VK Polls https://ift.tt/3D05kel
