ವಿಶ್ವಸಂಸ್ಥೆ: ಪಡೆಗಳು ಅಫ್ಘಾನಿಸ್ತಾನದಲ್ಲಿ ಇದ್ದ ಸಮಯದಲ್ಲಿ ಅವರಿಗೆ ಬೆಂಬಲ ನೀಡಿದ್ದ ತಮ್ಮ ವಿರೋಧಿಗಳು ಹಾಗೂ ಅವರ ಕುಟುಂಬವರನ್ನು ಪತ್ತೆ ಹಚ್ಚಲು ಉಗ್ರರು ಮನೆಯಿಂದ ಮನೆಗೆ ತೆರಳಿ ಪರಿಶೀಲನೆ ನಡೆಸುತ್ತಿದ್ದಾರೆ. ದೇಶದಲ್ಲಿ ಶಾಂತಿ ಕಾಪಾಡುವುದಾಗಿ ಭರವಸೆ ನೀಡಿದ್ದ ಬೆನ್ನಲ್ಲೇ ತಾಲಿಬಾನಿಗಳ ಈ ನಡೆ ಮತ್ತಷ್ಟು ಭೀತಿ ಮೂಡಿಸಿದೆ. ತನ್ನದೇ ನಿಯಮಗಳಡಿಯಲ್ಲಿ ಅಫ್ಘಾನಿಸ್ತಾನವನ್ನು ಆಳಿದರೂ, ಶಾಂತಿ ಮತ್ತು ಸಹಿಷ್ಣುತೆ ಕಾಪಾಡುವುದಾಗಿ ತಾಲಿಬಾನಿಗಳು ಪ್ರತಿಜ್ಞೆ ಮಾಡಿದ್ದರು. ಆದರೆ ಅದರ ಮರುದಿನದಿಂದಲೇ ಮತ್ತೆ ಹಿಂಸಾಚಾರದ ಕ್ರೂರ ಘಟನೆಗಳು ವರದಿಯಾಗುತ್ತಿವೆ. ಮಹಿಳೆಯರ ಹಕ್ಕುಗಳನ್ನು ರಕ್ಷಿಸಲಾಗುವುದು ಎಂದು ಸಹ ತಾಲಿಬಾನ್ ಭರವಸೆ ನೀಡಿದೆ. 1996-2001ರ ಅವಧಿಯ ತನ್ನ ಕ್ರೌರ್ಯದ ಆಳ್ವಿಕೆಗಿಂತ ವಿಭಿನ್ನವಾದ ಅಡಳಿತ ನೀಡುವುದಾಗಿ ಹೇಳಿತ್ತು. ಆದರೆ ತಾಲಿಬಾನ್ ಆಡಳಿತದ ಕುರಿತು ಈಗಾಗಲೇ ಭಯಭೀತರಾಗಿರುವ ಸಾವಿರಾರು ಮಂದಿ ಈಗಲೂ ತೊರೆಯಲು ಪ್ರಯತ್ನಿಸುತ್ತಿದ್ದಾರೆ. ಅಮೆರಿಕ ಹಾಗೂ ಪಡೆಗಳ ಪರವಾಗಿ ಕೆಲಸ ಮಾಡಿದ್ದ ಜನರನ್ನು ಹುಡುಕಿಕೊಂಡು ಮನೆಯಿಂದ ಮನೆಗೆ ತೆರಳಿ ತಾಲಿಬಾನ್ ಪರಿಶೀಲನೆ ನಡೆಸುತ್ತಿದೆ ಎಂದು ವಿಶ್ವಸಂಸ್ಥೆಯ ಬೆದರಿಕೆ ಮೌಲ್ಯಮಾಪನ ತಂಡದ ಗೋಪ್ಯ ವರದಿ ತಿಳಿಸಿದೆ. ನಾರ್ವೆಜಿಯನ್ ಸೆಂಟರ್ ಫಾರ್ ಗ್ಲೋಬಲ್ ಅನಾಲಿಸಿಸ್ ಈ ವರದಿ ಪ್ರಕಟಿಸಿದ್ದು, ಕಾಬೂಲ್ ವಿಮಾನ ನಿಲ್ದಾಣಕ್ಕೆ ತೆರಳುತ್ತಿರುವ ಪ್ರತಿ ಜನರನ್ನೂ ತಾಲಿಬಾನ್ ಉಗ್ರರು ತಪಾಸಣೆ ಮಾಡುತ್ತಿದ್ದಾರೆ. ಶರಣಾಗಲು ಒಪ್ಪದ ಕುಟುಂಬಗಳನ್ನು ಅವರು ಗುರಿ ಮಾಡುತ್ತಿದ್ದಾರೆ. ಷರಿಯಾ ಕಾನೂನಿಗೆ ಅನುಗುಣವಾಗಿ ಅವರನ್ನು ವಿಚಾರಣೆಗೆ ಒಳಪಡಿಸಿ ಶಿಕ್ಷೆ ವಿಧಿಸುತ್ತಿದ್ದಾರೆ ಎಂದು ಗುಂಪಿನ ಕಾರ್ಯಕಾರಿ ನಿರ್ದೇಶಕ ಕ್ರಿಶ್ಚಿಯನ್ ನೆಲ್ಲೆಮನ್ ತಿಳಿಸಿದ್ದಾರೆ.
from India & World News in Kannada | VK Polls https://ift.tt/3ggG89M
