ಹೊಸದಿಲ್ಲಿ: ಐದು ಪಂದ್ಯಗಳ ಟೆಸ್ಟ್ ಕ್ರಿಕೆಟ್ ಸರಣಿಯಲ್ಲಿ ಎದುರು ಆತಿಥೇಯ ತಂಡ 0-1 ಅಂತರದಲ್ಲಿ ಹಿನ್ನಡೆ ಅನುಭವಿಸಿದ್ದು, ಇದೀಗ ಹೆಡಿಂಗ್ಲೆಯ ಲೀಡ್ಸ್ ಕ್ರಿಡಾಂಗಣದಲ್ಲಿ ನಡೆಯಲಿರುವ ತೃತೀಯ ಟೆಸ್ಟ್ ಪಂದ್ಯದಲ್ಲಿ 1-1 ಅಂತರದ ಸಮಬಲ ತಂದುಕೊಳ್ಳುವುದು ಆತಿಥೇಯರ ನಾಯಕ ಜೋ ರೂಟ್ ಅವರ ಲೆಕ್ಕಾಚಾರವಾಗಿದೆ. ಈ ಬಗ್ಗೆ ಮಾತನಾಡಿರುವ ಇಂಗ್ಲೆಂಡ್ ನಾಯಕ ಜೂ ರೂಟ್, ತಂಡದ ಬ್ಯಾಟಿಂಗ್ನಲ್ಲಿ ಸುಧಾರಣೆ ತರುವ ಉದ್ದೇಶದಿಂದ ಲೀಡ್ಸ್ ಟೆಸ್ಟ್ ಪಂದ್ಯದಲ್ಲಿ ಸೀಮಿತ ಓವರ್ಗಳಲ್ಲಿನ ಅನುಭವಿ ಬ್ಯಾಟ್ಸ್ಮನ್ ಡಾವಿಡ್ ಮಲಾನ್ ಅವರನ್ನು ಆಡುವ ಹನ್ನೊಂದರ ಬಳಗಕ್ಕೆ ಕರೆತರುವ ಸುಳಿವು ಕೊಟ್ಟಿದ್ದಾರೆ. ಅಂತಾರಾಷ್ಟ್ರೀಯ 20 ಕ್ರಿಕೆಟ್ನಲ್ಲಿ ನಂ.1 ಬ್ಯಾಟ್ಸ್ಮನ್ ಆಗಿರುವ ಎಡಗೈ ಆಟಗಾರ ಡಾವಿಡ್ ಮಲಾನ್, ಕೊನೆಯ ಬಾರಿ ಟೆಸ್ಟ್ ಕ್ರಿಕೆಟ್ ಆಡಿರುವುದು 2018ರಲ್ಲಿ ಅದೂ ಕೂಡ ಟೀಮ್ ಇಂಡಿಯಾ ಎದುರು ಎಂಬುದು ವಿಶೇಷ. " ತಂಡಕ್ಕೆ ಹೆಚ್ಚಿನ ಬಲ ತಂದುಕೊಡಲಿದ್ದಾರೆ. ಅಗ್ರ ಕ್ರಮಾಂಕದಲ್ಲಿ ಆಡಿದ ಅಪಾರ ಅನುಭವ ಅವರಲ್ಲಿದೆ. ಟೆಸ್ಟ್ ಕ್ರಿಕೆಟ್ ಒಂದರ ಅನುಭವೇ ಅಗತ್ಯ ಎನ್ನಲಾಗದು. ಮಲಾನ್ ಹೆಚ್ಚು ಅಂತಾರಾಷ್ಟ್ರೀಯ ಕ್ರಿಕೆಟ್ ಆಡಿದ್ದಾರೆ. ಒತ್ತಡ ನಿಭಾಯಿಸುವ ಸಾಮರ್ಥ್ಯ ಅವರಲ್ಲಿದೆ. ಟೆಸ್ಟ್ ಕ್ರಿಕೆಟ್ನಲ್ಲೂ ಅಷ್ಟೇ ಪರಿಣಾಮಕಾರಿ ಆಟವಾಡುತ್ತಾರೆಂಬ ವಿಶ್ವಾಸವಿದೆ," ಎಂದು ಪಂದ್ಯಪೂರ್ವ ವಿಡಿಯೋ ಕಾನ್ಫರೆನ್ಸ್ ಪತ್ರಿಕಾಗೋಷ್ಠಿಯಲ್ಲಿ ರೂಟ್ ಹೇಳಿದ್ದಾರೆ. "ಹಸೀಬ್ ಹಮೀದ್ ಮತ್ತು ರೋರಿ ಬರ್ನ್ಸ್ ಇಬ್ಬರೂ ಉತ್ತಮ ಬ್ಯಾಟ್ಸ್ಮನ್ಗಳು. ಅವರ ಶೈಲಿಯೂ ವಿಭಿನ್ನ. ಈಗ ಅವರಿಗೆ ದೊಡ್ಡ ಸ್ಕೋರ್ ಗಳಿಸುವ ಅವಕಾಶ ಸಿಕ್ಕಿದೆ. ಇದನ್ನು ಅವರು ಬಳಸಿಕೊಳ್ಳುತ್ತಾರೆಂಬ ಆಶಾಭಾವ ಹೊಂದಿದ್ದೇನೆ," ಎಂದು ಇಂಗ್ಲೆಂಡ್ ತಂಡದ ನೂತನ ಆರಂಭಿಕ ಜೋಡಿಯನ್ನು ರೂಟ್ ಹೆಸರಿಸಿದ್ದಾರೆ. ಸರಣಿಯಲ್ಲಿ ಇಂಗ್ಲೆಂಡ್ ಪರ ಅತಿ ಹೆಚ್ಚು ರನ್ಗಳಿಸಿದ ಬ್ಯಾಟ್ಸ್ಮನ್ ಆಗಿರುವ ನಾಯಕ ಜೋ ರೂಟ್ ಬ್ಯಾಕ್ ಟು ಬ್ಯಾಕ್ ಶತಕಗಳೊಂದಿಗೆ 4 ಇನಿಂಗ್ಸ್ಗಳಿಂದ ಒಟ್ಟು 386 ರನ್ಗಳನ್ನು ಬಾರಿಸಿದ್ದಾರೆ. ಆದರೆ, ಉಳಿದ ಬ್ಯಾಟ್ಸ್ಮನ್ಗಳಿಂದ ಸಾತ್ ಸಿಗದೇ ಇರುವುದು ವೈಫಲ್ಯಕ್ಕೆ ಪ್ರಮುಖ ಕಾರಣವಾಗಿದೆ. ಪ್ರಮುಖವಾಗಿ ಜಾನಿ ಬೈರ್ಸ್ಟೋವ್ ಮತ್ತು ಜೋಸ್ ಬಟ್ಲರ್ ವೈಫಲ್ಯ ಇಂಗ್ಲೆಂಡ್ಗೆ ಕಾಡುತ್ತಿದೆ. "ಕಳೆದ ಪಂದ್ಯದಲ್ಲಿ ನಾನು ವೈಫಲ್ಯ ಕಂಡಾಗ ಉಳಿದವರು ಮುಂದೆ ನಿಂತು ರನ್ ಗಳಿಸಬೇಕಿತ್ತು. ಕಳೆದ ಎರಡೂ ಪಂದ್ಯಗಳಲ್ಲಿ ಕೇವಲ ನಾನಷ್ಟೇ ರನ್ ಗಳಿಸಿದ್ದೇನೆ ಎಂಬುದು ಗೊತ್ತು. ಆದರೆ, ಉಳಿದ ಬ್ಯಾಟ್ಸ್ಮನ್ಗಳಿಂದಲೂ ಇದು ಸಾಧ್ಯ. ಇನ್ನು ತಂಡದ ಪರ ರನ್ಗಳಿಸುವ ಕೆಲಸವನ್ನು ನಾನಂತೂ ಮುಂದುವರಿಸಲಿದ್ದೇನೆ," ಎಂದು ರೂಟ್ ಹೇಳಿಕೊಂಡಿದ್ದಾರೆ. ಮೂರನೇ ಟೆಸ್ಟ್ಗೆ ಇಂಗ್ಲೆಂಡ್ನ ಸಂಭಾವ್ಯ ಪ್ಲೇಯಿಂಗ್ ಇಲೆವೆನ್ರೋರಿ ಬರ್ನ್ಸ್, ಹಸೀಬ್ ಹಮೀದ್, ಡಾವಿಡ್ ಮಲಾನ್, (ನಾಯಕ), ಜಾನಿ ಬೈರ್ಸ್ಟೊವ್, ಮೊಯೀನ್ ಅಲಿ, ಜೋಸ್ ಬಟ್ಲರ್ (ವಿಕೆಟ್ಕೀಪರ್), ಸ್ಯಾಮ್ ಕರ್ರನ್, ಓಲ್ಲೀ ರಾಬಿನ್ಸನ್, ಜೇಮ್ಸ್ ಆಂಡರ್ಸನ್, ಸಕಿಬ್ ಮಹ್ಮೂದ್.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3gtOdYK
