ಮೆಲ್ಬೋರ್ನ್: ಗಾಯದ ಸಮಸ್ಯೆಯಿಂದ ಚೇತರಿಸಿ ಸ್ಟಾರ್ ಓಪನರ್ ಟೀಮ್ ಇಂಡಿಯಾ ಸೇರಿಕೊಂಡ ಕೆಲವೇ ದಿನಗಳಲ್ಲಿ ಎಡವೊಟ್ಟೊಂದು ನಡೆದಿದೆ. 14 ದಿನಗಳ ಕಾಲ ಏಕಾಂಗಿಯಾಗಿ ಕ್ವಾರಂಟೈನ್ನಲ್ಲಿ ಉಳಿದಿದ್ದ ರೋಹಿತ್, ಕಳೆದ ಬುಧವಾರ ಭಾರತ ತಂಡ ಸೇರಿಕೊಂಡಿದ್ದರು. ಸಹ ಆಟಗಾರರನ್ನು ಬಹಳ ಸಮಯದ ಬಳಿಕ ಭೇಟಿಯಾಗಿರುವ ರೋಹಿತ್, ಶನಿವಾರ ಕೆಲ ಆಟಗಾರರೊಟ್ಟಿಗೆ ಸ್ಥಳೀಯ ರೆಸ್ಟೋರೆಂಟ್ಗೆ ತೆರಳಿ ಭೋಜನ ಸೇವಿಸಿದ್ದಾರೆ. ಕೋವಿಡ್-19 ಸೋಂಕು ಆಸ್ಟ್ರೇಲಿಯಾದಲ್ಲಿ ಇನ್ನೂ ಇರುವ ಕಾರಣ ಆಟಗಾರಿಗೆ ಬಯೋ ಬಬಲ್ನಲ್ಲಿ ಉಳಿಯುವಂತೆ ಸೂಚಿಸಲಾಗಿದೆ. ಆದರೂ ಕೂಡ ಮೈಮರೆತವರಂತೆ ರೋಹಿತ್ ಶರ್ಮಾ ಸೇರಿದಂತೆ ಕೆಲ ಆಟಗಾರರು ರೆಸ್ಟೋರೆಂಟ್ಗೆ ತೆರಳಿ ನಿಯಮ ಉಲ್ಲಂಘನೆ ಮಾಡಿದ್ದಾರೆ. ರೋಹಿತ್ ಶರ್ಮಾ, ಪೃಥ್ವಿ ಶಾ, , ಹಾಗೂ ನವದೀಪ್ ಸೈನಿ ರೆಸ್ಟೋರೆಂಡ್ನಲ್ಲಿ ಕುಳಿತು ಭೋಜನ ಸೇವಿಸುತ್ತಿರುವ ಫೋಟೊಗಳು ಶನಿವಾರ ವೈರಲ್ ಆಗಿದ್ದವು. ಆದರೆ ಈಗ ಅದಕ್ಕಿಂತಲೂ ದೊಡ್ಡ ಆಘಾತ ನೆಟ್ಟಿಗರಿಗೆ ಎದುರಾಗಿದ್ದು, ಟೀಮ್ ಇಂಡಿಯಾದ ಈ ಆಟಗಾರರ ಭೋಜನದ ಬಿಲ್ನಲ್ಲಿ ಬೀಫ್ ಫ್ರೈ (ದನದ ಮಾಂಸ) ಕೂಡ ಇರುವುದು ನೆಟ್ಟಿಗರ ಕೋಪಕ್ಕೆ ಕಾರಣವಾಗಿದೆ. ಈ ಬಗ್ಗೆ ಟ್ವಿಟರ್ನಲ್ಲಿ ಫೋಟೊಗಳನ್ನು ಹಂಚಿಕೊಳ್ಳುವ ಮೂಲಕ ಆರಂಭದಲ್ಲಿ ಕೋವಿಡ್-19 ನಿಯಮ ಉಲ್ಲಂಘನೆ ಮಾಡಿರುವುದಕ್ಕೆ ಟೀಮ್ ಇಂಡಿಯಾ ಆಟಗಾರರನ್ನು ತರಾಟೆಗೆ ತೆಗೆದುಕೊಂಡಿದ್ದರು. ಬಳಿಕ ಫೋಟೊಗಳಲ್ಲಿ ಕಾಣಿಸಿದ ಬಿಲ್ ಕಡೆಗೆ ಗಮನ ನೀಡಿ ಬೀಫ್ ಫ್ರೈ ಇರುವುದನ್ನು ಕಂಡು ಕೆಂಡಾಮಂಡಲವಾಗಿದ್ದಾರೆ. ಈ ನಡುವೆ ನಿಯಮ ಉಲ್ಲಂಘಿಸಿ ಭೋಜನಕ್ಕೆ ತೆರಳಿದ್ದ 5 ಆಟಗಾರರನ್ನು ಈಗ ಐಸೊಲೇಷನ್ನಲ್ಲಿ ಇರಿಸಲಾಗಿದೆ. ಇನ್ನು ಬೀಫ್ ಸೇವನೆ ವಿಚಾರವಾಗಿ ಟ್ವಿಟರ್ನಲ್ಲಿ ಭಾರತೀಯ ಆಟಗಾರರ ಪರ ಮತ್ತು ವಿರೋಧದ ಬಗ್ಗೆ ಭಾರಿ ಚರ್ಚೆಯಾಗುತ್ತದೆ. ನೋಡ ನೋಡುತ್ತಿದ್ದಂತೆಯೇ ಐ ಸ್ಟ್ಯಾಂಟ್ ವಿತ್ ರೋಹಿತ್ ಹ್ಯಾಟ್ ಟ್ಯಾಕ್ ಟ್ವಿಟರ್ನಲ್ಲಿ ಟ್ರೆಂಡ್ ಕೂಡ ಆಗಿದೆ. ರೋಹಿತ್ ಶರ್ಮಾ ಸಸ್ಯಾಹಾರಿ ಆಗಿದ್ದರು ಕೂಡ ಕೇವಲ ಎಗ್ ವೈಟ್ ಮಾತ್ರವೇ ಸೇವಿಸುತ್ತಾರೆ. ಆದರೆ, ಅವರ ಭೋಜನದ ಬಿಲ್ನಲ್ಲಿ ಬೀಫ್ ಹೇಗೆ ಬಂತು ಎಂದೆಲ್ಲಾ ನೆಟ್ಟಿಗರು ಪ್ರಶ್ನೆ ಮಾಡಿದ್ದಾರೆ. ಮತ್ತೊಂದೆಡೆ ವನ್ಯ ಜೀವಿ ಸಂರಕ್ಷಣೆ ಸಲುವಾಗಿ ಸಂದೇಶ ಸಾರುವ ರೋಹಿತ್ ಈ ರೀತಿ ಬೀಫ್ ಸೇವಿಸಬಹುದೇ? ಎಂದೆಲ್ಲಾ ಕೆಲ ಅತೃಪ್ತ ಅಭಿಮಾನಿಗಳು ಟಾಂಗ್ ಕೊಟ್ಟಿದ್ದಾರೆ. ಸೋಷಿಯಲ್ ಮೀಡಿಯಾಗಳಲ್ಲಿ ಹರಿದಾಡಿದ ಕೆಲ ಟ್ವೀಟ್ಗಳು ಹೀಗಿವೆ. ಬೀಫ್ ತಿನ್ನುವವರು ಹಿಂದೂ ಅಲ್ಲ. ಹಿಂದೂಗಳು ಬೀಫ್ ತಿನ್ನೋದಿಲ್ಲ. #ರೋಹಿತ್ಶರ್ಮಾ 2018ರಲ್ಲಿ ಬಿಸಿಸಿಐ ಹಂಚಿಕೊಂಡಿದ್ದ ಟೀಮ್ ಇಂಡಿಯಾದ ಆಟಗಾರರ ಮೆನುವಿನಲ್ಲಿ ಬೀಫ್ ಇದದ್ದನ್ನು ಈಗ ಮರಳಿ ಪ್ರಸ್ತಾಪಿಸಲಾಗಿದೆ. ಬೊಗಳುವವರು ಏನಾದರೂ ಬೊಗಳಲಿ, ರೋಹಿತ್ ಬ್ಯಾಟ್ ಮೂಲಕ ಉತ್ತರಿಸಲಿದ್ದಾರೆ. ಋಣಾತ್ಮಕ ಸಂಗತಿಗಳಿಂದ ದೂರ ಉಳಿದು, ಪುಟಿದೆದ್ದು ಮಿಂಚಿರಿ. ನಾವು ರೋಹಿತ್ ಜೊತೆಗಿದ್ದೇವೆ. ನೀವು? ಈ ಬಿಲ್ ಈತನದ್ದೇ ಆಗಿರಬಹುದು. ಭಾರತೀಯ ಆಟಗಾರರ ಬಗ್ಗೆ ಕಿಂಚಿತ್ತೂ ಕಾಳಜಿ ತೋರದೆ ಈ ಕುಚೇಷ್ಟೆ ಮಾಡಿದ್ದಾನೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3pKqtlr
