ಕಣಿತಹಳ್ಳಿ ಎನ್‌.ಚಂದ್ರೇಗೌಡ ಬೆಂಗಳೂರು: ರಾಜ್ಯದಲ್ಲಿ ಒಟ್ಟು 1.60 ಲಕ್ಷ ಹೆಕ್ಟೇರ್‌ಗೂ ಅಧಿಕ ಪ್ರದೇಶದಲ್ಲಿ ಮಾವನ್ನು ಬೆಳೆಯಲಾಗುತ್ತಿದೆ. ಹಿಂದಿನ ವರ್ಷಕ್ಕೆ ಹೋಲಿಸಿದರೆ ಪ್ರಸಕ್ತ ಸಾಲಿನಲ್ಲಿ ಮಾವಿನ ಫಸಲು ದುಪ್ಪಟ್ಟಾಗುವ ನಿರೀಕ್ಷೆ ಇದೆ. ಪ್ರಸ್ತುತ ಬಂದಿರುವ ಮಾವಿನ ಮಾರುಕಟ್ಟೆಗೆ ರಾಜ್ಯ ಮತ್ತು ಮಾರುಕಟ್ಟೆ ಅಭಿವೃದ್ಧಿ ನಿಗಮ ಸಿದ್ಧತೆಗಳನ್ನು ಮಾಡುತ್ತಿದೆ. ಇದರಲ್ಲಿ ಆನ್‌ಲೈನ್‌ ಮಾರ್ಕೆಟಿಂಗ್‌, ಮಾವು ಮೇಳ, ವಿದೇಶಕ್ಕೆ ಉತ್ತೇಜನ ಮೊದಲಾದ ಕ್ರಮಗಳು ಸೇರಿವೆ. ಬರಲಿವೆ ಹೊಸ ಘಟಕಗಳುರಾಮನಗರದಲ್ಲಿ ಮಾವು ಸಂಸ್ಕರಣಾ ಘಟಕ ಸ್ಥಾಪನೆಗೆ ಪ್ರಸ್ತಾವನೆ ಸಲ್ಲಿಸಲಾಗಿದೆ. ಚನ್ನಪಟ್ಟಣ ತಾಲೂಕಿನ ಭೈರಪಟ್ಟಣದಲ್ಲಿ ಮಾವು ಸೇರಿದಂತೆ ವಿವಿಧ ಹಣ್ಣುಗಳ ಸಂಸ್ಕರಣ ಘಟಕದ ಮಾಸ್ಟರ್‌ ಪ್ಲಾನ್‌ ಸಿದ್ಧವಾಗಿದೆ. 10 ಕೋಟಿ ರೂ.ಗಳನ್ನು ಆರ್‌.ಕೆ.ವಿ.ಕೆ-ರಫ್ತಾರ್‌ ಯೋಜನೆಯಡಿ ಕೇಂದ್ರ ಸರಕಾರದಿಂದ ಪಡೆಯಲು ಯೋಜಿಸಲಾಗುತ್ತಿದ್ದು, ಘಟಕ ನಿರ್ಮಾಣ ಪ್ರಕ್ರಿಯೆ ಶೀಘ್ರದಲ್ಲಿ ಆರಂಭಗೊಳ್ಳಲಿದೆ. ಅಲ್ಲದೆ ರೈತರಿಗೆ ಅನುಕೂಲವಾಗುವಂತೆ ಮಾವಿನ ತಿರುಳನ್ನು ತೆಗೆಯುವ ಘಟಕವನ್ನು ವಿವಿಧೆಡೆಗಳಲ್ಲಿ ತೆರೆಯಲು ನಿರ್ಧರಿಸಲಾಗಿದೆ. ಹಾನಿ ತಪ್ಪಿಸಲು ಕ್ರಮಟೆಂಪೊಗಳಲ್ಲಿ ಮಾವು ಸಾಗಿಸುವಾಗ ಹಣ್ಣುಗಳಿಗೆ ಆಗುವ ಹಾನಿಯನ್ನು ತಪ್ಪಿಸಲು, ಕ್ರೇಟ್‌ಗಳಲ್ಲಿ ಹಾಕಿ ಸಾಗಿಸುವ ಚಿಂತನೆ ಮಾಡಲಾಗಿದೆ. ಹೀಗಾಗಿ ಕ್ರೇಟ್‌ ಖರೀದಿಗೆ ಸಹಾಯಧನ ನೀಡಲು ಯೋಚಿಸಲಾಗಿದೆ. ಅಲ್ಲದೇ ತೋಟದಲ್ಲೇ ಮಾವಿನ ಹಣ್ಣನ್ನು ದಾಸ್ತಾನು ಮಾಡಲು ಗೋಡೌನ್‌ಗಳನ್ನು ನಿರ್ಮಿಸಲು ಶೇ.50ರಷ್ಟು ಸಹಾಯಧನ ಕೊಡಲು ಪ್ರಸ್ತಾವನೆ ಕಳುಹಿಸಲಾಗಿದೆ. ಅನುದಾನ ಕಡಿಮೆ ರಾಜ್ಯ ಮಾವು ಮತ್ತು ಮಾರುಕಟ್ಟೆ ಅಭಿವೃದ್ಧಿ ನಿಗಮಕ್ಕೆ ಹೆಚ್ಚಿನ ಅನುದಾನ ಸಿಗುತ್ತಿಲ್ಲ ಎಂಬ ಆರೋಪವಿದ್ದು, ಅದನ್ನು ಹೆಚ್ಚಿಸಬೇಕು ಎನ್ನುವುದು ಮಾವು ಬೆಳೆಗಾರರ ಆಗ್ರಹವಾಗಿದೆ. ರಾಜ್ಯದಲ್ಲಿ ಈ ಬಾರಿ ಉತ್ತಮ ಮಾವು ಫಸಲು ಬರುವ ನಿರೀಕ್ಷೆ ಇದೆ. ಹೀಗಾಗಿ ಈಗಿನಿಂದಲೇ ಮಾವು ಬೆಳಗಾರರ ನೆರವಿಗೆ ಅಗತ್ಯವಾದ ಎಲ್ಲ ಯೋಜನೆಗಳನ್ನು ಮಾಡುತ್ತಿದ್ದೇವೆ. ಗ್ರಾಹಕರನ್ನು ಆಕರ್ಷಿಸಿ ಮಾರುಕಟ್ಟೆ ಹೆಚ್ಚಿಸಲು ಹಲವು ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ. ಕೆ.ವಿ. ನಾಗರಾಜ್‌, ಅಧ್ಯಕ್ಷರು, ರಾಜ್ಯ ಮಾವು ಮತ್ತು ಮಾರುಕಟ್ಟೆ ಅಭಿವೃದ್ಧಿ ನಿಗಮ ಏನೇನು ಪ್ಲ್ಯಾನಿಂಗ್‌?
- ಈಗಿನಿಂದಲೇ ರಾಜ್ಯಾದ್ಯಂತ ಡೀಲರ್‌ ಮತ್ತು ಮಾರಾಟಗಾರರ ಸಭೆ ನಡೆಸಿ ಮಾರ್ಕೆಟಿಂಗ್‌ ಬಗ್ಗೆ ಚಿಂತನೆ.
- ವಿದೇಶದಿಂದ ಬೇಡಿಕೆ ಇಡುವವರಿಗೆ ಈಗಲೇ ಸೌಲಭ್ಯಗಳ ಬಗ್ಗೆ ಮಾಹಿತಿ ರವಾನಿಸಿ ರಫ್ತಿಗೆ ವಿಶೇಷ ಕ್ರಿಯಾ ಯೋಜನೆ
- ಆನ್‌ಲೈನ್‌ ಮೂಲಕ ಗ್ರಾಹಕರ ಮನೆ ಬಾಗಿಲಿಗೆ ಮಾವನ್ನು ತಲುಪಿಸಲು ಉತ್ತೇಜನ.
- ಎಲ್ಲ ಜಿಲ್ಲೆಗಳಲ್ಲೂ ಮಾವಿನ ಮೇಳ, 'ಮ್ಯಾಂಗೋ ಪಿಕ್ಕಿಂಗ್‌ ಪ್ರೋಗ್ರಾಂ' ನಡೆಸಲು ಯೋಚನೆ
from India & World News in Kannada | VK Polls https://ift.tt/2YrPYwl
