ಹೊಸದಿಲ್ಲಿ: ದಕ್ಷಿಣ ಆಫ್ರಿಕಾ ವಿರುದ್ಧ ಮುಂಬರುವ ಟೆಸ್ಟ್ ಸರಣಿಗೆ 19 ಸದಸ್ಯರ ತಂಡವನ್ನು ಪ್ರಕಟಿಸಲಾಗಿದ್ದು, ಭಾರತದ ಮೇಲೆ ಕಳಪೆ ಪ್ರದರ್ಶನ ತೋರಿದ್ದ ವಿಕೆಟ್‌ ಕೀಪರ್‌-ಬ್ಯಾಟ್ಸ್‌ಮನ್‌ ಅವರನ್ನು ತಂಡದಿಂದ ಕೈ ಬಿಡಲಾಗಿದೆ. ಟೆಸ್ಟ್ ತಂಡದಲ್ಲಿ ಸ್ಥಾನ ಉಳಿಸಿಕೊಳ್ಳುವಲ್ಲಿ ವಿಫಲರಾದ ಮ್ಯಾಥ್ಯೂ ವೇಡ್‌, ನ್ಯೂಜಿಲೆಂಡ್‌ ವಿರುದ್ಧ ಟಿ20 ಸರಣಿಗೆ ಪ್ರಕಟವಾದ 18 ಆಟಗಾರರ ಆಸ್ಟ್ರೇಲಿಯಾ ತಂಡದಲ್ಲಿ ಉಪ ನಾಯಕನ ಜವಾಬ್ದಾರಿಯನ್ನು ನೀಡಲಾಗಿದೆ. ಟೆಸ್ಟ್ ಸರಣಿಯ ವೇಳಾಪಟ್ಟಿ ಇನ್ನೂ ಬಿಡುಗಡೆಯಾಗಿಲ್ಲವಾದರೂ ಮುಂದಿನ ಮಾರ್ಚ್‌ ತಿಂಗಳಲ್ಲಿ ಏಕಕಾಲದಲ್ಲಿ ಪ್ರವಾಸಗಳು ನಡೆಯುವ ನಿರೀಕ್ಷೆ ಇದೆ. ಭಾರತ ವಿರುದ್ಧದ ಸರಣಿಯಲ್ಲಿ ಅತಿಯಾದ ವರ್ತನೆಯಿಂದ ಟೀಕೆಗಳಿಗೆ ಗುರಿಯಾಗಿದ್ದ ಟೀಮ್‌ ಪೇಯ್ನ್‌ ತಂಡದ ನಾಯಕತ್ವವನ್ನು ವಹಿಸಿಕೊಂಡಿದ್ದಾರೆ. ನಾಯಕ ಪೇಯ್ನ್‌ ಜತೆ ಬ್ಯಾಕ್‌ ಅಪ್‌ ವಿಕೆಟ್‌ ಕೀಪರ್‌ ಆಗಿ ಅಲೆಕ್ಸ್‌ ಕೇರಿ ಅವರನ್ನು ಟೆಸ್ಟ್ ತಂಡಕ್ಕೆ ಆಯ್ಕೆ ಮಾಡಲಾಗಿದೆ. ಕ್ವೀನ್ಸ್‌ಲೆಂಡ್‌ ಫಾಸ್ಟ್ ಬೌಲರ್‌ ಮಾರ್ಕ್ ಸ್ಟೆಕೆಟ್‌ ಟೆಸ್ಟ್ ತಂಡಕ್ಕೆ ಚೊಚ್ಚಲ ಅವಕಾಶ ಪಡೆದಿದ್ದಾರೆ. ಭಾರತ ವಿರುದ್ಧ ಸರಣಿ ನಿರ್ಣಾಯಕ ಬ್ರಿಸ್ಬೇನ್‌ ಟೆಸ್ಟ್‌ಗೆ ಅಂತಿಮ 11ರಲ್ಲಿ ಸ್ಥಾನ ಪಡೆಯುವಲ್ಲಿ ವಿಫಲರಾಗಿದ್ದ ಟ್ರಾವಿಸ್‌ ಹೆಡ್‌, ದಕ್ಷಿಣ ಆಫ್ರಿಕಾ ಸರಣಿಗೆ ಅವಕಾಶ ಪಡೆದುಕೊಂಡಿದ್ದಾರೆ. ಮ್ಯಾಥ್ಯೂ ವೇಡ್‌ ಸ್ಥಾನಕ್ಕೆ ಮಧ್ಯಮ ಕ್ರಮಾಂಕದಲ್ಲಿ ಅವರನ್ನು ಆಡಿಸುವ ಸಾಧ್ಯತೆ ಇದೆ. ನ್ಯೂಜಿಲೆಂಡ್‌ ವಿರುದ್ಧ ಐದು ಪಂದ್ಯಗಳ ಟಿ20 ಸರಣಿಯಲ್ಲಿ ನಿರೀಕ್ಷೆಯಂತೆ ಆರೋನ್ ಫಿಂಚ್‌ ಆಸ್ಟ್ರೇಲಿಯಾ ತಂಡವನ್ನು ಮುನ್ನಡೆಸಲಿದ್ದಾರೆ. ಯುವ ಸ್ಪಿನ್ನರ್‌ ತನ್ವೀರ್‌ ಸಂಗ ಚೊಚ್ಚಲ ಅವಕಾಶ ಪಡೆದುಕೊಂಡಿದ್ದು, ಜೇ ರಿಚರ್ಡ್‌ಸನ್‌ ತಂಡಕ್ಕೆ ಮರಳಿದ್ದಾರೆ. ಕೀ ಆಟಗಾರರಾದ ಗ್ಲೆನ್‌ ಮ್ಯಾಕ್ಸ್‌ವೆಲ್‌, ಆಡಂ ಝಾಂಪ ಹಾಗೂ ಮಾರ್ಕಸ್ ಸ್ಟೋಯ್ನಿಸ್ ತಂಡದಲ್ಲಿದ್ದಾರೆ. ಆಸ್ಟ್ರೇಲಿಯಾ ಟೆಸ್ಟ್ ತಂಡ: (ನಾಯಕ), ಪ್ಯಾಟ್‌ ಕಮಿನ್ಸ್ (ಉಪ ನಾಯಕ), ಶಾನ್ ಅಬಾಟ್‌, ಅಲೆಕ್ಸ್‌ ಕೇರಿ, ಕ್ಯಾಮೆರಾನ್‌ ಗ್ರೀನ್‌, ಮಾರ್ಕಸ್ ಹ್ಯಾರಿಸ್‌, ಜಾಶ್ ಹೇಝಲ್‌ವುಡ್‌, ಟ್ರಾವಿಸ್‌ ಹೆಡ್‌, ಮೊಯ್ಸೆಸ್‌ ಹೆನ್ರಿಕ್‌ ಮಾರ್ನಸ್‌ ಲಾಬುಶೇನ್‌, ನೇಥನ್‌ ಲಯಾನ್‌, ಮಿಚೆಲ್‌ ನೇಸರ್‌, ಜೇಮ್ಸ್‌ ಪ್ಯಾಟಿನ್ಸನ್‌, ವಿಲ್‌ ಪುಕೊವ್ಸ್ಕಿ, ಸ್ಟೀವ್‌ ಸ್ಮಿತ್‌, ಮಿಚೆಲ್‌ ಸ್ಟಾರ್ಕ್‌, ಮಾರ್ಕ್ ಸ್ಟೆಕೆಟ್‌ ಮಿಚೆಲ್‌ ಸ್ವೀಪ್ಸನ್‌ ಡೇವಿಡ್‌ ವಾರ್ನರ್‌ ಆಸ್ಟ್ರೇಲಿಯಾ ಟಿ20 ತಂಡ: ಆರೋನ್ ಫಿಂಚ್‌(ನಾಯಕ), ಮ್ಯಾಥ್ಯೂ ವೇಡ್‌ (ಉಪ ನಾಯಕ), ಆಸ್ಟನ್‌ ಅಗರ್‌, ಜೇಸನ್‌ ಬೆಹ್ರೆನ್‌ಡಾರ್ಫ್‌, ಮಿಚೆಲ್‌ ಮಾರ್ಷ್‌, ಗ್ಲೆನ್‌ ಮ್ಯಾಕ್ಸ್‌ವೆಲ್‌, ಬೆನ್‌ ಮೆಕ್‌ಡೆರ್ಮಾಟ್‌, ರಿಲಿ ಮೆರೆಡಿತ್‌, ಜಾಶ್ ಫಿಲಿಪ್‌, ಜೇ ರಿಚರ್ಡ್‌ಸನ್‌, ಕೇನ್‌ ರಿಚರ್ಡ್‌ಸನ್‌, ಡೇನಿಯಲ್‌ ಸ್ಯಾಮ್ಸ್, ತನ್ವೀರ್‌ ಸಂಗ, ಡಿ'ಆರ್ಸಿ ಶಾರ್ಟ್‌, ಮಾರ್ಕಸ್ ಸ್ಟೋಯ್ನಿಸ್, ಆಸ್ಟನ್‌ ಟರ್ನರ್‌, ಆಂಡ್ರೆ ಟೈ, ಆಡಂ ಝಾಂಪ
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3iXvLrK
