ರಾಮಸಮುದ್ರ ಎಸ್.ವೀರಭದ್ರಸ್ವಾಮಿ ಚಾಮರಾಜನಗರ: ಜಿಲ್ಲೆಯಲ್ಲಿ ಸರಕಾರಿ ವಾಹನಗಳು ಖಾಸಗಿ ವಾಹನಗಳಿಗಿಂತ ಹೆಚ್ಚಾಗಿ ದುರ್ಬಳಕೆಯಾಗುತ್ತಿದೆ. ವಿಶೇಷವಾಗಿ ಪೊಲೀಸರ ವಾಹನಗಳು ಕೂಡ ಎಗ್ಗಿಲ್ಲದೆ ಶಾಪಿಂಗ್, ತರಕಾರಿ ಅಂಗಡಿಗಳು, ಪಿಕಪ್ ಅಂಡ ಡ್ರಾಪ್ ಕೂಡ ದುರ್ಬಳಕೆಯಾಗುತ್ತಿರುವುದು ಮಾತ್ರ ಶೋಚನೀಯ. ಪೊಲೀಸ್ ಇಲಾಖೆಗೆ ಸೇರಿದ ವಾಹನಗಳು ಇಲಾಖಾ ನಿಯಮ ಉಲ್ಲಂಘಿಸಿ ಬಳಕೆ ಮಾಡುವಂತಿಲ್ಲ. ಆದರೆ ಚಾಮರಾಜನಗರದಲ್ಲಿ ಈ ಪೊಲೀಸ್ ಇಲಾಖೆಯ ವಾಹನ ತಮ್ಮ ತಮ್ಮ ಖಾಸಗಿ ವಾಹನಗಳ ತರಹ ಠಾಣಾ ಸರಹದ್ದು ಮೀರಿ ಪಿಕಪ್ ಅಂಡ್ ಡ್ರಾಪ್, ತರಕಾರಿ ತರಲು ಹಾಗೂ ಶಾಪಿಂಗ್‌ಗೆ ಬಳಸಿಕೊಳ್ಳುತ್ತಿರುವ ಆಘಾತಕಾರಿ ಅಂಶ ಬೆಳಕಿಗೆ ಬಂದಿದೆ. ಜಿಲ್ಲೆಯ ಸಂತೆಮರಳ್ಳಿ ಠಾಣೆಯ ವಾಹನ ಪ್ರತಿನಿತ್ಯ ಚಾಮರಾಜನಗರ- ಸಂತೆಮರಳ್ಳಿಗೆ ಓಡಾಡುತ್ತಿರುತ್ತದೆ. ಠಾಣಾ ಸಮೀಪದಲ್ಲೆ ಇದ್ದರೂ ವಸತಿ ನಿಲಯ ನೀಡದೆ ಇರೋದರಿಂದ, ಜಿಲ್ಲಾ ಕೇಂದ್ರದಲ್ಲೆ ವಸತಿ ಇರೋದ್ರಿಂದ ಪ್ರತಿನಿತ್ಯ 50 ಕಿ.ಮಿ ಪ್ರಯಾಣದ ಇಂಧನ ವೆಚ್ಚ ಪೊಲಾಗುತ್ತಿದೆ. ಮುಖ್ಯ ಕೇಂದ್ರ ಸ್ಥಾನದಲ್ಲೆ ಇನ್ಸ್‌ಪೆಕ್ಟರ್ ಇರಬೇಕು. ಆದರೆ ಅವರಿಗೆ ಅವರ ಸರಹದ್ದಿನ ವಸತಿ‌ನಿಲಯದಲ್ಲಿ ವಸತಿ ಇಲ್ಲ ಎಂಬುದು ಗೊತ್ತಿದೆ. ಮತ್ತೊಂದೆಡೆ ಈ ಇಲಾಖೆಯ ವಾಹನಕ್ಕೆ ಇನ್ಸ್‌ಪೆಕ್ಟರ್ ಸೇರಿದಂತೆ ಮೂರ್ನಾಲ್ಕು ಜನ ಚಾಲಕರು ಇದ್ದು ಬಿಡುತ್ತಾರೆ. ಕೆಲವು ಠಾಣೆಗಳಲ್ಲಿ ಕಡ್ಡಾಯ ಹುದ್ದೆಯ ಚಾಲಕ, ತುರ್ತು ಸಂದರ್ಭ ರಜೆ ಹಾಕಿದರೆ ಇಲಾಖೆಯ ಮೇಲಾಧಿಕಾರಿಗಳೆ ವಾಹನ ಓಡಿಸಿಕೊಂಡ ಪ್ರಸಂಗವೂ ಇದೆ. ವಿಪರ್ಯಾಸ ಎಂದರೆ ಪ್ರಮುಖ ಠಾಣೆಯೊಂದರ ಜೀಪ್ ಚಾಲಕನಿಗೆ ಕೊವೀಡ್ ಬಂದು ಜಿಲ್ಲಾಸ್ಪತ್ರೆಯಲ್ಲೆ ಹಾಸಿಗೆ ಹಿಡಿದು ಮಲಗಿದಾಗ ಇಲಾಖೆಯವರು ಹೊರತುಪಡಿಸಿ ವಾರಗಟ್ಟಲೆ ಖಾಸಗಿ ವ್ಯಕ್ತಿ ನಿಯೋಜಿಸಿಕೊಂಡು ಕೆಲಸ ಮಾಡಿದ ಉದಾಹರಣೆಗಳು ದಾಖಲೆ ಸಮೇತ ಕೂಡ ಇದೆ. ಹಿಂದಿನ ಎಸ್ಪಿ ಆನಂದ್ ಕುಮಾರ್ ಅವಧಿಯಿಂದಲೂ ಇಲಾಖಾ ವಾಹನಗಳು ದುರ್ಬಳಕೆಯಾಗುತ್ತಿದ್ದು ನಂತರ ಬಂದ ಎಸ್ಪಿ ದಿವ್ಯ ಸಾರಾ ಥಾಮಸ್ ಅವಧಿಯಲ್ಲೂ ಯಥೇಚ್ಚವಾಗಿ ದುರ್ಬಳಕೆಯಾಗುತ್ತಿದ್ದು ನಿಯಂತ್ರಣಕ್ಕೆ ತರುತ್ತಾರೋ ಅಥವಾ ಗೊತ್ತಿದ್ದೂ ಗೊತ್ತಿಲ್ಲದ ಈ ರೀತಿ ಮೌನ ವಹಿಸುತ್ತಾರೋ ಎಂಬುವುದು ತಿಳಿಯುತ್ತಿಲ್ಲ. ದಕ್ಷಿಣ ವಲಯ ಪೊಲೀಸ್ ಮಹಾನಿರ್ದೇಶಕ ಪ್ರವಿಣ್ ಮದುಕರ್ ಪವಾರ್ ಅವರು ಕಟ್ಟುನಿಟ್ಟಿ‌ನ ಆದೇಶ ನೀಡಿ ಜಾರಿ ಮಾಡದಿದ್ದರೆ ಇಂತಹ ಕೆಲಸಗಳಿಂದ ಇಂಧನದ ದುಂದುವೆಚ್ಚ ಪೊಲಾಗೊದ್ರಲ್ಲಿ ಸಂಶವೇ ಇಲ್ಲ.
from India & World News in Kannada | VK Polls https://ift.tt/3abilnW
