ಶ್ರೀಕಾಂತ್‌ ಹುಣಸವಾಡಿ ಬೆಂಗಳೂರು: ಕರ್ನಾಟಕ ಲೋಕಸೇವಾ ಆಯೋಗ ಈ ವರ್ಷವೂ ಕೆಎಎಸ್‌ ಅಧಿಕಾರಿಗಳ ನೇಮಕಕ್ಕೆ ಹೊಸ ಅಧಿಸೂಚನೆ ಹೊರಡಿಸುವುದು ಬಹುತೇಕ ಅನುಮಾನವಾಗಿದೆ. ಆಯೋಗವು ತಾನೇ ಮಾಡಿಕೊಂಡಿರುವ ನಿಯಮ ಮತ್ತು ಹೋಟಾ ಸಮಿತಿ ವರದಿ ಪ್ರಕಾರ, ಯುಪಿಎಸ್ಸಿ ಮಾದರಿಯಲ್ಲಿ ಪ್ರತಿ ವರ್ಷ ಖಾಲಿ ಇರುವ ಪತ್ರಾಂಕಿತ 'ಎ' ಮತ್ತು 'ಬಿ' ವೃಂದದ ಹುದ್ದೆಗಳ ನೇಮಕಕ್ಕೆ ಅಧಿಸೂಚನೆ ಹೊರಡಿಸಿ, ಪರೀಕ್ಷಾ ವೇಳಾಪಟ್ಟಿಯನ್ನೂ ಪ್ರಕಟಿಸಬೇಕು. ಆದರೆ, ಮೂರು ವರ್ಷಗಳಿಂದ 2018, 2019 ಮತ್ತು 2020ರಲ್ಲಿ ಒಂದಿಲ್ಲೊಂದು ಕಾರಣಗಳಿಂದಾಗಿ ನೇಮಕ ಪ್ರಕ್ರಿಯೆ ನಡೆಸಿಲ್ಲ.ಸದ್ಯಕ್ಕೆ ಆರ್ಥಿಕ ಮಿತವ್ಯಯ, ಕೋವಿಡ್‌ನಿಂದಾಗಿರುವ ಸರಕಾರದ ಆದಾಯ ಖೋತಾ ಆಗಿದೆ. ಹೀಗಾಗಿ ಹೊಸ ನೇಮಕ ಪ್ರಕ್ರಿಯೆಯ ಆಲೋಚನೆ ನಡೆಸಿಲ್ಲ. ಆರ್ಥಿಕ ಇಲಾಖೆ ಹಾಲಿ ಕೆಪಿಎಸ್‌ಸಿ ನೇಮಕ ಪ್ರಕ್ರಿಯೆ ಅಂತಿಮಗೊಳಿಸಿ ಕಳುಹಿಸಿಕೊಟ್ಟಿರುವ ಸಾವಿರಾರು ಅಭ್ಯರ್ಥಿಗಳಿಗೆ ನೇಮಕ ಆದೇಶ ನೀಡದೆ ಕೊಕ್ಕೆ ಹಾಕಿಕೊಂಡು ಕುಳಿತಿದೆ.
ಶ್ರೀಕಾಂತ್‌ ಹುಣಸವಾಡಿ
ಬೆಂಗಳೂರು:
ಕರ್ನಾಟಕ ಲೋಕಸೇವಾ ಆಯೋಗ ಈ ವರ್ಷವೂ ಕೆಎಎಸ್‌ ಅಧಿಕಾರಿಗಳ ನೇಮಕಕ್ಕೆ ಹೊಸ ಅಧಿಸೂಚನೆ ಹೊರಡಿಸುವುದು ಬಹುತೇಕ ಅನುಮಾನವಾಗಿದೆ. ಆಯೋಗವು ತಾನೇ ಮಾಡಿಕೊಂಡಿರುವ ನಿಯಮ ಮತ್ತು ಹೋಟಾ ಸಮಿತಿ ವರದಿ ಪ್ರಕಾರ, ಯುಪಿಎಸ್ಸಿ ಮಾದರಿಯಲ್ಲಿ ಪ್ರತಿ ವರ್ಷ ಖಾಲಿ ಇರುವ ಪತ್ರಾಂಕಿತ 'ಎ' ಮತ್ತು 'ಬಿ' ವೃಂದದ ಹುದ್ದೆಗಳ ನೇಮಕಕ್ಕೆ ಅಧಿಸೂಚನೆ ಹೊರಡಿಸಿ, ಪರೀಕ್ಷಾ ವೇಳಾಪಟ್ಟಿಯನ್ನೂ ಪ್ರಕಟಿಸಬೇಕು. ಆದರೆ, ಮೂರು ವರ್ಷಗಳಿಂದ 2018, 2019 ಮತ್ತು 2020ರಲ್ಲಿ ಒಂದಿಲ್ಲೊಂದು ಕಾರಣಗಳಿಂದಾಗಿ ನೇಮಕ ಪ್ರಕ್ರಿಯೆ ನಡೆಸಿಲ್ಲ.
ನೇಮಕಾತಿಯ ಆಲೋಚನೆಯೇ ಇಲ್ಲ!
ಮೂರು ವರ್ಷಗಳಿಂದ 2018, 2019 ಮತ್ತು 2020ರಲ್ಲಿ ಒಂದಿಲ್ಲೊಂದು ಕಾರಣಗಳಿಂದಾಗಿ ನೇಮಕ ಪ್ರಕ್ರಿಯೆಯೇ ಕೆಪಿಎಸ್‌ಸಿ ನಡೆಸಿಲ್ಲ. ಸರಕಾರದಿಂದ ಹುದ್ದೆಗಳನ್ನು ಭರ್ತಿಗೆ ಮನವಿ ಬರುವ ತನಕ ಆಯೋಗ ಯಾವುದೇ ಕ್ರಮ ಕೈಗೊಳ್ಳುವುದಿಲ್ಲ. ಸದ್ಯಕ್ಕೆ ಆರ್ಥಿಕ ಮಿತವ್ಯಯ, ಕೋವಿಡ್‌ನಿಂದಾಗಿರುವ ಸರಕಾರದ ಆದಾಯ ಖೋತಾ ಆಗಿದೆ. ಹೀಗಾಗಿ ಹೊಸ ನೇಮಕ ಪ್ರಕ್ರಿಯೆಯ ಆಲೋಚನೆ ನಡೆಸಿಲ್ಲ. ಆರ್ಥಿಕ ಇಲಾಖೆ ಹಾಲಿ ಕೆಪಿಎಸ್‌ಸಿ ನೇಮಕ ಪ್ರಕ್ರಿಯೆ ಅಂತಿಮಗೊಳಿಸಿ ಕಳುಹಿಸಿಕೊಟ್ಟಿರುವ ಸಾವಿರಾರು ಅಭ್ಯರ್ಥಿಗಳಿಗೆ ನೇಮಕ ಆದೇಶ ನೀಡದೆ ಕೊಕ್ಕೆ ಹಾಕಿಕೊಂಡು ಕುಳಿತಿದೆ. ಇದರ ನೇರ ಪರಿಣಾಮ ಕೆಎಎಸ್‌ ಅಧಿಕಾರಿಗಳ ಕನಸು ಹೊತ್ತಿರುವ ವಿದ್ಯಾರ್ಥಿಗಳ ಮೇಲೆ ಆಗಿದೆ.
ಕೊರೊನಾ ವೈರಸ್: 6000ಕ್ಕಿಳಿದ ಸಕ್ರಿಯ ಪ್ರಕರಣ, 500ಕ್ಕಿಂತ ಕೆಳಗಿಳಿದ ಹೊಸ ಸೋಂಕು
ಪಟ್ಟಿ ಸಲ್ಲಿಸದ ಇಲಾಖೆಗಳು
ಹೊಸದಾಗಿ ಜಿಲ್ಲೆ-ತಾಲೂಕುಗಳ ರಚನೆ, ನಿಗಮ ಮಂಡಳಿಗಳ ರಚನೆ, ನಿವೃತ್ತರಾಗುತ್ತಿರುವ ಅಧಿಕಾರಿಗಳು ಹೀಗೆ ಹಲವು ಕಾರಣಗಳಿಂದಾಗಿ ಕೆಎಎಸ್‌ ಅಧಿಕಾರಿಗಳಿಗೆ ಬೇಡಿಕೆ ಹೆಚ್ಚುತ್ತಲಿದೆ. 'ಎ' ಮತ್ತು 'ಬಿ' ವೃಂದದ ಸುಮಾರು ಸಾವಿರಕ್ಕೂ ಅಧಿಕ ಹುದ್ದೆಗಳು ಖಾಲಿ ಇವೆ. ಇದನ್ನು ತುಂಬುವುದು ಡಿಪಿಎಆರ್‌ಗೆ ಕೊರತೆ ತುಂಬುವುದೇ ಒಂದು ಸವಾಲಾಗಿ ಪರಿಣಮಿಸಿದೆ ಎನ್ನುತ್ತವೆ ಸರಕಾರದ ಮೂಲಗಳು. ಮತ್ತೊಂದೆಡೆ ಇಲಾಖೆಗಳು ಪ್ರತಿ ವರ್ಷ ಇಲಾಖೆಗಳು ತಮ್ಮಲ್ಲಿ ಖಾಲಿ ಇರುವ 'ಎ' ಮತ್ತು 'ಬಿ' ವೃಂದದ ಹುದ್ದೆಗಳ ಭರ್ತಿಗಾಗಿ ಡಿಪಿಎಆರ್‌ಗೆ ಮನವಿ ಸಲ್ಲಿಸಬೇಕು. ಇದರ ಆಧಾರದಡಿ ಡಿಪಿಎಆರ್‌ ಆಯೋಗಕ್ಕೆ ಮಾಹಿತಿ ನೀಡುತ್ತದೆ. ಆದರೆ, ಬಹುತೇಕ ಇಲಾಖೆಗಳು ಪ್ರತಿವರ್ಷ ಬೇಡಿಕೆ ಸಲ್ಲಿಸುವ ಬದಲು, ಯಾವಾಗ ತೀವ್ರ ಸಿಬ್ಬಂದಿ ಕೊರತೆ ಎದುರಾಗುತ್ತದೋ ಅಂತಹ ಸಂದರ್ಭಗಳಲ್ಲಿ ಮಾತ್ರ ಮನವಿ ಸಲ್ಲಿಸಲಿವೆ.
2.15 ಲಕ್ಷ ಆಟೊ, ಟ್ಯಾಕ್ಸಿ ಚಾಲಕರಿಗೆ 108.15 ಕೋಟಿ ರೂ. ಪರಿಹಾರ ವಿತರಣೆ
ಕಾಯುತ್ತಿರುವ ಅಭ್ಯರ್ಥಿಗಳು!
ಸಾವಿರಾರು ಅಭ್ಯರ್ಥಿಗಳು, ಕೆಎಎಸ್‌ ಅಸೂಚನೆ ಹೊರಬೀಳುತ್ತದೆಂದು ಚಾತಕ ಪಕ್ಷಿಗಳಂತೆ ಕಾಯುತ್ತಿದ್ದಾರೆ. 2011ರಿಂದ ಇಲ್ಲಿಯವರೆಗೆ ಕೆಪಿಎಸ್‌ಸಿ ಕೇವಲ ಮೂರು ಬಾರಿ ಕೆಎಎಸ್‌ ಅಧಿಕಾರಿಗಳ ನೇಮಕಕ್ಕೆ ಅಧಿಸೂಚನೆ ಹೊರಡಿಸಿದೆ. ಆ ಪೈಕಿ ಒಂದು ಬ್ಯಾಚ್‌ ನೇಮಕ ಪೂರ್ಣಗೊಂಡಿದೆ. ಒಂದು ನೇಮಕ ರದ್ದಾಗಿದ್ದರೆ, ಮತ್ತೊಂದಕ್ಕೆ ಮುಖ್ಯ ಪರೀಕ್ಷೆ ಬಾಕಿ ಇದೆ. ಇನ್ನೂ ಕೆಲವು ಅಭ್ಯರ್ಥಿಗಳು, ಕೆಪಿಎಸ್‌ಸಿ ನಾಲ್ಕೈದು ವರ್ಷಗಳಿಗೊಮ್ಮೆ ನೇಮಕ ಪ್ರಕ್ರಿಯೆ ನಡೆಸುವುದರಿಂದ ಬಹುತೇಕರು ಯುಪಿಎಸ್ಸಿ ಪರೀಕ್ಷೆಗಳಿಗೆ ಹೆಚ್ಚಿನ ಒಲವು ತೋರುತ್ತಿದ್ದಾರೆ. ಈ ಮಧ್ಯೆ, ವಯೋಮಿತಿ ಮೀರುತ್ತಿರುವ ಹಲವು ಆಕಾಂಕ್ಷಿಗಳು ಒಮ್ಮೆ ವಯೋಮಿತಿ ಸಡಿಲಗೊಳಿಸಬೇಕೆಂಬ ಬೇಡಿಕೆಯನ್ನೂ ಸರಕಾರದ ಮುಂದಿಟ್ಟಿದ್ದಾರೆ. ಜತೆಗೆ ಹಾಲಿ ಸೇವೆಯಲ್ಲಿರುವ ಅಧಿಕಾರಿಗಳಿಗೆ ಒಂದು ಅಥವಾ ಎರಡು ಬಾರಿ ಮಾತ್ರ ಮತ್ತೆ ಪರೀಕ್ಷೆ ಬರೆಯಲು ಅವಕಾಶ ಮಾಡಿಕೊಡಬೇಕು. ಅದಕ್ಕೆ ಸೇವಾ ನಿಯಮಗಳಿಗೆ ತಿದ್ದುಪಡಿ ತರಬೇಕು ಎಂಬ ಬೇಡಿಕೆಯನ್ನೂ ಅಭ್ಯರ್ಥಿಗಳು ಮುಂದಿಟ್ಟಿದ್ದಾರೆ.
from India & World News in Kannada | VK Polls https://ift.tt/3t3KHJv
