ಹೊಸದಿಲ್ಲಿ: ಮುಂಬರುವ ನಾಲ್ಕು ಪಂದ್ಯಗಳ ಟೆಸ್ಟ್ ಸರಣಿಯ ಮೇಲೆ ಮಹತ್ವದ ಪರಿಣಾಮ ಬೀರಲಿರುವ ಭಾರತ ಹಾಗೂ ಇಂಗ್ಲೆಂಡ್ ತಂಡಗಳ ಕೀ ಆಟಗಾರರನ್ನು ಮಾಜಿ ಸ್ಪಿನ್ನರ್‌ ಹೆಸರಿಸಿದ್ದಾರೆ. ಉಭಯ ತಂಡಗಳ ನಡುವಿನ ಮೊದಲನೇ ಪಂದ್ಯ ಫೆಬ್ರುವರಿ 5 ರಿಂದ ಚೆನ್ನೈ ಎಂಎ ಚಿದಂಬರಂ ಕ್ರೀಡಾಂಗಣದಲ್ಲಿ ಆರಂಭವಾಗಲಿದೆ. ಮುಂಬರುವ ಟೆಸ್ಟ್ ಸರಣಿಯಲ್ಲಿ ಪ್ರವಾಸಿ ತಂಡದ ನಾಯಕ , ಹಿರಿಯ ವೇಗಿಗಳಾದ ಸ್ಟುವರ್ಟ್ ಬ್ರಾಡ್‌ ಹಾಗೂ ಜೇಮ್ಸ್ ಅಂಡರ್ಸನ್‌ ಮಿಂಚುವ ಸಾಧ್ಯತೆ ಇದೆ ಎಂದು 2012/13ರ ಭಾರತ ಪ್ರವಾಸದಲ್ಲಿ ಗೆದ್ದ ಇಂಗ್ಲೆಂಡ್ ತಂಡದಲ್ಲಿದ್ದ ಸ್ಪಿನ್ನರ್‌ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. "ನಾಯಕ ಜೋ ರೂಟ್‌, ಸ್ಟುವರ್ಟ್ ಬ್ರಾಡ್‌ ಹಾಗೂ ಜೇಮ್ಸ್ ಅಂಡರ್ಸನ್‌ ಇಂಗ್ಲೆಂಡ್ ತಂಡದ ಕೀ ಆಟಗಾರರಾಗಿದ್ದಾರೆ. ಅದ್ಭುತ ಫಾರ್ಮ್‌ನಲ್ಲಿರುವ ಜೋ ರೂಟ್‌ಗೆ ಭಾರತೀಯ ಪರಿಸ್ಥಿತಿಗಳಲ್ಲಿ ಹೇಗೆ ಆಡಬೇಕೆಂದು ಚೆನ್ನಾಗಿ ಗೊತ್ತಿದೆ. ಅಲ್‌ಸ್ಟೇರ್ ಕುಕ್ ಭಾರತದಲ್ಲಿ ಈ ಹಿಂದೆ ಏನು ಮಾಡಿದ್ದರು ಎಂಬುದನ್ನು ರೂಟ್‌ ಅನುಕರಿಸಬೇಕಾಗುತ್ತದೆ," ಎಂದು ಪನೇಸರ್‌ ಟೈಮ್ಸ್ ಆಫ್‌ ಇಂಡಿಯಾಗೆ ತಿಳಿಸಿದ್ದಾರೆ. "ಸೀಮಿಂಗ್‌ ವಿಕೆಟ್ ಆಗಿದ್ದರೆ, ಬ್ರಾಡ್‌ ಹಾಗೂ ಅಂಡರ್ಸನ್‌ ನೋಡಿಕೊಳ್ಳುತ್ತಾರೆ. ಅಂಡರ್ಸನ್‌ ಸ್ಟಂಪ್‌ಗಳ ಮೇಲೆ ಎಂದಿಗೂ ಬೌಲಿಂಗ್‌ ಮಾಡುವುದಿಲ್ಲ. ಬ್ಯಾಟ್ಸ್‌ಮನ್‌ನಿಂದ 4 ಅಥವಾ 5 ಅಡಿ ದೂರದಲ್ಲಿ ಬೌಲಿಂಗ್‌ ಮಾಡಿ ಸ್ವಯಃ ಪ್ರೇರಿತವಾಗಿ ಬ್ಯಾಟ್ಸ್‌ಮನ್‌ ಆಡುವಂತೆ ಪ್ರೇರೇಪಿಸಿ ಎಲ್‌ಬಿಡಬ್ಲ್ಯು ಬಲೆಗೆ ಬೀಳಿಸುತ್ತಾರೆ," ಎಂದು ಹೇಳಿದರು. ಭಾರತ ತಂಡದ ಮೂವರು ಕೀ ಆಟಗಾರರನ್ನು ಆಯ್ಕೆ ಮಾಡಿದ ಮಾಂಟಿ ಪನೇಸರ್‌, ಟೀಮ್‌ ಇಂಡಿಯಾ ನಾಯಕ ಹಾಗೂ ವೇಗದ ಬೌಲರ್‌ ಜಸ್‌ಪ್ರಿತ್‌ ಬುಮ್ರಾ ಅವರನ್ನು ಕೈ ಬಿಟ್ಟಿದ್ದಾರೆ. "ಭಾರತ ತಂಡದ ಕೀ ಆಟಗಾರರಲ್ಲಿ ಮೊದಲನೇಯದಾಗಿ ಅಜಿಂಕ್ಯ ರಹಾನೆ ಇದ್ದಾರೆ. ಬ್ಯಾಟಿಂಗ್‌, ನಾಯಕತ್ವ ಹಾಗೂ ನಾಯಕತ್ವದ ಶೈಲಿಯಿಂದ ಬಲಗೈ ಬ್ಯಾಟ್ಸ್‌ಮನ್‌ ಎಲ್ಲರ ಗಮನ ಸೆಳೆದಿದ್ದಾರೆ. ಇನ್ನು ಎರಡನೇ ಆಟಗಾರ ಚೇತೇಶ್ವರ್‌ ಪೂಜಾರ ಅವರನ್ನು ಆಯ್ಕೆ ಮಾಡುತ್ತೇನೆ. ಪಂದ್ಯದಲ್ಲಿ ಎಷ್ಟೇ ಒತ್ತಡವಿದ್ದರೂ ಅದನ್ನು ಪೂಜಾರ ನಿಯಂತ್ರಿಸುತ್ತಾರೆ," ಎಂದು ಪನೇಸರ್‌ ಹೇಳಿದರು. "ಭಾರತದ ಮೂರನೇ ಕೀ ಆಟಗಾರನಾಗಿ ಹಿರಿಯ ಆಫ್‌ ಸ್ಪಿನ್ನರ್‌ ರವಿಚಂದ್ರನ್‌ ಅಶ್ವಿನ್‌ ಅವರನ್ನು ಆಯ್ಕೆ ಮಾಡುತ್ತೇನೆ. ಓವರ್‌ ದ ವಿಕೆಟ್ ಹಾಗೂ ಅರೌಂಡ್‌ ದ ವಿಕೆಟ್ ಎರಡೂ ಬದಿಯಲ್ಲಿ ವಿಕೆಟ್ ಪಡೆಯುವ ಸಾಮರ್ಥ್ಯ ಅವರಿಗಿದೆ. ವಿಭಿನ್ನ ಮಾರ್ಪಾಡುಗಳೊಂದಿಗೆ ಬೌಲಿಂಗ್‌ ಮಾಡುವ ಅಶ್ವಿನ್‌ ಚುರುಕಾದ ಕ್ರಿಕೆಟಿಗ. ಅಶ್ವಿನ್‌ ಸ್ಪಿನ್‌ ಬೌಲಿಂಗ್‌ ಆಪ್‌ ಇದ್ದಂತೆ, ಆರು ತಿಂಗಳಿಗೊಮ್ಮೆ ಅಪ್‌ಡೇಟ್‌ ಆಗುತ್ತದೆ," ಎಂದು ಇಂಗ್ಲೆಂಡ್ ಮಾಜಿ ಸ್ಪಿನ್ನರ್‌ ತಿಳಿಸಿದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3ov7XfK
