ವಿರಾಜಪೇಟೆ: ಬಿಳುಗುಂದ ಕೊಮ್ಮೆತ್ತೋಡು ಗ್ರಾಮದಲ್ಲಿ ಅಕ್ರಮ ಕಳ್ಳಭಟ್ಟಿ ಸಾರಾಯಿ ಮಾರಾಟಕ್ಕೆ ಯತ್ನಿಸಿದ ಇಬ್ಬರನ್ನು ಪೊಲೀಸರು ಬಂಧಿಸಿದ್ದಾರೆ. ತಾಲೂಕಿನ ಬಿಳುಗುಂದ ಗ್ರಾಪಂ ವ್ಯಾಪ್ತಿಯ ಕೊಮ್ಮೆತ್ತೋಡು ನಿವಾಸಿಗಳಾದ ಅಬ್ರಹಾಂ ನರೋನಾ (59) ಮತ್ತು ಪ್ರವೀಣ್‌ ನರೋನಾ (24 )ಬಂಧಿತರು. ಕೊಮ್ಮೆತೋಡು ಗ್ರಾಮದಲ್ಲಿ ಅಕ್ರಮವಾಗಿ ಕಳ್ಳಭಟ್ಟಿ ಸಾರಾಯಿ ತಯಾರಿಸಿ ಮಾರಾಟ ಮಾಡಲಾಗುತ್ತಿದೆ ಎಂಬ ಮಾಹಿತಿ ದೊರಕಿದ ಹಿನ್ನೆಲೆಯಲ್ಲಿ ತನಿಖೆ ನಡೆಸಿ ಅಬ್ರಹಾಂ ನರೋನಾ ಮನೆ ಮೇಲೆ ದಾಳಿ ಮಾಡಿದ ಪೊಲೀಸರು ಸುಮಾರು 17 ಲೀಟರ್‌ ಕಳ್ಳಭಟ್ಟಿ ಸರಾಯಿ (ಅಂದಾಜು ಮೌಲ್ಯ 8000 ರೂ.) ಕಳ್ಳಬಟ್ಟಿ ತಯಾರು ಮಾಡಲು ಬಳಸುತಿದ್ದ ಸಾಮಗ್ರಿಗಳನ್ನು ವಶಕ್ಕೆ ಪಡೆದಿದ್ದಾರೆ. ಬಂಧಿತರ ಮೇಲೆ ವಿರಾಜಪೇಟೆ ಗ್ರಾಮಾಂತರ ಪೊಲೀಸು ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಆರೋಪಿಗಳನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಿ ಮುಂದಿನ ಕ್ರಮ ಕೈಗೊಂಡಿದ್ದಾರೆ. ವಿರಾಜಪೇಟೆ ಉಪ ವಿಭಾಗದ ಉಪಾಧೀಕ್ಷಕರಾದ ಸಿ.ಟಿ ಜಯಕುಮಾರ್‌ ಮಾರ್ಗದರ್ಶನದಲ್ಲಿ ವೃತ್ತ ನಿರೀಕ್ಷಕರಾದ ಬಿ.ಎಸ್‌.ಶ್ರೀಧರ್‌ ಅವರ ನೇತೃತ್ವದಲ್ಲಿ ಗ್ರಾಮಾಂತರ ಠಾಣೆಯ ಠಾಣಾಧಿಕಾರಿಗಳಾದ ಸಿದ್ದಲಿಂಗಾ ಬಿ.ಬಾಣಸೆ, ವಿರಾಜ ಪೇಟೆ ಅಪರಾದ ವಿಭಾಗದ ಉಪ ನಿರೀಕ್ಷಕರಾದ ಎಚ್‌.ಎಸ್‌. ಬೋಜಪ್ಪ, ಗ್ರಾಮಾಂತರ ಠಾಣೆಯ ಎ.ಎಸ್‌.ಐ. ಸಿ.ವಿ. ಶ್ರೀಧರ್‌, ಸಿಬ್ಬಂದಿ ಎಚ್‌.ಸಿ. ತೀರ್ಥ ಕುಮಾರ್‌, ನೆಹರು ಕುಮಾರ್‌, ಪ್ರದೀಪ್‌, ಮುಸ್ತಾಫ, ಗಿರೀಶ್‌, ಮುನೀರ್‌ ಮಹಿಳಾ ಸಿಬ್ಬಂದಿ ಅನುಪಮಾ ಕೆ.ಜಿ ಮತ್ತು ಚಾಲಕ ರಾದ ಸಂದೀಪ್‌ ಹಾಗೂ ಮಹೇಶ್‌ ಜಂಟಿ ಕಾರ್ಯಾಚರಣೆಯಲ್ಲಿ ಭಾಗವಹಿಸಿದ್ದರು.
from India & World News in Kannada | VK Polls https://ift.tt/2YshycP
