: ಹೊಸಕೋಟೆ ತಾಲೂಕು ಕಸಬಾ ಹೋಬಳಿಯ ಕಲ್ಲಹಳ್ಳಿ ಸುಮಾರು 30 ವರ್ಷಗಳ ಕಾಲ ಜಿದ್ದಾಜಿದ್ದಿ ರಾಜಕೀಯಕ್ಕೆ ಬಲಿಯಾದ ಪರಿಣಾಮ ಗ್ರಾಮಸ್ಥರ ನಡುವೆ ಒಡಕು, ದ್ವೇಷ, ರಾಜಕೀಯ ಮೇಲಾಟವೇ ನಡೆಯಿತು. ಇದರಿಂದ ಗ್ರಾಮದ ಧಾರ್ಮಿಕ ಕಾರ್ಯಕ್ರಮಗಳು ಮತ್ತು ಹಬ್ಬಗಳ ಆಚರಣೆ ಮೇಲೆ ಪರಿಣಾಮ ಬೀರಿ, ಗ್ರಾಮಸ್ಥರು ಪ್ರತ್ಯೇಕವಾಗಿ ಹಬ್ಬಗಳನ್ನು ಆಚರಿಸುತ್ತಾ ಬಂದಿದ್ದರು. ಆದರೆ ಈ ಬಾರಿ ಹಳೆಯ ರಾಜಕೀಯ ವೈಷಮ್ಯ ಮರೆತು ಗ್ರಾಮಸ್ಥರೆಲ್ಲಾ ಒಗ್ಗೂಡಿ ಸಂಕ್ರಾಂತಿ ಹಬ್ಬ ಆಚರಿಸಿ, ಮಾದರಿ ಗ್ರಾಮ ಎಂಬುದನ್ನು ಹಲವಾರು ವರ್ಷಗಳ ನಂತರ ಸಾಬೀತು ಮಾಡಿದ್ದಾರೆ. ಇದೇ ರೀತಿ ಮುಂದಿನ ದಿನಗಳಲ್ಲಿ ಒಗ್ಗಟ್ಟಾಗಿ ಗ್ರಾಮದಲ್ಲಿ ಸಾಮರಸ್ಯ ಮೂಡುವುದು ಖಂಡಿತ ಎಂದು ಕೆಲವು ಮುಖಂಡರು ತಿಳಿಸಿದ್ದಾರೆ. ಗ್ರಾಮ ದೇವತೆ ಮಾರಮ್ಮ, ಸಪ್ಪಲಮ್ಮ, ದೂಡ್ಡದೇವಿಗೆ ಮಹಿಳೆಯರು ತಂಬಿಟ್ಟಿನ ಆರತಿ ಹೊತ್ತು ಪೂಜೆ ಸಲ್ಲಿಸಿದ್ದು ವಿಶೇಷವಾಗಿತ್ತು. ಗ್ರಾಪಂ ಸದಸ್ಯರಾದ ಕೆ.ಬಿ. ಮುನೇಗೌಡ, ಬಿಂದು, ಮಾಜಿ ಸದಸ್ಯರಾದ ಮುನೇಗೌಡ, ಬ್ಯಾಟೇಗೌಡ, ರಾಮಾಂಜಿನಪ್ಪ, ಕೆ.ಟಿ ರಮೇಶ್‌, ಮೀನಾ ಶ್ರೀನಿವಾಸ್‌ ಮತ್ತಿತರರು ಇದ್ದರು.
from India & World News in Kannada | VK Polls https://ift.tt/3aje4Pi
