ಕನಕಪುರ: ಗ್ರಾಮದ ಕುಂಟೆಯಲ್ಲಿ ಹಸುವನ್ನು ತೊಳೆಯಲು ಹೋಗಿದ್ದ 11 ವರ್ಷದ ಬಾಲಕ ಮತ್ತು ಮಹಿಳೆ ಕಾಲುಜಾರಿ ಕುಂಟೆಯ ನೀರಿನಲ್ಲಿ ಮುಳುಗಿ ಸಾವನ್ನಪ್ಪಿದ್ದಾರೆ. ಮೃತರನ್ನು ತಾಲೂಕಿನ ಕಸಬಾ ಹೋಬಳಿಯ ಹುಣಸೆಮರದದೊಡ್ಡಿ ಗ್ರಾಮದ ದೀಪು(11), ಭಾರತಿ (30) ಎಂದು ಗುರುತಿಸಲಾಗಿದೆ. ಜಮೀನಿನಲ್ಲಿದ್ದ ಕುಂಟೆಯಲ್ಲಿ ಬಾಲಕ ದೀಪು ಹಸು ತೊಳೆಯಲು ಹೋಗಿದ್ದ. ಹಸು ತೊಳೆಯುತ್ತಿದ್ದಾಗ ದೀಪು ಕಾಲು ಜಾರಿ ಬಿದ್ದ ನೀರಿನಲ್ಲಿ ಮುಳುಗತೊಡಗಿದ. ಅದನ್ನು ಕಂಡ ಭಾರತಿ, ದೀಪುವನ್ನು ರಕ್ಷಿಸಲು ಕುಂಟೆಗೆ ಇಳಿದರು. ಕುಂಟೆಯಲ್ಲಿಆಳವಾದ ಕೆಸರಿನಲ್ಲಿ ಸಿಲುಕಿಕೊಂಡು ಇಬ್ಬರೂ ಪ್ರಾಣ ಬಿಟ್ಟರು. ಘಟನೆ ಸಂಬಂಧ ಕನಕಪುರ ಗ್ರಾಮಾಂತರ ಪೊಲೀಸ್‌ ಠಾಣೆಯಲ್ಲಿ ಅಸಹಜ ಸಾವು ಪ್ರಕರಣ ದಾಖಲಾಗಿದ್ದು, ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ಮೃತ ಶವಗಳನ್ನು ಮರಣೋತ್ತರ ಪರೀಕ್ಷೆ ನಡೆಸಿ ವಾರಸುದಾರರಿಗೆ ಒಪ್ಪಿಸಿ ಮುಂದಿನ ಕ್ರಮ ಕೈಗೊಂಡಿದ್ದಾರೆ.
from India & World News in Kannada | VK Polls https://ift.tt/2MIfHhu
