ಹೊಸದಿಲ್ಲಿ: ಕೊರೊನಾ ಮಧ್ಯೆಯೂ 2020ರಲ್ಲಿ ಭಾರತದಲ್ಲಿ ಭ್ರಷ್ಟಚಾರ ಹೆಚ್ಚಾಗಿರುವ ಆತಂಕಕಾರಿ ವರದಿ ಬೆಳಕಿಗೆ ಬಂದಿದೆ. ಟ್ರಾನ್ಸ್ಪರೆನ್ಸಿ ಇಂಟರ್‌ ನ್ಯಾಷನಲ್‌ ನಡೆಸಿದ ಕರಪ್ಷನ್‌ ಪರ್ಸೆಪ್ಷನ್‌ ಇಂಡೆಕ್ಸ್‌ನ(Corruption Perception Index) ರಿಪೋರ್ಟ್‌ ಹೊರಬಂದಿದ್ದು, 2019ಕ್ಕೆ ಹೋಲಿಸಿದರೆ 2020ರಲ್ಲಿ ಭಾರತದಲ್ಲಿ ಭ್ರಷ್ಟಚಾರ ಜಾಸ್ತಿಯಾಗಿದೆ. ಕರಪ್ಷನ್‌ ಪರ್ಸೆಪ್ಷನ್‌ ಇಂಡೆಕ್ಸ್‌ನ ಪ್ರಕಾರ ಭಾರತಕ್ಕೆ ಭ್ರಷ್ಟಚಾರದ ಸೂಚ್ಯಂಕದಲ್ಲಿ 86ನೇ ಸ್ಥಾನ ದೊರಕಿದೆ. ನೂರು ಅಂಕಗಳ ಪೈಕಿ ಭಾರತಕ್ಕೆ ಭ್ರಷ್ಟಚಾರದಲ್ಲಿ 40 ಅಂಕ ದೊರಕಿದ್ದು 86ನೇ ಸ್ಥಾನ ಸಿಕ್ಕಿದೆ. 2019ರಲ್ಲಿ ಭಾರತಕ್ಕೆ ನೂರು ಅಂಕಗಳ ಪೈಕಿ 41 ಅಂಕ ಸಿಗುವ ಮೂಲಕ 80 ಸ್ಥಾನದಲ್ಲಿತ್ತು. ಆದರೆ 2021ರಲ್ಲಿ ಇದು ಏರಿಕೆಯಾಗಿದೆ. ಇನ್ನು ಭ್ರಷ್ಟಚಾರ ಅಳೆಯಲು ಟ್ರಾನ್ಸ್ಪರೆನ್ಸಿ ಇಂಟರ್‌ ನ್ಯಾಷನಲ್‌ ಅನ್ನುವ ಸಂಸ್ಥೆ ಅಂಕಗಳನ್ನು ನೀಡುತ್ತದೆ. ನೂರು ಅಂಕಗಳಲ್ಲಿ ನೂರು ಅಂಕ ಅಥವಾ ಅದರ ಸಮೀಪದ ಅಂಕ ಪಡೆದರ ಭ್ರಷ್ಟಚಾರವಿಲ್ಲದ ಅಥವಾ ಕಡಿಮೆ ಭ್ರಷ್ಟಚಾರದ ದೇಶ ಎಂದು ಪರಿಗಣಿಸಲಾಗುತ್ತದೆ. ಅದೇ ಕಡಿಮೆ ಅಂಕ ಅಂದರೆ ಸೊನ್ನೆ, 10 ಅಥವಾ 20 ಅಂಕಗಳು ಬಂದರೆ ಅತ್ಯಂತ ಕೆಟ್ಟ ಭ್ರಷ್ಟಚಾರ ಹೊಂದಿರುವ ದೇಶ ಎಂದು ಪರಿಗಣಿಸಲಾಗುತ್ತದೆ. ಇನ್ನು ಒಟ್ಟು 180 ದೇಶಗಳಿಗೆ ಈ ಸೂಚ್ಯಂಕ ನೀಡಲಾಗುತ್ತದೆ. ಇನ್ನು ನೆರೆಯ ದೇಶಗಳ ಪೈಕಿ ಭಾರತಕ್ಕೆ ಹೋಲಿಸಿದರೆ ಭ್ರಷ್ಟಚಾರದಲ್ಲಿ ಚೀನಾ ಉತ್ತಮ ಸಾಧನೆ ಮಾಡಿದೆ. ಡ್ರ್ಯಾಗನ್‌ ದೇಶ 78ನೇ ಸ್ಥಾನದಲ್ಲಿದೆ. ಇನ್ನು ಪಾಕಿಸ್ತಾನದಲ್ಲಿ ಭ್ರಷ್ಟಚಾರ ತಾಂಡವ ಆಡುತ್ತಿರುವುದು ಅದಕ್ಕೆ ಸಿಕ್ಕಿರುವ ಸ್ಥಾನದಿಂದ ತಿಳಿಯುತ್ತದೆ. ಪಾಕಿಸ್ತಾನ 124 ಸ್ಥಾನವನ್ನು ಪಡೆದಿದೆ. ಇನ್ನು ಭ್ರಷ್ಟಚಾರರಹಿತ ಅಥವಾ ಅತೀ ಕಡಿಮೆ ಭ್ರಷ್ಟಚಾರ ನಡೆಯುವ ದೇಶವಾಗಿ ಹಾಗೂ ಮೊದಲ ಸ್ಥಾನದಲ್ಲಿ ನ್ಯೂಜಿಲ್ಯಾಂಡ್‌ ಮತ್ತು ಡೆನ್ಮಾರ್ಕ್‌ ಇದೆ. ನ್ಯೂಜಿಲ್ಯಾಂಡ್‌ ಹಾಗೂ ಡೆನ್ಮಾರ್ಕ್‌ಗೆ 100 ಅಂಕಗಳ ಪೈಕಿ 89 ಅಂಕ ಸಿಕ್ಕಿದೆ. ಇನ್ನು ಅತೀ ಭ್ರಷ್ಟ ದೇಶಗಳ ಪೈಕಿ ಸೋಮಾಲಿಯ ಹಾಗೂ ಸೌತ್‌ ಸುಡನ್‌ ಇದೆ. ಈ ದೇಶಗಳು 12 ಅಂಕ ಪಡೆಯುವ ಮೂಲಕ 179ನೇ ಸ್ಥಾನದಲ್ಲಿದೆ.
from India & World News in Kannada | VK Polls https://ift.tt/3sZPCuO
