ನಾಗರಾಜ ಎನ್‌ ಎಂ ನಂದಗುಡಿ ಬೆಂಗಳೂರು ಗ್ರಾಮಾಂತರ: ಮಲ್ಲಿಕಾ ತಳಿಯ ಗಿಡಗಳನ್ನು ನೆಟ್ಟು, ಕಾಲ- ಕಾಲಕ್ಕೆ ನೀರು, ಗೊಬ್ಬರ, ಹಿಂಡಿ ಹಾಕುವ ಮೂಲಕ ನಿರ್ವಹಣೆ ಮಾಡಿದ್ದರಿಂದ ಎಂಟು ತಿಂಗಳಲ್ಲೆ ಮಾವಿನ ಮರಗಳಲ್ಲಿ ತುಂಬಿ ಕಂಗೊಳಿಸುತ್ತಿದೆ. ಈ ಬಾರಿ ಎಲ್ಲೆಡೆ ಮಾವಿನ ಮರಗಳ ತುಂಬಾ ಹೂ ತುಂಬಿ ಕಂಗೊಳಿಸುತ್ತಿದ್ದು, ಮಾವು ಬೆಳೆಗಾರರು ಉತ್ತಮ ಫಸಲನ್ನು ನಿರೀಕ್ಷಿಸಬಹುದು ಮುಂಗಾರು ಮಳೆಯಾಗಿರುವುದು ಮಾವಿನ ಬೆಳೆಗೆ ಅನುಕೂಲಕರವಾಗಿದ್ದು, ಸಮೃದ್ಧವಾಗಿ ಹೂ ಬಿಟ್ಟಿದೆ. ಹೂವಿನ ಪ್ರಮಾಣದಷ್ಟೇ ಕಾಯಿ ಬಿಡುವುದೆಂಬ ವಿಶ್ವಾಸ ರೈತರು ಹಾಗೂ ವ್ಯಾಪಾರಿಗಳಲ್ಲಿ ಮನೆ ಮಾಡಿದೆ. ಕಳೆದ ವರ್ಷ ಮಳೆಯಾಗದೆ ಮಾವು ಫಸಲು ಕಡಿಮೆಯಾಗಿದ್ದರೂ ಕೊರೊನಾ ಲಾಕ್‌ಡೌನ್‌ನಿಂದಾಗಿ ವ್ಯಾಪಾರಸ್ಥರು ಮಾವಿನ ತೋಟದ ಕಡೆಗೆ ಸುಳಿಯಲಿಲ್ಲ. ಇದರಿಂದ ತೋಟಗಳಲ್ಲೆ ಕೊಳೆಯುವಂತಾಗಿತ್ತು. ಮಾವು ಬೆಳೆಗಾರರು ಲಕ್ಷಾಂತರ ರೂ. ನಷ್ಟ ಅನುಭವಿಸಿದರು. ಎಂಟು ತಿಂಗಳಲ್ಲೆ ಫಸಲು ಅಧಿಕ ಇಳುವರಿ ಬರುವ ನಿರೀಕ್ಷೆಯಿದ್ದು, ಈ ವರ್ಷ ಹೆಚ್ಚು ಲಾಭ ಗಳಿಸಲು ಸಾಧ್ಯವಾಗಲಿದೆ ಎಂಬುದು ರೈತ ಗೋಪಾಲ್‌ ಅಭಿಪ್ರಾಯವಾಗಿದೆ. ಬರಗಾಲದ ನಡುವೆಯೂ ಅಲ್ಪಸ್ವಲ್ಪ ನೀರಿನಲ್ಲಿ ಹನಿ ನೀರಾವರಿ ಪದ್ಧತಿಯಲ್ಲಿ ನೀರು ಹಾಯಿಸಿದರೂ, ಜನವರಿ-ಫೆಬ್ರವರಿ ತಿಂಗಳಲ್ಲಿ ಹೆಚ್ಚು ಮಂಜು ಬೀಳುತ್ತದೆ. ಬೂದಿರೋಗ ನಿಯಂತ್ರಣಕ್ಕೆ 2 ದಿನಕ್ಕೊಮ್ಮೆ ಗಿಡಗಳಿಗೆ ಔಷಧ ಸಿಂಪಡಿಸಿ ನಿರ್ವಹಣೆ ಮಾಡಿ ದರೂ, ಈ ಬಾರಿಯಾದರೂ ಮಾವಿನ ಫಸಲಿಗೆ ಮಾರುಕಟ್ಟೆಯಲ್ಲಿ ಉತ್ತಮ ಬೆಲೆ ಸಿಗುವುದೆಂಬ ನಿರೀಕ್ಷೆಯಲ್ಲಿ ರೈತರಿದ್ದಾರೆ.
from India & World News in Kannada | VK Polls https://ift.tt/36n8fzd
