ಯಮಕನಮರಡಿ: ಗ್ರಾಮದ ಜೈನ ಬಸದಿಯ ಬಳಿ ಡಿ.16ರ ರಾತ್ರಿ ಕಾಂಗ್ರೆಸ್‌ ಕಾರ್ಯಕರ್ತ ಭರಮಾ ಧೂಪದಾಳಿ ಮೇಲೆ ಗುಂಡಿನ ದಾಳಿ ನಡೆಸಿ ಪರಾರಿಯಾಗಿದ್ದ ಆರೋಪಿಯನ್ನು ಪೊಲೀಸರು ಶುಕ್ರವಾರ ಬಂಧಿಸಿದ್ದಾರೆ. ಗ್ರಾಮದ ಗಣಪತಿ ಕಾಲನಿಯ ವಿನಾಯಕ ಸೋಮಶೇಖರ ಹೊರಕೇರಿ (26) ಬಂಧಿತ. ಈ ಪ್ರಕರಣ ಭೇದಿಸಲು ಎಸ್‌.ಪಿ.ಲಕ್ಷತ್ರ್ಮಣ ನಿಂಬರಗಿ ಗೋಕಾಕ ಮತ್ತು ಹುಕ್ಕೇರಿ ಸಿಪಿಐ ಇವರ ನೇತೃತ್ವದಲ್ಲಿ ತಂಡ ರಚಿಸಿದ್ದರು. ಆರೋಪಿಯನ್ನು ವಿಚಾರಣೆಗೆ ಒಳಪಡಿಸಿದಾಗ ಗುಂಡಿನ ದಾಳಿಯ ಅಸಲಿ ಕಾರಣ ಬಿಚ್ಚಿಟ್ಟಿದ್ದು, ಇದು ಪ್ರೇಮ ಪ್ರಕರಣಕ್ಕೆ ಸಂಬಂಧಿಸಿದಂತೆ ನಡೆದ ಶೂಟೌಟ್‌ ಎಂಬುದು ಬಹಿರಂಗಗೊಂಡಿದೆ. ಆರೋಪಿ ಗ್ರಾಮದಲ್ಲಿ ಭರಮಾ ಧೂಪದಾಳಿ ಅವರ ಸಂಬಂಧಿಯಾಗಿರುವ ಯುವತಿಯನ್ನು ಪ್ರೀತಿಸುತ್ತಿದ್ದ. ಆಕೆಯನ್ನು ಬೇರೆಡೆ ವಿವಾಹ ಮಾಡಿಕೊಡಲು ಭರಮಾ ಅವರು ಸಹಕರಿಸಿ ತನ್ನ ಪ್ರೀತಿಗೆ ಅಡ್ಡಿಯಾದ ಕಾರಣ ರೊಚ್ಚಿನಿಂದ ಭರಮಾ ಅವರನ್ನು ಮುಗಿಸಿಬಿಡಲು ಈ ಕೃತ್ಯವೆಸಗಿದ್ದಾಗಿ ಆರೋಪಿ ವಿಚಾರಣೆ ವೇಳೆ ತಿಳಿಸಿದ್ದಾನೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.
from India & World News in Kannada | VK Polls https://ift.tt/3rKW9ZE
