ಹೊಸದಿಲ್ಲಿ: ಕ್ರಿಕೆಟ್ನ ಮೂರು ಮಾದರಿಯಲ್ಲಿ ಅತ್ಯಂತ ಯಶಸ್ವಿ ಬ್ಯಾಟ್ಸ್ಮನ್ಗಳ ಸಾಲಿನಲ್ಲಿ ಮುಚೂಣಿಯಲ್ಲಿರುವ ನಾಯಕ ವಿರಾಟ್ ಕೊಹ್ಲಿಗೆ 2014ರ ಇಂಗ್ಲೆಂಡ್ ಪ್ರವಾಸ ಅತ್ಯಂತ ಕೆಟ್ಟ ಪ್ರವಾಸ ಎಂದೇ ಹೇಳಬಹುದು. ಅವರು ಅಲ್ಲಿನ ವಾತಾವರಣದಲ್ಲಿ ಡ್ಯೂಕ್ ಬಾಲ್ ಸ್ವಿಂಗ್ನಲ್ಲಿ ಬ್ಯಾಟಿಂಗ್ ಮಾಡುವಲ್ಲಿ ವಿಫಲರಾಗಿದ್ದರು. ಇಂಗ್ಲೆಂಡ್ ಪ್ರವಾಸದ ಐದು ಟೆಸ್ಟ್ ಪಂದ್ಯಗಳಿಂದ ಕೊಹ್ಲಿ, 1, 8, 25, 0, 39, 28, 0, 7, 6 ಹಾಗೂ 20 ರನ್ ಗಳಿಸಿದ್ದರು. ಈ 10 ಇನಿಂಗ್ಸ್ಗಳಲ್ಲಿ ಬಲಗೈ ಬ್ಯಾಟ್ಸ್ಮನ್ 13.50 ಸರಾಸರಿಯನ್ನು ಹೊಂದಿದ್ದರು. ಆದರೂ, ಟೀಮ್ ಇಂಡಿಯಾ ನಾಯಕ ಆ ಸರಣಿಯನ್ನು ನಿರಾಸೆಯಿಂದ ನೋಡಲಿಲ್ಲ. ಬಿಸಿಸಿಐ ಟಿವಿಯಲ್ಲಿ 'ಓಪನ್ ನೆಟ್ಸ್ ವಿಥ್ ಮಯಾಂಕ್' ಕಾರ್ಯಕ್ರಮದಲ್ಲಿ ಮಾತನಾಡಿದ ,"2014ರ ಇಂಗ್ಲೆಂಡ್ ಪ್ರವಾಸವು ಸಾಮಾನ್ಯವಾಗಿ ಅಲ್ಲಿನ ಪರಿಸ್ಥಿತಿಗಳಿಗೆ ಹೊಂದಿಕೊಂಡಿರಲಿಲ್ಲ ಹಾಗೂ ತಾನು ಅಂದುಕೊಂಡ ರೀತಿ ಅಲ್ಲಿ ಆಡುವುದು ಕಠಿಣವಾಗಿತ್ತು. ಪರಿಸ್ಥತಿಗಳು ಕಠಿಣವಾಗಿದ್ದರೆ, ನೀವು ಅಂದುಕೊಂಡಿದ್ದನ್ನು ಏನನ್ನೂ ಸಾಧಿಸಲು ಸಾಧ್ಯವಿಲ್ಲ. ಇದು ದೀರ್ಘ ಮತ್ತು ನೋವಿನ ಸಾಕ್ಷಾತ್ಕಾರವಾಗಿತ್ತು ಆದರೆ ನಾನು ಅದನ್ನು ಅರಿತುಕೊಂಡೆ," ಎಂದು ಹೇಳಿದರು. "2014ರ ಇಂಗ್ಲೆಂಡ್ ಪ್ರವಾಸ ನನ್ನ ವೃತ್ತಿ ಜೀವನದ ಮೈಲುಗಲ್ಲು. ಇಂಗ್ಲೆಂಡ್ ಪ್ರವಾಸಕ್ಕೂ ಮುನ್ನ ಹೇಗೆ ಆಡುತ್ತಿದ್ದೆ, ಅದೇ ರೀತಿ ಬದಲಾಯಿಸಲು ಅಂದು ಕುಳಿತುಕೊಳ್ಳಬೇಕೆನಿಸಿತ್ತು. ಅದೇ ಹಾದಿಯಲ್ಲಿ ನಾನು ಭಯರಹಿತವಾಗಿ ಆಡಿದ್ದೆ," ಎಂದು ಕೊಹ್ಲಿ ತಿಳಿಸಿದರು. "ಟೆಸ್ಟ್ ಕ್ರಿಕೆಟ್ ಆಡುವುದು ಕಠಿಣವಾದಾಗ, ನಿಮ್ಮ ಹಿಡಿತವನ್ನು ಕಾಪಾಡಿಕೊಳ್ಳುವುದು ಕ್ರಿಕೆಟಿಗನಿಗೆ ಅತ್ಯಂತ ಕಷ್ಟಕರವಾದ ವಿಷಯ ಎಂದು ನಾನು ಅರಿತುಕೊಂಡೆ ಮತ್ತು ಅದು ಸರಿಪಡಿಸಲು ನನಗೆ ನಿಜವಾಗಿಯೂ ಅಗತ್ಯವಾಗಿದೆ," ಎಂದು ಹೇಳಿದರು. "ಒಂದು ವೇಳೆ ಆ ಪ್ರವಾಸದಲ್ಲಿ ಸತತ ವೈಫಲ್ಯ ಅನುಭವಿಸದೇ ಇದ್ದಿದ್ದರೆ, ನಾನು ಅದೇ ಹಾದಿಯಲ್ಲಿಯೇ ಮುಂದುವರಿಯುತ್ತಿದ್ದೆ ಹಾಗೂ ಬ್ಯಾಟಿಂಗ್ನಲ್ಲಿ ಯಾವುದೇ ಬೆಳವಣಿಗೆ ಸಾಧಿಸಲು ಸಾಧ್ಯವಾಗುತ್ತಿರಲಿಲ್ಲ. ಅಂತಾರಾಷ್ಟ್ರೀಯ ವೃತ್ತಿ ಜೀವನವನ್ನು ಹೇಗೆ ವಿಕಾಸ ಸಾಧಿಸಬೇಕೆಂದು ಯೋಚಿಸಲು ಆ ಪ್ರವಾಸ ಸಹಾಯವಾಯಿತು. ನಾನು ಟೆಸ್ಟ್ ಕ್ರಿಕೆಟ್ ಆಡುವಾಗಲೆಲ್ಲಾ ಹೆಚ್ಚು ಓವರ್ಗಳು ಆಗಬೇಕೆಂದು ನಾನು ಬಯಸುತ್ತೇನೆ. ಅದು ನಾನು ತೆಗೆದುಕೊಂಡ ನಿರ್ಧಾರ," ಎಂದು ಕೊಹ್ಲಿ ಹೇಳಿದರು. ತಾವು ವೈಫಲ್ಯ ಅನುಭವಿಸಿದ ಬಳಿಕ ಆ ಟೆಸ್ಟ್ ಸರಣಿಯಲ್ಲಿ ಭಾರತ, 1-3 ಅಂತರದಲ್ಲಿ ಹೀನಾಯ ಸೋಲು ಅನುಭವಿಸಿತ್ತು ಎಂದು ಕೊಹ್ಲಿ ಬಹಿರಂಗ ಪಡಿಸಿದರು. ನಂತರ, ಅವರ ಸಲಹೆಗಳು ವಿರಾಟ್ ಕೊಹ್ಲಿ ಆಟದ ಬದಲಾವಣೆಯ ಮೇಲೆ ಪ್ರಭಾವ ಬೀರಿತು. "2014ರ ಟೆಸ್ಟ್ ಸರಣಿ ಬಳಿಕ ರವಿ ಭಾಯ್ ನನ್ನನ್ನು ಹಾಗೂ ಶಿಖರ್ ಧವನ್ ಅವರನ್ನು ಅವರ ಕೊಠಡಿಗೆ ಕರೆದರು. ಅವರ ಅರ್ಥಮಾಡಿಕೊಂಡಿದ್ದು ಅತ್ಯಂತ ಸೂಕ್ಷ್ಮವಾಗಿತ್ತು. ಕ್ರೀಸ್ ಹೊರಗಡೆ ನಿಂತುಕೊಳ್ಳುವಂತೆ ಹೇಳಿದ ಅವರು, ಮನಸ್ಸಿನಲ್ಲಿ ಮೂಡುತ್ತಿದ್ದ ಭಾವನೆಗಳನ್ನು ವಿವರಿಸಿದರು. ಶಾರ್ಟ್ ಬಾಲ್ ಬಗ್ಗೆ ನನಗೆ ಭಯವಿದೆಯೇ ಎಂದು ಅವರು ನನ್ನನ್ನು ಕೇಳಿದರು. ನಾನು, 'ಶಾರ್ಟ್-ಪಿಚ್ ಚೆಂಡುಗಳಿಗೆ ನಾನು ಹೆದರುತ್ತಿರಲಿಲ್ಲ. ನಾನು ಗಾಯಗೊಳ್ಳಲು ಹೆದರುವುದಿಲ್ಲ ಹಾಗೂ ಆ ಎಸೆಗಳಲ್ಲಿ ಔಟ್ ಆಗಲು ನಾನು ಬಯಸುವುದಿಲ್ಲ,"ಎಂದು ಅವರು ಹೇಳಿದರು. "ಅದೇ ವರ್ಷ ಆಸ್ಟ್ರೇಲಿಯಾದಲ್ಲಿ ಅಭ್ಯಾಸ ಶುರು ಮಾಡಿದೆ ಹಾಗೂ ಅದರ ಫಲಿತಾಂಶ ನನಗೆ ನಂಬಲು ಸಾಧ್ಯವಾಗಲಿಲ್ಲ," ಎಂದು ವಿರಾಟ್ ಕೊಹ್ಲಿ ತಿಳಿಸಿದರು. ಇಂಗ್ಲೆಂಡ್ ಪ್ರವಾಸದ ಬಳಿಕ ವಿರಾಟ್ ಕೊಹ್ಲಿ, ಕ್ರಿಕೆಟ್ ದಂತಕತೆ ಅವರ ಜತೆಯೂ ಚರ್ಚೆ ನಡೆಸಿದ್ದರು ಹಾಗೂ ಮುಂಬೈ ಬ್ಯಾಟ್ಸ್ಮನ್ ಜತೆ ವಿರಾಟ್ ಹಲವು ಅವಧಿಗಳು ಅಭ್ಯಾಸ ನಡೆಸಿದ್ದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/32RW1xM
