ಬೀಜಿಂಗ್: ಹಾಗೂ ನಡುವಿನ ರಾಜತಾಂತ್ರಿಕ ಬಿಕ್ಕಟ್ಟು ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದೆ. ಹ್ಯೂಸ್ಟನ್ನಲ್ಲಿನ ಚೀನಾ ಸ್ಥಗಿತಗೊಳಿಸುವಂತೆ ಅಮೆರಿಕ ಆದೇಶಿಸಿದ ಬೆನ್ನಲ್ಲಿಯೇ ಚೀನಾ ತನ್ನ ಪಶ್ಚಿಮ ನಗರವಾದ ಚೆಂಗ್ಡುವಿನಲ್ಲಿ ಅಮೆರಿಕ ರಾಯಭಾರ ಕಚೇರಿಯನ್ನು ಬಂದ್ ಮಾಡುವಂತೆ ಶುಕ್ರವಾರ ಆದೇಶಿಸಿದೆ. ಈ ಮೂಲಕ ವಿಶ್ವದ ದೊಡ್ಡಣ್ಣಗೆ ಡ್ರ್ಯಾಗನ್ ರಾಷ್ಟ್ರ ತಿರುಗೇಟು ನೀಡಿದೆ. ಮಂಗಳವಾರ ಡೊನಾಲ್ಡ್ ಟ್ರಂಪ್ ಆಡಳಿತ ಟೆಕ್ಸಾಸ್ನಲ್ಲಿನ ವೈದ್ಯಕೀಯ ಹಾಗೂ ಇತರ ಸಂಶೋಧನೆಗಳನ್ನು ಕದಿಯಲು ಚೀನಾ ಏಜೆಂಟರು ಪ್ರಯತ್ನಿಸಿದ್ದಾರೆ ಎಂದು ಆರೋಪಿಸಿ ಹ್ಯೂಸ್ಟನ್ನಲ್ಲಿನ ಚೀನಾ ರಾಯಭಾರ ಕಚೇರಿಯನ್ನು 72 ಗಂಟೆಗಳಲ್ಲಿ ಸ್ಥಗಿತಗೊಳಿಸಲು ಆದೇಶಿಸಿತ್ತು. ಅಮೆರಿಕದ ತೀರ್ಮಾನವನ್ನು ತಪ್ಪು ನಿರ್ಧಾರ ಎಂದಿದ್ದ ಚೀನಾ ಆದೇಶವನ್ನು ಹಿಂಪಡೆಯಲು ಮನವಿ ಮಾಡಿತ್ತು. ಚೀನಾ ತನ್ನ ನಿರ್ಧಾರವನ್ನು ಸಮರ್ಥಿಸಿಕೊಂಡಿದ್ದು, ಅಮೆರಿಕದ ಅನ್ಯಾಯದ ಕೃತ್ಯಕ್ಕೆ ಇದು ನ್ಯಾಯಸಮ್ಮತ ಹಾಗೂ ಅಗತ್ಯವಾದ ಪ್ರತಿಕ್ರಿಯೆ ಎಂದು ವಿದೇಶಾಂಗ ಸಚಿವಾಲಯ ತನ್ನ ಹೇಳಿಕೆಯಲ್ಲಿ ತಿಳಿಸಿದೆ. ಚೀನಾ - ಅಮೆರಿಕ ನಡುವೆ ಸೃಷ್ಟಿಯಾಗಿರುವ ಪ್ರಸ್ತುತ ಬಿಕ್ಕಟ್ಟು ತನಗೆಬೇಕಿಲ್ಲ. ಎಲ್ಲದಕ್ಕೂ ಅಮೆರಿಕ ಕಾರಣ ಎಂದು ಚೀನಾ ಹೇಳಿದೆ. ಅಮೆರಿಕ ತನ್ನ ತಪು ನಿರ್ಧಾರವನ್ನು ತಕ್ಷಣ ಹಿಂಪಡೆದು ಮತ್ತು ದ್ವಿಪಕ್ಷೀಯ ಸಂಬಂಧವನ್ನು ಮತ್ತೆ ಜಾರಿಗೆ ತರಲು ಅಗತ್ಯವಾದ ಕ್ರಮಗಳನ್ನು ತೆಗೆದುಕೊಳ್ಳುವಂತೆ ಒತ್ತಾಯಿಸುತ್ತೇವೆ ಎಂದು ಚೀನಾ ವಿದೇಶಾಂಗ ಸಚಿವಾಲಯ ತಿಳಿಸಿದೆ. ಅಮೆರಿಕದ ಆರೋಪಕ್ಕೆ ಗುರುವಾರ ಪ್ರತಿಕ್ರಿಯಿಸಿದ್ದ ಚೀನಾ ವಿದೇಶಾಂಗ ಸಚಿವಾಲಯ, ದುರುದ್ದೇಶಪೂರಿತ ಹಾಗೂ ಸುಳ್ಳುಸುದ್ದಿ ಎಂದು ಆರೋಪಗಳನ್ನು ಅಲ್ಲಗಳೆದಿತ್ತು. ಮತ್ತು ಹ್ಯೂಸ್ಟನ್ ಧೂತವಾಸ ಕಚೇರಿ ಮುಚ್ಚುವಿಕೆ ನಿರ್ಧಾರದಿಂದ ಉಭಯ ದೇಶಗಳ ನಡುವಿನ "ಸ್ನೇಹದ ಸೇತುವೆ ಒಡೆಯುತ್ತಿದೆ" ಎಂದು ಎಚ್ಚರಿಸಿತ್ತು. ಚೀನಾ - ಅಮೆರಿಕ ನಡುವಿನ ಸಂಬಂಧ ದಶಕಗಳಲ್ಲಿಯೇ ಅತಿ ಕೆಟ್ಟದಾಗಿದೆ. ವ್ಯಾಪಾರ, ಕೊರೊನಾ ವೈರಸ್, ತಂತ್ರಜ್ಞಾನ, ಬೇಹುಗಾರಿಕೆ ಆರೋಪ, ಹಾಂಗ್ಕಾಂಗ್ ಮತ್ತು ಮುಸ್ಲಿಂರ ವಿರುದ್ಧದ ನಿಂದನೆಗಳ ಆರೋಪದಿಂದ ದೊಡ್ಡಣ್ಣ ಹಾಗೂ ಡ್ರ್ಯಾಗನ್ ರಾಷ್ಟ್ರದ ಸಂಬಂಧ ಹದಗೆಟ್ಟಿದೆ.
from India & World News in Kannada | VK Polls https://ift.tt/2WR2G7c
