ಹರಿಯಾಣ: ದೇಶದ ಅತೀದೊಡ್ಡ ಮತ್ತು ಭಾರತೀಯ ರೈಲ್ವೆ ಇಲಾಖೆಯ ಕನಸಿನ ಕೂಸಾದ ಡೆಡಿಕೇಟೆಡ್ ಫ್ರೈಟ್ ಕಾರಿಡಾರ್ ಯೋಜನೆ ಕೊರೊನಾ ವೈರಸ್ ರೋಗದ ನಡುವೆಯೂ ಸರಾಗವಾಗಿ ನಡೆಯುತ್ತಿದ್ದು, ಮುಂದಿನ ಹನ್ನೆರಡು ತಿಂಗಳ ಒಳಗೆ ವೆಸ್ಟರ್ನ್ ಡೆಡಿಕೇಟೆಡ್ ಫ್ರೈಟ್ ಕಾರಿಡಾರ್ನಲ್ಲಿ ಡಬಲ್ ಸ್ಟ್ಯಾಕ್ ಕಂಟೇನರ್ಗಳೊಂದಿಗೆ ಎಲೆಕ್ಟ್ರಿಕ್ ಗೂಡ್ಸ್ ರೈಲನ್ನು ಓಡಿಸುವುದಾಗಿ ಅಧಿಕಾರಿಗಳು ತಿಳಿಸಿದ್ದಾರೆ. ಹರಿಯಾಣದ ಸೊಹ್ನಾ ಬಳಿ ಹಬ್ಬಿರುವ ಅರಾವಳಿ ಪರ್ವತ ಶ್ರೇಣಿಗಳ ಮೂಲಕ ಒಂದು ಕಿಲೋ ಮೀಟರ್ ಉದ್ದದ ಸುರಂಗವನ್ನು ಈಗಾಗಲೇ ಕೊರೆಯಲಾಗ್ತಿದ್ದು, ಇಂಜಿನಿಯರ್ಗಳು 2500-500 ದಶಲಕ್ಷ ಹಳೆಯದಾದ ಪ್ರೋಟೆರೋಜೋಯಿಕ್ ಬಂಡೆಗಳನ್ನು ಒಡೆದು ವಿಶ್ವದ ಮೊದಲ ಎಲೆಕ್ಟ್ರಿಕ್ ಡಬಲ್ ಸ್ಟಾಕ್ ಕಂಟೇನರ್ ಸುರಂಗವನ್ನು ನಿರ್ಮಿಸುತ್ತಿದ್ದಾರೆ. ಮುಂದಿನ ಹನ್ನೆರಡು ತಿಂಗಳ ಒಳಗೆ ಪೂರ್ತಿ ಕೆಲಸಗಳು ಪೂರ್ಣಗೊಳ್ಳಲಿದ್ದು, ಮೊದಲ ಹಂತದಲ್ಲಿ ಈಸ್ಟರ್ನ್ ಮತ್ತು ವೆಸ್ಟರ್ನ್ ಕಾರಿಡಾರ್ಗಳನ್ನು ನಿರ್ಮಿಸಲಾಗುತ್ತಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಜಗತ್ ಪ್ರಸಿದ್ದ ಅರಾವಳಿ ಬೆಟ್ಟಗಳ ನಡುವೆ ಡಬಲ್ ರೇಕ್ ವಿಷಯದಲ್ಲಿ ಸುರಂಗವನ್ನು ನಿರ್ಮಿಸುವುದು ದೊಡ್ಡ ಸವಾಲಾಗಿತ್ತು ಎಂದಿರುವ ಡೆಡಿಕೇಟೆಡ್ ಫ್ರೈಟ್ ಕಾರಿಡಾರ್ನ ಸಿಎಂಡಿ ಎಕೆ ಸಚನ್ ಅವರು, ಕಠಿಣ ಸವಾಲುಗಳ ಮಧ್ಯೆಯೂ ಇದು ಒಂದು ವರ್ಷದೊಳಗೆ ಪೂರ್ಣಗೊಂಡಿದೆ. ಡಬಲ್ ಸ್ಟ್ಯಾಕ್ ಕಂಟೇನರ್ಗಳ ಕಾರ್ಯಾಚರಣೆಗೆ ಸೂಕ್ತವಾದ ವಿಶ್ವದ ಮೊದಲ ಎಲೆಕ್ಟ್ರಿಕ್ ರೈಲು ಸುರಂಗ ಇದಾಗಿದೆ ಎಂದಿದ್ದಾರೆ. ಇನ್ನು ಈ ಡೆಡಿಕೇಟೆಡ್ ಫ್ರೈಟ್ ಕಾರಿಡಾರ್ ಯೋಜನೆ ಪೂರ್ಣಗೊಂಡರೆ, ಈ ಸುರಂಗದ ಮೂಲಕ ಡಬಲ್ ಸ್ಟ್ಯಾಕ್ ಕಂಟೇನರ್ ಮತ್ತು 25 ಟನ್ ಆಕ್ಸಲ್ ಲೋಡ್ ಹೊಂದಿರುವ ಸರಕು ರೈಲುಗಳು ಗಂಟೆಗೆ 100 ಕಿ.ಮೀ ವೇಗದಲ್ಲಿ ಚಲಿಸಲಿವೆ. ಹರಿಯಾಣದ ಮೇವತ್ ಮತ್ತು ಗುರುಗ್ರಾಮ್ ಜಿಲ್ಲೆಗಳನ್ನು ಸಂಪರ್ಕಿಸುವ ಈ ಸುರಂಗ ಅರಾವಳಿ ಶ್ರೇಣಿಯ ಮೂಲಕ ಅಪಾಯಕಾರಿ ಇಳಿಜಾರು, ಏರುತಗ್ಗುಗಳನ್ನು ದಾಟಲಿವೆ. ಇನ್ನು ಡಿ-ಆಕಾರದ ಸುರಂಗ 150 ಚದರ ಮೀಟರ್ ಹೈಬ್ರಿಡ್ ವಿಭಾಗೀಯ ಪ್ರದೇಶವನ್ನು ಹೊಂದಿದ್ದು, ಡಬ್ಲ್ಯುಡಿಎಫ್ಸಿಯ ಮೇಲೆ ಡಬಲ್ ಸ್ಟ್ಯಾಕ್ ಕಂಟೇನರ್ಗಳನ್ನು ಸುಲಭವಾಗಿ ಚಲಿಸಲು ಡಬಲ್ ಲೈನ್ನ್ನು ಸುಗಮಗೊಳಿಸಲಿವೆ. ಇನ್ನು ಸುರಂಗದ ಆಯಾಮಗಳು ನೇರ ಭಾಗಗಳಲ್ಲಿ 10.5 ಮೀಟರ್ ಎತ್ತರವಿದ್ದು, 15 ಮೀಟರ್ ಅಗಲವಿರಲಿದೆ. ಮತ್ತು 12.5 ಮೀಟರ್ ಎತ್ತರಕ್ಕೆ ಅನುಮತಿ ನಿಡುತ್ತದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಪೂರ್ವ ಮತ್ತು ಪಶ್ಚಿಮ ಕಾರಿಡಾರ್ಗಳಲ್ಲಿ ಒಟ್ಟು 6 ಸುರಂಗಗಳನ್ನು ನಿರ್ಮಿಸಲಾಗ್ತಿದ್ದು, ಸರಕು ರೈಲುಗಳ ಚಲನೆ ಎರಡೂ ಕಾರಿಡಾರ್ಗಳಲ್ಲಿ ವೇಗವಾಗಿ ಚಲಿಸುವ ಉದ್ದೇಶವಿರೋದ್ರಿಂದ ಪ್ರಯಾಣಿಕರ ರೈಲುಗಳ ವೇಗವೂ ಹೆಚ್ಚಾಗಲಿವೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
from India & World News in Kannada | VK Polls https://ift.tt/2OXbT9L
