ಕೌಲಾಲಂಪುರ: ಭಾರತದ ಸ್ಟಾರ್ ಷಟ್ಲರ್ಗಳಾದ ಪಿ.ವಿ ಸಿಂಧೂ ಮತ್ತು ಸೈನಾ ನೆಹ್ವಾಲ್ ಮಲೇಷ್ಯಾ ಮಾಸ್ಟರ್ಸ್ ಬ್ಯಾಡ್ಮಿಂಟನ್ ಟೂರ್ನಿಯಲ್ಲಿ ಶುಭಾರಂಭ ಮಾಡಿದ್ದಾರೆ. ಆದರೆ, ವಿಶ್ವದ ಮಾಜಿ ಅಗ್ರ ಶ್ರೇಯಾಂಕದ ಆಟಗಾರ ಕಿಡಂಬಿ ಶ್ರೀಕಾಂತ್ ಮತ್ತು ವಿಶ್ವ ಚಾಂಪಿಯನ್ಷಿಪ್ ಕಂಚಿನ ಪದಕ ವಿಜೇತ ಬಿ. ಸಾಯಿ ಪ್ರಣೀತ್ ಮೊದಲ ಸುತ್ತಿನಲ್ಲೇ ಸೋತು ಸ್ಪರ್ಧೆ ಮುಗಿಸಿದ್ದಾರೆ. ಬುಧವಾರ ಇಲ್ಲಿನ ಆ್ಯಕ್ಸಿಯೆಟಾ ಅರೆನಾದಲ್ಲಿ ನಡೆದ ಮಹಿಳೆಯರ ಸಿಂಗಲ್ಸ್ ಮೊದಲ ಸುತ್ತಿನ ಸೆಣಸಾಟದಲ್ಲಿ ವಿಶ್ವದ ಆರನೇ ಶ್ರೇಯಾಂಕಿತ ಆಟಗಾರ್ತಿ ಸಿಂಧೂ ರಷ್ಯಾದ ಎವ್ಗೆನಿಯಾ ಕೊಸೆಟ್ಸ್ಕಾಯ ವಿರುದ್ಧ 21-15, 21-13 ನೇರ ಗೇಮ್ಗಳಿಂದ ಜಯ ಗಳಿಸಿ 2ನೇ ಸುತ್ತು ಪ್ರವೇಶಿಧಿಸಿದರು. ಹೈದರಾಬಾದ್ನ 24ರ ತರುಣಿಗೆ ಮುಂದಿನ ಸುತ್ತಿನಲ್ಲಿ ಜಪಾನ್ನ ಆಯ ಒಹೊರಿ ಎದುರಾಳಿ. ಇನ್ನೊಂದು ಮಹಿಳೆಯರ ಸಿಂಗಲ್ಸ್ ಮೊದಲ ಸುತ್ತಿನ ಪಂದ್ಯದಲ್ಲಿ ಲಂಡನ್ ಒಲಿಂಪಿಕ್ಸ್ ಕಂಚಿನ ಪದಕ ವಿಜೇತೆ ಸೈನಾ ನೆಹ್ವಾಲ್ ಬೆಲ್ಜಿಯಮ್ನ ಲಿಯಾನ್ ಟ್ಯಾನ್ ವಿರುದಟಛಿ ಜಯದ ನಗೆ ಬೀರಿದರು. ಭಾರತದ ಅನುಭವಿ ಆಟಗಾರ್ತಿ 21-15, 21-17 ನೇರ ಗಮ್ಗಳಿಂದ ಬೆಲ್ಜಿಧಿ ಯಂ ಆಟಗಾರ್ತಿಗೆ ಸೋಲುಣಿಸಿದರು. ಇದು ಇವರಿಬ್ಬರ ಮೊದಲ ಮುಖಾಮುಖಿಯಾಗಿತ್ತು. ಎಚ್.ಎಸ್ ಪ್ರಣಯ್ಗೆ ಜಯ ಪುರುಷರ ಸಿಂಗಲ್ಸ್ ಮೊದಲ ಸುತ್ತಿನ ಹಣಾಹಣಿಯಲ್ಲಿ ಭಾರತದ ಎಚ್.ಎಸ್ ಪ್ರಣಯ್ ವಿಶ್ವದ 10ನೇ ಶ್ರೇಯಾಂಕದ ಕಂಟ ಸುನೆಯಾಮ ಅವರನ್ನು ಮಣಿಸಿದ್ದು ಟೂರ್ನಿಯ ಮೊದಲ ದಿನದಾಟದ ವಿಶೇಷವಾಗಿತ್ತು . 26ನೇ ಶ್ರೇಯಾಂಕದ ಭಾರತೀಯ ಆಟಗಾರ ಕೇವಲ 34 ನಿಮಿಷಗಳಲ್ಲಿ (21-9, 21-17 ಗೇಮ್ಗಳಿಂದ) ಜಪಾನ್ ಆಟಗಾರನನ್ನು ಹಿಮ್ಮೆಟ್ಟಿಸಿದರು. ಏನೇ ಆದರೂ, ಪ್ರಣಯ್ಗೆ ಗುರುವಾರ 2ನೇ ಸುತ್ತಿನಲ್ಲಿ ಜಪಾನ್ನವರೇ ಆದ ಕೆಂಟೊ ಮೊಮೊಟಾ ಅವರಿಂದ ಕಠಿಣ ಸವಾಲು ಎದುರಾಗಲಿದೆ. ಪ್ರಚಂಡ ಫಾರ್ಮ್ನಲ್ಲಿರುವ ಮೊಮೊಟಾ ಮೊದಲ ಸುತ್ತಿನ ಹಣಾಹಣಿಯಲ್ಲಿ ಭಾರತದ ಅನುಭವಿ ಆಟಗಾರ ಪರುಪಳ್ಳಿ ಕಶ್ಯಪ್ ವಿರುದ್ಧ 21-17, 21-16 ಗೇಮ್ಗಳಿಂದ ಗೆದ್ದು 2ನೇ ಸುತ್ತು ಪ್ರವೇಶಿಸಿದ್ದಾರೆ. ಕಿಡಂಬಿಗೆ ಮೊದಲ ಸುತ್ತಿನಲ್ಲೇ ಸೋಲು ವಿಶ್ವದ ಮಾಜಿ ನಂ.1 ಆಟಗಾರ ಕಿಡಂಬಿ ಶ್ರೀಕಾಂತ್ ಚೈನೀಸ್ ತೈಪೆಯ ಚೌ ತೀನ್ ಚೆನ್ ವಿರುದಟಛಿದ ಪುರುಷರ ಸಿಂಗಲ್ಸ್ ಮೊದಲ ಸುತ್ತಿನ ಸೆಣಸಾಟದಲ್ಲಿ 17-21, 5-21 ನೇರ ಗೇಮ್ಗಳಿಂದ ಸೋತು ಸ್ಪರ್ಧೆ ಮುಗಿಸಿದರು. ಭಾರತದ ಇನ್ನೊಬ್ಬ ಭರವಸೆಯ ಸಿಂಗಲ್ಸ್ ಆಟಗಾರ ಸಾಯಿ ಪ್ರಣೀತ್ ಕೂಡ 2ನೇ ಸುತ್ತು ಪ್ರವೇಶಿಸುವಲ್ಲಿ ವಿಫಲರಾದರು. ಡೆನ್ಮಾರ್ಕ್ನ ರಸ್ಮಸ್ ಗೆಮ್ಕೆ ಎದುರು ಪ್ರಣೀತ್ 11-21, 15-21 ಗೇಮ್ಗಳಿಂದ ಸೋತರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2t1q06z
