ವಾಷಿಂಗ್ಟನ್: ಇರಾನ್ ಕ್ಷಿಪಣಿ ದಾಳಿಗೆ ಪ್ರತಿಕ್ರಿಯೆಯಾಗಿ ಶ್ವೇತಭವನದಲ್ಲಿ ಸುದ್ದಿಗೋಷ್ಠಿ ಉದ್ದೇಶಿಸಿ ಮಾತನಾಡಿದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು, ''ಇರಾನ್ ದಾಳಿಯಲ್ಲಿ ನಮ್ಮ ಯಾವೊಬ್ಬ ಯೋಧನೂ ಸತ್ತಿಲ್ಲ. ಎಲ್ಲರೂ ಸುರಕ್ಷಿತವಾಗಿದ್ದಾರೆ. ನಾನು ಅಧ್ಯಕ್ಷರಾಗಿರುವ ತನಕ ಇರಾನ್ಗೆ ಅಣ್ವಸ್ತ್ರ ಹೊಂದಲು ಬಿಡಲ್ಲ,'' ಎಂದಿದ್ದಾರೆ. ಐಸಿಸ್ ಸಂಹಾರಕ್ಕೆ ಒಟ್ಟಾಗೋಣ: ಮೂರನೇ ಮಹಾಯುದ್ಧ ಆರಂಭದ ಆತಂಕದ ಹಿನ್ನೆಲೆಯಲ್ಲಿಜಾಗತಿಕ ಒತ್ತಡಕ್ಕೆ ಗುರಿಯಾಗಿರುವ ಟ್ರಂಪ್ ಸುದ್ದಿಗೋಷ್ಠಿ ವೇಳೆ ತಣ್ಣಗಾದಂತೆ ಕಂಡರು. '' ಇರಾನ್ನ ನಿಜವಾದ ಶತ್ರು ಐಸಿಸ್ ಉಗ್ರ ಸಂಘಟನೆ. ಅದರ ನಾಶಕ್ಕೆ ನಾವು ಕೈಜೋಡಿಸಬೇಕು,'' ಎನ್ನುವ ಮೂಲಕ ಇರಾನ್ ಜತೆಗಿನ ಬಿಕ್ಕಟ್ಟು ಶಮನದ ಪರೋಕ್ಷ ಸಂದೇಶ ರವಾನಿಸಿದರು. ಇನ್ನೊಂದೆಡೆ, ಅಮೆರಿಕ-ಇರಾನ್ ಬಿಕ್ಕಟ್ಟಿನ ಹಿನ್ನೆಲೆಯಲ್ಲಿ ಮುನ್ನೆಚ್ಚರಿಕೆ ಕ್ರಮವಾಗಿ ಭಾರತೀಯ ನೌಕಾಪಡೆ ಗಲ್ಫ್ ಪ್ರಾಂತ್ಯದಲ್ಲಿ ಭದ್ರತೆ ಹೆಚ್ಚಿಸಿದ್ದು, ತುರ್ತು ಪರಿಸ್ಥಿತಿ ನಿರ್ವಹಿಸಲು ಸಹಾಯಕವಾಗುವಂತೆ ಯುದ್ಧವಿಮಾನಗಳನ್ನು ಹೊತ್ತ ನೌಕೆಗಳನ್ನು ನಿಯೋಜಿಸಿದೆ.
from India & World News in Kannada | VK Polls https://ift.tt/2N7ZHTe
