ಹೊಸದಿಲ್ಲಿ: ವಿಶ್ವ ಶ್ರೇಷ್ಠ ಬಾಕ್ಸರ್ ದೇಶದ ಎರಡನೇ ಅತ್ಯುನ್ನತ ನಾಗರೀಕ ಪ್ರಶಸ್ತಿ ಪದ್ಮ ವಿಭೂಣಕ್ಕೆ ಆಯ್ಕೆಯಾಗಿದ್ದು, ಹಾಲಿ ವಿಶ್ವ ಚಾಂಪಿಯನ್ ಬ್ಯಾಡ್ಮಿಂಟನ್ ತಾರೆ ಪದ್ಮ ಭೂಷಣ ಪ್ರಶಸ್ತಿ ಪಡೆಯಲಿದ್ದಾರೆ. 71ನೇ ಗಣರಾಜ್ಯೂತ್ಸವಕ್ಕೂ ಮುನ್ನಾದಿನ ಜ.25 (ಶನಿವಾರ) ಸಂಜೆ ವಿವಿಧ ಪದ್ಮ ಪ್ರಶಸ್ತಿಗೆ ಭಾಜನರಾದವರ ಹೆಸರುಗಳನ್ನು ಪ್ರಕಟಿಸಲಾಗಿದೆ. ಈ ಬಾರಿ ಒಟ್ಟು 8 ಮಂದಿ ಕ್ರಿಡಾಪಟುಗಳು ವಿವಿಧ ಪದ್ಮ ಪ್ರಶಸ್ತಿಗಳಿಗೆ ಆಯ್ಕೆಯಾಗಿದ್ದಾರೆ. ಬಾಕ್ಸಿಂಗ್ ವಿಶ್ವ ಚಾಂಪಿಯನ್ಷಿಪ್ನಲ್ಲಿ ದಾಖಲೆಯ 6 ಸ್ವರ್ಣ ಪದಕಗಳನ್ನು ಗೆದ್ದಿರುವ ಮೇರಿ ಕೋಮ್, 2012ರ ಲಂಡನ್ ಒಲಿಂಪಿಕ್ಸ್ನಲ್ಲಿ ಕಂಚಿನ ಪದಕ ಗೆದ್ದ ಸಾಧನೆಯನ್ನೂ ಮಾಡಿದ್ದಾರೆ. ರಷ್ಯಾದ ಉಲಾನ್ ಉಡೇದಲ್ಲಿ ಕಳೆದ ವರ್ಷ ಅಕ್ಟೋಬರ್ನಲ್ಲಿ ನಡೆದ ಬಾಕ್ಸಿಂಗ್ ವಿಶ್ವ ಚಾಂಪಿಯನ್ಷಿಪ್ನಲ್ಲಿ ಕಂಚಿನ ಪದ ಗೆಲ್ಲುವುದರೊಂದಿಗೆ ಟೂರ್ನಿಯಲ್ಲಿ 8 ಪದಕಗಳನ್ನು ಗೆದ್ದ ಅತ್ಯಂತ ಯಶಸ್ವಿ ಬಾಕ್ಸರ್ ಎಂಬ ಹೆಗ್ಗಳಿಕೆಯನ್ನೂ ತಮ್ಮದಾಗಿಸಿಕೊಂಡಿದ್ದಾರೆ. 36 ವರ್ಷದ ಅನುಭವಿ ಬಾಕ್ಸರ್ ಹಾಗೂ 2 ಮಕ್ಕಳ ತಾಯಿ ಮೇರಿ ಕೋಮ್ ಇದೇ ವರ್ಷ ಜುಲೈ ಮತ್ತು ಆಗಸ್ಟ್ನಲ್ಲಿ ನಡೆಯಲಿರುವ ಟೋಕಿಯೊ ಒಲಿಂಪಿಕ್ಸ್ನಲ್ಲಿ ಚಿನ್ನ ಗೆಲ್ಲುವ ಕಡೆಗೆ ಚಿತ್ತ ನೆಲೆಸಿದ್ದಾರೆ. ಅವರ ಸಾಧನೆಯ ಶಿಖರಕ್ಕೆ ಇದೀಗ ಒಲಿದಿದೆ. ಮತ್ತೊಂದೆಡೆ ರಿಯೊ ಡಿ'ಜನೈರೊದಲ್ಲಿ ನಡೆದ 2016ರ ರಿಯೊ ಒಲಿಂಪಿಕ್ಸ್ನಲ್ಲಿ ಬೆಳ್ಳಿ ಗೆಲುವಿನ ಸಾಧನೆ ಮಾಡಿರುವ 24 ವರ್ಷದ ಚಾಂಪಿಯನ್ ಆಟಗಾರ್ತಿ ಪಿವಿ ಸಿಂಧೂ, ಕಳೆದ ವರ್ಷ ಆಗಸ್ಟ್ನಲ್ಲಿ ನಡೆದ ವಿಶ್ವ ಚಾಂಪಿಯನ್ಷಿಪ್ನಲ್ಲಿ ಪ್ರಶಸ್ತಿ ಗೆದ್ದು ಈ ಸಾಧನೆ ಮಾಡಿದ ಮೊತ್ತ ಮೊದಲ ಭಾರತೀಯ ಎಂಬ ಹಿರಿಮೆಗೆ ಪಾತ್ರರಾದರು. ವಿಶ್ವ ಚಾಂಪಿಯನ್ಷಿಪ್ನಲ್ಲಿ 2 ಬೆಳ್ಳಿ ಮತ್ತು 2 ಕಂಚಿನ ಪದಕಗಳನ್ನೂ ಗೆದ್ದ ಕೀರ್ತಿ ಸಿಂಧೂ ಅವರದ್ದು. ಹೀಗಾಗಿ ಪದ್ಮ ಭೂಷಣಕ್ಕೆ ಭಾಜನರಾಗಿದ್ದಾರೆ. ಭಾರತ ಮಹಿಳಾ ಹಾಕಿ ತಂಡದ ನಾಯಕಿ ರಾಣಿ ರಾಮ್ಪಾಲ್ ಕೂಡ ಪದ್ಮ ಶ್ರೀ ಪ್ರಶಸ್ತಿಗೆ ಆಯ್ಕೆಯಾಗಿದ್ದಾರೆ. ಭಾರತ ಮಹಿಳಾ ಹಾಕಿ ತಂಡಕ್ಕೆ 2020ರ ಒಲಿಂಪಿಕ್ಸ್ ಅರ್ಹತೆ ತಂದುಕೊಡುವಲ್ಲಿ ಸ್ಟ್ರೈಕರ್ ಹಾಗೂ ಕ್ಯಾಪ್ಟನ್ ರಾಣಿ ರಾಂಪಾಲ್ ಅವರ ಪಾತ್ರ ಮಹತ್ವದ್ದು. ಮಹಿಳಾ ಫುಟ್ಬಾಲ್ನ ತಾರೆ ಓಯ್ನಾಮ್ ಬೆಂಬೆಮ್ ದೇವಿ, ಮಾಜಿ ಕ್ರಿಕೆಟಿಗ ಝಹೀರ್ ಖಾನ್, ಶೂಟರ್ ಜಿತು ರಾಯ್, ಮಾಜಿ ಹಾಕಿ ಆಟಗಾರ ಮತ್ತು ಕೋಚ್ ಎಂಪಿ ಗಣೇಶ್, ಆರ್ಚರ್ ತರುಣ್ದೀಪ್ ರಾಯ್ ಕೂಡ ಪದ್ಮ ಶ್ರೀಗೆ ಆಯ್ಕೆಯಾಗಿದ್ದಾರೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2NYMdcY