ಹೊಸದಿಲ್ಲಿ: ಭಾರತೀಯ ಕ್ರಿಕೆಟಿಗರು ಸಂಭ್ರಮ, ಸಡಗರದೊಂದಿಗೆ ಹೊಸ ವರ್ಷವನ್ನು ಬರಮಾಡಿಕೊಂಡಿದ್ದಾರೆ. ಈ ಎಲ್ಲದರ ನಡುವೆ ಮಾಜಿ ಕ್ರಿಕೆಟ್ ಐಕಾನ್ , ಹುಡುಗನೊಬ್ಬ ಕ್ರಿಕೆಟ್ ಆಡುತ್ತಿರುವ ಸ್ಫೂರ್ತಿದಾಯಕ ವೀಡಿಯೋವನ್ನು ಹಂಚಿಕೊಳ್ಳುವ ಮೂಲಕ ಗಮನ ಸೆಳೆದಿದ್ದಾರೆ. ಸಚಿನ್ ಹಂಚಿರುವ ಹೃದಯ ತಟ್ಟುವ ವೀಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿ ಹರಡುತ್ತಿದೆ. 'ಮಡ್ಡಾ ರಾಮ್ ಅವರ ಸ್ನೇಹಿತರೊಂದಿಗೆ ಕ್ರಿಕೆಟ್ ಆಡುತ್ತಿರುವ ಸ್ಫೂರ್ತಿದಾಯಕ ವೀಡಿಯೋದೊಂದಿಗೆ ನಿಮ್ಮ ಹೊಸ ವರ್ಷವನ್ನು ಆರಂಭಿಸಿ' ಎಂದು ಮಾಸ್ಟರ್ ಬ್ಲಾಸ್ಟರ್ ತಮ್ಮ ಸಂದೇಶದಲ್ಲಿ ತಿಳಿಸಿದ್ದರು. ಅಷ್ಟಕ್ಕೂ ಈ ಹುಡುಗ ಯಾರೆಂಬುದನ್ನು ತಿಳಿಯುವ ಕುತೂಹಲ ಎಲ್ಲರಲ್ಲೂ ಹಬ್ಬಿತ್ತು. ಇದಕ್ಕೀಗ ಉತ್ತರ ಲಭಿಸಿದೆ. ಉತ್ತರ ಪ್ರದೇಶ ದಂಟೇವಾಡಾ ಜಿಲ್ಲೆಯ 13ರ ಹರೆಯದ ಬಾಲಕ ಮಡ್ಡಾ ರಾಮ್, ದೈಹಿಕ ಸವಾಲುಗಳನ್ನು ಲೆಕ್ಕಿಸದೇ ತಮ್ಮ ಸಹಪಾಠಿಗಳ ಜತೆಗೆ ಕ್ರಿಕೆಟ್ ಆಡುವುದರಲ್ಲಿ ಮಗ್ನವಾಗಿದ್ದಾನೆ. ಮಾವೋವಾದಿಗಳ ಆಕ್ರಮಣಕ್ಕೆ ತುತ್ತಾಗಿರುವ ದಂಟೇವಾಡಾ ಜಿಲ್ಲೆಯ ಕಾಟೆಕಲ್ಯಾಣ್ ಪ್ರದೇಶದಲ್ಲಿನ ಸ್ಥಳೀಯ ಶಾಲೆಯಲ್ಲಿ ಏಳನೇ ತರಬೇತಿಯ ವಿದ್ಯಾರ್ಥಿಯಾಗಿದ್ದಾನೆ. ಮಾರಕ ಪೋಲಿಯೋ ರೋಗಕ್ಕೆ ತುತ್ತಾಗಿರುವ ಮಡ್ಡಾ, ಚಿಕ್ಕ ವಯಸ್ಸಿನಲ್ಲೇ ಕಾಲನ್ನು ಕಳೆದುಕೊಂಡಿದ್ದರು. ಆದರೂ ಕ್ರಿಕೆಟ್ ಮೇಲೆ ಅತೀವ ಪ್ರೀತಿಯನ್ನಿಟ್ಟುಕೊಂಡಿದ್ದಾರೆ. ಈ ಬಗ್ಗೆ ಪ್ರತಿಕ್ರಿಯಿಸಿರುವ ಪುಟ್ಟ ಬಾಲಕ, ಸಚಿನ್ ತೆಂಡೂಲ್ಕರ್ ವೀಡಿಯೋ ಹಂಚಿರುವುದರ ಬಗ್ಗೆ ಅತೀವ ಹೆಮ್ಮೆಯಿದೆ. ಕ್ರಿಕೆಟ್ ದೇವರನ್ನು ನಮ್ಮ ಗ್ರಾಮಕ್ಕೆ ಸ್ವಾಗತಿಸುವೆ ಎಂದಿದ್ದಾರೆ. ಹಾಗೆಯೇ ಭವಿಷ್ಯದಲ್ಲಿ ಡಾಕ್ಟರ್ ಆಗುವ ಕನಸನ್ನು ಹೊತ್ತಿಕೊಂಡಿದ್ದಾರೆ. ಇದೀಗ ಮಡ್ಡಾಗೆ ಬೇಕಾಗಿರುವ ಎಲ್ಲ ರೀತಿಯ ಸಹಾಯಗಳನ್ನು ಮಾಡಿಕೊಡಲಿದ್ದೇವೆ ಎಂದು ಜಿಲ್ಲಾಧಿಕಾರಿ ತಿಳಿಸಿದ್ದಾರೆ. ಗುರು ಅಚ್ರೇಕರ್ ಸ್ಮರಿಸಿದ ಸಚಿನ್ ಈ ಮಧ್ಯೆ ಕ್ರಿಕೆಟ್ ಗುರು ಅವರ ಪುಣ್ಯ ತಿಥಿಯಂದು ಸಚಿನ್ ತೆಂಡೂಲ್ಕರ್ ಗುರುವನ್ನು ಸ್ಮರಿಸಿದ್ದಾರೆ. ಸಚಿನ್ ಬಾಲ್ಯದ ಕೋಚ್ ಅಚ್ರೇಕರ್, ಸಚಿನ್ ಓರ್ವ ಕ್ರಿಕೆಟಿಗನಾಗಿ ಬೆಳೆಸುವಲ್ಲಿ ಮಹತ್ತರ ಪಾತ್ರ ವಹಿಸಿದ್ದರು. 'ನೀವು ಎಂದಿಗೂ ನಮ್ಮ ಹೃದಯದಲ್ಲಿ ಉಳಿಯುವಿರಿ' ಎಂದು ಸಚಿನ್ ನೆನಪಿಸಿದ್ದಾರೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2sHCZKx
