ಹೊಸ ದಿಲ್ಲಿ: ಕುರಿತಾಗಿ ತನಿಖೆ ನಡೆಸಲು ಪಕ್ಷದ ಸತ್ಯ ಶೋಧನಾ ಸಮಿತಿ ವಿಶ್ವವಿದ್ಯಾಲಯಕ್ಕೆ ಭೇಟಿ ನೀಡಲಿದೆ. ಕಾಂಗ್ರೆಸ್ ನಾಯಕಿ ಸುಷ್ಮಿತಾ ದೇವ್ ಸಾರಥ್ಯದಲ್ಲಿ ಇತರ ಮೂವರು ಜೆಎನ್ಯುನ ಮಾಜಿ ವಿದ್ಯಾರ್ಥಿ ನಾಯಕರ ತಂಡ ಸತ್ಯ ಶೋಧನಾ ಸಮಿತಿಯಲ್ಲಿದೆ. ಜನವರಿ 5ರ ಸಂಜೆ ಜೆಎನ್ಯು ವಿವಿ ಒಳಗೆ ದಾಳಿ ನಡೆದ ಸ್ಥಳಗಳನ್ನು ಕಾಂಗ್ರೆಸ್ ಸತ್ಯಶೋಧನಾ ಸಮಿತಿ ಪರಿಶೀಲನೆ ನಡೆಸಲಿದೆ. ವಿದ್ಯಾರ್ಥಿಗಳೊಂದಿಗೆ ಮಾತುಕತೆ ನಡೆಸಲಿದೆ. ಹಲ್ಲೆಗೆ ಕಾರಣವಾದ ವಿಚಾರಗಳ ಬಗ್ಗೆ ಸಮಾಲೋಚನೆ ನಡೆಸಲಿದೆ. ಈ ತಂಡದಲ್ಲಿ ಸುಷ್ಮಿತಾ ದೇವ್ ಅವರ ಜೊತೆಗೆ ಸಂಸದರಾದ ನಾಸೀರ್ ಹುಸೇನ್, ಹಿಬಿ ಇದೆನ್ ಹಾಗೂ ಮತ್ತೊಬ್ಬ ಮಾಜಿ ವಿದ್ಯಾರ್ಥಿ ಅಮೃತಾ ಧವನ್ ಇರಲಿದ್ದಾರೆ. ಬುಧವಾರ ಜೆಎನ್ಯುಗೆ ಭೇಟಿ ನೀಡುವ ಮುನ್ನ ಕಾಂಗ್ರೆಸ್ ಸತ್ಯಶೋಧನಾ ಸಮಿತಿ ತಂಡ ಪಕ್ಷದ ಕಚೇರಿಯಲ್ಲಿ ಸಭೆ ನಡೆಸಿತು. ಒಂದು ವಾರದೊಳಗೆ ವರದಿ ನೀಡಲು ಸಮಿತಿ ನಿರ್ಧರಿಸಿದೆ. ಕಾಂಗ್ರೆಸ್ ಅಧ್ಯಕ್ಷೆ ಸೋನಿಯಾ ಗಾಂಧಿ ಅವರಿಗೆ ವರದಿ ಸಲ್ಲಿಕೆಯಾಗಲಿದೆ. ಘಟನೆ ಸಂಬಂಧ ಟ್ವೀಟ್ ಮಾಡಿರುವ ಕಾಂಗ್ರೆಸ್, ಜೆಎನ್ಯುನಲ್ಲಿ ಹಿಂಸಾಚಾರ ನಡೆದು 40 ಗಂಟೆಗಳಾದ್ರೂ ಪೊಲೀಸರು ಈವರೆಗೆ ಯಾರೊಬ್ಬರನ್ನೂ ಬಂಧಿಸಿಲ್ಲ ಎಂದು ಆಕ್ರೋಶ ವ್ಯಕ್ತಪಡಿಸಿತ್ತು. ಅಮಿತ್ ಶಾ ಆಡಳಿತದಲ್ಲಿ ಬರುವ ಪೊಲೀಸರು ಇಷ್ಟೊಂದು ಅಸಮರ್ಥರೇ ಎಂದು ಪ್ರಶ್ನಿಸಿರುವ ಕಾಂಗ್ರೆಸ್, ಹಲ್ಲೆಗೊಳಗಾದ ವಿದ್ಯಾರ್ಥಿಗಳ ವಿರುದ್ಧವೇ ಎಫ್ಐಆರ್ ದಾಖಲಿಸಲಾಗಿದೆ ಎಂದು ಆಕ್ರೋಶ ವ್ಯಕ್ತಪಡಿಸಿತ್ತು.
from India & World News in Kannada | VK Polls https://ift.tt/2FvIheY
