ಸಿಡ್ನಿ: ಟ್ವೆಂಟಿ-20 ಕ್ರಿಕೆಟ್ ಟೂರ್ನಿಯಲ್ಲಿ ಕ್ಯಾಚ್ವೊಂದು ವಿವಾದಕ್ಕೆ ಕಾರಣವಾಗಿದೆ. ಬ್ರಿಸ್ಬೇನ್ನಲ್ಲಿ ನಡೆದ ಪಂದ್ಯದಲ್ಲಿ ಬೌಂಡರಿ ಲೈನ್ನಲ್ಲಿ ಇಬ್ಬರು ಫೀಲ್ಡರ್ಗಳು ಸೇರಿಕೊಂಡು ಅದ್ಭುತ ಹಿಡಿದಿದ್ದರು. ಮೊದಲು ಬ್ಯಾಟಿಂಗ್ ನಡೆಸಿದ ಹೋಬರ್ಟ್ ಹ್ಯುರಕೇನ್ ತಂಡವು 14.4 ಓವರ್ಗಳಲ್ಲಿ ಐದು ವಿಕೆಟ್ ನಷ್ಟಕ್ಕೆ 98 ರನ್ ಗಳಿಸಿತ್ತು. ನಾಯಕ ಮ್ಯಾಥ್ಯೂ ವೇಡ್ 61 ರನ್ ಗಳಿಸಿ ಉತ್ತಮವಾಗಿ ಆಡುತ್ತಿದ್ದರು. ಈ ವೇಳೆಯಲ್ಲಿ ವೇಡ್ ಹೊಡೆದ ಚೆಂಡನ್ನು ಬೌಂಡರಿ ಗೆರೆಯಲ್ಲಿ ಮ್ಯಾಟ್ ರೆನ್ಶಾ ಅದ್ಭುತವಾಗಿ ಕ್ಯಾಚ್ ಹಿಡಿಯಲು ನೆರವಾದರು. ಈ ವೇಳೆಯಲ್ಲಿ ಸಮತೋಲನ ಕಳೆದುಕೊಂಡರೂ ಇನ್ನೇನು ಸಿಕ್ಸರ್ ಗೆರೆ ದಾಟುವಷ್ಟರಲ್ಲಿ ಚೆಂಡನ್ನು ಮೇಲಕ್ಕೆ ಚಿಮ್ಮಿಸಿದರು. ಅಷ್ಟರ ವೇಳೆಗೆ ರೆನ್ಶಾ ಬೌಂಡರಿ ಗೆರೆಯನ್ನು ದಾಟಿಯಾಗಿತ್ತು. ಅತ್ಯಂತ ಸಮಯಪ್ರಜ್ಞೆ ಮೆರೆದೆ ರೆನ್ಶಾ ಚೆಂಡು ಸಿಕ್ಸರ್ ಲೈನ್ಗೆ ಅಪ್ಪಳಿಸುತ್ತಿರುವುದನ್ನು ಮನಗಂಡು ಬೌಂಡರಿ ಗೆರೆಯ ಹೊರಗಿನಿಂದಲೇ ಮಗದೊಮ್ಮೆ ಜಂಪ್ ಮಾಡಿ ಚೆಂಡನ್ನು ಮೈದಾನದ ಒಳಗಡೆಯಿದ್ದ ಸಹ ಫೀಲ್ಡರ್ ಟಾಮ್ ಬ್ಯಾಂಟನ್ ಕೈಯೊಳಗೆ ಸೇರಿಸಿ ಬಿಟ್ಟರು. ರಿಪ್ಲೇಯನ್ನು ಪದೇ ಪದೇ ಪರಿಶೀಲಿಸಿದ ಥರ್ಡ್ ಅಂಪೈರ್ ಕೊನೆಗೂ ಔಟ್ ತೀರ್ಪನ್ನು ನೀಡಿದರು. ಇದು ಕ್ರಿಕೆಟ್ ತಜ್ಞರು ಹಾಗೂ ಅಭಿಮಾನಿಗಳಲ್ಲಿ ವ್ಯತಿರಿಕ್ತ ಅಭಿಪ್ರಾಯಗಳಿಗೆ ಕಾರಣವಾಗಿದೆ. ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಮ್ಯಾಥ್ಯೂ ವೇಡ್, "ನಿಮಯ ಏನೆಂಬುದರ ಬಗ್ಗೆ ನನಗೆ ಖಚಿತತೆಯಿಲ್ಲ. ಒಮ್ಮೆ ಮೈದಾನದ ಹೊರಗೆ ತೆರಳಿದ ಬಳಿಕ ಫೀಲ್ಡರ್ ಚೆಂಡನ್ನು ಸ್ಪರ್ಶಿಸಬಹುದೇ ಎಂಬುದು ಕೂಡಾ ತಿಳಿದಿಲ್ಲ" ಎಂದರು. 2017ನೇ ಇಸವಿಯಲ್ಲಿ ಐಸಿಸಿ ನಿಯಮಗಳಲ್ಲಿ ಬದಲಾವಣೆ ತರಲಾಗಿತ್ತು. ಮೊದಲ ಬಾರಿಗೆ ಚೆಂಡನ್ನು ಸ್ಪರ್ಶಿಸಿದ ಫೀಲ್ಡರ್ ಮೈದಾನದ ಒಳಗಡೆಯಿದ್ದರು. ಹಾಗಾಗಿ ಎರಡನೇ ಬಾರಿಗೆ ಸಂಪರ್ಕ ಮಾಡುವ ಅವಕಾಶವಿರುತ್ತದೆ. ಆದರೂ ಈ ನಿಯಮವನ್ನು ಒಪ್ಪಲು ನ್ಯೂಜಿಲೆಂಡ್ ಆಟಗಾರ ಜಿಮ್ಮಿ ನೀಶಮ್ ತಯಾರಾಗಲಿಲ್ಲ. ಅಲ್ಲದೆ ಐಸಿಸಿ ನಿಯಮದಲ್ಲಿ ಬದಲಾವಣೆಯಾಗಬೇಕು ಎಂದು ಬೇಡಿಕೆಯಿಟ್ಟಿದ್ದಾರೆ. ಕ್ಯಾಚ್ನ ಮೊದಲಾರ್ಧ ಸರಿಯಾಗಿದೆ. ಆಟಗಾರ ಕ್ಯಾಚ್ ಹಿಡಿಯಲು ಮೈದಾನದ ಒಳಗಡೆಯಿಂದಲೇ ಪ್ರಯತ್ನಿಸಿದ್ದಾನೆ. ಆದರೆ ಎರಡನೇ ಬಾರಿಗೆ ಮೈದಾನದ ಹೊರಗಡೆಯಿಂದ ಚೆಂಡನ್ನು ಒಳ ಸೇರಿಸಲು ಪ್ರಯತ್ನಿಸಿರುವುದು ಸರಿಯಲ್ಲ. ಫೀಲ್ಡರ್ ಮೈದಾನದ ಒಳಗಿನಿಂದಲೇ ಪ್ರಯತ್ನಿಸಬೇಕಿತ್ತು ಎಂದಿದ್ದಾರೆ. ಒಟ್ಟಾರೆಯಾಗಿ ನಿಮ್ಮ ಪ್ರಕಾರ ಇದು ಔಟ್ ಅಥವಾ ನಾಟೌಟ್ ಎಂಬುದರ ಬಗ್ಗೆ ಅಭಿಪ್ರಾಯ ಹಂಚಿಕೊಳ್ಳಲು ಮರೆಯದಿರಿ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2T5ldfc
