ಬಾರ್ಬಡಾಸ್: ಪ್ರವಾಸಿ ವಿರುದ್ದ ನಡೆದ ದ್ವಿತೀಯ ಏಕದಿನ ಪಂದ್ಯದಲ್ಲಿ ಒಂದು ವಿಕೆಟ್ ಅಂತರದ ರೋಚಕ ಗೆಲುವು ಬಾರಿಸಿದೆ. ಈ ಮೂಲಕ ಮೂರು ಪಂದ್ಯಗಳ ಏಕದಿನ ಸರಣಿಯನ್ನು ಇನ್ನು ಒಂದು ಪಂದ್ಯ ಬಾಕಿ ಉಳಿದಿರುವಂತೆಯೇ 2-0 ಅಂತರದಲ್ಲಿ ವಶಪಡಿಸಿಕೊಂಡಿದೆ. ಇದರೊಂದಿಗೆ 2014ರ ಬಳಿಕ ತವರು ನೆಲದಲ್ಲಿ ಮೊದಲ ಬಾರಿಗೆ ಏಕದಿನ ಸರಣಿಯಲ್ಲಿ ಗೆಲುವು ಬಾರಿಸಿದೆ. ಮೊದಲು ಬ್ಯಾಟಿಂಗ್ ನಡೆಸಿದ ಐರ್ಲೆಂಡ್ ಓಪನರ್ ಪೌಲ್ ಸ್ಟಿರ್ಲಿಂಗ್ ಆಕರ್ಷಕ ಅರ್ಧಶತಕ (63) ನೆರವಿನಿಂದ ಒಂಬತ್ತು ವಿಕೆಟ್ ನಷ್ಟಕ್ಕೆ 237 ರನ್ಗಳ ಸ್ಪರ್ಧಾತ್ಮಕ ಮೊತ್ತ ಪೇರಿಸಿತ್ತು. 79 ಎಸೆತಗಳನ್ನು ಎದುರಿಸಿದ ಸ್ಟಿರ್ಲಿಂಗ್ ಏಳು ಬೌಂಡರಿ ಹಾಗೂ ಸಿಕ್ಸರ್ ನೆರವಿನಿಂದ 63 ರನ್ ಗಳಿಸಿದರು. ವಿಲಿಯಮ್ ಪೋರ್ಟರ್ಫೀಲ್ಡ್ (29), ಕೆವಿನ್ ಒಬ್ರಿಯಾನ್ (31) ಹಾಗೂ ಸಿಮಿ ಸಿಂಗ್ (34) ಉಪಯುಕ್ತ ಇನ್ನಿಂಗ್ಸ್ ಕಟ್ಟಿದರು. ವಿಂಡೀಸ್ ಪರ ಅಲ್ಜಾರಿ ಜೋಸೆಫ್ ನಾಲ್ಕು ಹಾಗೂ ಮೂರು ವಿಕೆಟ್ ಕಿತ್ತು ಮಿಂಚಿದರು. ಬಳಿಕ ಗುರಿ ಬೆನ್ನಟ್ಟಿದ ವೆಸ್ಟ್ಇಂಡೀಸ್ ನಿಕೋಲಸ್ ಪೂರನ್ (52), ನಾಯಕ ಕೀರಾನ್ ಪೊಲಾರ್ಡ್ (40) ಹಾಗೂ ಹೇಡನ್ ವಾಲ್ಶ್ (46*) ಉಪಯುಕ್ತ ಬ್ಯಾಟಿಂಗ್ ಹೊರತಾಗಿಯೂ 47.4 ಓವರ್ಗಳಲ್ಲಿ 232 ರನ್ಗಳಿಗೆ ಒಂಬತ್ತು ವಿಕೆಟುಗಳನ್ನು ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತ್ತು. ಈ ಹಂತದಲ್ಲಿ ಐರ್ಲೆಂಡ್ಗೆ ಗೆಲುವು ಒಲಿಯಲಿದೆ ಎಂದೇ ಭಾವಿಸಲಾಗಿತ್ತು. ಆದರೆ ಅಂತಿಮ ವಿಕೆಟ್ಗೆ ಗೆಲುವಿನ ರನ್ ಬಾರಿಸಿದ ಹೇಡನ್ ವಾಲ್ಶ್ ಹಾಗೂ ಶೆಲ್ಡನ್ ಕಾಟ್ರೆಲ್ ಗೆಲುವಿನ ಹೀರೊ ಎನಿಸಿದರು. ಈ ಪೈಕಿ ಕೊನೆಯ ಓವರ್ನಲ್ಲಿ ಗೆಲುವಿಗೆ ಐದು ರನ್ಗಳ ಅವಶ್ಯಕತೆಯಿತ್ತು. ಈ ಸಂದರ್ಭದಲ್ಲಿ 49.5ನೇ ಎಸೆತದಲ್ಲಿ ಸಿಕ್ಸರ್ ಬಾರಿಸಿದ ಕಾಟ್ರೆಲ್, ರೋಚಕ ಗೆಲುವು ಒದಗಿಸಿಕೊಟ್ಟರು. ಅತ್ತ ಅಜೇಯ ಇನ್ನಿಂಗ್ಸ್ ಕಟ್ಟಿದ ಹೇಡನ್ ವಾಲ್ಶ್ 67 ಎಸೆತಗಳಲ್ಲಿ ನಾಲ್ಕು ಬೌಂಡರಿಗಳಿಂದ 46 ರನ್ ಗಳಿಸಿದರು. ಅಂತಿಮ ಓವರ್ನಲ್ಲಿ ಎರಡೆರಡು ಬಾರಿ ರನೌಟ್ ಮಿಸ್ ಮಾಡಿರುವುದು ಐರ್ಲೆಂಡ್ಗೆ ಹಿನ್ನೆಡೆಯಾಗಿ ಪರಿಣಮಿಸಿತು. ಈ ಮುನ್ನ 32 ಎಸೆತಗಳನ್ನು ಎದುರಿಸಿದ ಪೊಲಾರ್ಡ್ ಎರಡು ಬೌಂಡರಿ ನಾಲ್ಕು ಸಿಕ್ಸರ್ಗಳಿಂದ 40 ರನ್ ಸಿಡಿಸಿದರು. ನಿಕೋಲಸ್ ಪೂರನ್ ಸಹ 44 ಎಸೆತಗಳಲ್ಲಿ ಆರು ಬೌಂಡರಿಗಳಿಂದ 52 ರನ್ ಗಳಿಸಿದರು. ಐರ್ಲೆಂಡ್ ಪರ ಸಿಮಿ ಸಿಂಗ್ ಮೂರು ವಿಕೆಟ್ ಪಡೆದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2tOhBUo
