ಹೈದರಾಬಾದ್‌: ಕೇವಲ ಎಂಟು ನಿಮಿಷಗಳ ಅಂತರದಲ್ಲಿ 136 ಬಾಣಗಳನ್ನು ಬಿಡುವ ಮೂಲಕ ಹೈದರಾಬಾದ್‌ ಮೂಲದ 11 ವರ್ಷದ ಬಾಲಕಿ ಇಂಟರ್‌ನ್ಯಾಷನಲ್‌ ವಂಡರ್‌ ಮತ್ತು ಬರೆದಿದ್ದಾರೆ. ಇಲ್ಲಿನ ಗಜುಲಾರಾಮರಮಂನಲ್ಲಿರುವ ತತ್ವ ಗ್ಲೋಬಲ್‌ ಸ್ಕೂಲ್‌ನ 6ನೇ ತರಗತಿ ವಿದ್ಯಾರ್ಥಿನಿ ಆಗಿರುವ ಚಂದನಾ, ಮೊದಲಿಗೆ 15 ನಿಮಿಷ 15 ಸೆಕೆಂಡ್‌ಗಳಲ್ಲಿ 10 ಮೀಟರ್‌ ದೂರಕ್ಕೆ 76 ಬಾಣಗಳನ್ನು ಬಿಟ್ಟಿದ್ದರು. ಇದೀಗ ತಮ್ಮದೇ ದಾಖಲೆಯನ್ನು ಮತ್ತಷ್ಟು ಉತ್ತಮ ಪಡಿಸಿಕೊಂಡಿದ್ದಾರೆ. ಆಂಧ್ರ ಪ್ರದೇಶದ ಭೀಮಾವರಮ್‌ ಮೂಲದವರಾದ ಚಂದನಾ, ಇಸಿಎಲ್‌ಎಟಿ ಸ್ಪೋರ್ಟ್ಸ್‌ ಅಕಾಡೆಮಿಯಲ್ಲಿ ಕೋಚ್‌ಗಳಾದ ರಮೇಶ್‌ ಮತ್ತು ಗಂಗರಾಜು ಅವರ ಮಾರ್ಗದರ್ಶನದಲ್ಲಿ ಬಿಲ್ಲುಗಾರಿಕೆ ಕರಗತ ಮಾಡಿಕೊಂಡಿದ್ದಾರೆ. ಕಳೆದ ವರ್ಷ ಸೆಪ್ಟೆಂಬರ್‌ನಲ್ಲಿ ಗಾಂಧಿಪೇಟೆಯಲ್ಲಿ ನಡೆದ 14 ವರ್ಷದೊಳಗಿನವರ ಜಿಲ್ಲಾ ಮಟ್ಟದ 65ನೇ ಶಾಲಾ ಕ್ರೀಡಾಕೂಟದ ಸ್ಪರ್ಧೆಯಲ್ಲಿ ಚಂದನಾ ರನ್ನರ್‌ಅಪ್‌ ಸ್ಥಾನ ಪಡೆದಿದ್ದರು. ಕೇರಳದ ಮುನ್ನಾರ್‌ನಲ್ಲಿ ನಡೆದ ರೂರಲ್‌ ಗೇಮ್ಸ್‌ ಫೆಡರೇಷನ್‌ ಕಪ್‌ನ 14 ವರ್ಷದೊಳಗಿನವರ ವಿಭಾಗದ 50 ಮೀ. ಸ್ಪರ್ಧೆಯಲ್ಲಿ ಚಿನ್ನ ಗೆದ್ದ ಸಾಧನೆ ಮಾಡಿರುವ ಚಂದನಾ, 2020ರಲ್ಲಿ ಥಾಯ್ಲೆಂಡ್‌ನಲ್ಲಿ ನಡೆಯಲಿರುವ ಏಷ್ಯಾ ಪೆಸಿಫಿಕ್‌ ರೂರಲ್‌ ಗೇಮ್ಸ್‌ನಲ್ಲಿ ಪಾಲ್ಗೊಳದ್ಳುವ ಅರ್ಹತೆಯನ್ನೂ ಪಡೆದಿದ್ದಾರೆ. ತಮ್ಮ ಈ ಅದ್ವಿತೀಯ ಸಾಧನೆಯ ಸಂದರ್ಭದಲ್ಲಿ ತಂದೆ ಯಾತಿಗಳಾದ ಸತ್ಯನಾರಾಯಣ ಮತ್ತು ಶ್ರೀ ಲಕ್ಷ್ಮಿಗೆ ಧನ್ಯವಾದ ತಿಳಿಸಿದ್ದಾರೆ. ಚಂದನಾ ಆರ್ಚರಿ ಹೊರತಾಗಿ, ಬ್ಯಾಡ್ಮಿಂಟನ್‌, ಈಜು ಮತ್ತು ಸ್ಕೇಟಿಂಗ್‌ ಕ್ರೀಡೆಗಳಲ್ಲೂ ತೊಡಗಿಸಿಕೊಂಡಿದ್ದಾರೆ. "ಇದೊಂದು ಅತ್ಯಂತ ಸಂತಸದ ಕ್ಷಣ. ನಾನು ಅಂದುಕೊಂಡಿದ್ದಕ್ಕಿಂತಲೂ ಹೆಚ್ಚಿನ ಗುರಿ ಸಾಧಿಸಿದ್ದಕ್ಕೆ ಖುಷಿಯಿದೆ. ಏಷ್ಯಾ ಪೆಸಿಫಿಕ್‌ ಗೇಮ್ಸ್‌ನಲ್ಲಿ ಉತ್ತಮ ಪ್ರದರ್ಶನ ನೀಡುವುದನ್ನು ಎದುರು ನೋಡುತ್ತಿದ್ದೇನೆ. ಆರ್ಚರಿ ಮೂಲಕ ಭಾರತವನ್ನು ಪ್ರತಿನಿಧಿಸುವುದು ನನ್ನ ಮುಂದಿನ ಗುರಿ," ಎಂದು ಚಂದನಾ ಸಾಯ್‌ ಅಂಜನಿ ಬೆಥು ಟೈಮ್ಸ್‌ ಆಫ್‌ ಇಂಡಿಯಾಗೆ ಹೇಳಿಕೆ ನೀಡಿದ್ದಾರೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/39uNq4Y
