ಹೊಸದಿಲ್ಲಿ: ಭಾರತೀಯ ಕ್ರಿಕೆಟ್ನ ದೇವರೆಂದೆ ಕರೆಯಲ್ಪಡುವ ಮಾಸ್ಟರ್ ಬ್ಲಾಸ್ಟರ್ ಬ್ಯಾಟಿಂಗ್ ಶೈಲಿಯನ್ನು ಸಾಕಷ್ಟು ಮಂದಿ ಗುಣಗಾಣ ಮಾಡಿದ್ದಾರೆ. ಇದೀಗ ಈ ಸಾಲಿಗೆ ದಕ್ಷಿಣ ಆಫ್ರಿಕಾ ಮಾಜಿ ವೇಗಿ ಸೇರ್ಪಡೆಯಾಗಿದ್ದಾರೆ. ದಕ್ಷಿಣ ಆಫ್ರಿಕಾದ ಕಠಿಣ ಪರಿಸ್ಥಿತಿಗಳಲ್ಲಿ ಬ್ಯಾಟಿಂಗ್ ಮಾಡುವುದು ತುಂಬಾನೆ ಕಷ್ಟ. ಹಾಗಿದ್ದರೂ, ಆಫ್ರಿಕಾ ನೆಲದಲ್ಲಿ ಸಚಿನ್ ತೆಂಡೂಲ್ಕರ್ 15 ಟೆಸ್ಟ್ ಪಂದ್ಯಗಳಿಂದ 46.44ರ ಸರಾಸರಿಯಲ್ಲಿ 1,161 ರನ್ ಗಳಿಸಿದ್ದಾರೆ. ಅಷ್ಟೇ ಅಲ್ಲದೆ, 40 ಓಡಿಐ ಪಂದ್ಯಗಳಾಡಿರುವ ಬಲಗೈ ಬ್ಯಾಟ್ಸ್ಮನ್, 38.23ರ ಸರಾಸರಿಯಲ್ಲಿ 1,453 ರನ್ ಕಲೆ ಹಾಕಿದ್ದಾರೆ. ಇತ್ತೀಚೆಗೆ ಯೂಟ್ಯೂಬ್ ಚಾನೆಲ್ವೊಂದರ ಸಂದರ್ಶನದಲ್ಲಿ ಅಲಾನ್ ಡೊನಾಲ್ಡ್ಗೆ ತಾವು ಎದುರಿಸಿದ ಅತ್ಯಂತ ಕಠಿಣ ಬ್ಯಾಟ್ಸ್ಮನ್ ಯಾರೆಂದು ಪ್ರಶ್ನೆ ಕೇಳಲಾಯಿತು. ಇದಕ್ಕೆ ಆಫ್ರಿಕಾ ಮಾಜಿ ವೇಗಿ, ಸಚಿನ್ ತೆಂಡೂಲ್ಕರ್ ಸೇರಿ ಮೂವರು ಆಟಗಾರರನ್ನು ಆರಿಸಿದ್ದಾರೆ. "ಇದೇ ಪ್ರಶ್ನೆ ನನಗೆ ತುಂಬಾ ಸಲ ಎದುರಾಗಿದೆ. ವಿಭಿನ್ನ ಹಾದಿಯಲ್ಲಿ ಮೂವರು ಆಟಗಾರರನ್ನು ಆರಿಸುತ್ತೇನೆ. ಸಚಿನ್ ತೆಂಡೂಲ್ಕರ್ ತಾಂತ್ರಿಕವಾಗಿ ಅದ್ಭುತ ಬ್ಯಾಟ್ಸ್ಮನ್. ಸಚಿನ್ ಬಿಟ್ಟರೆ ದಕ್ಷಿಣ ಆಫ್ರಿಕಕ್ಕೆ ಬಂದು ಇಲ್ಲಿನ ಪರಿಸ್ಥಿತಿಗಳಿಗೆ ತಕ್ಕಂತೆ ತಮ್ಮ ಬ್ಯಾಟಿಂಗ್ ತಂತ್ರವನ್ನು ಹೊಂದಿಸಿಕೊಳ್ಳುವ ಮತ್ತೊಬ್ಬ ಭಾರತೀಯ ಆಟಗಾರನನ್ನು ನಾನು ನೋಡಿಯೇ ಇಲ್ಲ," ಎಂದು ಡೊನಾಲ್ಡ್ ಯೂಟ್ಯೂಬ್ ಚಾನೆಲ್ನಲ್ಲಿ ಹೇಳಿದ್ದಾರೆ. "ಅವರು(ಸಚಿನ್) ಚೆಂಡನ್ನು ತಡವಾಗಿ ಆಡುತ್ತಿದ್ದರು ಹಾಗೂ ತಡವಾಗಿ ಚೆಂಡನ್ನು ಬಿಡುತ್ತಿದ್ದರು. ಒಂದು ಗಂಟೆಯ ಬಳಿಕ ಸಚಿನ್ ತೆಂಡೂಲ್ಕರ್ ಗಳಿಸುತ್ತಿದ್ದ ರನ್ ಕೇವಲ 20 ರಿಂದ 30 ರನ್ ಅಷ್ಟೇ, ಆದರೆ ಅವರು ದಿನ ಪೂರ್ತಿ ಬ್ಯಾಟ್ ಮಾಡುತ್ತಿದ್ದರು. ಹಾಗಾಗಿ, ಅವರ ಬ್ಯಾಟಿಂಗ್ ತಂತ್ರದಲ್ಲಿ ನಂ.1 ಆಟಗಾರ," ಎಂದು ಆಫ್ರಿಕಾ ಮಾಜಿ ವೇಗಿ ಗುಣಗಾನ ಮಾಡಿದ್ದಾರೆ. ತಮ್ಮ ವೃತ್ತಿ ಜೀವನದ ದಿನಗಳಲ್ಲಿ ಸಚಿನ್ ತೆಂಡೂಲ್ಕರ್ ಜೊತೆಗೆ ತಾವು ಎದುರಿಸಿದ ಅತ್ಯಂತ ಕಠಿಣ ಬ್ಯಾಟ್ಸ್ಮನ್ಗಳಲ್ಲಿ ವಿಂಡೀಸ್ ದಿಗ್ಗಜ ಹಾಗೂ ಆಸ್ಟ್ರೇಲಿಯಾ ಮಾಜಿ ನಾಯಕ ಸ್ಟೀವಾ ಕೂಡ ಇದ್ದಾರೆಂದು ಡೊನಾಲ್ಡ್ ಹೇಳಿದ್ದಾರೆ. "ಈ ಸಾಲಿನಲ್ಲಿ ಎರಡನೇ ಸ್ಥಾನವನ್ನು ಬ್ರಿಯಾನ್ ಲಾರಾಗೆ ನೀಡುತ್ತೇನೆ. ನಿಸ್ಸಂಶಯವಾಗಿ ಅವರು ಅದ್ಭುತ ಆಟಗಾರ. ವಿಶ್ವದ ಯಾವುದೇ ಪಿಚ್ನಲ್ಲಾದರೂ ಅವರು ಅತ್ಯುತ್ತಮ ಸ್ಟ್ರೋಕ್ ಮಾಡುತ್ತಾರೆ. ನನ್ನ ವೃತ್ತಿ ಜೀವನದಲ್ಲಿ ಇಂತಹ ಆಟಗಾರನನ್ನು ನೋಡಿಯೇ ಇಲ್ಲ. ಇವರ ವಿರುದ್ಧ ನೀವು ಆಡಬೇಕಾದರೆ, ಆಕ್ರಮಣಕಾರಿಯಾಗಿ ಇರುವುದು ತುಂಬಾ ಮುಖ್ಯವಾಗುತ್ತದೆ," ಎಂದರು. "ಅವರು(ಲಾರಾ) ಆಡಬಹುದಾದ ಕೆಲವು ಸ್ಟ್ರೋಕ್ಗಳು ತುಂಬಾ ಹಾಸ್ಯಮಯವಾಗಿದ್ದವು. ಏಕೆಂದರೆ, ಅವರು ದೊಡ್ಡ ಬ್ಯಾಕ್ಲಿಫ್ಟ್ ಹೊಂದಿದ್ದರು, ಸ್ಟಂಪ್ಗಳ ಮೇಲೆ ಜಂಪ್ ಮಾಡುತ್ತಿದ್ದರು, ನಂಬಲಾಗದ ಕೈ ಹಾಗೂ ಪಾದದ ವೇಗವನ್ನು ಹೊಂದಿದ್ದರು, ಬ್ಯಾಕ್ ಆಫ್ ದಿ ಲೆನ್ತ್ ಮೂಲಕ ಅವರು ಅದ್ಭುತವಾಗಿ ಮಿಡ್ವಿಕೆಟ್ ಮೇಲೆ ಬೌಂಡರಿ ಸಿಡಿಸುತ್ತಿದ್ದರು. ಇಂತಹ ಅದ್ಭುತ ಆಟಗಾರ ಲಾರಾ," ಎಂದು ಅವರು ಶ್ಲಾಘಿಸಿದರು. "ಅತ್ಯಂತ ಕಠಿಣ ಹಾಗೂ ಸ್ಥಿತಿ ಸ್ಥಾಪಕ ಆಟಗಾರ ಎಂದರೆ ಅದು ಸ್ಟೀವಾ. ಅವರು ಬ್ಯಾಟಿಂಗ್ ನೋಡಲು ಅಷ್ಟೊಂದು ಚೆನ್ನಾಗಿರಲಿಲ್ಲ. ಆದರೆ, ಅವರ ಮೌಲ್ಯ ಏನೆಂಬುದನ್ನು ಸಂಖ್ಯೆಗಳು ಅರ್ಥ ಮಾಡಿಸುತ್ತವೆ. ಕಠಿಣ ಹೋರಾಟದಲ್ಲಿ ಭಾಗಿಯಾಗಲು ಅವರು ತುಂಬಾ ಇಷ್ಟಪಡುತ್ತಿದ್ದರು," ಎಂದು ಅಲಾನ್ ಡೊನಾಲ್ಡ್ ಶ್ಲಾಘಿಸಿದ್ದಾರೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3kdIMyn
