ಹೊಸದಿಲ್ಲಿ: ಹದಿನಾಲ್ಕನೇ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಯಲ್ಲಿ ರಾಜಸ್ಥಾನ್ ರಾಯಲ್ಸ್ ತಂಡಕ್ಕೆ ಗಾಯಾಳುಗಳ ಸಮಸ್ಯೆ ಕಾಡಿತ್ತು. ಟೂರ್ನಿಯ ಆರಂಭದಲ್ಲಿಯೇ ವಿದೇಶಿ ನಾಲ್ವರು ಕೀ ಆಟಗಾರರನ್ನು ಆರ್ಆರ್ ಕಳೆದುಕೊಂಡಿತ್ತು. ಇವರಲ್ಲಿ ಸ್ಟಾರ್ ಆಲ್ರೌಂಡರ್ ಬೆನ್ ಸ್ಟೋಕ್ಸ್ ಕೂಡ ಒಬ್ಬರಾಗಿದ್ದರು. ಇದೀಗ 2021ರ ಆವೃತ್ತಿಯ ಐಪಿಎಲ್ ಎರಡನೇ ಅವಧಿಯು ಸೆಪ್ಟೆಂಬರ್ನಲ್ಲಿ ಯುಎಇಯಲ್ಲಿ ಮುಂದುವರಿಯಲಿದ್ದು, ಈ ಎಲ್ಲಾ ಆಟಗಾರರು ಈ ವೇಳೆಗೆ ಲಭ್ಯರಾಗುವ ಸಾಧ್ಯತೆ ಇದೆ. ಆದರೆ, ಬೆನ್ ಸ್ಟೋಕ್ಸ್ ಮಾತ್ರ ಮಾನಸಿಕ ಆರೋಗ್ಯದ ಸಮಸ್ಯೆಯಿಂದ ಕ್ರಿಕೆಟ್ನಿಂದ ಅನಿರ್ದಿಷ್ಟವಾಧಿಗೆ ವಿರಾಮ ತೆಗೆದುಕೊಂಡಿದ್ದಾರೆ. ಈ ಹಿನ್ನೆಲೆಯಲ್ಲಿ ಸ್ಟೋಕ್ಸ್, ಪ್ರಸ್ತುತ ನಡೆಯುತ್ತಿರುವ ಐದು ಪಂದ್ಯಗಳ ಟೆಸ್ಟ್ ಸರಣಿಯಿಂದಲೂ ಹೊರ ನಡೆದಿದ್ದಾರೆ. ಹಾಗಾಗಿ, ಐಪಿಎಲ್ ಎರಡನೇ ಅವಧಿಗೆ ಅವರು ರಾಜಸ್ಥಾನ್ ರಾಯಲ್ಸ್ ತಂಡಕ್ಕೆ ಮರಳುವ ಬಗ್ಗೆ ಇನ್ನೂ ಸ್ಪಷ್ಟ ಮಾಹಿತಿ ಇಲ್ಲ. ಒಂದು ವೇಳೆ ಬೆನ್ ಸ್ಟೋಕ್ಸ್ ಲಭ್ಯರಾಗದ ಪಕ್ಷದಲ್ಲಿ ಅವರ ಸ್ಥಾನವನ್ನು ಐವರು ಆಟಗಾರರು ತುಂಬುವ ಸಾಧ್ಯತೆ ಇದೆ.ಮಾನಸಿಕ ಆರೋಗ್ಯದ ಸಮಸ್ಯೆಯಿಂದಾಗಿ ಅನಿರ್ದಿಷ್ಟಾವಧಿವರೆಗೂ ವಿರಾಮ ಪಡೆದುಕೊಂಡಿರುವ ಬೆನ್ ಸ್ಟೋಕ್ಸ್, 2021ರ ಐಪಿಎಲ್ ಎರಡನೇ ಅವಧಿಯ ರಾಜಸ್ಥಾನ್ ರಾಯಲ್ಸ್ಗೆ ಮರಳುವ ಬಗ್ಗೆ ಇನ್ನೂ ಯಾವುದೇ ಸ್ಪಷ್ಟತೆ ಇಲ್ಲ.
ಹೊಸದಿಲ್ಲಿ:
ಹದಿನಾಲ್ಕನೇ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಯಲ್ಲಿ ರಾಜಸ್ಥಾನ್ ರಾಯಲ್ಸ್ ತಂಡಕ್ಕೆ ಗಾಯಾಳುಗಳ ಸಮಸ್ಯೆ ಕಾಡಿತ್ತು. ಟೂರ್ನಿಯ ಆರಂಭದಲ್ಲಿಯೇ ವಿದೇಶಿ ನಾಲ್ವರು ಕೀ ಆಟಗಾರರನ್ನು ಆರ್ಆರ್ ಕಳೆದುಕೊಂಡಿತ್ತು. ಇವರಲ್ಲಿ ಸ್ಟಾರ್ ಆಲ್ರೌಂಡರ್ ಬೆನ್ ಸ್ಟೋಕ್ಸ್ ಕೂಡ ಒಬ್ಬರಾಗಿದ್ದರು.
ಇದೀಗ 2021ರ ಆವೃತ್ತಿಯ ಐಪಿಎಲ್ ಎರಡನೇ ಅವಧಿಯು ಸೆಪ್ಟೆಂಬರ್ನಲ್ಲಿ ಯುಎಇಯಲ್ಲಿ ಮುಂದುವರಿಯಲಿದ್ದು, ಈ ಎಲ್ಲಾ ಆಟಗಾರರು ಈ ವೇಳೆಗೆ ಲಭ್ಯರಾಗುವ ಸಾಧ್ಯತೆ ಇದೆ. ಆದರೆ, ಬೆನ್ ಸ್ಟೋಕ್ಸ್ ಮಾತ್ರ ಮಾನಸಿಕ ಆರೋಗ್ಯದ ಸಮಸ್ಯೆಯಿಂದ ಕ್ರಿಕೆಟ್ನಿಂದ ಅನಿರ್ದಿಷ್ಟವಾಧಿಗೆ ವಿರಾಮ ತೆಗೆದುಕೊಂಡಿದ್ದಾರೆ.
ಈ ಹಿನ್ನೆಲೆಯಲ್ಲಿ ಸ್ಟೋಕ್ಸ್, ಪ್ರಸ್ತುತ ನಡೆಯುತ್ತಿರುವ ಐದು ಪಂದ್ಯಗಳ ಟೆಸ್ಟ್ ಸರಣಿಯಿಂದಲೂ ಹೊರ ನಡೆದಿದ್ದಾರೆ. ಹಾಗಾಗಿ, ಐಪಿಎಲ್ ಎರಡನೇ ಅವಧಿಗೆ ಅವರು ರಾಜಸ್ಥಾನ್ ರಾಯಲ್ಸ್ ತಂಡಕ್ಕೆ ಮರಳುವ ಬಗ್ಗೆ ಇನ್ನೂ ಸ್ಪಷ್ಟ ಮಾಹಿತಿ ಇಲ್ಲ. ಒಂದು ವೇಳೆ ಬೆನ್ ಸ್ಟೋಕ್ಸ್ ಲಭ್ಯರಾಗದ ಪಕ್ಷದಲ್ಲಿ ಅವರ ಸ್ಥಾನವನ್ನು ಐವರು ಆಟಗಾರರು ತುಂಬುವ ಸಾಧ್ಯತೆ ಇದೆ.
ಡೆವೊನ್ ಕಾನ್ವೇ
ಅಂತಾರಾಷ್ಟ್ರೀಯ ಟೆಸ್ಟ್ ಕ್ರಿಕೆಟ್ನಲ್ಲಿ ಅದ್ಭುತ ಆರಂಭ ಕಂಡಿದ್ದರ ಹೊರತಾಗಿಯೂ ಡೆವೊನ್ ಕಾನ್ವೇ ಅವರನ್ನು 2021ರ ಐಪಿಎಲ್ ಹರಾಜಿನಲ್ಲಿ ಯಾವುದೇ ಫ್ರಾಂಚೈಸಿ ಖರೀದಿಸಿರಲಿಲ್ಲ. ಆದರೆ, ಟೆಸ್ಟ್ ಕ್ರಿಕೆಟ್ ಜೊತೆಗೆ ಓಡಿಐ ಹಾಗೂ ಟಿ20 ಕ್ರಿಕೆಟ್ನಲ್ಲಿಯೂ ಕಾನ್ವೇ ಅತ್ಯುತ್ತಮ ಕಾರ್ಯವನ್ನು ನಿರ್ವಹಿಸುತ್ತಿದ್ದಾರೆ. ಇದರ ಫಲವಾಗಿ ಅವರು ಟಿ20 ಬ್ಯಾಟಿಂಗ್ ಶ್ರೇಯಾಂಕದಲ್ಲಿ ಮೂರನೇ ಸ್ಥಾನ ಪಡೆದಿದ್ದಾರೆ. ಟಿ20 ಕ್ರಿಕೆಟ್ನಲ್ಲಿ 60 ಸರಾಸರಿಯಲ್ಲಿ ರನ್ ಗಳಿಸಿರುವ ಡೆವೊನ್ ಕಾನ್ವೇ ಅವರನ್ನು ರಾಜಸ್ತಾನ್ ರಾಯಲ್ಸ್ ಅಗ್ರ ಕ್ರಮಾಂಕಕ್ಕೆ ಆಯ್ಕೆ ಮಾಡಿದರೂ ಅಚ್ಚರಿ ಪಡೆಬೇಕಿಲ್ಲ.
ನೋ-ಬಾಲ್ ಎಡವಟ್ಟಿನ ಕಡೆಗೆ ಬುಮ್ರಾ ಗಮನ ಕೊಡಬೇಕೆಂದ ಮಾಜಿ ವೇಗಿ!
ಕಾರ್ಲೊಸ್ ಬ್ರಾಥ್ವೇಟ್
ವೆಸ್ಟ್ ಇಂಡೀಸ್ನ ಕಾರ್ಲೊಸ್ ಬ್ರಾಥ್ವೇಟ್ ಅವರು ಈ ಹಿಂದೆ ಡೆಲ್ಲಿ ಡೇರ್ಡೆವಿಲ್ಸ್(ಡೆಲ್ಲಿ ಕ್ಯಾಪಿಟಲ್ಸ್), ಸನ್ರೈಸರ್ಸ್ ಹೈದರಾಬಾದ್ ಹಾಗೂ ಕೋಲ್ಕತಾ ನೈಟ್ ರೈಡರ್ಸ್ ತಂಡಗಳನ್ನು ಪ್ರತಿನಿಧಿಸಿದ್ದರು. ಬೆನ್ ಸ್ಟೋಕ್ಸ್ ಅಲಭ್ಯರಾದರೆ, ಅವರ ಸ್ಥಾನಕ್ಕೆ ಕಾರ್ಲೊಸ್ ಬ್ರಾಥ್ವೇಟ್ ಅವರನ್ನು ಆಡಿಸಬಹುದು. ಬ್ಯಾಟಿಂಗ್ ಹಾಗೂ ಬೌಲಿಂಗ್ ಎರಡರಲ್ಲೂ ಅವರು ರಾಜಸ್ಥಾನ್ ರಾಯಲ್ಸ್ ತಂಡಕ್ಕೆ ಶಕ್ತಿ ತುಂಬಲಿದ್ದಾರೆ. ಅಲ್ಲದೆ, ವಿಂಡೀಸ್ ತಂಡವನ್ನು ಮುನ್ನಡೆಸಿರುವ ಅನುಭವವನ್ನೂ ಹೊಂದಿರುವ ಬ್ರಾಥ್ವೇಟ್, ಚುಟುಕು ಕ್ರಿಕೆಟ್ ಮೌಲ್ಯದ ಬಗ್ಗೆ ಚೆನ್ನಾಗಿ ತಿಳಿದುಕೊಂಡಿದ್ದಾರೆ ಹಾಗೂ ನಾಯಕ ಸಂಜು ಸ್ಯಾಮ್ಸನ್ಗೆ ನೆರವಾಗಲಿದ್ದಾರೆ.
ರೂಟ್ನ ಔಟ್ ಮಾಡಲು ಟೀಮ್ ಇಂಡಿಯಾಗೆ ರಣತಂತ್ರ ಹೇಳಿಕೊಟ್ಟ ಪಣೇಸರ್!
ಮ್ಯಾಥ್ಯೂ ವೇಡ್
ಇತ್ತೀಚೆಗೆ ಬಾಂಗ್ಲಾದೇಶ ಪ್ರವಾಸದಲ್ಲಿ ಆಸ್ಟ್ರೇಲಿಯಾ ತಂಡವನ್ನು ಮುನ್ನಡೆಸಿದ್ದ ಮ್ಯಾಥ್ಯೂ ವೇಡ್ ಅವರನ್ನು ರಾಜಸ್ಥಾನ್ ರಾಯಲ್ಸ್ ಅಗ್ರ ಕ್ರಮಾಂಕಕ್ಕೆ ಆರಿಸಿಕೊಳ್ಳುವ ಸಾಧ್ಯತೆ ಇದೆ. ಒಂದು ವೇಳೆ ಜೋಸ್ ಬಟ್ಲರ್ ಕೂಡ ಅಲಭ್ಯರಾದರೆ, ನಾಯಕ ಸಂಜು ಸ್ಯಾಮ್ಸನ್ ಅವರಿಂದ ವಿಕೆಟ್ ಕೀಪಿಂಗ್ ಜವಬ್ದಾರಿ ಪಡೆದು ವೇಡ್, ಅಗ್ರ ಕ್ರಮಾಂಕದಲ್ಲಿ ಬ್ಯಾಟ್ ಮಾಡಬಹುದು. ಆಸ್ಟ್ರೇಲಿಯಾದ ಪರ ಆಡಿರುವ ಅತ್ಯುತ್ತಮ ಅನುಭವ ಹೊಂದಿರುವ ಮ್ಯಾಥ್ಯೂ ವೇಡ್, ಯುವ ನಾಯಕ ಸಂಜು ಸ್ಯಾಮ್ಸನ್ಗೆ ಸೂಕ್ತ ಸಾಥ್ ನೀಡಲಿದ್ದಾರೆ.
ಸಿಬ್ಲೀ ಔಟ್, ಮಲಾನ್ ಇನ್: 3ನೇ ಟೆಸ್ಟ್ಗೆ ಬಲಿಷ್ಠ ತಂಡ ಪ್ರಕಟಿಸಿದ ಇಂಗ್ಲೆಂಡ್!
ಮಾರ್ನಸ್ ಲಾಬುಶೇನ್
ಟಿ20 ಸ್ವರೂಪ ಬಿಟ್ಟರೆ ಆಸ್ಟ್ರೇಲಿಯಾ ತಂಡದಲ್ಲಿ ಟೆಸ್ಟ್ ಹಾಗೂ ಓಡಿಐ ಸ್ವರೂಪದಲ್ಲಿ ಮಾರ್ನಸ್ ಲಾಬುಶೇನ್ ಅದ್ಭುತ ಬ್ಯಾಟ್ಸ್ಮನ್. ಆದರೆ, ಅವರು ಬಿಗ್ ಬ್ಯಾಷ್ನಲ್ಲಿ ಅತ್ಯುತ್ತಮ ಫಾರ್ಮ್ ಅನ್ನು ಹೊಂದಿದ್ದಾರೆ. ಬ್ಯಾಟಿಂಗ್ ಜೊತೆಗೆ ಬೌಲಿಂಗ್ನಲ್ಲಿಯೂ ಅವರು ಸತತ ಎರಡು ಬಾರಿ ಮೂರು ವಿಕೆಟ್ ಸಾಧನೆ ಮಾಡಿದ್ದಾರೆ.
ಅದ್ಭುತ ಬ್ಯಾಟಿಂಗ್ ಕೌಶಲದ ಹೊರತಾಗಿಯೂ ಲಾಬುಶೇನ್ 2021ರ ಐಪಿಎಲ್ ಟೂರ್ನಿಯ ಹರಾಜಿನಲ್ಲಿ ಸೋಲ್ಡ್ ಔಟ್ ಆಗಿದ್ದರು.ಆದರೆ, ರಾಜಸ್ಥಾನ್ ರಾಯಲ್ಸ್ ತಂಡದಲ್ಲಿ ಲೆಗ್ ಸ್ಪಿನ್ ಹಾಗೂ ಟಾಪ್ ಆರ್ಡರ್ ಬ್ಯಾಟ್ಸ್ಮನ್ ಯಾರೂ ಇಲ್ಲದ ಕಾರಣ, ಮಾರ್ನಸ್ ಲಾಬುಶೇನ್ ಅವರಿಗೆ ಯುಎಇ ಚರಣಕ್ಕೆ ಗಾಳ ಹಾಕುವ ಸಾಧ್ಯತೆ ಇದೆ.
ಎನ್ಸಿಎ ಮುಖ್ಯಸ್ಥ ಹುದ್ದೆಗೆ ಮರಳಿ ಅರ್ಜಿ ಸಲ್ಲಿಸಿದ ರಾಹುಲ್ ದ್ರಾವಿಡ್!
ಅಲೆಕ್ಸ್ ಹೇಲ್ಸ್
ಇಂಗ್ಲೆಂಡ್ ತಂಡದಿಂದ ಹೊರಗುಳಿದ ಹೊರತಾಗಿಯೂ ಅಲೆಕ್ಸ್ ಹೇಲ್ಸ್, ಬಿಗ್ ಬ್ಯಾಷ್ ಲೀಗ್ ಹಾಗೂ ದಿ ಹಂಡ್ರೆಡ್ ಟೂರ್ನಿಯಲ್ಲಿ ಮಿಂಚಿನ ಬ್ಯಾಟಿಂಗ್ ಪ್ರದರ್ಶನ ತೋರಿದ್ದಾರೆ. ಬೆನ್ ಸ್ಟೋಕ್ಸ್ ಅಲಭ್ಯರಾದರೆ, ಜೋಸ್ ಬಟ್ಲರ್, ತಮ್ಮದೇ ದೇಶದ ಅಲೆಕ್ಸ್ ಹೇಲ್ಸ್ ಅವರನ್ನು ಕರೆ ತರಬಹುದು. ಬೆನ್ ಸ್ಟೋಕ್ಸ್ ರೀತಿಯೇ ಸ್ಥಿರವಾಗಿ ದೊಡ್ಡ-ದೊಡ್ಡ ಹೊಡೆತಗಳನ್ನು ಹೊಡೆಯುವ ಸಾಮರ್ಥ್ಯವನ್ನು ಹೇಲ್ಸ್ ಹೊಂದಿದ್ದಾರೆ. 2018ರಲ್ಲಿ ಸನ್ರೈಸರ್ಸ್ ಹೈದರಾಬಾದ್ ಪರ ಆರು ಪಂದ್ಯಗಳಾಡಿದ್ದ ಹೇಲ್ಸ್ 125 ಸ್ಟ್ರೈಕ್ರೇಟ್ನಲ್ಲಿ 148 ರನ್ ಸಿಡಿಸಿದ್ದರು. ಈ ಹಿನ್ನೆಲೆಯಲ್ಲಿ ಅಲೆಕ್ಸ್ ಹೇಲ್ಸ್ ಅವರನ್ನು ರಾಜಸ್ಥಾನ್ ರಾಯಲ್ಸ್, ಸ್ಟೋಕ್ಸ್ ಜಾಗದಲ್ಲಿ ಆಡಿಸುವ ಸಾಧ್ಯತೆ ಇದೆ.
ಲಾರ್ಡ್ಸ್ ಟೆಸ್ಟ್ ಗೆದ್ದ ಕೊಹ್ಲಿ ಬಗ್ಗೆ ತಮ್ಮದೇ ಅಭಿಪ್ರಾಯ ತಿಳಿಸಿದ ಪೀಟರ್ಸನ್!
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3k58THM
