ರಾಣೇಬೆನ್ನೂರ: ನಗರದ ಎಪಿಎಂಸಿ ಮಾರುಕಟ್ಟೆಯಲ್ಲಿ ಹೊರ ಜಿಲ್ಲೆಗಳಿಂದ ಫಾರಂ ಬೆಳ್ಳುಳ್ಳಿ ಮಾಲನ್ನು ಖರೀದಿದಾರರು ತಂದು ಮಾರಾಟ ಮಾಡುತ್ತಿರುವುದರಿಂದ ರೈತರಿಗೆ ಅನ್ಯಾಯವಾಗುತ್ತಿದ್ದು ಅದನ್ನು ತಡೆಗಟ್ಟಬೇಕು ಎಂದು ಆಗ್ರಹಿಸಿ ರಾಜ್ಯ ರೈತ ಸಂಘದ ಕಾರ್ಯಕರ್ತರು ಕಾರ್ಯದರ್ಶಿಗಳಿಗೆ ಮನವಿ ಸಲ್ಲಿಸಿದರು. ಎಪಿಎಂಸಿ ಮಾರುಕಟ್ಟೆಯಲ್ಲಿ ಖರೀದಿದಾರರು ಬೇರೆ ಜಿಲ್ಲೆಗಳಿಂದ ಫಾರಂ ಬೆಳ್ಳುಳ್ಳಿ ತಂದು ತಮ್ಮ ಮಾರುಕಟ್ಟೆಯಲ್ಲಿ ಸಂಗ್ರಹಿಸಿ ಸ್ಥಳೀಯ ರೈತರಿಗೆ ಜಾಗ ಇಲ್ಲದೇ ಹಾಗೆ ಮಾರಾಟ ಮಾಡುತ್ತಿದ್ದಾರೆ. ಇದರಿಂದ ನಮ್ಮ ರೈತರಿಗೆ ಸಂಗ್ರಹಣೆ ಮಾಡಲು ಜಾಗವಿಲ್ಲದಾಗಿದೆ. ಮಳೆಗಾಲದಲ್ಲಿ ಬೆಳ್ಳುಳ್ಳಿ ಹಾಗೂ ಈರುಳ್ಳಿ ಮಳೆಗೆ ಹಾಳಾಗದಂತೆ ಹಲಗೇರಿ ಗ್ರಾಮದಲ್ಲಿರುವ ಬೆಳ್ಳುಳ್ಳಿ ಮಾರುಕಟ್ಟೆಯಲ್ಲಿ ತಗಡಿನ ಚಾವಣಿ ಹಾಕಬೇಕು. ಆದರೆ ಇತ್ತೀಚೆಗೆ ಕೆಲವರು ಹೊರ ಜಿಲ್ಲೆಗಳಿಂದ ಬೆಳ್ಳುಳ್ಳಿ ತಂದು ಇಲ್ಲಿಯ ಮಾರುಕಟ್ಟೆಯ ವ್ಯವಸ್ಥೆ ಹಾಳು ಮಾಡುತ್ತಿದ್ದಾರೆ. ಈ ಬಗ್ಗೆ ಅಧಿಕಾರಿಗಳು ಎಚ್ಚೆತ್ತುಕೊಂಡು ಅಲ್ಲಿ ನಡೆಯುತ್ತಿರುವ ತಡೆಗಟ್ಟಬೇಕು. ನಗರದ ಮಾರುಕಟ್ಟೆಯಲ್ಲಿ ರೈತರು ತರಕಾರಿ ಮಾರಾಟ ಮಾಡಲು ಸೂಕ್ತವಾದ ಸ್ಥಳವನ್ನು ಒದಗಿಸಬೇಕು. ಇಲ್ಲವಾದರೆ ಮುಂದಿನ ದಿನಗಳಲ್ಲಿ ಉಗ್ರವಾದ ಹೋರಾಟ ನಡೆಸಲಾಗುವುದು ಎಂದು ಎಚ್ಚರಿಸಿದರು. ಸೋಮರೆಡ್ಡಿ ಹಾದಿಮನಿ, ಪ್ರೇಮಾ ಅಂಗಡಿ, ರಾಮಣ್ಣ ನಾಯಕ, ರಾಜೇಶ ಅಂಗಡಿ ಮತ್ತಿತರರಿದ್ದರು.
from India & World News in Kannada | VK Polls https://ift.tt/3n5TnLg
