ಹೊಸದಿಲ್ಲಿ: ಆತಿಥೇಯ ಇಂಗ್ಲೆಂಡ್ ತಂಡ ಸೆಪ್ಟೆಂಬರ್‌ನಲ್ಲಿ ಪ್ರವಾಸಿ ವಿರುದ್ಧ ತಲಾ ಮೂರು ಪಂದ್ಯಗಳ ಮತ್ತು ಏಕದಿನ ಕ್ರಿಕೆಟ್ ಸರಣಿಗಳನ್ನು ಆಡಲಿದ್ದು, ಈ ಸಲುವಾಗಿ ಸೋಮವಾರ ತನ್ನ ಬಲಿಷ್ಠ ತಂಡಗಳನ್ನು ಪ್ರಕಟ ಮಾಡಿದೆ. ಆದರೆ, ಟೆಸ್ಟ್ ತಂಡದ ನಾಯಕ ಅವರಿಗೆ ಟಿ20 ತಂಡದಲ್ಲಿ ಸ್ಥಾನ ನೀಡದೇ ಇರುವುದು ಅಚ್ಚರಿಗೆ ಕಾರಣವಾಗಿದೆ. ತಂದೆಗೆ ಬ್ರೇನ್‌ ಕ್ಯಾನ್ಸರ್ ಆಗಿರುವ ಕಾರಣ ಪಾಕಿಸ್ತಾನ ವಿರುದ್ಧದ ಟೆಸ್ಟ್ ಸರಣಿಯ ಮಧ್ಯದಲ್ಲೇ ತಂಡದಿಂದ ಹೊರ ನಡೆದ ಸ್ಟಾರ್ ಆಲ್ರೌಂಡರ್ ಬೆನ್ ಸ್ಟೋಕ್ಸ್ ಅವರನ್ನೂ ಕೂಡ ಆಸ್ಟ್ರೇಲಿಯಾ ವಿರುದ್ಧದ ಎರಡೂ ಸರಣಿಗಳಿಂದ ಹೊರಗಿಡಲಾಗಿದೆ. ಜೊತೆಗೆ ಗಾಯದ ಸಮಸ್ಯೆ ಎದುರಿಸಿರುವ ಕಾರಣ ಸ್ಟಾರ್ ಓಪನರ್‌ ಜೇಸನ್‌ ರಾಯ್ ಅವರನ್ನೂ ಆಯ್ಕೆ ಮಾಡಲಾಗಿಲ್ಲ. "ಆಸ್ಟ್ರೇಲಿಯಾ ವಿರುದ್ಧದ ಈ ಎರಡೂ ಸರಣಿಗಳು ಬಹಳ ಕಾತುರ ಕೆರಳಿಸಿವೆ. ಈ ಸಲುವಾಗಿ ಬಲಿಷ್ಠ ತಂಡಗಳನ್ನು ಆಯ್ಕೆ ಮಾಡಿದ್ದೇವೆ. ಮುಂಬರುವ ಟಿ20 ಕ್ರಿಕೆಟ್ ವಿಶ್ವಕಪ್ ಟೂರ್ನಿಗಳನ್ನು ಗಮನದಲ್ಲಿ ಇರಿಸಿ ತಂಡಗಳನ್ನು ರಚಿಸಲಾಗಿದೆ," ಎಂದು ಮತ್ತು ವೇಲ್ಸ್ ಕ್ರಿಕೆಟ್ ಮಂಡಳಿಯ ಚೀಫ್‌ ಸೆಲೆಕ್ಟರ್‌ ಎಡ್‌ ಸ್ಮಿತ್‌ ಹೇಳಿದ್ದಾರೆ. ಮೂರು ಪಂದ್ಯಗಳ ಟಿ20 ಕ್ರಿಕೆಟ್ ಸರಣಿಯನ್ನು ಸೌತಾಂಪ್ಟನ್‌ನ ಏಜೆಸ್‌ ಬೌಲ್‌ ಕ್ರೀಡಾಂಗಣದಲ್ಲಿ ಬಯೋ ಸೆಕ್ಯೂರ್ ವಾತಾವರಣದ ಅಡಿಯಲ್ಲಿ ಆಯೋಜಿಸಲಾಗುತ್ತಿದ್ದು, ಮೊದಲ ಪಂದ್ಯ ಶುಕ್ರವಾರ ನಡೆಯಲಿದೆ. ಬಳಿಕ ಅಷ್ಟೇ ಪಂದ್ಯಗಳ ಏಕದಿನ ಕ್ರಿಕೆಟ್ ಸರಣಿಯು ಸೆಪ್ಟೆಂಬರ್ 11-16ರವರೆಗೆ ಮ್ಯಾಂಚೆಸ್ಟರ್‌ನ ಓಲ್ಡ್ ಟ್ರಾಫರ್ಡ್ ಕ್ರೀಡಾಂಗಣದಲ್ಲಿ ನಡೆಯಲಿದೆ. ಕೊರೊನಾ ವೈರಸ್‌ ಭೀತಿ ನಡುವೆಯೂ ಅಂತಾರಾಷ್ಟ್ರೀಯ ಕ್ರಿಕೆಟ್ ಮರಳಿ ಆರಂಭವಾಗಿದ್ದು ಇಂಗ್ಲೆಂಡ್‌ನಲ್ಲಿ. ಜುಲೈನಲ್ಲಿ ವೆಸ್ಟ್ ಇಂಡೀಸ್‌ ವಿರುದ್ಧ ಸರಣಿಯಾಡಿದ್ದ ಇಂಗ್ಲೆಂಡ್ ಈಗ ಪಾಕಿಸ್ತಾನ ವಿರುದ್ಧ ಟಿ20 ಸರಣಿಯನ್ನಾಡುತ್ತಿದೆ. ಇದಾದ ಬಳಿಕ ಆಸ್ಟ್ರೇಲಿಯಾ ಸವಾಲು ಎದುರಿಸಲಿದೆ. ಇಂಗ್ಲೆಂಡ್ ಟಿ20 ತಂಡ ಹೀಗಿದೆ 1. ಐಯಾನ್‌ ಮಾರ್ಗನ್ (ಕ್ಯಾಪ್ಟನ್). 2. ಮೊಯೀನ್‌ ಅಲಿ (ಆಲ್ರೌಂಡರ್) 3. ಜೋಫ್ರ ಆರ್ಚರ್ (ಬಲಗೈ ವೇಗಿ) 4. ಜಾನಿ ಬೈರ್‌ಸ್ಟೋವ್ (ವಿಕೆಟ್‌ಕೀಪರ್‌ ಬ್ಯಾಟ್ಸ್ಮನ್) 5. ಟಾಮ್‌ ಬ್ಯಾನ್ಟನ್ (ಬ್ಯಾಟ್ಸ್ಮನ್) 6. ಸ್ಯಾಮ್ ಬಿಲ್ಲಿಂಗ್ಸ್‌ (ಬ್ಯಾಟ್ಸ್ಮನ್) 7. ಜೋಸ್ ಬಟ್ಲರ್ (ವಿಕೆಟ್‌ಕೀಪರ್‌/ಬ್ಯಾಟ್ಸ್ಮನ್) 8. ಟಾಮ್‌ ಕರ್ರನ್ (ಆಲ್ರೌಂಡರ್) 9. ಜೋ ಡೆನ್ಲೀ (ಬ್ಯಾಟ್ಸ್ಮನ್) 10. ಕ್ರಿಸ್ ಜಾರ್ಡನ್‌ (ಆಲ್ರೌಂಡರ್) 11. ಡಾವಿಡ್‌ ಮಲಾನ್ (ಬ್ಯಾಟ್ಸ್ಮನ್) 12. ಆದಿಲ್‌ ರಶೀದ್ (ಲೆಗ್‌ ಸ್ಪಿನ್ನರ್) 13. ಮಾರ್ಕ್‌ ವುಡ್‌ (ಬಲಗೈ ವೇಗಿ) ಹೆಚ್ಚುವರಿ ಆಟಗಾರರು: ಲಿಯಾಮ್‌ ಲಿವಿಂಗ್‌ಸ್ಟೋನ್ ಮತ್ತು ಸಕಿಬ್ ಮಹ್ಮೂದ್ ಇಂಗ್ಲೆಂಡ್ ಏಕದಿನ ಕ್ರಿಕೆಟ್ ತಂಡ1. ಐಯಾನ್‌ ಮಾರ್ಗನ್ (ನಾಯಕ) 2. ಮೊಯೀನ್‌ ಅಲಿ (ಆಲ್ರೌಂಡರ್) 3. ಜೋಫ್ರಾ ಆರ್ಚರ್ (ಬಲಗೈ ವೇಗಿ) 4. ಜಾನಿ ಬೈರ್‌ಸ್ಟೋವ್ (ವಿಕೆಟ್‌ಕೀಪರ್‌/ಬ್ಯಾಟ್ಸ್ಮನ್) 5. ಟಾಮ್‌ ಬ್ಯಾನ್ಟನ್ (ಬ್ಯಾಟ್ಸ್ಮನ್) 6. ಸ್ಯಾಮ್ ಬಿಲ್ಲಿಂಗ್ಸ್‌ (ಬ್ಯಾಟ್ಸ್ಮನ್) 7. ಜೋಸ್ ಬಟ್ಲರ್ (ವಿಕೆಟ್‌ಕೀಪರ್‌ ಬ್ಯಾಟ್ಸ್ಮನ್) 8. ಟಾಮ್‌ ಕರ್ರನ್ (ಆಲ್ರೌಂಡರ್) 9. ಆದಿಲ್‌ ರಶೀದ್ (ಲೆಗ್‌ ಸ್ಪಿನ್ನರ್) 10. ಜೋ ರೂಟ್ (ಬ್ಯಾಟ್ಸ್ಮನ್) 11. ಕ್ರಿಸ್ ವೋಕ್ಸ್‌ (ಬಲಗೈ ವೇಗಿ) 12. ಮಾರ್ಕ್‌ ವುಡ್‌ (ಬಲಗೈ ವೇಗಿ) ಹೆಚ್ಚುವರಿ ಆಟಗಾರರು: ಜೋ ಡೆನ್ಲಿ ಮತ್ತು ಸಕಿಬ್ ಮಹ್ಮೂದ್.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3bdAuBN
ಹೊಸದಿಲ್ಲಿ: ಕಳೆದ ಎರಡು ದಿನಗಳಲ್ಲಿ ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಯಿಂದ ಸುರೇಶ್ ರೈನಾ ಹೊರನಡೆದಿದ್ದೇಕೆ ಎಂಬ ಬಿಸಿಬಿಸಿ ಚರ್ಚೆ ನಡೆಯುತ್ತಿದೆ. ಆದರೆ, ಎಲ್ಲಾ ಊಹಾ ಪೋಹಗಳಿಗೆ ಉತ್ತರವನ್ನು ಸುರೇಶ್ ರೈನಾ ಅವರೇ ಬಹಿರಂಗ ಪಡಿಸಬೇಕಿದ್ದು, ಸದ್ಯಕ್ಕಂತೂ ಮೌನಕ್ಕೆ ಶರಣಾಗಿದ್ದಾರೆ.ಈ ನಡುವೆ ಚೆನ್ನೈ ಸೂಪರ್ ಕಿಂಗ್ಸ್ ಫ್ರಾಂಚೈಸ್ ತಂಡದ ಒಡೆತನ ಹೊಂದಿರುವ ಇಂಡಿಯಾ ಸಿಮೆಂಟ್ಸ್‌ನ ಮುಖ್ಯಸ್ಥ ಎನ್ ಶ್ರೀನಿವಾಸನ್ ಮಾತನಾಡಿದ್ದು, ಐಪಿಎಲ್ 2020 ಟೂರ್ನಿಯಿಂದ ಸುರೇಶ್ ರೈನಾ ಹಿಂದೆ ಸರಿಯುವ ನಿರ್ಧಾರ ಮಾಡಿರುವುದಕ್ಕೆ ಬಹಳ ಪಶ್ಚಾತಾಪ ಪಡಲಿದ್ದಾರೆ ಎಂದು ಹೇಳಿದ್ದಾರೆ.ಈ ಮಧ್ಯೆ 'ದೈನಿಕ್‌ ಜಾಗರಣ್' ಪತ್ರಿಕೆಯು ವರದಿಯೊಂದನ್ನು ಮಾಡಿದ್ದು, ಐಪಿಎಲ್ 2020 ಟೂರ್ನಿಯಿಂದ ಹೊರಬರಲು ಇದ್ದ ನೈಜ ಕಾರಣ ಏನೆಂಬುದನ್ನು ಖುದ್ದಾಗಿ ಸುರೇಶ್ ರೈನಾ ಹೇಳಿಕೊಂಡಿದ್ದಾರೆ ಎಂದಿದೆ. ಕೋವಿಡ್-19 ಸೋಂಕಿನ ಕಾರಣ ಸೃಷ್ಟಿಯಾಗಿದ್ದ ಗೊಂದಲದ ವಾತಾವರಣವೇ ಟೂರ್ನಿಯಿಂದ ಹೊರಬರಲು ಮುಖ್ಯ ಕಾರಣ ಎಂದು ರೈನಾ ಹೇಳಿರುವುದಾಗಿ ದೈನಿಕ್‌ ಜಾಗರಣ್ ವರದಿ ಮಾಡಿದೆ.ಐಪಿಎಲ್ 2020ಗೆ ಹೊಸ ಜರ್ಸಿ ಅನಾವರಣ ಪಡಿಸಿದ ಮುಂಬೈ ಇಂಡಿಯನ್ಸ್‌!ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಜೊತೆಗೆ ಕಳೆದ ವಾರ ದುಬೈಗೆ ತೆರಳಿದ್ದ ಸುರೇಶ್ ರೈನಾ, ತಮಗೆ ಮತ್ತು ತಮ್ಮ ಕುಟುಂಬವರ ಸುರಕ್ಷತೆಗೆ ಸುಸಜ್ಜಿತ ಕೊಠಡಿ ವ್ಯವಸ್ಥೆ ಕಲ್ಪಿಸುವಂತೆ ಕೇಳಿದ್ದರು. ಇದಕ್ಕೆ ಹೋಟೆಲ್‌ನಲ್ಲಿ ಅವಕಾಶ ಲಭ್ಯವಾಗದೇ ಹೋದ ಕಾರಣ ಟೀಮ್ ಮ್ಯಾನೇಜ್ಮೆಂಟ್ ವಿರುದ್ಧ ಅಸಮಾಧಾನಗೊಂಡು ಐಪಿಎಲ್ ಟೂರ್ನಿಯಿಂದಲೇ ಹೊರ ನಡೆಯುವ ನಿರ್ಧಾರ ಮಾಡಿದ್ದಾರೆ ಎನ್ನಲಾಗಿದೆ. "ನನಗೆ ನನ್ನ ಕುಟುಂಬ ಮತ್ತು ಮಕ್ಕಳೇ ಮುಖ್ಯ. ಅವರಿಗಾಗಿ ಏನನ್ನು ಬೇಕಾದರೂ ಬಿಡಲು ನಾನು ಸಿದ್ಧನಿದ್ದೇನೆ. ಐಪಿಎಲ್ ಮಾತ್ರವೇ ಅಲ್ಲ," ಎಂದು ರೈನಾ ಹೇಳಿರುವುದಾಗಿ ದೈನಿಕ್‌ ಜಾಗರಣ್ ವರದಿಯಾಗಿದೆ.
ಹೊಸದಿಲ್ಲಿ: ವಿಶ್ವದ ಶ್ರೀಮಂತ ಫ್ರಾಂಚೈಸಿ ಲೀಗ್ ಆದ ಇಂಡಿಯನ್ ಪ್ರೀಮಿಯರ್ ಲೀಗ್(ಐಪಿಎಲ್) ವರ್ಷದಿಂದ ವರ್ಷಕ್ಕೆ ತನ್ನ ಪ್ರಾಮುಖ್ಯತೆ ಹಾಗೂ ಖ್ಯಾತಿಯನ್ನು ಹೆಚ್ಚಿಸಿಕೊಳ್ಳುತ್ತದೆ. ಅಲ್ಲದೆ, ಹಲವು ಮೈಲುಗಲ್ಲು ಹಾಗೂ ದಾಖಲೆಗಳು ಪ್ರತಿ ಆವೃತ್ತಿಯಲ್ಲಿ ದಾಖಲಾಗುತ್ತಿವೆ. 2008ರಲ್ಲಿ ಆರಂಭವಾಗಿದ್ದ ಐಪಿಎಲ್ ಟೂರ್ನಿ ಇಲ್ಲಿಯವರೆಗೂ ಹಲವು ವಿಶಿಷ್ಠ ದಾಖಲೆಗಳು ಸೃಷ್ಟಿಯಾಗಿವೆ ಮತ್ತು ಇನ್ನೂ ಕೆಲವು ದಾಖಲೆಗಳನ್ನು ಇದುವರೆಗೂ ಯಾರಿಂದಲೂ ಮುಟ್ಟಲಾಗಿಲ್ಲ. ಐಪಿಎಲ್‌ನಲ್ಲಿ ದಾಖಲಾಗಿರುವ ಕೆಲ ವಿಶಿಷ್ಠ ದಾಖಲೆಗಳನ್ನು ಇದುವರೆಗೂ ಯಾರಿಂದಲೂ ಮುರಿಯಲು ಸಾಧ್ಯವಾಗಿಲ್ಲ ಹಾಗೂ ಯಾವ ಆಟಗಾರನಿಂದಲೂ ತಲುಪಲು ಸಾಧ್ಯವಾಗಿಲ್ಲ. ಇವುಗಳು ಐಪಿಎಲ್‌ನ ಸಾರ್ವಕಾಲಿಕ ಮೈಲುಗಲ್ಲು ಅಥವಾ ದಾಖಲೆಗಳಾಗಿ ಉಳಿದಿವೆ. ವಿಶ್ವದ ಕೆಲ ಸ್ಟಾರ್ ಆಟಗಾರರು ಇವುಗಳನ್ನು ಮುರಿಯಬಹುದು ಆದರೆ ಕಷ್ಟ ಸಾಧ್ಯ. ಹಲವಾರು ಪ್ರಯತ್ನಗಳ ಹೊರತಾಗಿಯೂ, ಅನೇಕ ಆಟಗಾರರು ಈ ದಾಖಲೆಗಳನ್ನು ಮುರಿಯುವಲ್ಲಿ ವಿಫಲರಾಗಬಹುದು.13ನೇ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್ ಲೀಗ್ ಸೆ.19 ರಿಂದ ಯುಎಇಯಲ್ಲಿ ಆರಂಭವಾಗುತ್ತಿದ್ದು, ಎಲ್ಲಾ ಫ್ರಾಂಚೈಸಿಗಳು ದುಬೈನಲ್ಲಿ ಕಠಿಣ ತಾಲೀಮು ನಡೆಸುತ್ತಿವೆ. ಕಳೆದ ಮಾ.29 ರಿಂದಲೇ ಟೂರ್ನಿ ಆರಂಭವಾಗಬೇಕಿತ್ತು ಆದರೆ, ಕೊರೊನಾ ವೈರಸ್‌ ವ್ಯಾಪಕವಾಗಿ ಹರಡುತ್ತಿದ್ದರಿಂದ ಫ್ರಾಂಚೈಸಿ ಲೀಗ್ ಅನ್ನು ಎರಡು ಬಾರಿ ಮುಂದೂಡಲಾಗಿತ್ತು. ಭಾರತದಲ್ಲಿ ಮಾರಣಾಂತಿಕ ಸೋಂಕಿನ ಪ್ರಕರಣಗಳ ಸಂಖ್ಯೆ ಏರಿಕೆಯಾಗುತ್ತಿರುವುದರಿಂದ ಟೂರ್ನಿಯನ್ನು ಯುಎಇಗೆ ಸ್ಥಳಾಂತರ ಮಾಡಲಾಗಿದೆ.
ಹೊಸದಿಲ್ಲಿ: ಬಹು ನಿರೀಕ್ಷಿತ 13ನೇ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಗೆ ಸಾಕಷ್ಟು ಅಡೆ ತಡೆಗಳು ಎದುರಾಗುತ್ತಿವೆ. ಟೂರ್ನಿ ಆರಂಭಕ್ಕೆ 20 ದಿನಗಳಿಗೂ ಮುನ್ನ ಚೆನ್ನೈ ಸೂಪರ್ ಕಿಂಗ್ಸ್ ತಂಡಕ್ಕೆ ಭಾರಿ ಹಿನ್ನಡೆಯಾಗಿದೆ. ಶನಿವಾರ ತಂಡದ 12 ಮಂದಿಗೆ ಕೋವಿಡ್-19 ಪಾಸಿಟಿವ್ ಬಂದಿದ್ದು, ಮತ್ತೆ ಆಟಗಾರರು ಕ್ವಾರಂಟೈನ್‌ಗೆ ತೆರಳಿದ್ದಾರೆ. ಇದಕ್ಕಿಂದ ಮುಖ್ಯವಾಗಿ ಚೆನ್ನೈ ಫ್ರಾಂಚೈಸಿ ನಾಯಕ ಎಂಎಸ್ ಧೋನಿಗೆ 2008ರಿಂದ ಬೆನ್ನೆಲುಬಾಗಿದ್ದ ನಿಂತಿದ್ದ ಎಡಗೈ ಹಿರಿಯ ಬ್ಯಾಟ್ಸ್ಮನ್ ಸುರೇಶ್ ರೈನಾ ಅವರು ವೈಯಕ್ತಿಕ ಕಾರಣಗಳಿಂದ 13ನೇ ಆವೃತ್ತಿಯ ಟೂರ್ನಿಯಿಂದ ಹಿಂದೆ ಸರಿದಿದ್ದಾರೆ. ಅವರು ಈಗಾಗಲೇ ಭಾರತಕ್ಕೆ ಮರಳಿದ್ದಾರೆ. ಇದರಿಂದ ಸಿಎಸ್‌ಕೆ ಪಾಳಯದಲ್ಲಿ ಟೂರ್ನಿ ಆರಂಭಕ್ಕೂ ಮುನ್ನವೇ ಹಿನ್ನಡೆಯಾಗಿದೆ. ಈ ಕುರಿತು ಸಿಎಸ್‌ಕೆ ಸಿಇಓ ಕೆ.ಎಸ್‌ ವಿಶ್ವನಾಥನ್‌ ಸೋಶಿಯಲ್‌ ಮೀಡಿಯಾದಲ್ಲಿ ತಿಳಿಸಿದ್ದಾರೆ.ಇದೀಗ ಸುರೇಶ್ ರೈನಾ ಸ್ಥಾನಕ್ಕೆ ಯಾರನ್ನು ಆಡಿಸಲಾಗುತ್ತದೆ ಎಂಬುದು ತೀವ್ರ ಕುತೂಹಲ ಕೆರಳಿಸಿದೆ. ಕಳೆದ 11 ಆವೃತ್ತಿಯಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಪ್ಲೇಆಫ್‌ ತಲುಪುವಲ್ಲಿ ಸುರೇಶ್ ರೈನಾ ಮಹತ್ವದ ಪಾತ್ರವಹಿಸಿದ್ದರು. ಹಾಗಾಗಿ, ರೈನಾ ಸ್ಥಾನಕ್ಕೆ ಚೆನ್ನೈ ಫ್ರಾಂಚೈಸಿಯು ಮೂರು ಆಟಗಾರರನ್ನು ಆಡಿಸುವ ಸಾಧ್ಯತೆ ಇದೆ.
