ವಾಷಿಂಗ್ಟನ್: ನಂಬಿಕಸ್ಥ ಪಾಲುದಾರ ರಾಷ್ಟ್ರ. ಆಕ್ರಮಣದ ವೇಳೆ ಅದರ ನೆರವಿಗೆ ಧಾವಿಸಬೇಕೆಂಬ ಮಹತ್ವದ ನಿರ್ಣಯವನ್ನು ಸಂಸತ್ತು ಅಂಗೀಕರಿಸಿದೆ. ''ಗೆ ತಿದ್ದುಪಡಿ ತರುವ ನಿರ್ಣಯವನ್ನು ಭಾರತೀಯ ಮೂಲದ ಸಂಸದ ಅಮಿ ಬೆರಾ ಹಾಗೂ ಸ್ಟೀವ್ ಚಬೋಟ್ ಮಂಡಿಸಿದ್ದು ಅದು ಸರ್ವಾನುಮತದಿಂದ ಅಂಗೀಕಾರಗೊಂಡಿದೆ. ಇತ್ತೀಚೆಗೆ ಪೂರ್ವ ಲಡಾಖ್ನಲ್ಲಿ ಭಾರತ ಜತೆ ಗಡಿ ತಂಟೆ ತೆಗೆದಿದ್ದ ಡ್ರ್ಯಾಗನ್ಗೆ ಈ ಮೂಲಕ ಅಮೆರಿಕ ಎಚ್ಚರಿಕೆಯ ಸಂದೇಶ ರವಾನಿಸಿದೆ. ಕಮ್ಯೂನಿಸ್ಟ್ ಚೀನಾ ಕೊರೊನಾ ಬಿಕ್ಕಟ್ಟು ಬಳಸಿಕೊಂಡು ನೆರೆ ರಾಷ್ಟ್ರಗಳ ಮೇಲೆ ಆಕ್ರಮಣ ಮಾಡುತ್ತಿದೆ. ಗಲ್ವಾನ್ ಕಣಿವೆ ಬಳಿ ವಾಸ್ತವ ನಿಯಂತ್ರಣ ರೇಖೆಯಲ್ಲಿ ಸೇನೆ ನಿಯೋಜಿಸಿ ಭಾರತದ ಮೇಲೆ ಬಲ ಪ್ರದರ್ಶಿಸುವ ಪ್ರಯತ್ನ ಮಾಡುತ್ತಿದೆ. ಭಾರತವೂ ಇದಕ್ಕೆ ಅಷ್ಟೇ ತೀಕ್ಷಣವಾಗಿ ಪ್ರತ್ಯುತ್ತರ ಕೊಟ್ಟಿದೆ. ಇಂತಹ ಕಠಿಣ ಸನ್ನಿವೇಶದಲ್ಲಿ ಭಾರತದ ಪರ ಅಮೆರಿಕ ನಿಲ್ಲಬೇಕು ಎಂಬುದು ನಿರ್ಣಯದ ಸಾರವಾಗಿದೆ. ಅಲ್ಲದೇ ದಕ್ಷಿಣ ಚೀನಾ ಸಮುದ್ರದ 10.3 ಲಕ್ಷ ಚದರ ಅಡಿ ಪ್ರದೇಶದ ಅಷ್ಟೂ ಸಂಪತ್ತು ತನಗೇ ಸೇರಿದ್ದು ಎಂದು ಹೇಳಿ ವಿಯೆಟ್ನಾಂ, ಬ್ರೂನಿ, ಮಲೇಷ್ಯಾ, ತೈವಾನ್, ಪಿಲಿಪ್ಪೀನ್ಸ್ ಮೇಲೆ ಅಟ್ಟಹಾಸ ಮೆರೆಯುತ್ತಿರುವ ಅದರ ಆಕ್ರಮಣಶೀಲತೆಯನ್ನು ಬಗ್ಗು ಬಡಿಯುವುದೂ ಇದರ ಉದ್ದೇಶವಾಗಿದೆ. ಏಷ್ಯಾದಲ್ಲಿ ಚೀನಾಗೆ ಸಡ್ಡು ಹೊಡೆಯುವ ತಾಕತ್ತಿರುವ ಭಾರತಕ್ಕೆ ರಾಜತಾಂತ್ರಿಕ ಬಲ ನೀಡುವುದು, ಸಂಕಷ್ಟದ ಸಮಯದಲ್ಲಿ ಯುದ್ಧೋಪಕರಣಗಳನ್ನು ರವಾನಿಸುವುದು ಸೇರಿ ಪ್ರಮುಖ ಅಂಶಗಳು ನಿರ್ಣಯದಲ್ಲಿಸೇರಿವೆ.
from India & World News in Kannada | VK Polls https://ift.tt/3eKStzn
