ಕಟಪಾಡಿ: ತಾಯಿಯೊಂದಿಗೆ ಅಬುದಾಬಿಯಿಂದ ಬಂದಿದ್ದ ಕಳತ್ತೂರು ಗ್ರಾಮದ ಚಂದ್ರನಗರದ ಒಂದು ವರ್ಷದ ಮಗುವಿನಲ್ಲಿ ಪಾಸಿಟಿವ್‌ ಪತ್ತೆಯಾಗಿದೆ. ಮೂರು ದಿನಗಳ ಹಿಂದೆ ಈ ಮಗುವಿನ ತಾಯಿ ಇಬ್ಬರು ಪುಟ್ಟ ಮಕ್ಕಳೊಂದಿಗೆ ಊರಿಗೆ ಆಗಮಿಸಿದ್ದರು. ಇದರಲ್ಲಿ ಒಂದು ವರ್ಷದ ಮಗು ಇದ್ದ ಕಾರಣ ಇವರನ್ನು ಸಾಂಸ್ಥಿಕ ಕೋರೆಂಟೈನ್‌ಗೆ ಒಳಪಡಿಸದೆ ಹೋಮ್‌ ಕಾರೆಂಟೈನ್‌ನಲ್ಲಿ ಇಡಲಾಗಿತ್ತು. ಆ ಸಂದರ್ಭ ಮೂವರ ಗಂಟಲ ಸ್ರಾವವನ್ನು ಸಂಗ್ರಹಿಸಿ ಪರೀಕ್ಷೆಗೆ ರವಾನಿಸಲಾಗಿದ್ದು ಸೋಮವಾರ ಬಂದ ಪಲಿತಾಂಶದಲ್ಲಿತಾಯಿ ಮತ್ತು ದೊಡ್ಡ ಮಗುವಿಗೆ ನೆಗೆಟೀವ್‌ ಬಂದಿದ್ದು ಸಣ್ಣ ಮಗುವಿಗೆ ಮಾತ್ರಾ ಪಾಸಿಟಿವ್‌ ಬಂದಿತ್ತು. ಪುಣಾಣಿ ಮಗುವೊಂದನ್ನೇ ಆಸ್ಪತ್ರೆಯಲ್ಲಿ ಬಿಡುವುದು ಕಷ್ಟವಾದ ಕಾರಣ ಮಗುವಿನ ತಾಯಿಯನ್ನೂ ಆಸ್ಪತ್ರೆಯಲ್ಲಿ ಮಗುವಿನ ಜತೆಗಿರಿಸಬೇಕಾದ ಅನಿವಾರ್ಯತೆ ಎದುರಾಗಿದ್ದು ಇದರಿಂದ ತಾಯಿಗೂ ಸೋಂಕು ಹರಡದಂತೆ ಎಚ್ಚರವಹಿಸುವ ಅನಿವಾರ್ಯತೆ ಎದುರಾಗಿದೆ. ಎಸ್‌ಎಸ್‌ಎಲ್‌ಸಿ ವಿದ್ಯಾರ್ಥಿನಿಗೆ ಕೋವಿಡ್‌-19 ಕುಂದಾಪುರ: ತಾಲೂಕಿನ ಎಸ್‌ಎಸ್‌ಎಲ್‌ಸಿ ವಿದ್ಯಾರ್ಥಿನಿಯಲ್ಲಿ ಕೋವಿಡ್‌-19 ಪಾಸಿಟಿವ್‌ ಕಂಡುಬಂದಿದೆ. ಇಲ್ಲಿನ ಪರೀಕ್ಷಾ ಕೇಂದ್ರದಲ್ಲಿಪರೀಕ್ಷೆ ಬರೆಯುತ್ತಿದ್ದ ವಿದ್ಯಾರ್ಥಿನಿಗೆ ಜ್ವರ ಬಾಧೆ ಸೋಮವಾರ ಕಾಣಿಸಿದ್ದು ತಪಾಸಣೆಗೊಳಪಡಿಸಿದಾಗ ಪಾಸಿಟಿವ್‌ ವರದಿ ಬಂದಿದೆ. ಈಗಾಗಲೇ ಈ ವಿದ್ಯಾರ್ಥಿನಿ ಎರಡು ಪರೀಕ್ಷೆ ಬರೆದಿದ್ದಾರೆ. ಸೋಮವಾರ ವಿಜ್ಞಾನ ಪರೀಕ್ಷೆಗೂ ಹಾಜರಾಗಿದ್ದರು. ಪರೀಕ್ಷಾ ಕೊಠಡಿ ಹಾಜರಾಗುವ ಸಂದರ್ಭ ಥರ್ಮಲ್‌ ಸ್ಕ್ರೀನಿಂಗ್‌ ಮಾಡಲಾಗಿದ್ದು ಯಾವುದೇ ಲಕ್ಷಣ ಕಂಡುಬಂದಿರಲಿಲ್ಲ. ಅನಾರೋಗ್ಯ ಕಾಡುತ್ತಿರುವ ಬಗ್ಗೆ ವಿದ್ಯಾರ್ಥಿನಿ ಹೇಳಿಕೊಂಡಾಗ ಆಕೆಗೆ ಪ್ರತ್ಯೇಕ ಕೊಠಡಿಯಲ್ಲಿ ಪರೀಕ್ಷೆ ಬರೆಯಲು ಅವಕಾಶ ಮಾಡಿಕೊಡಲಾಗಿತ್ತು. ಪರೀಕ್ಷೆ ಬರೆದ ಬಳಿಕ ಅನಾರೋಗ್ಯ ಉಲ್ಬಣಗೊಂಡು ಕುಸಿದು ಬಿದ್ದ ಈಕೆಯನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದು ಕೋವಿಡ್‌-19 ಪರೀಕ್ಷೆಗೆ ಒಳಪಡಿಸಿದಾಗ ಪಾಸಿಟಿವ್‌ ಧೃಡಪಟ್ಟಿದೆ. ಸಂಬಂಧಿತ ವಿದ್ಯಾರ್ಥಿನಿಯ ಮನೆಯ ಓರ್ವ ಸದಸ್ಯರು ಮುಂಬೈನಿಂದ ಕ್ವಾರಂಟೈನ್‌ ಮುಗಿಸಿ ಮನೆಗೆ ಬಂದಿದ್ದರು ಎನ್ನಲಾಗಿದೆ. ವಿದ್ಯಾರ್ಥಿನಿ ಪರೀಕ್ಷೆ ಬರೆದ ಕೊಠಡಿ ಈಗ ಸಂಪೂರ್ಣ ಸೀಲ್‌ಡೌನ್‌ ಮಾಡಲಾಗಿದೆ.
from India & World News in Kannada | VK Polls https://ift.tt/3gdmZD7
