ಹೊಸದಿಲ್ಲಿ: ಬಿಡುಗಡೆ ಮಾಡಿರುವ 2020/21 ಆವೃತ್ತಿಯ ರಾಷ್ಟ್ರೀಯ ತಂಡದ ಗುತ್ತಿಗೆ ಪಟ್ಟಿಯಿಂದ ಹಿರಿಯ ವೇಗಿ ಅವರನ್ನು ಕೈ ಬಿಡಲಾಗಿದ್ದು, ವೇಗಿ ಬೀರನ್ ಹೆಂಡ್ರಿಕ್ಸ್ ಅವರಿಗೆ ಮೊದಲ ಬಾರಿ ಗುತ್ತಿಗೆ ಪಟ್ಟಿಯಲ್ಲಿ ಸ್ಥಾನ ಕಲ್ಪಿಸಲಾಗಿದೆ. ಸೋಮವಾರ ಬಿಡುಗಡೆ ಮಾಡಿರುವ ಪಟ್ಟಿಯಲ್ಲಿ ಆಲ್ರೌಂಡರ್ ಡ್ವೇನ್ ಪ್ರೆಟೋರಿಯಸ್, ಬ್ಯಾಟ್ಸ್ಮನ್ ರಾಸ್ಸಿ ವಾನ್ ಡೆರ್ ಡಸೆನ್ ಹಾಗೂ ವೇಗದ ಬೌಲರ್ ಏನ್ರಿಚ್ ನಾಡ್ಜ್ ಅವರು ಗುತ್ತಿಗೆಯಲ್ಲಿ ಬಡ್ತಿ ಪಡೆದಿದ್ದಾರೆ. "ಎಲ್ಲ ಮೂರು ಮಾದರಿಯಲ್ಲಿ ಸ್ಥಿರ ಪ್ರದರ್ಶನ ತೋರವ ಮೂಲಕ ತಂಡದಲ್ಲಿ ಸ್ಥಾನ ಉಳಿಸಿಕೊಂಡಿರುವ ಆಟಗಾರ/ಆಟಗಾರ್ತಿಯರನ್ನು ಗುತ್ತಿಗೆ ಪಟ್ಟಿಯಲ್ಲಿ ಉಳಿಸಿಕೊಳ್ಳಲಾಗಿದೆ. ಪುರುಷರ ತಂಡದಲ್ಲಿ 16 ಮತ್ತು ಮಹಿಳೆಯರ ತಂಡದಲ್ಲಿ 14 ಆಟಗಾರ್ತಿಯರಿಗೆ ಗುತ್ತಿಗೆ ಪಟ್ಟಿಯಲ್ಲಿ ಸ್ಥಾನ ಕಲ್ಪಿಸಲಾಗಿದೆ,'' ಎಂದು ಕ್ರಿಕೆಟ್ ದಕ್ಷಿಣ ಆಫ್ರಿಕಾದ ಹಂಗಾಮಿ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಡಾ. ಜಾಕ್ ಫಾಲ್ ತಿಳಿಸಿದ್ದಾರೆ. "ಇದು ನಮ್ಮ ಟೆಸ್ಟ್ ಆಟಗಾರರನ್ನು ಮತ್ತು ಸೀಮಿತ ಓವರ್ ವಿಶೇಷ ಆಟಗಾರರನ್ನು ಒಪ್ಪಂದ ಮಾಡಿಕೊಳ್ಳಲು ಅನುವು ಮಾಡಿಕೊಡುತ್ತದೆ. 17 ನೇ ಪುರುಷ ವಿಭಾಗದ ಆಟಗಾರನ ಒಪ್ಪಂದವನ್ನು ಸದ್ಯಕ್ಕೆ ಮುಕ್ತವಾಗಿಡಲು ನಾವು ನಿರ್ಧರಿಸಿದ್ದೇವೆ ಮತ್ತು ಆಟಗಾರರು ಪ್ರದರ್ಶನದ ಮೂಲಕ ಅರ್ಹತೆ ಪಡೆಯಬಹುದು,'' ಎಂದು ಅವರು ಹೇಳಿದ್ದಾರೆ. ಮುಂಬರುವ ಟಿ20 ವಿಶ್ವಕಪ್ ಟೂರ್ನಿ, ಶ್ರೀಲಂಕಾ ವಿರುದ್ಧ ತವರು ಟೆಸ್ಟ್ ಸರಣಿ, ಆಸ್ಟ್ರೇಲಿಯಾ (ಟೆಸ್ಟ್ ಸರಣಿ), ಪಾಕಿಸ್ತಾನ (ಟಿ20 ಸರಣಿ), ಭಾರತ (ಟಿ20) ಹಾಗೂ ವೆಸ್ಟ್ ಇಂಡೀಸ್ ಮತ್ತು ಶ್ರೀಲಂಕಾ ಪ್ರವಾಸಗಳಿಗೆ ಈಗ ಬಿಡುಗಡೆ ಮಾಡಿರುವ ಗುತ್ತಿಗೆ ಪಟ್ಟಿ ಅನ್ವಯಿಸಲಿದೆ. ಮಹಿಳಾ ವಿಭಾಗದಲ್ಲಿ ನಡೈನ್ ಡಿ ಕ್ಲಾರ್ಕ್ ಹಾಗೂ ಸಿನಾಲೊ ಜಾಫ್ತ ಅವರು ಗುತ್ತಿಗೆ ಪಟ್ಟಿಯಲ್ಲಿ ಬಡ್ತಿ ಪಡೆದಿದ್ದಾರೆ. ಇವರು ತೋರಿರುವ ಸ್ಥಿರ ಪ್ರದರ್ಶನ ಕಾರಣದಿಂದಾಗಿ ಆಟಗಾರ್ತಿಯರ ಗುತ್ತಿಗೆ ಪಟ್ಟಿಯಲ್ಲಿ ಉಳಿಸಿಕೊಳ್ಳಲಾಗಿದೆ. ಮುಂದಿನ ವರ್ಷ ನ್ಯೂಜಿಲೆಂಡ್ನಲ್ಲಿ ನಡೆಯಲಿರುವ ಮಹಿಳಾ ಟಿ20 ವಿಶ್ವಕಪ್, ನಂತರ, ವೆಸ್ಟ್ ಇಂಡೀಸ್ ಮತ್ತು ಇಂಗ್ಲೆಂಡ್ ಪ್ರವಾಸಗಳು ಹಾಗೂ ಮುಂದೂಡಿರುವ ಆಸ್ಟ್ರೇಲಿಯಾ ವಿರುದ್ಧದ ತವರು ಸರಣಿಯನ್ನು ಈ ಗುತ್ತಿಗೆ ಪಟ್ಟಿ ಅನ್ವಯಿಸಲಿದೆ. ದಕ್ಷಿಣ ಆಫ್ರಿಕಾ ಪುರುಷರ ಗುತ್ತಿಗೆ ಆಟಗಾರರು: ತೆಂಬಾ ಬವುಮಾ, , ಫಾಫ್ ಡು ಪ್ಲೇಸಿಸ್, ಡೀನ್ ಎಲ್ಗರ್, ಬೀರನ್ ಹೆಂಡ್ರಿಕ್ಸ್, ಕೇಶವ್ ಮಹರಾಜ್, ಐಡೆನ್ ಮಕ್ರಮ್, ಡೇವಿಡ್ ಮಿಲ್ಲರ್, ಲುಂಗಿ ಎನ್ಗಿಡಿ, ಏನ್ರಿಚ್ ನಾಡ್ಜ್, ಆಂಡಿಲೆ ಫೆಹ್ಲುಕ್ವಾಯೊ, ಡ್ವೇನ್ ಪ್ರೇಟೋರಿಯಸ್, ಕಗಿಸೋ ರಬಾಡ, ತಬ್ರೈಜ್ ಶಂಸಿ, ರಾಸ್ಸಿ ವಾನ್ ಡೆರ್ ಡಸೆನ್.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2vIQuev
