ಬೆಂಗಳೂರು: ರಾಜ್ಯದಲ್ಲಿ ಶುಕ್ರವಾರ ಸಂಜೆ 5 ಗಂಟೆಯಿಂದ ಶನಿವಾರ ಬೆಳಿಗ್ಗೆ 8 ಗಂಟೆ ಹೊತ್ತಿಗೆ ಹೊಸದಾಗಿ 10 ಜನರಿಗೆ ಸೋಂಕು ಇರುವುದು ದೃಢಪಟ್ಟಿದೆ. ಇವರಲ್ಲಿ ಐವರು ಚಿಕ್ಕಬಳ್ಳಾಪುರದವರಾಗಿದ್ದರೆ, ಮೂವರು ಉತ್ತರ ಕನ್ನಡಕ್ಕೆ ಸೇರಿದ್ದಾರೆ. ಇನ್ನಿಬ್ಬರು ಬೆಂಗಳೂರಿನವರಾಗಿದ್ದಾರೆ. 65 - ಇವರು 54 ವರ್ಷದ ಉತ್ತರ ಕನ್ನಡದ ಮಹಿಳೆಯಾಗಿದ್ದು 36ನೇ ರೋಗಿಯ ಪತ್ನಿಯಾಗಿದ್ದಾರೆ. ಇವರಿಗೆ ಉತ್ತರ ಕನ್ನಡದ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಮುಂದುವರಿಸಲಾಗಿದೆ. 66 - 28 ವರ್ಷದ ಇವರು ಉತ್ತರ ಕನ್ನಡದ ಮಹಿಳೆಯಾಗಿದ್ದು 36ನೇ ರೋಗಿಯ ಪುತ್ರಿಯಾಗಿದ್ದಾರೆ. ಇವರಿಗೂ ಜಿಲ್ಲೆಯ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ.
67 - 23 ವರ್ಷದ ಇವರು ಕೂಡ 36ನೇ ರೋಗಿಯ ಪುತ್ರಿಯಾಗಿದ್ದಾರೆ. ಇವರಿಗೂ ಉತ್ತರ ಕನ್ನಡ ಜಿಲ್ಲೆಯ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಮುಂದುವರಿಸಲಾಗಿದೆ. 68 - 21 ವರ್ಷದ ಬೆಂಗಳೂರಿನ ಈ ಯುವಕನಿಗೆ ಲಂಡನ್‌ಗೆ ಪ್ರಯಾಣಿಸಿದ ಹಿನ್ನೆಲೆ ಇದೆ. ಜೊತೆಗೆ 25ನೇ ರೋಗಿಯ ಪುತ್ರರಾಗಿದ್ದಾರೆ. ಇವರಿಗೆ ಬೆಂಗಳೂರಿನ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ. 69 - 23 ವರ್ಷದ ಇವರು ಆಂಧ್ರ ಪ್ರದೇಶದ ಹಿಂದುಪುರ ನಿವಾಸಿಯಾಗಿದ್ದ ರೋಗಿ 19 ರ ಸಂಪರ್ಕಿತರಾಗಿದ್ದಾರೆ. ಇವರಿಗೆ ಚಿಕ್ಕಬಳ್ಳಾಪುರದ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ.
70 - ಇವರು 70 ವರ್ಷದ ಪುರುಷರಾಗಿದ್ದು, ಚಿಕ್ಕಬಳ್ಳಾಪುರದ ಇವರಿಗೆ 19ನೇ ರೋಗಿ ಜೊತೆ ಸಂಪರ್ಕವಿತ್ತು. ಇವರಿಗೂ ಜಿಲ್ಲೆಯ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ. 71 - 32 ವರ್ಷದ ಚಿಕ್ಕಬಳ್ಳಾಪುರದ ಮಹಿಳೆಯಾಗಿರುವ ಇವರು ಕೂಡ 19 ನೇ ರೋಗಿಯ ಸಂಪರ್ಕಿತರಾಗಿರುತ್ತಾರೆ. ಇವರಿಗೂ ಜಿಲ್ಲೆಯ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಮುಂದುವರಿದಿದೆ. 72 - ಚಿಕ್ಕಬಳ್ಳಾಪುರದ 38 ವರ್ಷದ ಪುರುಷರಿಗೂ ಕೊರೊನಾ ಸೋಂಕು ಇರುವುದು ದೃಢಪಟ್ಟಿದೆ. 19ನೇ ರೋಗಿಯ ಸಂಪರ್ಕದಲ್ಲಿದ್ದ ಇವರಿಗೂ ಜಿಲ್ಲೆಯ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಮುಂದುವರಿದಿದೆ. 73 - 18 ವರ್ಷದ ಈ ಯುವಕನೂ ಆಂಧ್ರ ಪ್ರದೇಶದ ಹಿಂದುಪುರ ನಿವಾಸಿಯಾಗಿದ್ದು, 19ನೇ ರೋಗಿಯ ಸಂಪರ್ಕದಲ್ಲಿದ್ದ. ಈತನಿಗೂ ಕೊರೊನಾ ಸೋಂಕು ಇರುವುದು ದೃಢಪಟ್ಟಿದ್ದು ಚಿಕ್ಕಬಳ್ಳಾಪುರದ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ. 74 - 63 ವರ್ಷದ ಈ ಮಹಿಳೆಯು ಬೆಂಗಳೂರಿನ ನಿವಾಸಿಯಾಗಿದ್ದು ಮಾರ್ಚ್‌ 16 ರಂದು ಲಂಡನ್‌ನಿಂದ ನಗರಕ್ಕೆ ಆಗಮಿಸಿದ್ದರು. ಇವರಿಗೂ ಸೋಂಕು ಇರುವುದು ದೃಢಪಟ್ಟ ಹಿನ್ನೆಲೆಯಲ್ಲಿ ನಗರದ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ. ಇದರೊಂದಿಗೆ ರಾಜ್ಯದಲ್ಲಿ ಒಟ್ಟು 74 ಜನರಿಗೆ ಕೊರೊನಾ ಸೋಂಕು ಇರುವುದು ದೃಢಪಟ್ಟಿದೆ. ಇವರಲ್ಲಿ ಮೂವರು ಅಸುನೀಗಿದ್ದರೆ, 5 ಜನರು ಗುಣಮುಖರಾಗಿ ಮನೆಗೆ ತೆರಳಿದ್ದಾರೆ. ಹೀಗಾಗಿ ಸದ್ಯ 66 ಆಕ್ಟಿವ್‌ ಕೊರೊನಾ ಪ್ರಕರಣಗಳು ರಾಜ್ಯದಲ್ಲಿವೆ. ಜಿಲ್ಲಾವಾರು ಕೊರೊನಾ ಸೋಂಕಿತರ ವಿವರ ಹೀಗಿದೆ. ಬೆಂಗಳೂರಿನಲ್ಲಿ - 41, - 9 ದಕ್ಷಿಣ ಕನ್ನಡ - 7 ಉತ್ತರ ಕನ್ನಡ - 6 ಕಲಬುರಗಿ - 3 ಮೈಸೂರು - 3 ಕೊಡಗು - 1 ಧಾರವಾಡ - 1 ದಾವಣಗೆರೆ - 1 ಉಡುಪಿ - 1 ತುಮಕೂರು - 1
from India & World News in Kannada | VK Polls https://ift.tt/2yagkcc
