ಬೆಂಗಳೂರು: ವಿರುದ್ಧ ನಿರಂತರ ಸೇವೆಯಲ್ಲಿ ನಿರತವಾಗಿರುವ ಬೆಂಗಳೂರು ನಗರ ಪೂಲೀಸ್ (ಬಿಸಿಪಿ) 'ಅರೆಸ್ಟ್ ಕೊರೊನಾ' ಹ್ಯಾಶ್‌ಟ್ಯಾಗ್ ಮೂಲಕ ವಿಶೇಷ ಜನ ಜಾಗೃತಿ ಅಭಿಯಾನವನ್ನು ಹಮ್ಮಿಕೊಂಡಿದೆ. ಈ ಮಧ್ಯೆ ಅರೆಸ್ಟ್ ಕೊರೊನಾ ಅಭಿಯಾನಕ್ಕೆ ಭಾರತದ ಮಾಜಿ ನಾಯಕ ಹಾಗೂ ತಡಗೋಡೆ ಖ್ಯಾತಿಯ ಕರ್ನಾಟಕದ ಹೆಮ್ಮೆಯ ಕೈಜೋಡಿಸಿದ್ದಾರೆ. ಕೊರೊನಾ ವಿರುದ್ಧ ಹೋರಾಡುತ್ತಿರುವವರಿಗೆ ನೆರವಾಗಲು ಮನೆಯಲ್ಲಿ ಸುರಕ್ಷಿತವಾಗಿರುವಂತೆಯೇ ರಾಹುಲ್ ದ್ರಾವಿಡ್ ವಿಡಿಯೋ ಸಂದೇಶದ ಮೂಲಕ ದೇಶ ರಕ್ಷಣೆಗೆ ಮನವಿ ಮಾಡಿದ್ದಾರೆ. "ಹಲೋ, ಕೋವಿಡ್ 19 ವಿರುದ್ಧದ ಹೋರಾಟದಲ್ಲಿ ಇಡೀ ವಿಶ್ವವೇ ಒಂದಾಗಿದೆ. ಕೊರೊನಾ ವೈರಸ್ ವಿರುದ್ಧ ಹೋರಾಡುತ್ತಿರುವ ವೈದ್ಯರು, ದಾದಿಯರು, ಪೊಲೀಸರು ಹಾಗೂ ನಿರಂತರ ಸೇವೆಯಲ್ಲಿ ನಿರತವಾಗಿರುವ ಸರಕಾರಿ ಅಧಿಕಾರಿಗಳಿಗೆ ನೆರವಾಗಲು ನಮಗೆ ದೊರಕಿರುವ ಅತ್ಯುತ್ತಮ ಅವಕಾಶವಾಗಿದೆ. ಅವರೆಲ್ಲರೂ ನಾವು ಸುರಕ್ಷಿತವಾಗಿರಲು ಕಠಿಣ ಪರಿಶ್ರಮದಲ್ಲಿ ನಿರತವಾಗಿದ್ದಾರೆ. ಅವರಿಗೆ ಸಹಾಯ ಮಾಡಲು ನಾವೇನು ಮಾಡಬೇಕು? ಮನೆಯಲ್ಲೇ ಇರಬೇಕು. ಮನೆಯಲ್ಲಿರುವ ಮೂಲಕ ನಮ್ಮ ದೇಶ ಹಾಗೂ ಸಹ ನಾಗರಿಕರಿಗಾಗಿ ದೊಡ್ಡ ಸೇವೆಯನ್ನು ಸಲ್ಲಿಸಬಹುದಾಗಿದೆ. ದೇಶದ ಯುವ ಜನತೆ ಹಾಗೂ ಎಲ್ಲ ನಾಗರಿಕರಲ್ಲಿ ನನ್ನ ಮನವಿ ಏನೆಂದರೆ, ಮನೆಯೊಳಗೆ ಇರಿ. ನಮ್ಮ ದೇಶ ಹಾಗೂ ಹಗಳಿರುಳು ದುಡಿಯುತ್ತಿರುವವರಿಗಾಗಿ ನೀವು ನೀಡಬಹುದಾದ ಅತಿ ದೊಡ್ಡ ಕೊಡುಗೆ ಇದಾಗಿದೆ. ಮನೆಯೊಳಗಿರಿ, ದೇಶವನ್ನು ರಕ್ಷಿಸಿ" ಎಂದು ಕರೆ ನೀಡಿದರು. ಸೆಲೆಬ್ರಿಟಿ ಹಾಗೂ ಜನಪ್ರಿಯ ವ್ಯಕ್ತಿಗಳ ವಿಡಿಯೋ ಸಂದೇಶದ ಮೂಲಕ ಕೊರೊನಾ ವೈರಸ್ ಬಗ್ಗೆ ಬೆಂಗಳೂರು ನಗರ ಪೊಲೀಸ್ ಜನ ಸಾಮಾನ್ಯರಲ್ಲಿ ಜಾಗೃತಿ ಮೂಡಿಸುವ ಪ್ರಯತ್ನ ಮಾಡುತ್ತಿದೆ. ಕೋವಿಡ್ 19 ವೈರಸ್ ವ್ಯಾಪಕವಾಗಿ ಹರಡುತ್ತಿರುವ ಹಿನ್ನೆಲೆಯಲ್ಲಿ ಏಪ್ರಿಲ್ 14ರ ವರೆಗೆ ಲೌಕ್‌ಡೌನ್ ಘೋಷಣೆ ಮಾಡಲಾಗಿದೆ. ಈ ಸಂದರ್ಭದಲ್ಲಿ ಸಾಮಾಜಿಕ ಅಂತರ ಕಾಪಾಡುವ ನಿಟ್ಟಿನಲ್ಲಿ ಜನರಲ್ಲಿ ಮನೆಯಲ್ಲೇ ಉಳಿದುಕೊಳ್ಳುವಂತೆ ಆದೇಶಿಸಲಾಗಿದೆ. ಭಾರತದಲ್ಲಿ ಇದುವರೆಗೆ 1024 ಮಂದಿಯಲ್ಲಿ ಕೊರೊನಾ ವೈರಸ್ ಸೋಂಕು ಕಂಡುಬಂದಿದ್ದು, 27 ಮಂದಿ ಸಾವಿಗೆ ಶರಣಾಗಿದ್ದಾರೆ. ಕೊರೊನಾ ವೈರಸ್ ತಾಜಾ ಮಾಹಿತಿ ಪಡೆಯಲು ಈ ವಾಟ್ಸಪ್ ಸಂಖ್ಯೆಗೆ ಹಾಯ್ ಕಳಿಸಿ
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2WSDsq8
