ನವದೆಹಲಿ: ವಿರುದ್ಧದ ಹೋರಾಟದ ಭಾಗವಾಗಿ ಘೋಷಿಸಿರುವ ಲಾಕ್‌ಡೌನ್ ಆದೇಶವನ್ನು ಪಾಲಿಸದವರು ತಮ್ಮ ಜೀವದ ಜೊತೆಗೆ ಇತರರ ಜೀವದೊಂದಿಗೂ ಚೆಲ್ಲಾಟವಾಡುತ್ತಿದ್ದಾರೆ ಎಂದು ಪ್ರಧಾನಿ ಮೋದಿ ಬೇಸರ ವ್ಯಕ್ತಪಡಿಸಿದರು. ''ನಲ್ಲಿ ಮಾತನಾಡಿದ ಪ್ರಧಾನಿ ಮೋದಿ, ಲಾಕ್‌ಡೌನ್ ಆದೇಶವನ್ನು ಕಟ್ಟುನಿಟ್ಟಾಗಿ ಪಾಲಿಸುವಂತೆ ಮತ್ತೊಮ್ಮೆ ದೇಶದ ಜನತೆಯಲ್ಲಿ ಮನವಿ ಮಾಡಿದರು. ಕೊರೊನಾ ವೈರಸ್‌ನ್ನು ಸೋಲಿಸಲು ಲಾಕ್‌ಡೌನ್ ಆದೇಶ ಅತ್ಯಂತ ಮಹತ್ವದ್ದು. ಮಾರಕ ವೈರಾಣುವನ್ನು ಈ ನೆಲದಿಂದ ಒದ್ದೊಡಿಸಲು ಇದೊಂದೇ ಮಾರ್ಗ ಎಂದು ಪುನರುಚ್ಛಿಸಿದರು. ಇದೇ ವೇಳೆ ಕೊರೊನಾ ವೈರಸ್ ವಿರುದ್ಧದ ಹೋರಾಟದಲ್ಲಿ ಮುಂಚೂಣಿಯಲ್ಲಿರುವ ವೈದ್ಯ ಸಮುದಾಯದೊಂದಿಗೆ ಮಾತನಾಡಿದ ಪ್ರಧಾನಿ ಮೋದಿ, ಚಿಕಿತ್ಸಾ ಪ್ರಕ್ರಿಯೆಗಳ ಕುರಿತು ಮಾಹಿತಿ ಪಡೆದರು. ದೇಶಾದ್ಯಂತ ಹಲವು ವೈದ್ಯರೊಂದಿಗೆ ದೂರವಾಣಿಯಲ್ಲಿ ಮಾತನಾಡಿದ ಪ್ರಧಾನಿ ಮೋದಿ, ವೈರಸ್ ಹರಡದಂತೆ ತಡೆಗಟ್ಟಲು ಕೈಗೊಂಡಿರುವ ಚಿಕಿತ್ಸಾ ಕ್ರಮಗಳ ಕುರಿತು ಮಾಹಿತಿ ಪಡೆದರು. ಇನ್ನು ಕೊರೊನಾ ವೈರಸ್ ಸೋಂಕಿತರನ್ನು ಅಮಾನವೀಯವಾಗಿ ನಡೆದುಕೊಳ್ಳುವುದು ಅತ್ಯಂತ ದು:ಖಕರ ಎಂದಿರುವ ಪ್ರಧಾನಿ ಮೋದಿ, ಸೋಶಿಯಲ್ ಡಿಸ್ಟನ್ಸಿಂಗ್ ಅರ್ಥ ಎಮೋಶನಲ್ ಡಿಸ್ಟನ್ಸಿಂಗ್ ಅಲ್ಲ ಎಂದು ಮಾರ್ಮಿಕವಾಗಿ ನುಡಿದರು. ಕೊರೊನಾ ವೈರಸ್ ವಿರುದ್ಧದ ಹೋರಾಟದ ಭಾಗವಾಗಿ ಸರ್ಕಾರ ಅನಿವಾರ್ಯವಾಗಿ ಕೆಲವೊಂದು ದಿಟ್ಟ ನಿರ್ಧಾರಗಳನ್ನು ಕೈಗೊಂಡಿದೆ. ಇದರಿಂದ ಜನರಿಗೆ ಅನಾನುಕೂಲವಾಗಿರುವುದರಿಂದ ನಾನು ದೇಶದ ಜನರಲ್ಲಿ ಕ್ಷೆಮ ಕೇಳುತ್ತೇನೆ ಎಂದು ಪ್ರಧಾನಿ ಮೋದಿ ಈ ವೆಳೆ ನುಡಿದರು. ಕೊರೊನಾ ವೈರಸ್ ವಿರುದ್ಧದ ಸಮರವನ್ನು ದೇಶ ಒಟ್ಟಾಗಿ ಗೆಲ್ಲಲಿದೆ ಎಂದು ಭರವಸೆ ವ್ಯಕ್ತಪಡಿಸಿದ ಪ್ರಧಾನಿ ಮೋದಿ, ಈ ಸಂಕಷ್ಟದ ಸಮಯದಲ್ಲಿ ಭಾರತ ಒಂದಾಗಿ ಸಾಗಲಿದೆ ಎಂದು ಹೇಳಿದರು.
from India & World News in Kannada | VK Polls https://ift.tt/2QQeQu3
