ಮಂಡ್ಯ: ಈವರೆಗೆ ರಾಜ್ಯದಲ್ಲಿ 74 ಕೊರೊನಾ ವೈರಸ್ ಪ್ರಕರಣಗಳು ದೃಢಪಟ್ಟಿವೆ. ನರ್ಸ್ ಗಳನ್ನು ವೈದ್ಯರನ್ನು ಮನೆ ಖಾಲಿ ಮಾಡುವಂತೆ ಬಲವಂತ ಮಾಡಿದ್ದಲ್ಲಿ, ಆ ಮನೆಯ ಮಾಲೀಕರೇ ಖಾಲಿ ಮಾಡಬೇಕು ಎಂದು ಎಚ್ಚರಿಕೆ ನೀಡಿದರು. ಮಂಡ್ಯದಲ್ಲಿ ಶನಿವಾರ ಜಿಲ್ಲಾಧಿಕಾರಿಗಳು ಪೊಲೀಸ್ ವರಿಷ್ಠಾಧಿಕಾರಿ ಹಾಗೂ ತಾಲ್ಲೂಕು ವೈದ್ಯಾಧಿಕಾರಿಗಳೊಂದಿಗೆ ಚರ್ಚೆ ನಡೆಸಿದರು. ನಂತರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದರು. ಕರೋನಾ ವೈರಸ್ ನಿವಾರಣೆ ಮಾಡಲು ಈವರೆಗೂ ಯಾವುದೇ ಔಷಧಿ ಕಂಡು ಹಿಡಿದಿಲ್ಲ ಎಂದು ಹೇಳಿದರು. ಈವರೆಗೂ ಜಿಲ್ಲಾಡಳಿತ ಕೈಗೊಂಡಿರುವ ಮುಂಜಾಗ್ರತಾ ಕ್ರಮಗಳು ಹಾಗೂ ವ್ಯವಸ್ಥೆಯ ಬಗ್ಗೆ ಮಾಹಿತಿ ಸಂಗ್ರಹಿಸಿದರು. ಜಿಲ್ಲಾಸ್ಪತ್ರೆಯಲ್ಲಿ ಕರೋನಾ ಚಿಕಿತ್ಸೆಗೆ ಬೇಕಾಗಿರುವ ಅಗತ್ಯ ವಸ್ತುಗಳನ್ನು ಸರ್ಕಾರದ ವತಿಯಿಂದ ನೀಡಲು ಭರವಸೆ ನೀಡಿದರು. ಜಿಲ್ಲೆಯಲ್ಲಿ 100 ಹಾಸಿಗೆಗಳ ಸುಸಜ್ಜಿತ ವ್ಯವಸ್ಥೆಯನ್ನು ಕೈಗೊಳ್ಳಲಾಗಿದೆ ಮಂಡ್ಯ ಜಿಲ್ಲೆಯಲ್ಲಿ 100 ಹಾಸಿಗೆಗಳ ಸುಸಜ್ಜಿತ ವ್ಯವಸ್ಥೆಯನ್ನು ಕೈಗೊಳ್ಳಲಾಗಿದೆ.ಜಿಲ್ಲೆಯಲ್ಲಿರುವ ಖಾಸಗಿ ಆಸ್ಪತ್ರೆಗಳಾದ BGS ಆಸ್ಪತ್ರೆ ಹಾಗೂ ಮಾದೇಗೌಡ ಫೆಸಿಲಿಟಿ ಹಾಸ್ಪಿಟಲ್ ಗಳು ಕರೋನಾ ಚಿಕಿತ್ಸೆ ನೀಡಲು ಮುಂದಾಗಿವೆ ಎಂದು ತಿಳಿಸಿದರು. ಜನರಿಗೆ ಇನ್ನು ಅಪಾಯದ ಅರಿವಾಗಿಲ್ಲ: ಎಷ್ಟೇ ಹೇಳಿದ್ರು ಜನ ಬೀದಿಗೆ ಬರೋದನ್ನ ನಿಲ್ಲಿಸ್ತಿಲ್ಲ,ಪ್ರಾಣ ಉಳಿದ್ರೆ ಏನು ಬೇಕಾದರೂ ಮಾಡಬಹುದು. ಜನರ ಪ್ರಾಣ ಉಳಿಸಲು ವೈದ್ಯರು, ನರ್ಸ್ ಗಳು, ಪೊಲೀಸರು ಹೋರಾಟ ಮಾಡ್ತಿದ್ದಾರೆ,ಅವರುಗಳಿಗೇನು ಫ್ಯಾಮಿಲಿ ಇಲ್ವಾ...? ನೀವ್ಯಾಕೆ ಹೊರ ಬರ್ತಿದ್ದೀರಿ ಅನ್ನೋದು ನನಗೆ ಅರ್ಥ ಆಗ್ತಿಲ್ಲ,ಅಗತ್ಯ ವಸ್ತುಗಳ ಖರೀದಿಗೆ ಮಾತ್ರ ಹೊರ ಬನ್ನಿ, ಬಳಿಕ ಬೇಗ ಮನೆ ಸೇರಿಕೊಳ್ಳಿ ಎಂದು ತಿಳಿಸಿದರು. ಕಿಡಿಗೇಡಿಗಳು ಪೊಲೀಸರ ಮೇಲೆ ಹಲ್ಲೆ ಮಾಡಿದ್ದು ನೋವಿನ ಸಂಗತಿ ಈ ರೀತಿಯಲ್ಲಿ ನಡೆದುಕೊಳ್ಳುವುದರಿಂದ ಏನು ಸಿಗುತ್ತೆ ನನಗೆ ತಿಳಿದಿಲ್ಲ, ಅವರುಗಳು ನಮ್ಮ ರಕ್ಷಣೆಗೆ ಇರುವುದು ಎಂದು ನೆನಪಿನಲ್ಲಿಡಿ. ನಾನು ಸಭೆ ಮಾಡೋದ್ರಿಂದ ಸಮಸ್ಯೆ ಬಗೆ ಹರಿಯಲ್ಲ, ನಾನೇನು ಡಾಕ್ಟರಾ,ನಾನು ಕೂಡ ವಿಡಿಯೋ ಕಾನ್ಫರೆನ್ಸ್ ಮುಖಾಂತರ ಸಭೆ ನಡೆಸಬಹುದಿತ್ತು ಆದರೆ ಅಧಿಕಾರಿಗಳಿಗೆ ಆತ್ಮಸ್ಥೈರ್ಯ ತುಂಬಲು ಸಭೆ ಮಾಡ್ತಿದ್ದೀನಿ ಅಷ್ಟೇ ಎಂದರು. ಕೊರೋನಾ ಮೂರನೇ ಹಂತಕ್ಕೆ ತಲುಪ ಬಾರದು ಅಂತ ದೇವರನ್ನು ಬೇಡಿಕೊಳ್ಳಿ, ಮೂರನೇ ಹಂತಕ್ಕೆ ತಲುಪಬಾರದೆಂದರೆ ಜನ ಜಾಗೃತರಾಗಬೇಕು,ಜಿಲ್ಲಾಡಳಿತ, ವೈದ್ಯರು ಹೇಳುವ ಸಲಹೆಯನ್ನು ಪಾಲಿಸಬೇಕು. ಶಿರಾದಲ್ಲಿ ಸಾವನ್ನಪ್ಪಿದ ಸೋಂಕಿತ ವ್ಯಕ್ತಿ ಜೊತೆ ಸ್ಥಳೀಯರು ಸಂಪರ್ಕದಲ್ಲಿದ್ದ,ಸಾವನ್ನಪ್ಪಿದ ಸೋಂಕಿತ ವ್ಯಕ್ತಿ ಯಾರ ಯಾರ ಜೊತೆ ಸಂಪರ್ಕದಲ್ಲಿದ್ದನೋ ಅವರನ್ನು ತಪಾಸಣೆ ಮಾಡಲಾಗಿದೆ ಎಂದು ತಿಳಿಸಿದರು. ಈ ಪೈಕಿ ಹಲವರನ್ನು ಹೋಂ ಕ್ವಾರಿಂಟೈನ್ ದಾಖಲು ಮಾಡಲಾಗಿದೆ,ಸಂಪರ್ಕದಲ್ಲಿದ್ದ ಮತ್ತಷ್ಟು ಮಂದಿಯನ್ನು ಪತ್ತೆ ಹಚ್ಚುವ ಕೆಲಸವನ್ನು ಅಲ್ಲಿನ ಜಿಲ್ಲಾಡಳಿತ ಮಾಡುತ್ತಿದೆ. ಸಾವನ್ನಪ್ಪಿದ ಶಿರಾ ಸೋಂಕಿತ ವ್ಯಕ್ತಿಗೆ ಚಿಕಿತ್ಸೆ ನೀಡಿದ್ದ ಯಾವ ವೈದ್ಯರಿಗೂ ಸಮಸ್ಯೆ ಆಗಿಲ್ಲ,ವೈದ್ಯರಿಗೆ ಸೋಂಕಿನ ಶಂಕೆ ವ್ಯಕ್ತವಾಗಿದೆ ಎಂಬ ಬಗ್ಗೆ ಈ ವರೆಗೂ ಯಾವುದೇ ಮಾಹಿತಿ ಇಲ್ಲ. ಕರೋನಾ ಚಿಕಿತ್ಸೆ ನೀಡುತ್ತಿರುವ ನರ್ಸ್ ಮತ್ತು ವೈದ್ಯರಿಗೆ ಮನೆ ಮಾಲೀಕರು ಮನೆ ಖಾಲಿ ಮಾಡುವಂತೆ ಕಿರುಕುಳ ನೀಡುತ್ತಿರುವ ವಿಚಾರ ಸರಕಾರದ ಗಮನಕ್ಕೆ ಬಂದಿದ್ದು ಈಗಾಗಲೇ ಮುಖ್ಯಮಂತ್ರಿಗಳು ಕಿರುಕುಳ ನೀಡುವ ಮನೆ ಮಾಲೀಕರನ್ನೇ ಮನೆಯಿಂದ ಹೊರಹಾಕಿ ಎಂದು ಆದೇಶಿಸಿದ್ದಾರೆ. ಈವರೆಗೆ ರಾಜ್ಯದಲ್ಲಿ 74 ಪ್ರಕರಣ: ಈವರೆಗೆ ರಾಜ್ಯದಲ್ಲಿ 74 ಪಾಸಿಟಿವ್ ಕೇಸುಗಳು ಪತ್ತೆಯಾಗಿವೆ. ಕರೋನಾ ವೈರಸ್ ನಿವಾರಣೆಗೆ ಮುಂಜಾಗೃತ ಕತೆಗೆ ಅಗತ್ಯ ಇರುವ ವಸ್ತುಗಳನ್ನು ಖರೀದಿ ಮಾಡಲು ರಾಜ್ಯ ಸರ್ಕಾರ ಎಲ್ಲ ರೀತಿಯ ಸಿದ್ಧತೆ ಮಾಡಿಕೊಂಡಿದೆ. ಕರೋನಾ ವೈರಸ್ ಹರಡುವುದನ್ನು ತಡೆಗಟ್ಟಲು ನುರಿತ ವೈದ್ಯರಿಂದ ತರಬೇತಿ ಕೊಡಲು ರಾಜ್ಯ ಸರ್ಕಾರ ಮುಂದಾಗಲಿದೆ. ಕರೋನಾ ವೈರಸ್ ನಿವಾರಣೆ ಮಾಡಲು ಈವರೆಗೂ ಯಾವುದೇ ಔಷಧಿ ಕಂಡು ಹಿಡಿದಿಲ್ಲ ಆದರೆ ಮುಂಜಾಗ್ರತಾ ಕ್ರಮಗಳಿಂದ ಹರಡುವಿಕೆಯನ್ನು ತಪ್ಪಿಸಬಹುದು ಎಂದು ಮಾಹಿತಿ ನೀಡಿದರು.
from India & World News in Kannada | VK Polls https://ift.tt/2UsURUR
