- ನಾಗರಾಜ್‌ ನವೀಮನೆ, ತಡೆಗಟ್ಟಲು ಸಾಕಷ್ಟು ಕ್ರಮಗಳನ್ನು ಸರಕಾರ ಮತ್ತು ಜಿಲ್ಲಾಡಳಿತ ಕೈಗೊಳ್ಳುತ್ತಿದ್ದರೂ ಸಾರ್ವಜನಿಕರಿಗೆ ಇದರ ಗಂಭೀರತೆ ಅರ್ಥವಾಗಿಲ್ಲ. ನಿತ್ಯ ದಿನಸಿ ಕೊಳ್ಳುವ ನೆಪದಲ್ಲಿ ಮಾರುಕಟ್ಟೆಗಳಲ್ಲಿ ಜನ ಗುಂಪು ಗುಂಪಾಗಿ ಸೇರುತ್ತಿದ್ದಾರೆ. ಸಾಮಾಜಿಕ ಅಂತರ ಕಾಯ್ದುಕೊಳ್ಳದೆ ಅಪಾಯಕ್ಕೆ ಆಹ್ವಾನ ಮಾಡುತ್ತಿದ್ದಾರೆ. ಇದನ್ನು ಗಂಭೀರವಾಗಿ ಸ್ವೀಕರಿಸಿರುವ ಪಾಲಿಕೆ ಮನೆಮನೆಗೆ ತಾನೇ ನಾಗರಿಕರಿಗೆ ಅವಶ್ಯವಾದ ಪದಾರ್ಥಗಳನ್ನು ತಲುಪಿಸಲು ಮುಂದಾಗಿದೆ. ''ದಿನಸಿ ವಸ್ತುಗಳು ಸಿಗುವುದಿಲ್ಲ ಎಂಬ ಭಯದಲ್ಲೇ ಸಾರ್ವಜನಿಕರು ಗುಂಪು ಗುಂಪಾಗಿ ಹೊರಗೆ ಬರುತ್ತಿದ್ದಾರೆ. ಅದಕ್ಕೆ ಕಡಿವಾಣ ಹಾಕುವ ಉದ್ದೇಶದಿಂದ ನಾಲ್ಕೈದು ದಿನದಲ್ಲಿ ಪಾಲಿಕೆಯಿಂದಲೇ ವಾಹನಗಳ ಮೂಲಕ ಪ್ರತಿ ಮನೆಮನೆಗೆ ಅಗತ್ಯ ಸಾಮಗ್ರಿಗಳನ್ನು ತಲುಪಿಸಲು ಕ್ರಮ ಕೈಗೊಳ್ಳಲಾಗುವುದು,,'' ಎಂದು ಪಾಲಿಕೆ ಆಯುಕ್ತ ಗುರುದತ್ತ ಹೆಗ್ದೆ ಪತ್ರಿಕೆಗೆ ತಿಳಿಸಿದ್ದಾರೆ. 65 ವಾರ್ಡ್‌ಗಳಿಗೂ ಪೂರೈಕೆ: ನಗರ ಪಾಲಿಕೆ ವ್ಯಾಪ್ತಿಯಲ್ಲಿ ಬರುವ 65 ವಾರ್ಡ್‌ಗಳಿಗೂ ದಿನನಿತ್ಯದ ವಸ್ತುಗಳಾದ ಹಾಲು, ದಿನಸಿ, ತರಕಾರಿಗಳನ್ನು ವಿತರಿಸ ಲಾಗುತ್ತದೆ. ಸದ್ಯ 65 ವಾಹನಗಳನ್ನು ನೀಡುವಂತೆ ಸರಕಾರಕ್ಕೆ ಪತ್ರ ಬರೆಯಲಾಗಿದೆ. ವಾಹನಗಳು ಬಂದ ತಕ್ಷಣ ಕಾರ್ಯ ಚಟುವಟಿಕೆ ಆರಂಭವಾಗುತ್ತದೆ. ಹೋಂ ಡೆಲಿವರಿಗೆ ಸೂಚನೆ: ಸದ್ಯ ನಗರದ ಕೆಲವು ಸೂಪರ್‌ಮಾರ್ಕೆಟ್‌ನಲ್ಲಿ ಗ್ರಾಹಕರು ತಮಗೆ ಬೇಕಾದ ವಸ್ತುಗಳನ್ನು ಖರೀದಿ ಮಾಡುತ್ತಿದ್ದಾರೆ. ಆದರೆ, ಇಲ್ಲಿಗೂ ಜನ ಗುಂಪುಗುಂಪಾಗಿ ಹೋಗುತ್ತಿದ್ದಾರೆ. ಯಾವುದೇ ಮುಂಜಾಗೃತ ಕ್ರಮಗಳನ್ನು ಕೈಗೊಳ್ಳಲಾಗುತ್ತಿಲ್ಲ. ಸಾಮಾ ಜಿಕ ಅಂತರ ಪಾಲನೆಯಾಗುತ್ತಿಲ್ಲ. ಹಾಗಾಗಿ ಸೂಪರ್‌ಮಾರ್ಕೆಟ್‌ನಲ್ಲಿ ಹೋಂ ಡೆಲಿವರಿಯಷ್ಟೇ ಮಾಡುವಂತೆ ಪಾಲಿಕೆ ನಿರ್ದೇಶನ ನೀಡಿದೆ. 17 ಸಾಂತ್ವನ ಕೇಂದ್ರ: ಮೈಸೂರು ಲಾಕ್‌ ಡೌನ್‌ ಆಗಿರುವುದರಿಂದ ಹಾಗೂ ಎಲ್ಲಾ ಹೋಟೆಲ್‌ಗಳು ಮುಚ್ಚಿರುವುದರಿಂದ ಅಸಂಘಟಿತ ಕಾರ್ಮಿಕರಿಗೆ, ನಿರ್ಗತಿ ಕರಿಗೆ, ಬೇರೆ ಊರಿನಿಂದ ಇಲ್ಲಿಗೆ ಕೆಲಸಕ್ಕೆ ಬಂದ ದಿನಗೂಲಿ ನೌಕರರಿಗೆ ಆಹಾರದ ಸಮಸ್ಯೆ ಉಂಟಾಗಬಾರದು ಎಂಬ ಉದ್ದೇಶದಿಂದ ಮೈಸೂರಿನ ಪ್ರತಿ ವಲಯ ಕಚೇರಿ ವ್ಯಾಪ್ತಿಯಲ್ಲಿ ನಿರ್ದಿಷ್ಟವಾದ ಸ್ಥಳಗಳನ್ನು ಗುರುತಿಸಿ ಸಾಂತ್ವನ ಕೇಂದ್ರಗಳನ್ನು ಆರಂಭಿಸಲಾಗಿದೆ. ವಿಕ ಆಶಯ ಕೊರೊನಾ ನಿರ್ಬಂಧದ ನಡುವೆಯೂ ಅಗತ್ಯ ವಸ್ತುಗಳಿಗಾಗಿ ಜನ ಬೀದಿಗಿಳಿಯುತ್ತಿದ್ದಾರೆ. ಮುಖ್ಯವಾಗಿ ಬೆಂಗಳೂರು ಮಹಾ ನಗರದಲ್ಲಂತೂ ಜನ ಗುಂಪುಗುಂಪಾಗಿ ಮಾರುಕಟ್ಟೆಗೆ ಧಾವಿಸುತ್ತಿದ್ದಾರೆ. ಈ ಹಿನ್ನೆಲೆಯಲ್ಲಿ, ಮನೆಮನೆಗೆ ದಿನಸಿ ಪೂರೈಸುವ ಮೈಸೂರು ಮಹಾನಗರ ಪಾಲಿಕೆಯ ಪ್ರಯೋಗ ಮಾದರಿಯಾಗಿದೆ. ಪ್ರಮುಖ ಮಹಾನಗರಗಳಲ್ಲಿ ಇದೇ ಮಾದರಿ ಅನುಸರಿಸಿದರೆ ಕೊರೊನಾ ಸೋಂಕು ನಿಗ್ರಹದಲ್ಲಿ ಇದು ನಿರ್ಣಾಯಕ ಹೆಜ್ಜೆಯಾಗಲಿದೆ. ಜತೆಗೆ ಅಗತ್ಯ ವಸ್ತುಗಳ ದರ ಏರಿಕೆಗೂ ಕಡಿವಾಣ ಬೀಳಲಿದೆ.
from India & World News in Kannada | VK Polls https://ift.tt/3dCUnTx
