ಬೀಜಿಂಗ್: ಒಂದೆಡೆ ಕೊರೊನಾ ವೈರಸ್ನಿಂದ ಇಡೀ ಜಗತ್ತೇ ತತ್ತರಿಸುತ್ತಿದೆ. ಇನ್ನೊಂದೆಡೆ, ಕೊರೊನಾ ವೈರಸ್ನ ಮೊದಲ ಬಾಧಿತ ರಾಷ್ಟ್ರವಾದ ಚೀನಾ ಇದೀಗ ಸಹಜ ಸ್ಥಿತಿಗೆ ಬರುತ್ತಿದೆ. ಈ ಹಿನ್ನೆಲೆ ಸತತ 3 ತಿಂಗಳಿಂದ ಲಾಕ್ಡೌನ್ ಆಗಿದ್ದ ಹುಬೇಯ್ ಪ್ರಾಂತ್ಯದಲ್ಲಿ ಪ್ರಯಾಣಕ್ಕಿರುವ ನಿರ್ಬಂಧವನ್ನು ತೆಗೆದುಹಾಕುವುದಾಗಿ ಚೀನಾ ತಿಳಿಸಿದೆ. ಕಳೆದ ವರ್ಷ ಮೊದಲ ಬಾರಿಗೆ ಮಾರಣಾಂತಿಕ ಕೊರೊನಾ ವೈರಸ್ನಿಂದ ಬಳಲಿದ ಹುಬೇಯ್ ಪ್ರಾಂತ್ಯದಲ್ಲಿ ಅನ್ನು ಹೊರತುಪಡಿಸಿ ಉಳಿದೆಡೆ ಪ್ರಯಾಣಕ್ಕಿರುವ ನಿರ್ಬಂಧವನ್ನು ಬುಧವಾರ ತೆಗೆದುಹಾಕುವುದಾಗಿ ಚೀನಾ ಮಂಗಳವಾರ ತಿಳಿಸಿದೆ ಮತ್ತು ಏಪ್ರಿಲ್ 8 ರಂದು ತನ್ನ ರಾಜಧಾನಿ ವುಹಾನ್ನಲ್ಲಿ ಸತತ 3 ತಿಂಗಳ ಲಾಕ್ಡೌನ್ ಅನ್ನು ಅಂತ್ಯಗೊಳಿಸುವುದಾಗಿಯೂ ಹೇಳಿದೆ. ಕೋವಿಡ್ - 19 ಹಾವಳಿ ಕಡಿಮೆಯಾದ ಕಾರಣ 11 ದಶಲಕ್ಷಕ್ಕೂ ಹೆಚ್ಚಿನ ಜನಸಂಖ್ಯೆಯುಲ್ಳ ಪ್ರದೇಶದಲ್ಲಿ ಲಾಕ್ಡೌನ್ ಕೊನೆಯಾಗುತ್ತಿದೆ. ಕಳೆದ ವರ್ಷ ಡಿಸೆಂಬರ್ನಲ್ಲಿ ಮೊದಲ ಬಾರಿಗೆ ವೈರಸ್ ಪ್ರಕರಣಗಳು ಚೀನಾದ ಕೇಂದ್ರ ಭಾಗದಲ್ಲಿರುವ ವುಹಾನ್ನಲ್ಲಿ ಪತ್ತೆಯಾಗಿತ್ತು. ಇದೀಗ, ಸತತ ಐದು ದಿನಗಳ ಕಾಲ ಯಾವುದೇ ಕೇಸ್ ವರದಿಯಾಗಿರಲಿಲ್ಲ, ಆದರೆ ಸೋಮವಾರ ಮತ್ತೆ ಒಂದು ಕೊರೊನಾ ಸೋಂಕು ಪ್ರಕರಣ ವರದಿಯಾಗಿದೆ. 56 ದಶಲಕ್ಷಕ್ಕೂ ಹೆಚ್ಚು ಜನಸಂಖ್ಯೆಯನ್ನು ಹೊಂದಿರುವ ಹುಬೇಯ್ ಪ್ರಾಂತ್ಯ ಮತ್ತು ವುಹಾನ್ ಜನತೆಯನ್ನು ಜನವರಿ 23 ರಿಂದ ಕಟ್ಟುನಿಟ್ಟಾಗಿ ಲಾಕ್ಡೌನ್ನಲ್ಲಿ ಇರಿಸಲಾಗಿತ್ತು. ಜನರ ಪ್ರಯಾಣ ಹಾಗೂ ಎಲ್ಲಾ ಸಾರಿಗೆಯನ್ನು ಬಂದ್ ಮಾಡಲಾಗಿತ್ತು. ಪ್ರಸ್ತುತ ಹುಬೈ ಪ್ರಾಂತ್ಯದ ಇತರ ಭಾಗಗಳಲ್ಲಿ ವಾಸಿಸುತ್ತಿರುವ ನಿವಾಸಿಗಳು ಬುಧವಾರದಿಂದ ಪ್ರಯಾಣಿಸಲು ಸಾಧ್ಯವಾಗುತ್ತದೆ ಎಂದು ಚೀನಾದ ಸರಕಾರಿ ಮಾಧ್ಯಮ ಪೀಪಲ್ಸ್ ಡೈಲಿ ವರದಿ ಮಾಡಿದೆ. ಮಾರ್ಚ್ 25ರಂದು ಪ್ರಯಾಣಕ್ಕಿರುವ ನಿರ್ಬಂಧ ತೆಗೆದುಹಾಕಲಾಗುವುದು ಹಾಗೂ ಏಪ್ರಿಲ್ 8 ರಂದು ವುಹಾನ್ನಲ್ಲಿ ಲಾಕ್ಡೌನ್ ಅಂತ್ಯಗೊಳಿಸುವುದಾಗಿಯೂ ಮಾಹಿತಿ ನೀಡಿದೆ. ಅಲ್ಲದೆ, ಏಪ್ರಿಲ್ 8 ರಿಂದ ವುಹಾನ್ ಜನತೆಗೆ ಪ್ರಯಾಣಕ್ಕೆ ಅವಕಾಶ ಮಾಡಿಕೊಡುವುದಾಗಿ ಹುಬೇಯ್ ಆರೋಗ್ಯ ಇಲಾಖೆ ಸಹ ತಿಳಿಸಿದೆ. ಕೊರೊನಾ ವೈರಸ್: ವುಹಾನ್ನಲ್ಲಿ ಇನ್ನೂ ನಿಲ್ಲದ ಮರಣ ಮೃದಂಗ ಇತ್ತೀಚಿನ ದಿನಗಳಲ್ಲಿ ಕೊರೊನಾ ಸೋಂಕು ತೀವ್ರ ಕಡಿಮೆಯಾಗುತ್ತಿದೆ. ಆದರೂ ಹುಬೇಯ್ ಪ್ರಾಂತ್ಯದಲ್ಲಿ ಅಂದರೆ ವುಹಾನ್ನ್ಲಿ ಮತ್ತೆ 7 ಮಂದಿ ಮೃತಪಟ್ಟಿದ್ದು, ಸಾವಿನ ಸಂಖ್ಯೆ 3,160 ಕ್ಕೆ ಏರಿಕೆಯಾಗಿದೆ. ವುಹಾನ್ನಲ್ಲಿ 50,006 ಸೇರಿದಂತೆ ಒಟ್ಟು 67,801 ಕೋವಿಡ್ - 19 ಪ್ರಕರಣಗಳು ಹುಬೇಯ್ ಪ್ರಾಂತ್ಯದಲ್ಲಿ ವರದಿಯಾಗಿದೆ. ಒಟ್ಟಾರೆ ಚೀನಾದಲ್ಲಿ ಮಂಗಳವಾರ 78 ಹೊಸ ಪ್ರಕರಣಗಳು ಧೃಡಪಟ್ಟಿದ್ದು, ಕೊರೊನಾ ವೈರಸ್ನಿಂದಾಗಿ 3,277 ಮಂದಿ ಮೃತಪಟ್ಟಿದ್ದಾರೆ. ಈ ಪೈಕಿ ಹುಬೇಯ್ ಪ್ರಾಂತ್ಯದಲ್ಲೇ 7 ಮಂದಿ ಸೋಮವಾರ ಮೃತಪಟ್ಟಿದ್ದು, 35 ಶಂಕಿತ ಪ್ರಕರಣಗಳೂ ಪತ್ತೆಯಾಗಿದೆ.
from India & World News in Kannada | VK Polls https://ift.tt/2WCcm6s
